Thursday, September 13, 2007

മതം ഉപേക്ഷിക്കൂ; മനുഷ്യരാകൂ....!

മതങ്ങളും വിശ്വാസങ്ങളും മാനവപുരോഗതിയെ എത്രത്തോളം തടസ്സപ്പെടുത്തിയിട്ടുണ്ടെന്നു തിട്ടപ്പെടുത്താനാവില്ല. മതങ്ങളില്ലായിരുന്നെങ്കില്‍ ഒരായിരം കൊല്ലത്തെ നേട്ടങ്ങള്‍ കൂടി ഇതിനകം തന്നെ കൈവരിക്കന്‍ മനുഷ്യനു കഴിഞ്ഞേനെ! മനുഷ്യന്‍ കൈവരിച്ച എല്ലാ പുരോഗതിക്കും നിദാനമായത് സ്വതന്ത്രചിന്തയാണ്. എന്നാല്‍ ചിന്തിക്കാനുള്ള ശേഷി വേണ്ട വിധം പ്രയോജനപ്പെടുത്താന്‍ മഹാഭൂരിപക്ഷം മനുഷ്യര്‍ക്കും സാധ്യമാകാതെ പോയി. അന്ധവിശ്വാസങ്ങളാല്‍ ശീതീകരിക്കപ്പെടുകയും സംഘടിതപീഡനങ്ങളാല്‍ നിഷ്ക്രിയമാക്കപ്പെടുകയും ചെയ്ത മനുഷ്യബുദ്ധിയത്രയും സമൂഹത്തിനു പ്രയോജനപ്പെടാതെ നിഷ്ഫലമാവുകയാണു ചെയ്തത്. ശാസ്ത്രാന്വേഷികളും തത്വചിന്തകരും കലാപ്രതിഭകളുമൊക്കെയായി സമൂഹത്തിനു മുതല്‍ക്കൂട്ടാകുമായിരുന്ന അനേകായിരം ധിഷണാശാലികളെ മതം മുളയിലേ നുള്ളിയെറിഞ്ഞു.

യൂറോപ്പിനെ ദീര്‍ഘകാലം അന്ധകാരത്തില്‍ തളച്ചിട്ട മതം, സ്വതന്ത്രചിന്തകരോടും സത്യാന്വേഷികളോടും അനുവര്‍ത്തിച്ച ക്രൂരതകള്‍ അളവറ്റതാണ്‍. അന്വേഷണത്തിന്റെ എല്ലാ ജാലകങ്ങളും കൊട്ടിയടച്ച് താഴിട്ടു പൂട്ടി. മൌലികചിന്തകളെല്ലാം മതനിന്ദയായി വ്യാഖ്യാനിക്കപ്പെട്ടു. സത്യാന്വേഷണത്തിന്റെ ചോദനയായ സംശയങ്ങളും ചോദ്യങ്ങളും പൈശാചികതയായും ദൈവദൂഷണമായും ചിത്രീകരിക്കപ്പെട്ടു.

രോഗഹേതു ദൈവകോപമാണെന്ന വിശ്വാസം ചികിത്സാശാസ്ത്രത്തെ ദീര്‍ഘകാലത്തേക്കു മരവിപ്പിച്ചു. പ്രാര്‍ത്ഥനയും ബലിയും വഴിപാടുമായി ദൈവങ്ങളെ പ്രീണിപ്പിക്കുകയാണു വേണ്ടതെന്നും മരുന്നും ചികിത്സയും നിഷിദ്ധമാണെന്നും വിശ്വാസം ശഠിച്ചു. രക്തപര്യയനവ്യവസ്ഥയെക്കുറിച്ച് പഠനം നടത്തിയ സര്‍വീറ്റസിനെ വധിച്ചു.`ശരീരശാസ്ത്രത്തിന്റെ പിതാവ്` എന്നറിയപ്പെട്ട വസേലിയസ്സിനെ നാടു കടത്തി. സ്ത്രീകള്‍ക്ക് ഒരു വാരിയെല്ലു കുറവാണെന്ന വിശ്വാസത്തെ അദ്ദേഹം ചോദ്യം ചെയ്തു എന്നതായിരുന്നു കുറ്റം! വേദന ദൈവസ്ര്ഷ്ടിയായതിനാല്‍ വേദനസംഹാരൌഷധങ്ങള്‍ ദൈവ വിരുദ്ധമായി. “സ്ത്രീയേ നീ വേദനയോടെ പ്രസവിക്കും” എന്ന വെളിപാടു കല്‍പ്പനക്കു വിരുദ്ധമായതിനാല്‍ വേദനസംഹാരികളുപയോഗിച്ചുള്ള സുഖപ്രസവങ്ങള്‍ വിലക്കപ്പെട്ടു. ജനനനിയന്ത്രണം കൊടിയ പാപമാണെന്ന നിലപാടില്‍ മതം ഇന്നും ഉറച്ചു നില്‍ക്കുന്നു. പ്രക്ര്തിക്ഷോഭങ്ങള്‍ ദൈവിക ശിക്ഷയായതിനാല്‍ മിന്നല്‍ രക്ഷാ ഉപകരണങ്ങള്‍ പോലും ദൈവ കോപത്തിനിടവരുത്തുമെന്ന് വ്യാകുലപ്പെട്ടു. എഡിസണ്‍ വൈദ്യുതബള്‍ബു പ്രകാശിപ്പിച്ചപ്പോള്‍ ദൈവഹിതമായ ഇരുളിനെ ചോദ്യം ചെയ്തുകൂട എന്ന തടസ്സവാദം പോലും ഉയര്‍ന്നുവത്രേ!

നിരവധി കണ്ടുപിടുത്തങ്ങള്‍ നടത്തിയ റോഗര്‍ബേക്കണ്‍ എന്ന ശാസ്ത്രജ്ഞനെ 14 വര്‍ഷം തടവിലിടുകയും അദ്ദേഹത്തിന്റെ ക്ര്തികള്‍ നിരോധിക്കുകയും ചെയ്തു സഭ. ബ്രൂണോയെ ചുട്ടുകൊന്നു. ഗലീലിയോവിനെ തുറുങ്കിലിട്ടു. ഗണിതശാസ്ത്രജ്ഞനായ ഹെപ്പാറ്റിയായെ കൊല ചെയ്തു. ഫ്രാന്‍സിസ് ബേക്കണെ ജയിലിലടച്ചു. വൊള്‍ടയറെ പുറത്താക്കി.ജോന്‍ ഓഫ് ആര്‍ക്കിനെ ജീവനോടെ ചുട്ടു. വൈക്ലിഫിന്റെ അസ്ഥികള്‍ 31 വര്‍ഷങ്ങള്‍ക്കുശേഷം മാന്തിയെടുത്ത് ചുട്ടുകരിച്ചു. ആര്‍നോള്‍ഡ് ഒബ്രസിയായെ തൂക്കിക്കൊന്ന് കത്തിച്ച് ഭസ്മം നദിയിലൊഴുക്കി. ഫ്രഞ്ച് റിപ്പബ്ലിക്കിന് ശസ്ത്രജ്ഞന്മാരെ ആവശ്യമില്ലെന്നാക്രോശിച്ചുകൊണ്ട് രസതന്ത്രജ്ഞനായിരുന്ന ലാവോഷ്യയുടെ തല വെട്ടി.

