യുക്തിവാദം

2011-11-27T15:05:00.002+05:30

2011-11-10T18:48:00.001+05:30

Yukthivadi Vs Mujaheed Samvadam E A Jabbar Master CD 2 Malayalam Kerala

2011-02-25T22:32:00.000+05:30

ചക്ക വീണാല്‍ മുയലു ചാകും

2011-02-25T20:59:00.004+05:30

മലപ്പുറത്തു നടന്ന മതേതര കുടുംബോത്സവം ഉദ്ഘാടനം ചെയ്തുകൊണ്ട് പ്രശസ്ത നടന്‍ ശ്രീനിവാസന്‍ നടത്തിയ പ്രസംഗത്തില്‍ യുക്തിവാദികള്‍ക്കു “ദഹിക്കാത്ത ” ചില കാര്യങ്ങള്‍ പറഞ്ഞിരുന്നു. സ്വതസിദ്ധമായ ശൈലിയില്‍ അദ്ദേഹം ചില “നംബറുകള്‍ ” എടുത്തിടുകയായിരുന്നു. തന്റെ അനുഭവങ്ങള്‍ എന്ന നിലയില്‍ അദ്ദേഹം അവതരിപ്പിച്ച ഒന്നു രണ്ടു കാര്യങ്ങള്‍ യുക്തിക്കു നിരക്കുന്നതല്ലെങ്കിലും സദസ്സിലുള്ള യുക്തിവാദികള്‍ക്ക് ചിന്തിക്കാന്‍ വക നല്‍കുന്നതായിരുന്നു.

കൊല്ലത്ത് മുമ്പൊരിക്കല്‍ എം എസ് സുബ്ബലക്ഷ്മിയുടെ കച്ചേരി നടക്കുകയായിരുന്നു. നിറഞ്ഞ സദസ്സിനു മുമ്പില്‍ കച്ചേരി തുടങ്ങാനിരിക്കെ മഴ വന്നു . മഴ പെയ്താല്‍ പരിപാടി അലങ്കോലമാകുമെന്ന സ്ഥിതിയായിരുന്നതിനാല്‍ സംഘാടകര്‍ വിഷമിച്ചു. ആ സന്ദര്‍ഭത്തില്‍ സുബ്ബലക്ഷ്മി അവരെ ആശ്വസിപ്പിക്കുകയും മഴ നീങ്ങിപ്പോകാനായി മുരുകനെ വിളിച്ചു പ്രാര്‍ത്ഥിക്കുകയും ചെയ്തു. “മുരുഹാ... മുരുഹാ... !! ”എന്നു രണ്ടു വിളി വിളിച്ചപ്പോഴേക്കും മഴ തുടങ്ങി. ആ മഴ പിന്നെ മൂന്നു ദിവസം കഴിഞ്ഞാണു നിന്നത് ! ഇതായിരുന്നു ശ്രീനിവാസന്റെ ആദ്യത്തെ നംബര്‍ . അതു കേട്ട് സദസ്സ് ഒന്നാകെ കയ്യടിക്കുകയും ചിരിക്കുകയും ചെയ്തു. ഉടനെ ശ്രീ നിവാസന്റെ അടുത്ത കമന്റ്: “ നിങ്ങള്‍ ഇങ്ങനെ ചിരിക്കാനും കയ്യടിക്കാനും വേണ്ടി ഞാന്‍ പറഞ്ഞ ഒരു നുണയായിരുന്നു അത്. അങ്ങനെയൊരു കച്ചേരി നടന്നിട്ടുമില്ല; മഴ പെയ്തിട്ടുമില്ല ..!!” വീണ്ടും സദസ്സിന്റെ കരഘോഷം .

തുടര്‍ന്ന് അടുത്ത നംബര്‍ :-

“ഞാന്‍ പ്രീഡിഗ്രിക്കു പഠിക്കുന്ന കാലം. കമ്യൂണീസ്റ്റു കാരനായ കുമാരന്‍ മാസ്റ്റര്‍ എന്നെ ഒരു ഹസ്തരേഖക്കാരനെ കാണിക്കാന്‍ കൂട്ടിക്കൊണ്ടു പോയി. അയാള്‍ കൈരേഖ നോക്കി പറഞ്ഞു : സിനിമയുമായി ബന്ധപ്പെട്ടാണു ഭാവി ജീവിതം. സിനിമയില്‍ തന്നെ ഒന്നിലധികം രംഗത്തു ശോഭിക്കും . ”

ഇതു കേട്ട് അന്ന് ആ കൈരേഖക്കാരനെ പുച്ഛിക്കുകയും കുമാരന്മാഷെ കളിയാക്കുകയും ചെയ്തു. പിന്നീട് വര്‍ഷങ്ങള്‍ക്കു ശേഷം അതു വഴി കടന്നു പോകുമ്പോള്‍ ആ കൈരേഖക്കാരന്റെ പ്രവചനം ഓര്‍ത്തു അല്‍ഭുതപെടുകയുണ്ടായി. ആ പ്രവചനമല്ല, പ്രശ്നം , എന്റെ ഭാവി ഇത്ര കൃത്യമായി പ്രവചിക്കാന്‍ പറ്റും വിധം രേഖപ്പെടുത്തിയ എന്തോ ഒരു ശക്തിയില്ലേ ? ... ”

ഒരു മതവിശ്വാസിയാകാന്‍ ഒരാള്‍ക്കു ഒന്നും പ്രത്യേകിച്ചു അറിയാനില്ല. എന്നാല്‍ യുക്തിവാദിയും നിരീശ്വരവാദിയുമൊക്കെ ആകണമെങ്കില്‍ ഒരു പാടു കാര്യങ്ങള്‍ അറിയേണ്ടതുണ്ട്, താന്‍ ഈ കാര്യങ്ങളിലെല്ലാം അജ്ഞനായതിനാല്‍ ഒരു യുക്തിവാദിയാണെന്നു അവകാശപ്പെടുന്നില്ല എന്ന ആമുഖത്തോടെയാണ് അദ്ദേഹം പ്രസംഗം തുടങ്ങിയത്. മനുഷ്യര്‍ക്കു ജീവിക്കാന്‍ മതം ആവശ്യമില്ലെന്നും എല്ലാവരുടെയും രക്തം ഒന്നാണെന്നും തനിക്കു മതമില്ലെന്നും കൂടി അദ്ദേഹം പറയുകയുണ്ടായി.

കൈനോട്ടക്കാരന്റെ പ്രവചനം സംബന്ധിച്ച ശ്രീനിവാസന്റെ അനുഭവസാക്ഷ്യം സത്യമായിരിക്കാന്‍ സാധ്യതയുണ്ടോ ? എങ്കില്‍ എന്തുകൊണ്ട് അതു സാധ്യമായി ? ഓരോരുത്തരുടെയും ഭാവി മുന്‍ കൂട്ടി നിശ്ചയിച്ച് ഉള്ളന്‍ കയ്യില്‍ ആലേഖനം ചെയ്തു വെച്ചിട്ടുണ്ടോ?

ഇതു പോലുള്ള അനുഭവവിവരണങ്ങള്‍ നാം ധാരാളമായി കേള്‍ക്കാറുണ്ട്. പറയുന്നവര്‍ പ്രശസ്തരും പ്രഗല്‍ഭരുമാകുമ്പോള്‍ അനുഭവങ്ങളുടെ ആധികാരികതക്കു മാറ്റു കൂടും !

