13

ഇന്നു തിയ്യതി 13. ദിവസം ചൊവ്വ. രണ്ടും ചീത്ത!
നമ്മുടെ ഹൈക്കോടതി പോലും ഭ്രഷ്ടു കല്‍പ്പിച്ചു നാടു കടത്തിയ നംബരാണു 13.
ചൊവ്വാഴ്ച്ച ഒരു നല്ല കാര്യവും ചെയ്യാന്‍ പറ്റിയ ദിവസമല്ലെന്നാണു വിശ്വാസം.
ഈ വിഡ്ഢി വിശ്വാസങ്ങളെയെല്ലാം വെല്ലു വിളിക്കുന്ന ഒരു മന്ത്രി നമുക്കുണ്ട്. വിദ്യാഭ്യാസമന്ത്രി എം എ ബേബി.
അദ്ദേഹം 13 നംബര്‍ തന്നെ ചോദിച്ചു വാങ്ങുന്നയാളാണ്. കാറിനും വീടിനും മുറിക്കുമൊക്കെ ആ നംബര്‍ തന്നെയാണ്.
SSLC പരീക്ഷാഫലം പ്രസിദ്ധീകരിക്കാന്‍ അദ്ദേഹം തെരഞ്ഞെടുത്ത ദിവസം ഇന്ന്. 13; ചൊവ്വ !!
തികഞ്ഞ യുക്തിബോധവും ആത്മവിശ്വാസവുമുള്ള ഈ മന്ത്രിയെ ഇക്കാര്യത്തില്‍ അനുമോദിക്കാതെ വയ്യ.
തന്റെ ഈ പ്രവര്‍ത്തനവും ഒരു വിദ്യാഭ്യാസപ്രവര്‍ത്തനമാണെന്നാണു ബേബി പറയുന്നത്.
കള്ള സന്യാസിമാരും ജ്യോത്സ്യന്മാരും പറയുന്നതനുസരിച്ച് വീടു പൊളിക്കുന്നവരും പൂമുഖം മാറ്റിപ്പണിയുന്നവരുമൊക്കെ ഈ മന്ത്രിസഭയില്‍ തന്നെ വേറെയുണ്ടെന്നു പറഞ്ഞു കേട്ടിട്ടുണ്ട്. അതു ശരിയാണെങ്കില്‍ നാം ലജ്ജിക്കേണ്ടിയുമിരിക്കുന്നു.