വിമാനം കണ്ടുപിടിച്ചയുടനെ, സ്വര്‍ഗ്ഗത്തില്‍ മുട്ടിക്കാന്‍ ബാബേല്‍ ഗോപുരം പണിതവര്‍ക്കുണ്ടായ ദുരനുഭവം ഓര്‍മ്മിപ്പിക്കാനും പുരോഹിതര്‍ മറന്നില്ല .പെട്രോളിയം കണ്ടെത്തി ഖനനത്തിനൊരുങ്ങവെ അതും ഈശ്വരേച്ഛക്കെതിരെന്ന വ്യാഖ്യാനമുണ്ടായി. ലോകാവസാനദിനത്തില്‍ ഭൂമിയെ തകര്‍ക്കാന്‍ ദൈവം കരുതി വെച്ച ഇന്ധ്നമാണതെന്ന വാദവുമായി അമേരിക്കയില്‍ ഒരു പുരോഹിതന്‍ കോടതിയെ സമീപിച്ചുപോലും! ഡാര്‍വിന്‍ ,സ്പെന്‍സര്‍ ,ഹക്സ്ലി തുടങ്ങിയവരുടെ പുസ്തകങ്ങള്‍ക്ക് ഇങ്ഗ്ലണ്ടിലെ പ്രൊട്ടസ്റ്റന്റ്റ് സഭ വിലക്കേര്‍പ്പെടുത്തി.മാര്‍ക്സിന്റെയും ഡാര്‍വിന്റെയും ഫ്രോയിഡിന്റെയും ക്ര്തികള്‍ക്ക് മുസ്ലിം രാജ്യങ്ങളില്‍ ഇന്നും നിരോധനം നില നില്‍ക്കുന്നു. അലക്സാന്‍ഡ്രിയായിലെ അമൂല്യ വിജ്ഞാനശേഖരം അഗ്നിക്കിരയാക്കിയത് ഖുര്‍ ആന്‍ ഉയര്‍ത്തിപ്പിടിച്ചുകൊണ്ടായിരുന്നു.

മന്ത്രിച്ചൂതലും കൊമ്പുവെക്കലുമാണു മേത്തരം ചികിത്സ എന്നും, ഈച്ചയുടെ ഒരു ചിറകില്‍ രോഗവും മറ്റേ ചിറകില്‍ മരുന്നുമാണെന്നും വിശ്വസിച്ച ഇസ്ലാമികലോകത്തുനിന്നും വൈദ്യശാസ്ത്രത്തിനു കാര്യമായ സംഭാവനകളൊന്നുമുണ്ടായില്ല.

കുഷ്ഠം,അപസ്മാരം,മനോരോഗങ്ങള്‍ മുതലായവ ദുര്‍മന്ത്രവാദികളുടെ ലക്ഷണങ്ങളായി വ്യാഖ്യാനിക്കപ്പെടുകയും നിരപരാധികളായ അനേകായിരം രോഗികള്‍ അറുംകൊല ചെയ്യപ്പെടുകയും ചൈതു. അന്ധവിശ്വാസങ്ങള്‍ മനുഷ്യ പുരോഗതിക്കു വിലങ്ങുതടിയായതിന്റെ ഉദാഹരണങ്ങള്‍ അവസാനിക്കുന്നില്ല.

പ്രതിബന്ധങ്ങളെ ആത്മവിശ്വാസത്തോടെ നേരിടാനല്ല;വിധിക്കു കീഴടങ്ങാനാണു മതം മനുഷ്യനെ പ്രേരിപ്പിച്ചത്. ഇത് മനുഷ്യന്റെ കര്‍മ്മശേഷിയെയും അന്വേഷണകൌതുകത്തെയും നിഷ്പ്രഭമാക്കി. സുഖവും സന്തോഷവും പാപമാണെന്ന തോന്നലാണു വിശ്വാസികളെ മനോരോഗികളും പരപീഡനപ്രേമികളുമാക്കുന്നത്. വിധേയത്വവും മാനസികാടിമത്വവും ശീലിച്ച മഹാഭൂരി‍പക്ഷത്തെ മോക്ഷപ്രതീക്ഷയില്‍ മയക്കിക്കിടത്തി ചൂഷണം ചെയ്യാന്‍ അധികാരവും സമ്പത്തുമുള്ളവര്‍ക്കു ക്ഷിപ്രസാധ്യമായി.

ജീവിതത്തിലെ എല്ലാ ഉല്‍ക്കര്‍ഷ ചിന്തകളെയും മതം എതിര്‍ത്തു. നൈസര്‍ഗ്ഗികമായ ചോദനകളെയും സഹജമായ നന്മകളെയും അതു കരിച്ചുകളഞ്ഞു. പ്രക്ര്തിവിരുദ്ധവും നിരര്‍ത്ഥകവുമായ ഒട്ടേറെ ആചാരങ്ങള്‍ അതു മനുഷ്യന്റെ മേല്‍ കെട്ടിയേല്‍പ്പിച്ചു. പ്രയോജനരഹിതമായ കാര്യങ്ങള്‍ക്കായി സമ്പത്തും അധ്വാനവും ദുര്‍വ്യയം ചെയ്യാന്‍ അതു മനുഷ്യനെ നിര്‍ബന്ധിച്ചു.

ഇന്ത്യയില്‍ ജനങ്ങളുടെ ജീവിതപുരോഗതിക്കു തടസ്സം നില്‍ക്കുന്നതില്‍ വിശ്വാസത്തോളം വലിയ പങ്ക് മറ്റൊന്നിനുമില്ല.നമ്മുടെ പൊതുസമ്പത്തിന്റെ ഗണ്യമായ ഭാഗവും ചെലവഴിക്കപ്പെടുന്നത് മതകാലുഷ്യങ്ങളെ നേരിടുന്നതിനാണ്. കാശ്മീരിലെ ഭീകരവാദത്തെ ചെറുക്കാന്‍ നാം ചെലവിടുന്ന കോടികള്‍ക്കു കണക്കുണ്ടോ? അമര്‍നാഥിലെ തീര്‍ത്ഥാടകരെ രക്ഷിക്കാന്‍ മാത്രം ഖജനാവില്‍നിന്നും നല്ലൊരു പങ്ക് മാറ്റി വെക്കുന്നു. ദരിദ്രവാസികള്‍ക്കുള്ള റേഷന്‍ സ്ബ്സിഡി നിര്‍ത്തലാക്കുന്ന ഭരണകൂടം സമ്പന്നര്‍ക്കു മാത്രം നിര്‍ബന്ധമുള്ള ഹജ്ജിനു വന്‍ തുക സബ്സിഡി നല്‍കുന്നു. ജീവിതാഭിവ്ര്ദ്ധിക്കായി ചിലവഴിക്കേണ്ട ധനത്തിന്റെ സിംഹഭാഗവും മൂഡവിശ്വാസങ്ങള്‍ക്കും വ്യര്‍ത്ഥാനുഷ്ഠാനങ്ങള്‍ക്കുമായി വ്യയം ചെയ്യുന്ന ഒരു സമൂഹത്തിനു പുരോഗതി കൈവരിക്കാനാവുമോ?

കേരളത്തില്‍ അനാവശ്യമായി കെട്ടിയുയര്‍ത്തുന്ന പള്ളിമിനാരങ്ങള്‍ക്കു വേണ്ടി ഉപയോഗിക്കുന്ന കോണ്‍ക്രീറ്റിന്റെ പണം മാത്രം മതിയാകും ഇവിടെ വീടില്ലാത്തവര്‍ക്കെല്ലാം വീടു വെച്ചു കൊടുക്കാന്‍ . ഭക്തിയുടെ പേരില്‍ കത്തിച്ചു കളയുന്ന നെയ്യും നാളികേരവും മറ്റു ഭക്ഷണ വസ്തുക്കളും പോഷകാഹാരമില്ലാതെ കഷ്ടപ്പെടുന്ന ആദിവാസികള്‍ക്കു കൊടുത്താല്‍ അവരുടെ പട്ടിണി മാറിക്കിട്ടും. തീര്‍ത്ഥാടനങ്ങള്‍ ഒഴിവാക്കി പ്രാര്‍ത്ഥന വീട്ടിലാക്കിയാല്‍ത്തന്നെ അനേകം കോടി മിച്ചമുണ്ടാക്കാം.വാഹനാപകടങ്ങളുടെ 25%മെങ്കിലും കുറഞ്ഞു കിട്ടുകയും ചെയ്യും. സര്‍വ്വവ്യാപിയും സര്‍വ്വജ്ഞാനിയുമായ ഈശ്വരന്‍ വീട്ടില്‍ നിന്നു വിളിച്ചാലും കേള്‍ക്കാതിരിക്കുകയില്ലല്ലോ!