സ്വയം ഇത്തരം അനുഭവങ്ങളുണ്ടായവര്‍ നമുക്കിടയിലൊക്കെയുണ്ട്. അവരാരും വെറുതെ പുളു പറയുന്നവരുമല്ല. പിന്നെയോ ?

ശ്രീനിവാസന്‍ പറഞ്ഞതു വെറും നുണയാണെന്നു കരുതേണ്ടതില്ല. അങ്ങനെ സംഭവിച്ചിരിക്കാം. അതിനു പല കാരണങ്ങളുണ്ട്. അനേകം സാധ്യതകളുണ്ട്. നമുക്കു നീണ്ട ജീവിതകാലത്തിനിടയ്ക്ക് അനേകം അനുഭവങ്ങള്‍ ഉണ്ടാകും. അതില്‍ നമ്മെ അല്‍ഭുതപ്പെടുത്തുന്ന ഇത്തരം സംഭവങ്ങള്‍ അപൂര്‍വ്വമായി വന്നു ചേരാം. എന്നാല്‍ ഇതിനു വിപരീതമായ അനുഭവങ്ങളായിരിക്കും അതിന്റെ നൂറിരട്ടിയും സംഭവിച്ചിട്ടുണ്ടാവുക. അതെല്ലാം വിസ്മൃതിയിലേക്കു തള്ളപ്പെടുകയും അല്‍ഭുതകരമായ അനുഭവങ്ങള്‍ ആയിരം മടങ്ങായി പൊലിപ്പിച്ച് പൊടിപ്പും തുങ്ങലും ചാര്‍ത്തി മഹാല്‍ഭുതമായി കൊട്ടി ഘോഷിക്കപ്പെടുകയും ചെയ്യുന്നു. ശ്രീനിവാസന്റെ കാര്യത്തില്‍‍ സംഭവിച്ചതെന്താണെന്നു ഞാനും ജോണ്‍സണ്‍ അയിരൂരും അല്‍പം ആ വേദിയില്‍ തന്നെ വിശദീകരിച്ചിരുന്നു. പിന്നീട് മലയത്തും ജോണ്‍സണും ഒരു ദിവസം മുഴുവന്‍ സ്വകാര്യമായി അദ്ദേഹത്തിനു ക്ലാസെടുത്തു കൊടുക്കുകയും കാര്യം അദ്ദേഹത്തിനു ബോധ്യമാവുകയും ചെയ്തു.

ഞാന്‍ ശ്രീനിവാസനോടു പറഞ്ഞ ഒരു ഉദാഹരണം ഇതായിരുന്നു:- ഒരു മ്യൂസിയത്തില്‍ സൂക്ഷിച്ചിട്ടുള്ള ഒരു പഴയ ക്ലോക്ക് പ്രവര്‍ത്തന രഹിതമാണെങ്കിലും അതു കൃത്യമായ സമയമാണു കാണിക്കുന്നതെന്ന് കുറേ പേരെങ്കിലും തെറ്റിദ്ധരിക്കാനിടയുണ്ട്. ആ ക്ലോക്കിന്റെ സൂചികള്‍ കാണിക്കുന്ന സമയം ദിവസത്തില്‍ രണ്ടു തവണ കൃത്യമായും ശരിയായിരിക്കും. . ആ സമയത്തു മ്യൂസിയത്തിലൂടെ കടന്നു പോകുന്നവര്‍ ആ ക്ലോക്ക് പ്രവര്‍ത്തിക്കുന്നുണ്ടെന്നു തെറ്റിദ്ധരിച്ചേക്കാം. എന്നാല്‍ ദിവസത്തില്‍ മറ്റെല്ലാ സമയത്തും അതു തെറ്റായ സമയമാണു കാണിക്കുന്നത്. ഇതു പോലെ ചില അനുഭവങ്ങള്‍ നമ്മെ തെറ്റിദ്ധരിപ്പിക്കാനിടയുണ്ട്. സ്വന്തം അനുഭവത്തിന്റെ മാത്രം അടിസ്ഥാനത്തില്‍ ഒരു നിഗമനം രൂപീകരിക്കുന്നത് ശാസ്ത്രീയ സമീപനമല്ല.

ശ്രീനിവാസന്റെ കൈരേഖാപ്രവചനം തന്നെ പരിശോധിക്കാം. പ്രീഡിഗ്രി പ്രായത്തില്‍ താന്‍ ഭാവിയില്‍ ആരാകുമെന്നോ എന്താകുമെന്നോ തീരുമാനിക്കപ്പെട്ടിട്ടുണ്ടാവില്ല. അക്കാര്യത്തില്‍ ആകാംക്ഷയുള്ളവരാകും എല്ലാവരും. ആ പ്രായത്തിലുള്ള ഏതൊരു ചെറുപ്പക്കാരനും സിനിമയിലൂടെ പ്രശസ്തനാകാന്‍ ആഗ്രഹിക്കും. സ്വന്തം ഭാവി ജീവിതത്തെ കുറിച്ചു സ്വപ്നങ്ങള്‍ മെനയുന്ന പ്രായത്തില്‍ അവരോട് സിനിമയില്‍ ശോഭിക്കും എന്നു തട്ടി വിട്ടാല്‍ കൈരേഖക്കാരനു നഷ്ടമൊന്നും വരാനില്ല. കൈ നോക്കാന്‍ വരുന്ന അനേകം പേരോട് , അവരുടെ ഏകദേശ രൂപവും മട്ടും നോക്കി ഇപ്രകാരം പലതും ഇക്കൂട്ടര്‍ പ്രവചിക്കും. പിന്നീടതൊന്നും ആരും ഓര്‍ക്കുകയുമില്ല. ശ്രീനിവാസന്റെ കൈ നോക്കിയ ആള്‍ എത്ര ചെറുപ്പക്കാരോട് ഇതേ പ്രവചനം തട്ടിവിട്ടിട്ടുണ്ട് എന്നതിന്റെ കണക്കും അതില്‍ എത്രയെണ്ണം യാഥാര്‍ത്ഥ്യമായി എന്ന കണക്കും കൃത്യമായി ലഭിച്ചാല്‍ മാത്രമേ അയാളുടെ പ്രവചനശേഷിയുടേ ആഴം കണ്ടെത്താനാകൂ. ഇവിടേ ശ്രീനിവാസന്റെ കാര്യത്തില്‍ അതു യാഥാര്‍ത്ഥ്യമായി എന്നതു ശ്രീനിവാസനില്‍ അല്‍ഭുതം ഉളവാക്കിയതു സ്വാഭാവികം. എന്നാല്‍ ആയിരക്കണക്കിനു ചെറുപ്പക്കാരെ ഇയാള്‍ ഇതേ പ്രവചനം പറഞ്ഞു പറ്റിച്ചിരിക്കാമെങ്കിലും അവരാരും തന്നെ അതോര്‍ക്കുകയോ പറ്റിയ അമളി മറ്റാരോടെങ്കിലും പറയുകയോ ചെയ്തിട്ടുണ്ടാവില്ല. എന്റെ കൈ നോക്കി ഞാന്‍ ഉടനെ വിദേശത്തു പോകുമെന്നും ജോലി കിട്ടുമെന്നും പരമഭക്തിമാര്‍ഗ്ഗത്തിലാണു ജീവിക്കുക എന്നുമൊക്കെ പ്രവചിച്ചത് ഞാന്‍ ഓര്‍ക്കുന്നു. പതിനേഴോ പതിനെട്ടോ വയസ്സു പ്രായമുള്ളപ്പോള്‍ തന്നെയായിരുന്നു ഈ പ്രവചനങ്ങളും നടന്നത്. 55 വയസ്സായ ഞാന്‍ ഇന്നു വരെ ഒരു വിദേശ രാജ്യം സന്ദര്‍ശിച്ചിട്ടു പോലുമില്ല. . എന്റെ “:ഭകതി മാര്‍ഗ്ഗ”വും പ്രസിദ്ധമാണല്ലോ ! എന്നാല്‍ എന്റെ പ്രായത്തിലുള്ള മറ്റനേകം ചെറുപ്പക്കാരോട് ഇതേ പ്രവചനം ഇയാള്‍ പറഞ്ഞിട്ടുണ്ടാകും. അതില്‍ നല്ല പങ്കും ശരിയായി ഭവിച്ചിട്ടുമുണ്ടാകും. കാരണം അന്നത്തെ ചെറുപ്പക്കാര്‍ അധികവും ഗള്‍ഫില്‍ പോയി ജോലി നോക്കുകയും ഭക്തി മാര്‍ഗ്ഗത്തില്‍ ജീവിക്കുകയും ചെയ്തിരിക്കാനാണു സാധ്യത !