22 comments:

മന്‍സുര്‍ said...

ജബാര്‍

എഴുത്തുകളില്‍ ഇങ്ങിനെയൊക്കെ എഴുതി വെക്കാം പ്രശ്‌നമില്ല
പക്ഷേ നാട്ടില്‍ പരസ്യമായ് ഇതൊക്കെ പറയാന്‍ അല്‍പം ബുദ്ധിമുട്ടില്ലേ..
കൂടുതല്‍ പറയാനുണ്ടു പക്ഷേ ഇപ്പോ പറയുന്നില്ല



നന്‍മകള്‍ നേരുന്നു.

അനോണി ആന്റണി said...

ജബ്ബാറേ,
ഞാന്‍ വളരെ ശക്തമായ മതവിശ്വാസമില്ലാത്തയാളാണ്‌, എന്നാല്‍ മതത്തിനെ തള്ളിപ്പറയാന്‍ ആവുന്നില്ല, കാരണം

എല്ലാ മതത്തിന്റെയും തത്വചിന്തകള്‍ മനുഷ്യനോട്‌ നന്മ ചെയ്യാന്‍ ആവശ്യപ്പെടുന്നു. എന്താണ്‌ ഈ നന്മ എന്നു പറയുന്ന വസ്തു? സമൂഹത്തിലെ പാവങ്ങള്‍ക്കും അശരണര്‍ക്കും എത്തിക്കുന്ന സഹായം.

യുതി തെളിഞ്ഞവരോ ബുദ്ധി തെളിഞ്ഞവരോ നാലണയ്ക്ക്‌ ചായ പോലും മറ്റൊരുത്തനു വാങ്ങിക്കൊടുക്കുന്നില്ല. യുക്തിയോ മനുഷ്യസ്നേഹമോ വലുത്‌ എന്നു ചോദിച്ചാല്‍ ഞാന്‍ യുക്തി എടുത്തെറിഞ്ഞ്നു മനുഷ്യനെ സേവിക്കാന്‍ പോകും.

SHAN ALPY said...

മതമില്ലെങ്കില് പിന്നെന്ത് ധാര്മികത
ധാര്മികതല്ലെങ്കില് പിന്നെന്ത് ജീവിതം

Umesh::ഉമേഷ് said...

നല്ല ലേഖനം.

ea jabbar said...

മതവും ധാര്‍മികതയും.......!
അടുത്ത പോസ്റ്റ് കാണുക

Unknown said...

പ്രിയപ്പെട്ട ജബ്ബാര്‍ മാഷ്,

മതത്തെയും വിശ്വാസത്തെയും കുറിച്ചുള്ള ചര്‍ച്ചകള്‍ നടക്കട്ടെ. നന്‍മ ചെയ്യാനും തിന്‍മ ചെയ്യാതിരിക്കാനും ഒരാള്‍ക്ക് ദൈവവിശ്വാസം ആവശ്യമില്ലെങ്കില്‍ അയാള്‍ കേമന്‍ തന്നെ. പക്ഷെ, ഭൂരിപക്ഷം ശരാശരി മനുഷ്യരെയും സ്വര്‍ഗം കാണിച്ചു മയക്കിയും നരകം കാണിച്ചു പേടിപ്പിച്ചുമേ വരുതിക്കു കൊണ്ടു വരാന്‍ കഴിയുകയുള്ളൂ.ആ രീതിയില്‍ ചിന്തിച്ചാല്‍ മതവിശ്വാസം അപകടകരമല്ല.

പക്ഷേ, പ്രതിഫലം ഇച്ഛിക്കാതെ കര്‍മ്മം ചെയ്യുന്നവന്‍ തന്നെ കേമന്‍ എന്നു മനസ്സിലാ‍ക്കുവാന്‍ വലിയ ബുദ്ധിയൊന്നും ആവശ്യമില്ല.

ചര്‍ച്ഛയില്‍ പങ്കെടുക്കുന്ന വിശ്വാസികളോടൊരു കാര്യം. മതസഹിഷ്ണുത എന്നത് ഹിന്ദുവിന് മുസ്ലിമിനോടും ക്രിസ്ത്യാനിയോടും (എല്ലാവര്‍ക്കും നേരെ തിരിച്ചും) എന്നത്, അവിശാസികളോടും കൂടി വേണം. കാരണം അവര്‍ അവിശ്വാസികളായത് മനുഷ്യനന്മയില്‍ അമിതമായ വിശ്വാസമുള്ളതു കൊണ്ടാണ്.

ചര്‍ച്ചകള്‍ നടക്കട്ടെ.

താരാപഥം said...

പാശ്ചാത്യരാജ്യങ്ങളില്‍ മതാധിപത്യം ഇല്ലായ്മചെയ്ത തത്വചിന്തകന്മാരുടെയും പ്രതിഭാശാലികളെയും കുറിച്ച്‌ കുറെ കര്യങ്ങള്‍ ഇവിടെനിന്നും അറിഞ്ഞു. പക്ഷെ ആ കാലയളവില്‍ ഭാരതത്തില്‍ ഉണ്ടായിരുന്ന ചിന്തകന്മാര്‍ക്ക്‌ ഇങ്ങിനെയൊരു ദുര്യോഗം ഉണ്ടായതായി കേട്ടിട്ടില്ല. മതം ഇല്ലാതിരുന്നതുകൊണ്ടാകാം എതിര്‍പ്പുകള്‍ ഇല്ലാതിരുന്നത്‌. ബ്രാഹ്മണമേധാവിത്തം ഉണ്ടായിരുന്ന കാലത്ത്‌ കുറെ ക്രൂരതകള്‍ ഉണ്ടായിട്ടുണ്ട്‌. എങ്കിലും കണ്ടുപിടുത്തങ്ങളെയും ശാസ്ത്രസത്യങ്ങളെയും ഭാരതത്തിലുണ്ടായിരുന്നവര്‍ നശിപ്പിച്ചതായി കേട്ടിട്ടില്ല. തങ്കള്‍ക്ക്‌ എന്തെങ്കിലും അറിവുണ്ടെങ്കില്‍ വിശദീകരിക്കുമല്ലൊ. നമ്മള്‍ അറിയുന്നത്‌ വളരെ കുറച്ചു മാത്രമാണ്‌.

Anonymous said...

ജബ്ബാർ മാഷേ മാഷിന്റെ മതം ഉപേക്ഷിക്കു മനുഷ്യരാകു എന്ന പോസ്റ്റ് ഞാൻ എന്റെ ഒരു പോസ്റ്റിന് റെഫറൻസ് കൊടുക്കുകയാണ് വിരോധമില്ലല്ലോ.....

Sajid Usman said...

പ്രിയ ജാബ്ബാര്‍ മാഷേ ,

അന്തമായ വിദേശ്യം അത് നല്ലടല്ല എന്നകര്യതിലെന്കിലും ഞാനും മാഷും യോജിക്കുമെന്നു കരുതുന്നു. വിയോച്ജിക്കാന്‍ വേണ്ടി വിയോചിക്കുക എന്നതും -

ഇവിടെ മാഷ് ഇസ്ലാമിനെ എതിര്‍ക്കുക എന്ന ഒരൊറ്റ ലക്ഷ്യതിനാണ് ഈ സമയം മുഴുവന്‍ ഉപയോഗിക്കുന്നത്. മതം ആണ് നമ്മുടെ സമ്പത്തിന്റെ നല്ലൊരു പങ്കു കൊണ്ടു പോവുന്നു എന്ന് പരിതപിക്കുന്ന മാഷ് രാഷ്ട്രീയം കൊണ്ടു പോകുന്ന പണത്തെ കാണാതെ പോകുന്നു.

സന്കല്പങ്ങള്‍ അല്ല യാദര്തങ്ങ്ല്‍ ആയിരിക്കണം മാഷേ പോലുള്ള ഒരാള് പറയേണ്ടിയിരുന്നത്. ഇന്ത്യ മഹാരാജ്യത്ത് ഏറ്റവും കൂടുതല്‍ പണം ചിലവഴിക്കുന്നത് രാഷ്ട്രീയ പ്രവര്‍ത്തനഗ്ല്ക്ക് തന്നെയാണ്. അത് പോലെ പള്ളി മിനാരങ്ങള്‍ ടീര്‍ക്കനുപയോഗിച്ച സിമെന്റിലും കൂടുതല്‍ ഇവിടെ രാഷ്ട്രീയ പാര്‍ടികള്‍ പ്രതേകിച്ചും സി പി എം , തങ്ങളുടെ ഓഫീസ് നിര്‍മിക്കാന്‍ ഉപയോഗിച്ചിട്ടുണ്ട് . ഇതൊന്നും ജാബ്ബാര്‍ മാഷേ പോലുള്ളവര്‍ കാണില്ല. കാരണം അവര്ക്കു വേണ്ടത് സത്യങ്ങള്‍ അല്ല - ദൈവം ഒരാളുടെ ഹൃദയത്തെ അടച്ചാല്‍ പിന്നെ തുറന്നു കൊടുക്കുന്നവനായി ഭൂമിയില്‍ അആരുണ്ട്?

100 varshatholam മാതമേ ഇല്ലാത്ത റഷ്യ അന്ന് എന്തായിരുന്നു അതിന്റെ ഇന്നത്തെ കട എന്താണ്?

ലോകത്ത് ഏറ്റവും കൂടുതല്‍ വേശ്യകള്‍ സപ്ലൈ ചെയ്യപ്പെടുന്നത് റഷ്യ യില്‍ നിന്നാണ്. ചരിത്രം നമ്മുടെ മുന്നില്‍ ഒരു പാടപുസ്ടകം പോലെ കിടന്നിട്ടും മലര്‍ന്നു കിടന്നു തുപ്പുന്ന മാഷോട് സഹതാപം തോന്നുന്നു. ചിന്ടിക്കുന്നവര്‍ക്കുള്ള ദ്രിസ്ടന്തങ്ങള്‍ ഇവിടെ വേണ്ടുവോളമുണ്ട്, - മാഷിന്റെ തന്നെ പല ലേഖനങ്ങളുടെയൌം ഇടയില്‍ പോലും ദൈവം ഒളിച്ചിരിപ്പുട്ടു.

മാഷ് ആവര്‍ത്തിക്കുന്ന അതെ ഖുര്‍ആന്‍ തുറന്ന മനസ്സോടെ നിറഞ്ഞ പ്രാര്‍ത്ഥനയോടെ ഒന്നു കൂടി ഒരാവര്‍ത്തി വായിക്കണം എന്ന് വിനീതമായി അപേക്ഷിക്കുന്നു -



സാജിദ്

Anonymous said...

മതം ഉപേക്ഷിച്ച്‌ താങ്കെളെന്തിലേക്കാണെന്നെ ക്ഷണിക്കുന്നത്‌.

ഞാന്‍ സര്‍വ്വ മത സത്യവാദത്തിന്റെ വക്താവല്ല. എന്നാല്‍ സത്യമെന്ന്‌ ഞാന്‍ ഉറച്ചു വിശ്വസിക്കുന്ന ഇസ്ളാമിനെ കുറിച്ച്‌ രണ്ട്‌ വാക്ക്‌.

ഫ്രോയിടിന്റെ അബദ്ധജടിലമായ നിരീക്ഷണങ്കളോടും ഡാര്‍വിന്റെ പരിണാമ സിദ്ധാന്തത്തോടും മാര്ക്സിയന്‍ മതനിരാസത്തോടും ഇസ്ളാം എതിര്‍പ്പു പുലര്‍ത്തുന്നു ശരി തന്നെ. കാരണം അഭൌമികമായ ശക്തി സ്ത്രോതസ്സില്‍ നിന്നുള്ള ഖുര്‍ആനിക ആദര്‍ശത്തെ പിന്‍പറ്റുന്നവരാണ്‌ മുസ്ളീങ്ങള്. താങ്ങളുദ്ദരിക്കുന്ന ഈച്ചയും ഊത്തും താങ്കള്ക്ക്‌ ചെറുതായി തോന്നാമ്. പക്ഷേ, അല്ലാഹുവിന്‌, ഉണ്ടാവുക എന്നാഞ്ജാപിക്കേണ്ടതേയുള്ളൂ ഉണ്ടാവാന്‍ .

ഇസ്ളാം വിഞ്ജാനത്തിന്‌ തടയിട്ടില്ല. മറിച്ച്‌ നിരക്ഷരനായ അന്ത്യ പ്രവാചകന്‌ 'വായിക്കുക' തുടങ്ങിയ ഖുര്‍ആന്. അഞ്ജരായ ഒരു ജനതയെ ഇരുപതി മൂന്ന്‌ വര്‍ഷം കൊണ്ട്‌ ലോകത്തിന്റെ നന്മയുടെ സൂക്ഷിപ്പുകാരാക്കി.

ഓര്‍ക്കുക, താര്‍ത്താരികളുടെ ബാഗ്ദാദധിനിവേശത്തില്, ടൈഗ്രീസിനു കുറുകെ പാലം കെട്ടാന്‍ മാത്രം പുസ്തകശേഖരം ഇസ്ളാമിക ലോകത്തുണ്ടായിരുന്നു.

കീമിയായില്‍ നിന്ന്‌ കെമിസ്ട്രിയുമ്, അതു പോലെ മറ്റെനേകം ശാസ്ത്ര വിവരങ്ങളും സ്പെയിനെന്ന ഇടനാഴിയിലൂടെ ഇസ്ളാമിക ലോകത്തു നിന്ന്‌ ഒഴുകിയെത്തിയതാണെന്ന സത്യമ്, താങ്കളെ പോലെ ഒരഞ്ജാനി പടക്കം പൊട്ടിച്ചത്‌ കൊണ്ട്‌ മാത്രം അല്ലാതാവാന്‍ പോകുന്നില്ല.

തിന്മയെ നന്മകൊണ്ട്‌ നേരിടാനുമ്, ആ വഴിയില്‍ വരുന്ന പ്രതിബന്ധങ്ങളെ ക്ഷമയോടെ നേരിടാനും -സൂറ: യൂനുസ്‌ , പഠിപ്പിക്കുന്ന ഇസ്ളാം ഒട്ടകത്തെ കെട്ടിയിട്ട ശേഷം അല്ലാഹുവില്‍ ഭരമേല്പിക്കാന്‍ ആവശ്യപ്പെടുന്നു. ഇസ്ളാമിനോളം മനുഷ്യ മനസ്സിനെ അറിഞ്ഞ മറ്റോരു പ്രത്യയ ശാസ്ത്രവും ഇല്ല തന്നെ.

ചൈനയില്‍ പോയി വിദ്യ അഭ്യസിക്കാന്‍പറഞ്ഞു പ്രവാചകന്, വിധ്യ തേടിയിറങ്ങിയവന്‍ ദൈവിക മാര്‍ഗത്തിലാണെന്നു പറഞ്ഞു. മനുഷ്യ ചിന്ത ഉദ്ദീപിപ്പിക്കാന്‍ ഖുര്‍ആനോളം സാധിച്ച മറ്റൊരു ക്ര്^തിയും ഇല്ല. ദാസ്‌ കാപ്പിലോ മറ്റേതെങ്കിലും ക്ര്^തിയോ ഖുര്‍ആനൊരു താരതമ്യമേ ആകുന്നില്ല.