മറ്റൊരു കാര്യം കൂടി പരിശോധിക്കണം. ശ്രീനിവാസന്‍ വേറെയും ഹസ്തരേഖക്കാരെ സമീപിച്ചിട്ടുണ്ടോ? അവരൊക്കെ കൈ നോക്കി ഇതേ കാര്യം തന്നെ പറഞ്ഞിട്ടുണ്ടോ ?

ജോണ്‍‍സണ്‍ അദ്ദേഹത്തോട് പറഞ്ഞതു മറ്റൊരു കാര്യമാണ്. ആ ജ്യോത്സ്യന്‍ ശ്രീനിവാസന്റെ സിനിമാപ്രവേശനത്തിനു തന്നെ കാരണക്കാരനായി എന്നു പറയാവുന്നതാണ്. അതിന്റെ മനശ്ശാസ്ത്രപരമായ സാധ്യത അദ്ധേഹം വിശദീകരിച്ചു. തന്റെ ജീവിതഭാഗധേയം നിര്‍ണയിക്കപ്പെടുന്നതിനു മുമ്പ് പല വഴികളെ കുറിച്ചും ആലോചിക്കുന്ന പ്രായത്തില്‍ കൈരേഖക്കാരന്റെ പ്രവചനം ശ്രീനിവാസനില്‍ ഒരു പ്രതീക്ഷയും ആത്മവിശ്വാസവും സിനിമയില്‍ ഒരു കൈ നോക്കിയാലെന്താ എന്ന ചിന്തയും വളര്‍ത്തിയിട്ടുണ്ടാകാം. പൂനാ ഇന്‍സ്റ്റിറ്റ്യൂട്ടില്‍ പോയി അഭിനയം പഠിച്ച ശേഷം വളരെ ബോധപൂര്‍വ്വമാണ് ശ്രീനിവാസന്‍ സിനിമയിലേക്കു വരുന്നതെന്ന കാര്യം കൂടി ഇവിടെ സ്മരണീയമാണ്. ആ കൈരേഖക്കാരനെയും പ്രവചനത്തെയും അദ്ദേഹം ഇന്നും മനസ്സില്‍ സൂക്ഷിക്കുന്നു എന്നതും ഈ പറഞ്ഞതിന്റെ തെളിവാണ്.

ഇന്ദ്രിയാനുഭവങ്ങള്‍ പോലും പലപ്പോഴും തെറ്റായ അറിവു നല്‍കുന്നു. തെറ്റായ അനുഭവങ്ങള്‍ തെറ്റായ നിഗമനങ്ങളിലേക്കു നയിക്കുന്നു. ഇതാണ് പല അന്ധവിശ്വാസങ്ങളുടെയും ഉറവിടം.

സയന്‍സ് ട്രസ്റ്റ് വാര്‍ഷികം:

2011-01-31T22:02:00.004+05:30

ഡോ. മീരാ നന്ദ

ബാബു ഗോഗിനേനി

നരേന്ദ്ര നായിക്

അടുത്ത പരിപാടി

2011-01-04T19:48:00.001+05:30

മതേതര കുടുംബോത്സവം

2010-12-26T09:19:00.016+05:30

കുട്ടിയുടെ തലയില്‍ “കര്‍പ്പൂരപ്പൊങ്കാല” കത്തിച്ച് നടന്‍ ശ്രീനിവാസന്‍ ഉത്സവം ഉദ്ഘാടനം ചെയ്യുന്നു !