മദീനയിലെ ഈന്തപ്പനകൂരയിലുരുന്ന്‌. റോമിലേയും പേര്‍ഷ്യയിലേയും സാമ്രാജ്യാധിപതികള്ക്ക്‌ കത്തെഴുതുന്ന ആ ആത്മ വിശ്വാസം പില്‍ക്കാല മുസ്ളീങ്ങളെ പാരീസിന്റെ പടിവാതില്‍ക്കലെത്തിച്ചു.

സോദരാ, ജന്മം കിട്ടിയ സൌഭാഗ്യം തട്ടിയെറിഞ്ഞ്‌ പാരത്രിക നഷ്ടത്തിന്‌ ഇട നല്‍കരുത്‌. പറയുക " അല്ലാഹുവല്ലാതെ ആരാധ്യനില്ലെന്നുമ്, മുഹമ്മദ്‌ അല്ലാഹുവിന്റെ പ്രവാചകനാണെന്നുമ്".

ഒരു നദിക്കരയില്‍ നദി മുറിച്ചു കടക്കാന്‍ വിശമിച്ച്‌ നില്‍ക്കുന്ന ഞാന്‍ ഒഴികി വരുന്ന ഒരു മരത്തടി എനിക്കു മുന്നില്‍ വച്ച്‌ എനിക്കു പാകത്തില്‍ ഒരു തോണിയായി തീര്‍ന്നു എന്ന്‌ പറയുന്നതിനോളം ബാലിശമാണ്‌. ലോകം താനെ ഉണ്ടായതാണെന്ന താങ്കളുടെ യുക്തി ചിന്ത.

അല്ലാഹു സര്‍വ്വ വ്യാപിയാണ്‌, അവന്‍ എവിടെയിരുന്ന്‌ വിളിച്ചാലും വിളി കേള്‍ക്കുമ്. പൊങ്ങച്ചം കാണിക്കാന്‍ ഉയര്‍ത്തുന്ന പള്ളി മിനാരങ്ങാള്‍ ധൂര്‍ത്താണെന്നെതില്‍ സംശയമില്ല, ഇസ്ളാം ധൂര്‍ത്തിനെ അതി നിശിതമായി വിലക്കുന്നു.

പ്രവാചക സഹചാരിയുടെ താങ്കളുടെ ചര്യ എന്താണെന്ന ചോദ്യത്തിന്‌, പ്രവാചകന്‍ പറഞു.

അറിവാണ്‌ എന്റെ മൂലധനം
വിവേകമാണ്‌ എന്റെ ദീനിന്റെ സത്ത
സ്നേഹമാണെന്റെ അടിത്തറ
അഭിലാഷമാണെന്റെ വാഹനം
ദൈവ സ്മരണയാണെന്റെ കൂട്ടുകാരന്‍
വിശ്വസ്തതയാണെന്റെ ഭണ്ടാരം
ദുഖമാണെന്റെ സഹചാരി
വിഞ്ജാനമാണെന്റെ ആയുധം
ക്ഷമയാണെന്റെ വസ്ത്രം
സംത്ര്^പ്തിയാണെന്റെ സമ്പത്ത്‌
ദാരിദ്യ്രമാണെന്റെ അഭിമാനം
വിരക്തിയാണെന്റെ സ്വഭാവം
ദ്ര്^ഡവിശ്വാസമാണെന്റെ ശക്തി
സത്യസന്ധതയാണ്‌ എന്റെ ശുപാര്‍ശകന്‍
അനുസരണമാണ്‌ എന്റെ തറവാട്‌
ത്യാഗമാണെന്റെ പ്രകൃതം
പ്രാര്‍തനയാണെന്റെ സന്തുഷ്ടി.

സഹോദരാ തിരിച്ചറിയുക, വൈകും മുന്പ്‌.

ഫത്തു said...

ജബ്ബാര്‍ മാഷേ...
തട്ടിവിട്ടിരിക്കുന്നത് കൊള്ളാം. ഇതൊരു മറിമരുന്നായി ചോദിക്കുന്നില്ല, എങ്കിലും... കേരളത്തേയോ അല്ലെങ്കില്‍ ഇന്ത്യയേയോ എന്നോ പുരോഗതിയിലെത്തിക്കേണ്ട സെസിന്റെ പേരില്‍ ഇന്നും കേരളത്തില്‍ അനിശ്ചിതത്വം നിലനിര്‍ത്തുന്ന കമ്മ്യൂണിസത്തിന്റെ വാദഗദിയാണോ ഇത്? അല്ലെങ്കില്‍, താങ്കള്‍ കര്‍ഷകര്‍ക്ക് വേണ്ടി വാ തോരാതെ എഴുതിയത് കണ്ടു. ആയിരക്കണക്കിനു ബംഗാളീ കര്‍ഷകരെ കുടിയൊഴിപ്പിച്ച്, നൂറുകണക്കിനു കര്‍ഷകരെ കാഞ്ജിക്ക് മുന്നില്‍ ജീവിതം തീര്‍ത്ത “പുരോഗതിയുടെ കമ്മ്യൂണിസമാണോ താങ്കള്‍ സംസാരിക്കുന്നത്? കേരളത്തില്‍ ഇന്നേവരെ പൂര്‍ണ്ണമായും മതത്തിലധിഷ്ഠിതമായ, അല്ലെങ്കില്‍ മതത്തിനു വേണ്ടി നില കൊണ്ട ഒരു ഭരണകൂടം വന്നിട്ടുണ്ടെന്ന് തോന്നുന്നില്ല. എന്നിട്ടും എന്ത്യേ നൊബേല്‍ ജേതാക്കളുടെ പട്ടികയില്‍ കേരളത്തിനു സ്ഥാനം ലഭിക്കാത്തത്. അതുമല്ലെങ്കില്‍ എന്തുകൊണ്ട് ശാസ്ത്രഞ്ജരുടെ പട്ടികയില്‍, ബംഗാളില്‍ നിന്നും ഒരാള്‍ക്കും സ്ഥാനം ലഭിക്കാത്തത്. എന്തിന്, നാഴികക്ക് നാല്പത് വട്ടം ചെഞ്ചോരയില്‍ കളിക്കുന്ന യുക്തിവാദികളുടെ മാതൃ-സംഘടനക്ക് ചോരയുടേയും, പൌരാവകാശതിന്റേയും പേരില്‍ സംസാരിക്കാന്‍ എന്ത് ന്യായം? ബംഗാളില്‍ ഓരോ താലൂക്കുകളിലും എത്ര വിദ്യാലയങ്ങള്‍ ഉണ്ടെന്ന് താങ്കള്‍ തിരക്കിയിട്ടുണ്ടോ? ഇനിയും സൂര്യനും, ചന്ദ്രനും അല്ലാതെ വെളിച്ചം തരുന്ന ഒരു വസ്തുവും പ്രപഞ്ജത്തിലില്ല എന്ന് വിശ്വസിക്കുന്ന എത്ര ബംഗാളികള്‍ ഇന്നും ജീവിക്കുന്നു എന്ന് സിഗൂര്‍ കല്ലപത്തിനു ശേഷം വന്ന റിപ്പോര്‍ട്ടുകള്‍ സൂചിപ്പിക്കുന്നു.
ഇനി ഓരോ ശാസ്ത്രഞ്ജരുടേയും ജീവിതചരിത്രം വായിച്ച് നോക്കുക. ബഹുഭൂരിഭാഗവും പൂര്‍ണ്ണമായല്ലെങ്കിലും, ഭാഗികമായെങ്കിലും മതവിശ്വാസികളായിരുന്നു. നോബേല്‍ സയ്ന്റിസ്റ്റ് ലിസ്റ്റില്‍ മിക്കവാറും ജൂതമതസ്തരാണ്. അല്ലെങ്കില്‍ അവര്‍ അങ്ങനെ അറിയാന്‍ താല്പര്യപ്പെട്ടിരുന്നു. ഇനി താങ്കള്‍ വിശ്വസിക്കുന്ന, അല്ലെങ്കില്‍ താങ്കളെ തെറ്റിദ്ധരിപ്പിച്ചിരിക്കുന്ന യുക്തിവാദി നേതാക്കളില്‍ മിക്കവരും, ആരാധനാലയങ്ങളില്‍ പോകുന്നതിന് ഇന്നും വ്യക്തമായ തെളിവുകള്‍ കേരളാ മാധ്യമങ്ങള്‍ക്ക് നല്‍കാന്‍ സാധിക്കും.(അതൊക്കെയാണല്ലോ ഈയിടെയായി വിവാദങ്ങളുയര്‍ത്തിയതും). അല്ലെങ്കില്‍ നിരീശ്വരനില്‍ വിശ്വസിക്കുന്ന കമ്മ്യൂണിസത്തിനു എന്തിനൊരു ദേവസ്വം മന്ത്രി. (അതില്‍ കയ്യിട്ട് വാരാനായിരിക്കും). ഇത്രയും താങ്കള്‍ വിശ്വസിക്കുന്ന യുക്തിവാദത്തിന്റെ പോരായ്മകള്‍.

ഇനി താങ്കള്‍ തെറ്റിദ്ധരിക്കപ്പെട്ട മതം, വല്ലപ്പോഴെങ്കിലും പഠിക്കാന്‍ ശ്രമിച്ചിട്ടുണ്ടോ എന്ന് സ്വയം ചിന്തിച്ച് നോക്കുക.
17-ആം നൂറ്റാണ്ട് വരെ ഒരു കഞ്ഞ് അതേപടി ഗര്‍ഭാശയത്തില്‍ വളര്‍ന്ന് പിറവിയെടുക്കലാണെന്ന് വിശ്വസിച്ചിരുന്ന യുക്തിവാദികള്‍ക്ക് തിരിച്ചടിയായി 6-ആം നൂറ്റാണ്ടില്‍ തന്നെയിറങ്ങിയ ഖുര്‍ആന്‍ വ്യക്തമാക്കി. അത് X,Y ക്രോമോസോമിന്റേയും, വിശാലതകളെ പറഞ്ഞ് തന്നു. പില്‍കാലത്ത് വന്ന ശാസ്ത്രസമൂഹം റെഫറന്‍സിനു വേണ്ടി ഖുര്‍ആനെ വരെ സമീപിച്ചു. പ്രൊഫ. കീത്ത് മൂര്‍ പോലുള്ള ശാസ്ത്രഞ്ജര്‍ പിന്നീട് ഇസ്ലാം സ്വീകരിച്ചതും സ്വാഭാവികം.
ഒരുകാലത്ത് ഒരു ആറ്റമാണ് ഒരു വസ്തുവിന്റെ അവസാന ഭാജ്യം എന്ന് വിശ്വസിച്ചിരുന്നു. അന്നും ഖുര്‍ആന്‍ അതിലും ചെറിയവയെ (പ്രോട്ടോണ്‍, ന്യൂട്ട്രോണ്‍...) പരിചയപ്പെടുത്തി തന്നു. സൂര്യന്‍, ചന്ദ്രന്‍, മറ്റു നക്ഷത്രസമൂഹം ഉള്‍ക്കൊള്ളുന്ന ഗ്യാലക്സിയേയും, അതിന്റെ ദൈനംദിന വളര്‍ച്ചയേയും ഖുര്‍ആന്‍ പറഞ്ഞുതന്നു. കര, കടല്‍, മഴ, പര്‍വ്വതങ്ങള്‍, എന്ന് വേണ്ട, മനുഷ്യന്‍ അറിയുന്നതും അറിയാത്തതുമായ കാര്യങ്ങള്‍ പറഞ്ഞുതന്ന ഖുര്‍ആന്‍ ലോകത്തിനു മുമ്പില്‍ അവതരിപ്പിക്കപ്പെട്ടത് മനുഷ്യബുദ്ധുക്ക് മനസ്സിലാകുന്ന ഭാഷയില്‍ തന്നെയാണ്. അത് ഇന്നും, സംസാരിക്കുന്നത് സ്നേഹത്തിന്റെ ഭാഷയിലും, അതിന്റെ ലക്ഷ്യങ്ങളില്‍ ഒന്ന് ലോകത്ത് സമാധാനം സൃഷ്ടിക്കലും തന്നെയാകുന്നു. നമ്മുടെ മനസ്സും ശരീരവും വളരെ കുടുസ്സായതിനാല്‍, അത് മനസ്സിലാക്കാനുള്ള കഴിവ് നമുക്ക് ഇല്ലാതെ പോകുന്നു എന്നത് തന്നെയാണ് സത്യം.
അടുത്ത് തന്നെ ഖുര്‍ആനിന്റെ വിശാലതയെ കുറിച്ച് ഒരു പോസ്റ്റ് പ്രതീക്ഷിക്കാം. വായിക്കുമെന്ന് പ്രതീക്ഷിക്കുന്നു.
http://kafathah.blogspot.com/

..naj said...

Jabbar (Mash ?) He is only swimming on the surface. He cannot dive into the deep. He only speaks on What he sees on the surface. Whatever logic he says is absolutely ideocracies and illogical. The concept about God he understand is something different and he think that all people understand the same the way he understandg. That is the probelm he has. Thus foolishness he illustrates and attributes on the religion. He is like a man who hold the Car picture upside down and says Car is turned over by an accident and tells the people so. The wise people will understand the real problem of the man.

He never seems to understand but he enjoys maligning Islam. Let him to do so. Muslims are not like him to listen his blunders from his thoughts.

I hope all get it.

..naj said...

People ignorant about Islam are always bashing Islam and keep it on fire line. Observing the people, I find that Atheism emerges in a circumstances where people applies logics and reason behind the belief that their family inherits or follows. This can be mainly seen in a religion which have many Gods and Goddesses and the fairy tales about their Gods. This will ofcourse lead any human with sense to a theory of rejecting the faith in God/s. The stories behind the God/s and their shapes is nothing but ideocracies which make some people as Athiest. So what is the truth then. Is it wise to deny the power behind the creation of the universe. Or can we just conclude blindly that saying no one behind the creation. Then there is no difference in between Athiesm and aforementioned belief.
People who believes in stories and images of God and people who denying the God are same as both group just believing so as it makes no sense for them. But rather they just inherits the belief. These both are comfortably live with their affairs where they find no difficulty in their routine life. It makes no difference whether they denying God or just believing in religion keeping the blind belief that they inherited from their parents.
Then what is the truth. Here is the creator intervenes in the affairs of his creation. He is the all knowing and seeing. Exploitation takes place in a society where people are ignorant. Political exploitation and religious exploitation are lively in human society. Both religious or political leaders who find the possibility to abuse/exploit people in the name of their instiution. People could be easily fooled and exploited by the man made ideology. Who got power and money can do anything as per their wish if none out there for accountability. Any such leader can easily trap innocents with their power. Anyone could be betrayed. So then what a human can really rely on for the injustice done to them. What about the poor people who are treated like slaves and whose needs ignored by the authority. Is it justifiable that they run their life in miserable condition where they face many sufferings. Then this world is full of injustice as we could see rich people enjoys in one side and poor suffering throughout their life. Some enjoyes and some going through hardships. Then what is the matter of humanity if no accountability. What is the meaning trust. Why should people bother about such technical words. Anyone can easily say lie and cheat others. Anyone can create any problem which they find for their interest.
But, we cannot call it justice. Our man made system is filled with bias notions and interest. Ultimate justice cannot be taken place. By political and money influence anyone can do harm to people, women abuse, child abuse and killings, gang war, Mafia etc. Lacking of evidence or by destroying evidence can easily let culprits escape. Then where is the final justice.