ശ്രീനിവാസന്റെ ഉദ്ഘാടനപ്രസംഗം

സദസ്സിന്റെ ആഹ്ലാദം

-----
പത്രവാര്‍ത്തകള്‍ :-

മാധ്യമം
ദേശാഭിമാനി

മതഭീകരാദം വളര്‍ത്തിയത് രാഷ്ട്രീയപ്പാര്‍ട്ടികള്‍

2010-11-07T21:06:00.005+05:30

എം എന്‍ കാരശ്ശേരി

രാജഗോപാല്‍ വാകത്താനം

അധ്യക്ഷന്‍: ഡോ. പിടി രാമചന്ദ്രന്‍

സ്വാഗതം: പാറക്കല്‍ മുഹമ്മദ്

സദസ്സ്
----------------------------------------------------------------

കേരളത്തിലും ഇന്ത്യയിലും മതഭീകരശക്തികള്‍ വളരാന്‍ ഇട വരുത്തിയതില്‍ മുഖ്യ കാരണക്കാര്‍ നമ്മുടെ മുഖ്യധാരാ രാഷ്ട്രീയക്കാര്‍തന്നെയാണെന്ന് എം എന്‍ കാരശ്ശേരി പറഞ്ഞു. സാമ്രാജ്യത്വ വിരോധത്തിന്റെ പേരില്‍ മതഭീകരവാദികളെ പ്രോത്സാഹിപ്പിക്കാനും അതു വഴി സാമുദായിക വോട്ട് നേടാനും ശ്രമിച്ചവര്‍ സാമ്രാജ്യത്വത്തിനു താല്പര്യങ്ങള്‍ മാത്രമേയുള്ളു ,നിലപാടുകളില്ല എന്ന കാര്യം വിസ്മരിച്ചു. താലിബാനെയും സദ്ദാമിനെയും വളര്‍ത്തിയത് അമേരിക്ക തന്നെയായിരുന്നു. ആ സദ്ദാം അമേരിക്കയുടെ ശത്രുവായതോടെ കമ്യൂണിസ്റ്റുകാരും ഇസ്ലാമിസ്റ്റുകളും സദ്ദാമിന്റെ പേരില്‍ കൂട്ടു ചേര്‍ന്നു.
അബ്ദുന്നാസര്‍ മ അദനിയുടെ പേരില്‍ ഇളകി മറിഞ്ഞ കേരള നിയമസഭയില്‍ ചേകനൂര്‍ മൌലവിയുടെ പേരു പോലും പരാമര്‍ശിക്കാന്‍ അരുമുണ്ടായില്ല. നാലു മന്ത്രിമാര്‍ ചേര്‍ന്ന് മ അദനിയെ സ്വീകരിക്കുമ്പോള്‍ അദ്ദേഹം ഇരുപതില്‍ പരം ക്രിമിനല്‍ കേസുകളില്‍ പ്രതിയായിരുന്നു.
മുസ്ലിം സ്ത്രീയുടെ അനന്തരാവകാശനിയമം തികഞ്ഞ മനുഷ്യാവകാശ ലംഘനമായിട്ടും കേന്ദ്ര സര്‍ക്കാര്‍ പറയുന്നത് ആ നിയമത്തില്‍ കൈവെക്കുകയില്ല എന്നാണ്.
മതത്തിന്റെ പേരിലാകുമ്പോള്‍ ഏതു ക്രിമിനല്‍ കുറ്റവും ന്യായീകരിക്കപ്പെടുന്ന അവസ്ഥയാണുള്ളത്. ഭരണ കൂടങ്ങള്‍ നീതി നിര്‍വ്വഹിക്കാന്‍ മടിക്കുന്നത് ഭീകരത ക്കു വളം വെക്കുന്നു. പണത്തിന്റെ ആധിപത്യവും ഭീകരവാദത്തെ പരിപോഷിപ്പിക്കുന്നു. മാധ്യമങ്ങളാകട്ടെ ഇത്തരം വാര്‍ത്തകള്‍ക്ക് അമിതപ്രാധാന്യം നല്‍കുന്നതിനാല്‍ ചെറുപ്പക്കാര്‍ ഭീകര പ്രവര്‍ത്തനങ്ങളിലേക്ക് ആകര്‍ഷിക്കപ്പെടകയാണു ചെയ്യുന്നത്. അദ്ദേഹം പറഞ്ഞു.
യുക്തിവാദിസംഘം പെരിന്തല്‍മണ്ണയില്‍ സംഘടിപ്പിച്ച സെമിനാര്‍ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.

അടുത്ത പരിപാടി :

2010-11-02T20:29:00.001+05:30

അന്യൂനമായ സൃഷ്ടി ???

2010-10-20T21:30:00.009+05:30

ദൈവം സ്വന്തം രൂപത്തില്‍ മനുഷ്യനെ സൃഷ്ടിച്ചു -ബൈബിള്‍
ദൈവത്തിന്റെ സൃഷ്ടിപ്പില്‍ ഒരു ന്യൂനതയും നിങ്ങള്‍ക്കു കാണാന്‍ കഴിയില്ല - കുര്‍ ആന്‍

മൃഗങ്ങള്‍ക്കു വൈകല്യമുണ്ടാവുകയില്ല- നബിവചനം

തൊടുപുഴയിലെ മതവിരുദ്ധ റാലി

2010-09-23T21:21:00.002+05:30

സി കെ ലതീഫിന്റെ ആവലാതി !

2010-09-15T19:28:00.002+05:30

CKLatheef said...
ജബ്ബാര്‍ മാഷിന്റെ ബ്ലോഗില്‍ ഒരു വര്‍ഷം മുമ്പ് അദ്ദേഹത്തിന്റെ വാദങ്ങളില്‍, എന്റെ യുക്തിക്കും അറിവിനും യോജിക്കാത്ത പരാമര്‍ശങ്ങള്‍ക്ക് മറുപടി പറഞ്ഞ് കുറച്ച് നാളുകള്‍ ഞാന്‍ ചെലവഴിച്ചിട്ടുണ്ട്. ഇപ്പോള്‍ പുതിയ ചില സുഹൃത്തുക്കളെ കാണുന്നു. സ്വയം ബോധ്യപ്പെടുക എന്നത് ഒരു സ്വകാര്യ സന്തോഷം തന്നെയാണ്. ഞാന്‍ മറുപടി പറഞ്ഞുകൊണ്ടിരുന്ന കാലത്ത് ജബ്ബാര്‍മാഷിന്റ ബ്ലോഗില്‍ സംവാദം നടത്തുന്നതിന്റെ ഫലശൂന്യത ചൂണ്ടിക്കാണിച്ചവരോട് എനിക്ക് അനിഷ്ടം തോന്നിയിരുന്നു.

എന്റെ സംവാദ കാലയളവില്‍ ഞാന്‍ മനസ്സിലാക്കിയത്.

1. ജബ്ബാര്‍ മാഷ് ഇസ്‌ലാമിനെക്കുറിച്ച് ചിലതൊക്കെ തെറ്റായി ധരിച്ചിരിക്കുന്നുവെന്നതല്ല പ്രശ്‌നം; മറിച്ച് ഇസ്‌ലാം എന്ന മതം തന്നെ ലോകത്താകമാനം കുഴപ്പങ്ങളുണ്ടാക്കുന്നു, മാന്യരും സംസ്‌കാരസമ്പന്നരുമായ ഖുറൈശികള്‍ക്കിടയില്‍ ജനിച്ച് അപരിഷ്‌കൃതനും ക്രൂരനുമായ നേതാവായി രംഗത്ത് വരികയും അക്രമത്തിലധിഷ്ഠിതമായ ഒരു മതം കെട്ടിപ്പടുക്കുകയും ചെയ്ത വ്യക്തിയായി പ്രവാചകനെ തെറ്റായി മനസ്സിലാക്കുന്നു, അതാണ് ഭൂലോക സത്യം എന്ന നിലയില്‍ സമൂഹത്തില്‍ അതിന്റെ നിഷേധാത്മക പ്രതികരണം ഒട്ടും പരിഗണിക്കാതെ മുപ്പത് വര്‍ഷമായി പ്രബോധനം നടത്തിക്കൊണ്ടരിക്കുന്നു.

2. ഇത്തരം കാര്യങ്ങള്‍ ഇവ്വിധം ചര്‍ചചെയ്യുന്നത് ഒരു ഹോബിയായി കാണുന്നു, അതില്‍ ഒരു തരം നിര്‍വൃതി അനുഭവിക്കുന്നു. തന്നെ ചീത്തപറയുന്നതും വിമര്‍ശിക്കുന്നതും മുതലെടുത്ത് അത് നേരെ പ്രവാചകന് നേരെ തിരിച്ചുവിടുന്നു. അത്തരം കമന്റുകള്‍ നിലനിര്‍ത്തി മുസ്ലികളുടെ അസഹിഷ്ണുതക്കും മറ്റും തെളിവായി അവതരിപ്പിക്കുകയും വായനക്കാരുടെ സഹതാപം പിടിച്ചു പറ്റുകയും ചെയ്യുന്നു. അതുകൊണ്ടാണ് കെ.പി.എസ് പുതിയ പോസ്റ്റില്‍ പോലും ജബ്ബാര്‍ മാഷ് മുസ്ലിംകളെ ഹൃദയത്തോട് ചേര്‍ത്ത് വെച്ച് സ്‌നേഹ്കുന്നു എന്നൊക്കെ മാഷെ പുകഴ്തിയത്.

3. മുസ്‌ലിംകളില്‍ വളരെ ചെറിയ ന്യൂനപക്ഷം ചെയ്യുന്ന തെറ്റുകളും അവിവേകങ്ങളും ഇസ്‌ലാമിന്റെ മുഴുവന്‍ ചുമലില്‍ ചാര്‍ത്തി. യഥാര്‍ഥ ഇസ്‌ലാമെന്നാല്‍ ക്രൂരതയും ഭീകരതയുമാണെന്ന് വരുത്തിതീര്‍ക്കുന്നു.