Here is the logic of the creator. And ofcourse our universe establishes the truth. As the Quran says it clear. It rejects all man made Gods, and faith where priests and leaders exploits people for their wealth. So it strictly forbids such belief. And it says that “ Do you think that you are created for nothing that you can enjoy life the way you want. Do you think that will you not be accountable for your wrong deed ? Everything you do in your life will be brought for final judgement and you will be dwell forever to enjoy what you earned in hell fire.

What mistake you have all is you view Islam is like other religion. That is the first great mistake. Islam is from the beginning of human creation. Islam does not represent any name of person or any group. Rather it is the name of a quality that is acquired by the right action. Islam means, submitting the will to the almighty there by acquiring the peace. By God fearing only one can acquire peace. Then only everyone will be conscious about their acts for the sake of God. If none outthere, then what makes human to holdback from doing wrong and injustice. You must study from that point. Without bias, Without anger, without negation, without pre-conceived notion, all you study Islam. Then you will see the logic, and will see the justice. Islam makes equality where all are same irrespective of rich, poor, king or people, Arabs or non-arabs, black or white all are same. This is the only religion which practically show the equality where no casts and creed. In all the Ebada (worship not the right word but no alternative). All good things belongs to Islam, All bad things against Islam. This is the Islam can be interpreted.
All whatever goodness you carry is from the practices of Islam or religion around. Aethism itself cannot teach morals and good. Whatever derived and acquired from parents, family and circumstances where religion taught morals and good things.

About Scientific inventions, Knowledgeable person can find that almost of all the inventions were made after prophet time. Islam has such high influence on people's mind who made great inventions which we enjoy now. Just search web, will get details. Modern medicine by Ibn Sinna (Avicenna), Aljibra (Ali Jibran), Logartithm by Ali Gorth, Chimistry, by Ali Chemi, Mathematics by Ibn Hythem, Ibn Razi-phisics, Astronomy, there are many, time and space not permit me to go for all. But people who have sense can find the truth. All the knowledge you people acquire from their base and not your own. Islam makes human with sense not let people to go behind idols and priests.

So do not blindly stone Islam and use the wisdom to learn it. Don’t look at black sheeps who malign Islam with inhuman acts.

I hope this will give you some enlightenemetn, my typing may have error in sentece

naj

..naj said...

Atheism is one of the man made ideocracy which is based on foolish assumption which emerges from a closed mind. The real religion makes sense of life. Sense of human is the wonderful technology by which people comprehend to disern what is right and what is wrong. That is the only thing which make human to deal with logic. If no sense, they can do anything even it hurts anyone or abuse anyone. They do not bother about what others feel. Conscience will wary in each individual as they will justify with every action as per their interest. Then what is the solution. I leave this logic question for Athiest to bring.

Anyhow, Here is great truth about what is all about, Islam, how it made the civilised society, how it made influence on our ancestors who were great scientists. More details can get for my Athiest friends, Read without bias,

Muslim contribution to humanity and Islamic Civilization. This site is dedicated to those Muslims whose multi-disciplinary contributions sparked the light of learning and productivity and without whom the European Renaissance would not have begun and come to maturity. Their contributions are rarely mentioned in formal education, and if at all mentioned their names are Latinized or changed with the effect of obscuring their identity and origin, and their association with the Islamic Civilization.

http://www.cyberistan.org/islamic/quote1.html
http://www.cyberistan.org/islamic/places1.html
http://www.cyberistan.org/islamic/islam1.html
http://www.cyberistan.org/islamic/latintr1.html
http://www.cyberistan.org/islamic/prophhs.html
http://www.cyberistan.org/islamic/prophhs.html#introhs
http://www.cyberistan.org/islamic/prophhs.html#moreprop

പകരം ആള്‍ക്കൂട്ടം said...

മതം ഉപേക്ഷിക്കാന്‍ പുരോഹിതന്മാര്‍,സമുദായ രാഷ്ട്രീയക്കാര്‍ എന്നിവര്‍ സമ്മതിക്കില്ല മാഷേ ഉദരനിമിത്തം ...........

anzar thevalakkara said...

ea jabbar said...
മതങ്ങളും വിശ്വാസങ്ങളും മാനവപുരോഗതിയെ എത്രത്തോളം തടസ്സപ്പെടുത്തിയിട്ടുണ്ടെന്നു തിട്ടപ്പെടുത്താനാവില്ല. മതങ്ങളില്ലായിരുന്നെങ്കില്‍ ഒരായിരം കൊല്ലത്തെ നേട്ടങ്ങള്‍ കൂടി ഇതിനകം തന്നെ കൈവരിക്കന്‍ മനുഷ്യനു കഴിഞ്ഞേനെ! മനുഷ്യന്‍ കൈവരിച്ച എല്ലാ പുരോഗതിക്കും നിദാനമായത് സ്വതന്ത്രചിന്തയാണ്.
അതെ ..ശരിയാണ്.മഹത്തായ സോഷ്യലിസം നടപ്പാകാന്‍ വേണ്ടി മതരഹിതര്‍ റഷ്യയിലും മറ്റും കൊന്നൊടുക്കിയത് കോടിക്കണക്കിനു പേരെ(ഒരായിരം കൊല്ലം വിജാരിച്ചാലും മത വിശ്വാസികള്‍ക്ക് കഴിയാത്തത് )...തീര്‍ച്ചയായും അത് അഭിനന്ടനാര്‍ഹമാണ്.കാരണം നമ്മുടെ ശാപമായ ജനസംഖ്യാ വര്‍ധനവിനെ ഒരു പരിധി വരെ തടഞ്ഞു നിര്‍ത്തിയത് അവരല്ലേ? അത് കൊണ്ടല്ലേ ആ രാജ്യങ്ങളിലെ കുഞ്ഞുങ്ങള്‍ പോലും പില്‍കാലത്തു ആ മത രഹിതന്‍മാരുടെ വിഗ്രഹങ്ങള്‍ക്ക്(സോറി...പ്രതിമ ) നേരെ ചെരിപ്പും കല്ലും എറിഞ്ഞത്?ആ മഹത്തായ സോഷ്യലിസത്തിന്റെ സന്തതികളല്ലേ ഇന്നു ദുബായ് ഉള്‍പെടെയുള്ള രാജ്യങ്ങളില്‍ വന്നു ഒരു നേരത്തെ ഭക്ഷണത്തിന് വേണ്ടി ഉടുതുണി ഉരിയുന്നത്...?എന്നിട്ടും പ്രതി മതങ്ങള്‍ മാത്രം.

പകരം ആള്‍ക്കൂട്ടം said...
മതം ഉപേക്ഷിക്കാന്‍ പുരോഹിതന്മാര്‍,സമുദായ രാഷ്ട്രീയക്കാര്‍ എന്നിവര്‍ സമ്മതിക്കില്ല മാഷേ ഉദരനിമിത്തം ...........

ഉദരനിമിത്തം .യുക്തിവാദികളുടെയും .....കഷ്ടം...

sanchari said...