4. സ്വന്തമായി ഒന്നിനും മറുപടിപറയേണ്ടതില്ലാത്തതിനാല്‍ ആക്ഷേപങ്ങളും പരിഹാസവും മാത്രമായി അദ്ദേഹത്തിന് കഴിഞ്ഞുകൂടാനാകുന്നു.

5. ഈ മതം അദ്ദേഹം പറയുന്നത് പോലെയാണ് എന്ന് വാദത്തിന് സമ്മതിച്ചുകൊടുക്കുക പകരം എന്താണെന്ന് ഒരിക്കലും അദ്ദേഹം പറയില്ല. മനുഷ്യന് അവന്റെ യുക്തിയും ബുദ്ധിയും ഉപയോഗിച്ചാല്‍ ധാര്‍മികയും മൂല്യവും കണ്ടെത്താം എന്ന് മാത്രമാണ് അദ്ദേഹത്തിന് ആകെ പറയാനുള്ളത്. പിന്നെ ആദരവ് കൊടുത്ത് ആദരവ് വാങ്ങണമെന്നും സ്‌നേഹം കൊടുത്ത് സ്‌നേഹം വാങ്ങണമെന്നും. (എന്നാല്‍ ഇത് രണ്ടും അദ്ദേഹം ഇത് വരെ ബ്ലോഗില്‍ പ്രയോഗിച്ച് കണ്ടിട്ടില്ല- നാട്ടുകാര്‍ക്കിടയിലും സുഹൃത്തുക്കള്‍ക്കിടയിലും പിടിച്ചുനില്‍ക്കാന്‍ അത് പ്രയോഗിക്കുന്നുണ്ടാവാം).

6. സംഭവങ്ങളെയും വസ്തുതകളെയും അല്‍പം വളച്ചൊടിച്ചാല്‍ ആക്ഷേപത്തിനുള്ള ഒരു വകയാകുമെങ്കില്‍ അതേ പ്രകാരം ചെയ്യും. അദ്ദേഹം ഉന്നയിച്ച് പ്രശ്‌നത്തിന് മറുപടി വരുന്നു എന്ന് കാണുമ്പോള്‍ മറ്റൊരു ആരോപണം ഉന്നയിക്കും.

7. ആക്ഷേപാര്‍ഹമായി അദ്ദേഹം കാണുന്ന ഒരു വിഷയം മാത്രമെടുത്ത് ഒരിക്കലും സംവാദത്തിന് സന്നദ്ധമാകില്ല. ഒരു പോസ്റ്റില്‍ പരമാവധി വിഷയം എടുത്ത് ചേര്‍ക്കും. മുഖ്യമായി നല്‍കപ്പെട്ട വിഷയമുണ്ടെങ്കില്‍ എല്ലാ പോസ്റ്റിലും കമന്റിലും അദ്ദേഹം മുപ്പത് വര്‍ഷമായി ആരോപിച്ചുകൊണ്ടിരിക്കുന്ന മുഴുവന്‍ ആരോപണങ്ങളും കടന്ന് വരും.

പക്ഷേ എനിക്ക് അനുഭവപ്പെട്ടത് പറഞ്ഞു എന്ന് മാത്രം. ആര്ക്കെങ്കിലും പ്രയോജനപ്പെട്ടേ

----------------
കുറേ കാലമായി എന്റെ ബ്ലോഗില്‍ നിന്നും മാറി നിന്ന് സ്വന്തം ബ്ലോഗില്‍ യുക്തിവാദത്തെ മൊത്തമായും ചില്ലറയായും കൈകാര്യം ചെയ്തു വരികയായിരുന്ന ലതീഫ് പെട്ടെന്നൊരു സുപ്രഭാതത്തില്‍ വീണ്ടും വന്ന് ഇട്ടേച്ചു പോയ കമന്റാണു മുകളില്‍ കാണുന്നത്.
മറുപടി പറയുന്നതിനു മുമ്പ് ഇതിന്റെ ഇസ്ലാമിക മനശ്ശാസ്ത്രം ഒന്നു വ്യക്തമാക്കാം:
ഇസ്ലാമിനെ സമഗ്രമായോ ഭാഗികമായോ സന്ദര്‍ഭാനുസൃതമായോ വല്ലവരും വിമര്‍ശിച്ചു പോയാല്‍ മുസ്ലിം ബുദ്ധിജീവികള്‍ പൊതുവില്‍ സ്വീകരിച്ചു കാണുന്ന ഒരു രീതിയുണ്ട്. വിമര്‍ശിച്ച വ്യക്തിയെ പിടി കൂടി ആക്രമിക്കുക എന്നതാണാ രീതി. ശാരീരികമായുള്ള ആക്രമണത്തിനു സാധ്യത കുറവാണെങ്കില്‍ മാനസികമായി തളര്‍ത്തിയും സ്വഭാവ ഹത്യയിലൂടെ മാനഹാനി വരുത്തിയും വ്യക്തിയെ ക്ഷീണിപ്പിക്കുക, സമൂഹത്തില്‍ ആ വ്യക്തിയെ പരമാവധി ഒറ്റപ്പെടുത്തുക, നുണ പ്രചരിപ്പിച്ച് തെറ്റിദ്ധാരണയുണ്ടാക്കുക, തുടങ്ങി പലതര പരിപാടികളും ഇവര്‍ ആവിഷ്കരിക്കും. ഏതെങ്കിലുമൊന്നില്‍ ആ വ്യക്തി തളര്‍ന്നു വീണാല്‍ കാര്യം വിജയിക്കുമെന്നാണു കണക്കു കൂട്ടല്‍ .
വ്യക്തി ഹത്യ ആകാവുന്നത്ര നടത്തിക്കഴിഞ്ഞേ ആശയപരമായ മറുപടികളിലേക്ക് കടക്കുകയുള്ളു. ഇത് ഇസ്ലാമിന്റെ ഒരു രീതിശാസ്ത്രമാണ്. ഞാനിതു പറയുന്നത് നിരവധി അനുഭവങ്ങളുടെ വെളിച്ചത്തില്‍ സ്വയം ബോധ്യപ്പെട്ടതുകൊണ്ടു മാത്രമാണ്. എനിക്കു തന്നെ നേരിട്ടുള്ള അനുഭവങ്ങള്‍ ധാരാളമുണ്ട്. ജമാ അത്തെ ഇസ്ലാമിക്കാര്‍ ഇക്കാര്യത്തില്‍ മറ്റു വിഭാഗങ്ങളെക്കാള്‍ ഒരു പടി മുന്നിലാണ്. ഇസ്ലാം വിമര്‍ശനങ്ങള്‍ക്കു മറുപടി പറയാനുള്ള ഏതൊരു ശ്രമവും പരിശോധിച്ചാല്‍ ഈ രീതിക്ക് ഉദാഹരണം കാണാം. വിമര്‍ശനത്തിനുള്ള മറുപടിക്ക് ആമുഖമായി ഇവര്‍ വിമര്‍ശകന്റെ/ വിമര്‍ശകയുടെ വ്യക്തിപരമായ കുറവുകളും ദൂഷ്യങ്ങളും വിവരിച്ചുകൊണ്ടായിരിക്കും വിഷയത്തിലേക്കു കടക്കുക.
പ്രബോധനം വാരികയില്‍ എന്റെ ചില വിമര്‍ശനങ്ങളെ മുന്‍ നിര്‍ത്തി വന്ന ചോദ്യങ്ങള്‍ക്കു മറുപടി പറഞ്ഞതു ഞാന്‍ ഓര്‍ക്കുന്നു. എല്ലാം വ്യക്തിഹത്യയിലൂടെയായിരുന്നു തുടക്കം. ഹമീദ് ചേന്നമംഗല്ലൂരിന്റെ ജമാ അത്തു വിമര്‍ശനങ്ങളെയും അതു പോലെയാണിവര്‍ കൈകാര്യം ചെയ്യാറ്. തസ്ലീമ നസ്രീന്‍ ‍, ബംഗ്ലാദേശിലെ ഹിന്ദു ന്യൂനപക്ഷങ്ങള്‍ക്കെതിരെ ജമാ അത്തെ ഇസ്ലാമിയുടെ നേതൃത്വത്തില്‍ നടന്ന ക്രൂരമായ വംശഹത്യാശ്രമത്തെ വിമര്‍ശിച്ചപ്പോള്‍ ആ വിമര്‍ശനങ്ങളെക്കുറിച്ച് ഒരക്ഷരം പറയാതെ അവരുടെ കിടപ്പറക്കാര്യങ്ങള്‍പറഞ്ഞുകൊണ്ട് നെറികെട്ട അപവാദപ്രചാരണമാണിവര്‍ നടത്തിയത്.
ചേകനൂര്‍ മൌലവി എന്ന മതപണ്ഡിതന്‍ ക്രൂരമായി കൊല ചെയ്യപ്പെട്ട സന്ദര്‍ഭത്തിലും അദ്ദേഹത്തെ സ്വഭാവഹത്യ നടത്തി കൊലയെ പരോക്ഷമായി ഇവര്‍ ന്യായീകരിച്ചു.
മതത്തെ കുറിച്ചു മോശമായ അഭിപ്രായം പറയുന്നവരൊക്കെ വളരെ നിന്ദ്യരും സ്വഭാവദൂഷ്യമുള്ളവരുമാണ് എന്നങ്ങു പറഞ്ഞു വെച്ചാല്‍ പിന്നെ വിമര്‍ശനങ്ങള്‍ക്ക് ഒട്ടും തന്നെ ക്രഡിബിലിറ്റി ഇല്ല എന്നു വരുമല്ലോ. അതോടെ മറുപടിയില്‍നിന്നും ഒഴിഞ്ഞു മാറാന്‍ ഒരു ന്യായവും ആയിക്കിട്ടും. ഇതാണു തന്ത്രം.
ലതീഫ് ഇവിടെ പയറ്റുന്നതും അതേ തന്ത്രം തന്നെ. ജബ്ബാര്‍ മാഷ് വളരെ മോശം സ്വഭാവക്കാരന്‍ ! സഹിഷ്ണുതയില്ല, പ്രതിപക്ഷ ബഹുമാനമില്ല, ശൈലി പരുക്കന്‍ , പരിഹാസം കൂടുതല്‍ , സ്നേഹത്തോടെ പെരുമാറാനറിയില്ല. പിടിച്ചു നില്‍ക്കാന്‍ വേണ്ടി മാത്രം കൂട്ടുകാരോടും മറ്റും നല്ലവനായി അഭിനയിക്കും.... അങ്ങനെയങ്ങനെ വളരെ മ്ലേഛനായ ഒരാള്‍ ! ആയതിനാല്‍ അയ്യാളുടെ വിമര്‍ശനങ്ങളൊന്നും ആരും കാര്യമാക്കേണ്ടതില്ല. മറുപടിയും പറയേണ്ടതില്ല . ഇതാണു ലതീഫിന്റെ ഭാഷ്യം !
ഈ ആരോപണങ്ങള്‍ക്കൊന്നും മറുപടി പറയാന്‍ എനിക്കൊട്ടും താല്‍പ്പര്യമില്ല. പറയാനുള്ളതൊക്കെ മുമ്പു പറഞ്ഞിട്ടുമുണ്ട്.
സുകുമാരേട്ടനെ പോലുള്ള ചില യുക്തിവാദികള്‍ തന്നെ മതവിമര്‍ശനം അരുതാത്തതാണെന്ന ഭിപ്രായപ്പെട്ടതോടെ ഈ കൂട്ടര്‍ക്കു നല്ല ഒരു വടിയും കിട്ടിയിരിക്കുകയാണല്ലോ. ഈ സാഹചര്യത്തില്‍ അല്‍പ്പം ചില കാര്യങ്ങള്‍ പറയാമെന്നു കരുതുന്നു.
ലതീഫിനും കൂട്ടര്‍ക്കും മറ്റൊരു ഉദ്ദേശ്യം കൂടിയുണ്ട്. ചര്‍ച്ച ചെയ്യപ്പെടുന്ന വിഷയങ്ങളില്‍നിന്നും ശ്രദ്ധ തിരിക്കുക എന്നതാണത്. ഇപ്പോള്‍ ഇസ്ലാമിന്റെ അക്രമ ചരിത്രം ചര്‍ച്ച ചെയ്യാന്‍ തുടങ്ങിയതോടെ തങ്ങള്‍ ആവര്‍ത്തിച്ചുറപ്പിക്കാന്‍ ശ്രമിക്കുന്ന പല സമാധാനകഥകളും അടിസ്ഥാന‍ പ്രമാണങ്ങളുടെ മുമ്പില്‍ തന്നെ തകര്‍ന്നടിയും എന്നുറപ്പുള്ളതിനാലാണ് ഇങ്ങനെയൊരു പല്ലിവാല്‍ കമന്റുമായി ഇവിടെ വീണ്ടും പ്രത്യക്ഷപ്പെടുന്നത് എന്നു വ്യക്തം !

--- ഇനി ലതീഫിന്റെ വിമര്‍ശനങ്ങളിലേക്കു വരാം :