മതം സകല പുരോകതിക്കും തടസ്സം നിന്നു, മഹാ കഷ്ടം തന്നെ, ഈ മതങ്ങളില്ലായിരുന്നു, എങ്കില്‍ ഞങങള്‍ ഇവിടെ എന്തൊക്കെ ചെയ്യുമായിരുന്നു, അതിന്നു ഈ മതങ്ങള്‍ sammathichittu വേണ്ടേ. "നമ്മുടെ എപിക്യുറിയന്‍ മാര്‍ മനുഷ്യ സമൂത്തിന്നു വേണ്ടി ചെയ്തിട്ടുള്ള പുരോഗമന പരമായ ഒരു കാര്യം ചൂണ്ടിക്കാണിക്കാമോ?.".......... ആ ഉണ്ട് ഉക്രയിനിലെ മൂന്നു കോടി കര്‍ഷകരെ പട്ടിണിക്കിട്ട് കൊന്നു. കൂടാതെ ഇന്നും കണ്ണൂരില്‍ ആവര്‍ത്തിക്കുന്ന വേണ്ട കേരളത്തില്‍ എവിടെ ഒരു നര വേട്ട നടന്നാലും അതിലുള്ള എപിക്യുറിയന്‍ പങ്ക് തെളിഞ്ചു കാണാം അത് കൊണ്ടു മതം ഉപേക്ഷിക്കുക നാം മതത്തിന്റെ അരുതുകളില്‍ നിന്നു സ്വതന്ത്രരാവുക അവിടെ നമുക്ക് സ്വര്‍ഗം തീര്‍ക്കാം
ആ സ്വാതന്‍തൃം എങ്ങനെ ആവണമെനനുളള സാമ്പിള്‍ കുടി കാണിച്ചു തരാം യുക്തിവാദി സാഹിത്യത്തില്‍ നിന്നു
മദ്യപിക്കരുത് വ്യഭിച്ചരിക്കരുത് മോഷഠികകരുത് തുടങ്ങിയ അരുതുകള്‍ മത പരമായ ചില വിലക്കുകള്‍ മാത്രമാണ്. മത പരമായ അത്തരം വിലക്കുകള്‍ മാതാനുയായികളെ മാത്രം ഉദെധഷിച്ചുണ്ടക്കിയതാണ്. ................................
മരണാനന്തരം സ്വര്‍ഗം ലഭിക്കാന്‍ ഇത്തരം ചില വൃതങ്ങള്‍ അനുഷ്ടിക്കനമെന്നാണ് മതങ്ങള്‍ കല്പിക്കുന്നത്. ഭൌതിക ജീവിതം മാത്രമെ ഉള്ളുവെന്ന് കരുതുന്ന യുക്തിവാദികളും മതത്തെ അനുസരിക്കണമെന്നു പറഞ്ചാല്‍ അങ്ങനെ ചെയ്യാന്‍ പലര്ക്കും കഴിന്തെന്നു വരില്ല. (എടുമനുര്‍ ഗോപാലന്‍, യുക്തിവാദികളുടെ സാമുഹ്യ വീക്ഷണം)

Unknown said...

http://www.youtube.com/watch?v=w7mxxyniYq8
PLEASE WATCH THIS VIDEO. കൊച്ചു കുട്ടികള്‍ പോലും ഇത്രയും വലിയ വിഡ്ഢിത്തരം പറയില്ല. എന്നെ ഇത്രയും ചിരിപ്പിച്ച സന്ദര്‍ഭങ്ങള്‍ കുറവാണു. ദയവായി മത വിശ്വാസികള്‍ ഒന്ന് കണ്ടു നോക്കൂ

ACB said...

എത്തിസം
ആശയങ്ങളുടെ വെണ്ണിരിന്
പൂജ ചെയ്യുന്നവരോട് ...
നിങ്ങള്‍,
കാലഹരണപെട്ട ഒരു വേശ്യയുടെ
കൂട്ടി കൊടുപ്പുകാരാണ്..
ഇന്ന്
ഓരോ മുക്കിലും മൂലയിലും
ദൈവങ്ങള്‍
കടിഞ്ഞൂല്‍ പ്രസവിക്കുന്നു..

ഇനി നിന്നോട്,
നീ നീന്തി തുടിക്കുന്നത്
ചിന്തയുടെ
കാളിന്തീ ഗര്‍ഭത്തിലാണ് ....
ചുറ്റുമുള്ളത്‌ വെളുപെന്നു
തോന്നത്തക്കവണ്ണം
നീ കറുത്ത് പോയിരിക്കുന്നു,,,
*****************
ഇതാ ഈ വരികള്‍ക്കൊപ്പം
രാകി മൂര്‍ച്ചകൂട്ടിയ
ഒരു കത്തിയുണ്ട്‌.
അത് നിനക്ക്.
നിന്റെ ജനനത്തിനും മുമ്പുതൊട്ടേ
നിനക്ക് നിന്റെതല്ലാത്ത
ഒരു പൊക്കിള്‍കൊടി കൂടെ
ഉണ്ടായിരുന്നു...
അതറത്ത് കളയുക..

ഇനി നീ
ചിന്തകള്‍ തുലാഭാരം തൂക്കരുത്...

"മതം ഉപേക്ഷിക്കൂ; മനുഷ്യരാകൂ....!"

kumar said...

Jabbar master, Now you are in form continue all the best - Kumar

Unknown said...

http://www.youtube.com/watch?v=ZZgFpYfxCN8
ഇങ്ങനെയും ചില തട്ടിപ്പുകള്‍

ചിരാഗ് said...

ഫത്ത ഏത് ഖുറാനിലാണ് എക്സ് വൈ ക്രോമൊസോമിന്റ്റെ കാര്യം പറയുന്നത് ? പ്രൊ:കീത്ത്മൂറ് ഇസ്ലാം മതം സ്വീകരിച്ചപോലെ മറ്റുപലര്‍ ക്രിസ്തുമതവും ,,,,,,,,,,,,സ്വീകരിക്കുന്നുണ്ട് ,ആരെങ്കിലും എന്തെങ്കിലും വിശ്വസിക്കുന്നത് നോക്കൊയാല്‍ കൂടുതല്‍ വിശ്വാസികള്‍ ക്രിസ്തു മതത്തിലാണ് ,അങ്ങനെയെങ്കില്‍ നിങ്ങള്‍ ക്രിസ്ത്യാനി യാകേണ്ടേ ? പ്രോട്ടൊണും ന്യൂടോണും പ്രതിപാദിക്കുന്ന ഖുറാന്‍ വചനം ഏതെന്ന് അറിയാന്‍ താല്‍പ്പര്യമുണ്ട് സൂര്യനെയും ചന്ദ്രനേയും നക്ഷത്രങ്ങളെയും കുറിച്ച് ഖുറാന്‍ പറയുന്നത് ;പ്രസംഗത്തൊഴിലാളികളില്‍ നിന്നല്ലാതെ നേരിട്ട് ഖുറാനില്‍ നിന്നും ഹദീസില്‍ നിന്നും വായിച്ചിട്ടുണ്ടോ ? കോരിത്തരിപ്പിക്കുന്ന ശാസ്ത്ര വിവരണങ്ങളാണ് അതിലുള്ളത് ;സൂര്യന്‍ ദിവസവും അള്ളാഹുവിന്റെ സിംഹാസനത്തിന് കീഴില്‍ സാഷ്ടാംഗം ചെയ്യാനാണ് പടിഞ്ഞാറോട്ട് പോകുന്നത് ,ചന്ദ്രന്‍ സൂര്യനെ പിന്തുടരുകയാണ് ,നക്ഷത്രങ്ങളെ പെറുക്കി പിശാചിനെ എറിയും ,നക്ഷത്രങ്ങളെ അലങ്കാരമാക്കി ,നക്ഷത്രങ്ങളെ മനുഷ്യന് വഴി അറിയാന്‍ വേണ്ടി ഉണ്ടാക്കിയതാണ്, ഭൂമി പരന്നിട്ടാണ് ,ഒന്നാം ആകാശത്തിന് കീഴെയാണ് നക്ഷത്രങ്ങള്‍,ഭൂമിക്ക് സമാനമായി ഏഴ് ആകശങ്ങളെയു ഉണ്ടാക്കി ,ഭൂമി ഇളകാതിരിക്കാന്‍ പറ്വതങ്ങളെ ഉണ്ടാക്കി,,,, അങ്ങനെ സ്കൂള്‍ കൂട്ടികള്‍ പോലും ചിരിച്ച് പോകുന്ന ശാസ്ത്ര ശസ്ത്ര വെളിപാടുകള്‍ നടത്തിയ ഖുറാനിലാണോ ? എക്സ് വൈ ക്രോമോസോമും ,പ്രോടോണും ന്യൂടോണും പ്രതിപാദിക്കുന്നതായി കേട്ടത് ?