1. ജബ്ബാര്‍ മാഷ് ഇസ്‌ലാമിനെക്കുറിച്ച് ചിലതൊക്കെ തെറ്റായി ധരിച്ചിരിക്കുന്നുവെന്നതല്ല പ്രശ്‌നം; മറിച്ച് ഇസ്‌ലാം എന്ന മതം തന്നെ ലോകത്താകമാനം കുഴപ്പങ്ങളുണ്ടാക്കുന്നു, മാന്യരും സംസ്‌കാരസമ്പന്നരുമായ ഖുറൈശികള്‍ക്കിടയില്‍ ജനിച്ച് അപരിഷ്‌കൃതനും ക്രൂരനുമായ നേതാവായി രംഗത്ത് വരികയും അക്രമത്തിലധിഷ്ഠിതമായ ഒരു മതം കെട്ടിപ്പടുക്കുകയും ചെയ്ത വ്യക്തിയായി പ്രവാചകനെ തെറ്റായി മനസ്സിലാക്കുന്നു, അതാണ് ഭൂലോക സത്യം എന്ന നിലയില്‍ സമൂഹത്തില്‍ അതിന്റെ നിഷേധാത്മക പ്രതികരണം ഒട്ടും പരിഗണിക്കാതെ മുപ്പത് വര്‍ഷമായി പ്രബോധനം നടത്തിക്കൊണ്ടരിക്കുന്നു.
-----
പ്രശ്നം തെറ്റിദ്ധാരണയുടേതല്ല. ശരിയായ ധാരണയുടേതു തന്നെയാണെന്നു ലതീഫ് തിരിച്ചറിയുന്നു എന്നറിയുന്നതില്‍ സന്തോഷമുണ്ട്. അതേ ലതീഫേ.! ഈ മതം സത്യവുമായും നീതിയുമായും പുലബന്ധമില്ലാത്ത ഒരു പ്രാകൃത ഗോത്ര ദര്‍ശനം തന്നെയാണ്. തെറ്റിദ്ധരിരിച്ചിട്ടുള്ളതും തെറ്റിദ്ധരിപ്പിച്ചു കൊണ്ടേയിരിക്കുന്നതും നിങ്ങള്‍ മതപ്രചാരകര്‍ തന്നെയാണ്. വിശ്വാസം എന്ന മാനസിക വിഭ്രാന്തി പിടിപെട്ടതിനാല്‍ സരളവും ലളിതവും വ്യക്തവുമായ അനേകം തെളിവുകള്‍ കണ്‍ മുന്നില്‍ നിരന്നു കിടന്നിട്ടും അതൊന്നും കാണാനും ഗ്രഹിക്കാനും കഴിയാതെ ഈ ഇരുട്ടില്‍ തന്നെ കഴിഞ്ഞുകൂടാനാണു നിങ്ങളുടെ യോഗം . ഇസ്ലാമിന്റെ പേരില്‍ ലോകമാകെ ഭീകരതയും കാട്ടുനീതിയും അപരിഷ്കൃതത്വവും നടമാടുമ്പോള്‍ അതെല്ലാം മറ്റാരുടെയൊക്കെയോ കുഴപ്പം കൊണ്ടാണെന്നും ഒറ്റപ്പെട്ട സംഭവങ്ങളാണെന്നും മതത്തിനിതിലൊന്നും പങ്കില്ലെന്നും പറയാന്‍ കണ്ണും കാതും മനസ്സും യുക്തിയും മരവിച്ചിട്ടില്ലാത്ത ഒരു സത്യാന്യേഷകനു സാധ്യമല്ല. കാരണം മതം എന്താണെന്നു പഠിക്കാന്‍ വേണ്ടത്ര പ്രമാണരേഖകള്‍ ഇവിടെ ലഭ്യമാണെന്നതു തന്നെ. ഞാനും ഈ മതത്തെ, അതിന്റെ തനിനിറത്തെ , തൊട്ടറിഞ്ഞത് ഈ മതപ്രമാണരേഖകളില്‍നിന്നു തന്നെയാണ്. ആ രേഖകള്‍ മലര്‍ത്തി നിരത്തിയാണു ഞാന്‍ എന്റെ വാദങ്ങള്‍ സമര്‍ത്ഥിക്കുന്നത്. അതു നിഷേധിക്കാന്‍ നിങ്ങള്‍ നിരത്തുന്ന മറു രേഖകളാകട്ടെ കേവലം ഊഹങ്ങളും ദുര്‍ബ്ബലങ്ങളുമാണുതാനും.
നാട്ടിലും അയല്‍നാട്ടിലും ഭീതി പരത്തിക്കൊണ്ട്, തന്നെ അല്ലാഹു സഹായിച്ചു എന്ന ഒറ്റ നബി വചനം [ഹദീസ്] തന്നെ മതി , ഇസ്ലാം പ്രചരിച്ചതെങ്ങനെയായിരുന്നു എന്നതിനു തെളിവായി. ലതീഫിന്റെ ആചാര്യനായ മൌദൂദി തന്നെ ഇക്കാര്യം തുറന്നു സമ്മതിച്ചത് പല തവണ ഉദ്ധരിച്ചതാണല്ലോ.
സമാധാനത്തിന്റെ മാര്‍ഗ്ഗം ഇസ്ലാം അവലംബിച്ചിട്ടില്ല എന്നാരും പറയുന്നില്ല. മക്കയിലെ 13 കൊല്ലം തികച്ചും ജനാധിപത്യപരമായ സംവാദങ്ങളാണു നടന്നത്. അതു പക്ഷെ ഒട്ടും ഫലം കാണാതെ പോവുകയായിരുന്നു. വിരലിലെണ്ണാവുന്ന അനുയായികളെ മാത്രമേ നബിക്കു മക്കയില്‍ ലഭിച്ചുള്ളു. പിന്നീട് മദീനയിലെത്തിയ ശേഷം 80 ല്പരം ആക്രമയുദ്ധങ്ങളാണു നടന്നത്. അതിന്റെ ചരിത്ര രേഖകളാണു ഞാന്‍ പുതിയ പോസ്റ്റിലൂടെ അവതരിപ്പിച്ചു തുടങ്ങുന്നത്. അതു സംബന്ധമായ ചരിത്ര രേഖകളൊന്നും നിഷേധിച്ചുതള്ളാനോ അവഗണിക്കാനോ ആര്‍ക്കും സാധ്യമല്ല. മക്കയില്‍ അവതരിച്ച സമാധാനത്തിന്റെ വെളിപാടുകളെല്ലാം മദീനയില്‍ വെച്ചു അല്ലാഹു തന്നെ ക്യാന്‍സല്‍ ചെയ്തു എന്നാണു ഖുര്‍ ആന്‍ പണ്ഡിതന്മാര്‍ ആധികാരികമായിത്തന്നെ രേഖപ്പെടുത്തിയിട്ടുള്ളത്. ഇതൊക്കെ മറച്ചു പിടിക്കാനണിന്നത്തെ വ്യാഖ്യാതാക്കള്‍ പെടാപ്പാടു പെടുന്നതും.

2. ഇത്തരം കാര്യങ്ങള്‍ ഇവ്വിധം ചര്‍ചചെയ്യുന്നത് ഒരു ഹോബിയായി കാണുന്നു, അതില്‍ ഒരു തരം നിര്‍വൃതി അനുഭവിക്കുന്നു. തന്നെ ചീത്തപറയുന്നതും വിമര്‍ശിക്കുന്നതും മുതലെടുത്ത് അത് നേരെ പ്രവാചകന് നേരെ തിരിച്ചുവിടുന്നു. അത്തരം കമന്റുകള്‍ നിലനിര്‍ത്തി മുസ്ലികളുടെ അസഹിഷ്ണുതക്കും മറ്റും തെളിവായി അവതരിപ്പിക്കുകയും വായനക്കാരുടെ സഹതാപം പിടിച്ചു പറ്റുകയും ചെയ്യുന്നു. അതുകൊണ്ടാണ് കെ.പി.എസ് പുതിയ പോസ്റ്റില്‍ പോലും ജബ്ബാര്‍ മാഷ് മുസ്ലിംകളെ ഹൃദയത്തോട് ചേര്‍ത്ത് വെച്ച് സ്‌നേഹ്കുന്നു എന്നൊക്കെ മാഷെ പുകഴ്തിയത്.
----------
ലതീഫിനും കൂട്ടുകാര്‍ക്കും ഈ മതം പ്രചരിപ്പിക്കുമ്പോള്‍ കിട്ടുന്ന ആത്മീയ നിര്‍വൃതിയൊന്നും എനിക്കു കിട്ടുന്നില്ല. ഇതൊന്നും ഒരു പരലോക പ്രതിഫലമോ ഇഹലോക ലാഭമോ പ്രതീക്ഷിച്ചു ചെയ്യുന്നതല്ല. മഹാഭൂരിപക്ഷവും വിശ്വാസികളും മതഭ്രാന്തു ആവാഹിച്ചവരുമായ ഒരു സമൂഹത്തിലാണു ഞാന്‍ ജീവിക്കുന്നത്. അതുകൊണ്ടു തന്നെ മതവിരുദ്ധമായ പ്രവര്‍ത്തനങ്ങള്‍ ഈ സമൂഹത്തില്‍ നഷ്ടങ്ങള്‍ മാത്രമേ വരുത്തി വെക്കൂ എന്നു തിരിച്ചറിഞ്ഞുകൊണ്ടു തന്നെയാണീ ഉദ്യമത്തിനു മുതിരുന്നത്. നാലഞ്ചു തവണ ജീവനു തന്നെ അപകടം നേരിടുന്ന സന്ദര്‍ഭങ്ങള്‍ കഷ്ടിച്ച് അതിജീവിക്കുകയുണ്ടായിട്ടുണ്ട്. ജീവിതത്തില്‍ ഒട്ടേറെ ദുരനുഭവങ്ങളും കഷ്ഠ നഷ്ടങ്ങളും നേരിടേണ്ടിയും വന്നിട്ടുണ്ട്. എന്നിട്ടും ഈ രംഗത്തു പിടിച്ചു നില്‍ക്കുന്നത് ഒരു നിശ്ചയദാര്‍ഡ്യം കൊണ്ടു മാത്രമാണ്. എനിക്കു തിരിച്ചറിയാന്‍ കഴിഞ്ഞ ചില സത്യങ്ങള്‍ ഈ സമൂഹത്തോടും വരും തലമുറയോടും തുറന്നു പറയണമെന്ന ഒരു ആന്തരിക ചോദന എന്തുകൊണ്ടോ എന്നിലും എന്നെപ്പോലുള്ളവരിലും പ്രവര്‍ത്തിക്കുന്നുണ്ട്. അതു ജന്മസിദ്ധമാണോ ആര്‍ജ്ജിതമാണോ എന്നൊന്നും അറിയില്ല. എന്തായാലും തിരിച്ചറിഞ്ഞ സത്യം ജീവിത സൌകര്യംങ്ങളെ മാനിച്ച് മൂടിവെക്കാനും ഒരു മുനാഫിഖ് [കപടവിശ്വാസി] യായി കഴിഞ്ഞു കൂടാനും മനസ്സാക്ഷി സമ്മതിക്കുന്നില്ല. അതാണു കാര്യം. പ്രലോഭനങ്ങള്‍ പലതും മുന്നില്‍ വന്നു നൃത്തം ചെയ്തിട്ടും മനസ്സാക്ഷിയെ വഞ്ചിച്ചൊരു ജീവിതം ചിന്തിക്കാനേ കഴിയുന്നില്ല. അതുകൊണ്ടാണു ലതീഫേ ഒരു യുക്തിവാദിയായിത്തന്നെ ജീവിക്കുന്നതും ശരിയെന്നു ബോധ്യമുള്ള കാര്യങ്ങള്‍ -അതു കയ്പ്പുള്ളതാണെന്നറിഞ്ഞിട്ടും- വെട്ടിത്തുറന്നു പരയുന്നതും. ആരുടെയും സഹതാപം പിടിച്ചു പറ്റണമെന്നു ചിന്തിച്ചിട്ടില്ല. അതിന്റെ കാര്യവുമില്ല. എന്തു ലാഭം മോഹിച്ചാണു സഹതാപം പിടിച്ചു പറ്റുന്നത്? മുസ്ലിംങ്ങള്‍ എന്റെ ശത്രുക്കളല്ല. എന്റെ കുടുംബവും സഹപ്രവര്‍ത്തകരും സഹജീവികളില്‍ മഹാഭൂരിപക്ഷവും മുസ്ലിംങ്ങള്‍ തന്നെയാണ്. ആരോടും ഞാന്‍ ഇന്നു വരെ ശത്രുതയോടെയോ വെറുപ്പോടെയോ പെരുമാറിയിട്ടുമില്ല. അവരെ ബാധിച്ച രോഗമാണ് അന്ധവിശ്വാസമെന്നു തിരിച്ചറിഞ്ഞതു മുതല്‍ ആ രോഗത്തില്‍നിന്നവരെ മോചിപ്പിക്കാന്‍ എന്നാലാവുന്നതു ഞാന്‍ ചെയ്തുവരുന്നു. അതു മനസ്സിലാക്കിയതുകൊണ്ടായിരിക്കാം കെ പി എസ് അങ്ങനെ പറഞ്ഞത്.

3. മുസ്‌ലിംകളില്‍ വളരെ ചെറിയ ന്യൂനപക്ഷം ചെയ്യുന്ന തെറ്റുകളും അവിവേകങ്ങളും ഇസ്‌ലാമിന്റെ മുഴുവന്‍ ചുമലില്‍ ചാര്‍ത്തി. യഥാര്‍ഥ ഇസ്‌ലാമെന്നാല്‍ ക്രൂരതയും ഭീകരതയുമാണെന്ന് വരുത്തിതീര്‍ക്കുന്നു.
----
ഇവിടെയാണ് എനിക്ക് മൌലികമായ അഭിപ്രായവ്യത്യാസമുള്ളത്. മുസ്ലിംങ്ങളില്‍ കുറച്ചു പേരാണു കാര്യനിര്‍വ്വഹണപ്രക്രിയയില്‍ പ്രത്യക്ഷമായ പങ്കു വഹിക്കുന്നത് എന്നതു ശരി തന്നെ. പക്ഷെ , അത്തരം സന്ദര്‍ഭങ്ങളിലെല്ലാം സമുദായത്തിനു നേതൃത്വം നല്‍കുന്ന ഒട്ടു മിക്ക ആളുകളും പ്രസ്ഥാനങ്ങളും എടുക്കുന്ന ഒരു നിലപാടുണ്ട്. അത് ലതീഫ് പറയുന്നതിന്റെ അര്‍ത്ഥശൂന്യതയിലേക്കുള്ള ചൂണ്ടു പലകയാണ്. കുറച്ചാളുകളാണു ചെയ്യുന്നതെങ്കിലും മറ്റെല്ലാവരും ചേര്‍ന്ന് അതിനെ ന്യായീകരിക്കുകയും ചെയ്യുന്ന കുറ്റവാളികളെ സമര്‍ത്ഥമായി പ്രതിരോധിച്ചു സംരക്ഷിക്കുകയും ചെയ്യുന്നു. ഇതാണു ലോകമെമ്പാടും നാം കാണുന്നത്. ഭീകരപ്രവര്‍ത്തനങ്ങള്‍ നടത്തുന്നവരെ ഇസ്ലാമിന്റെ പേരില്‍ ന്യായീകരിക്കാന്‍ മുസ്ലിംസമൂഹം ഒറ്റക്കെട്ടായി സംഘം ചേര്‍ന്നാല്‍ അതിനര്‍ത്ഥം ഭീകരവാദി സമുദായതന്റെ പ്രതിനിധിതന്നെയെന്നല്ലേ?
ഞാന്‍ ഏറ്റവും പുതിയ ഉദാഹരണം തന്നെ പറയാം. അധ്യാപകന്റെ കൈ വെട്ട് നടന്നപ്പോള്‍ എല്ലാ മത സംഘടനകളും നേതാക്കളും ആ പ്രവൃത്തിയെ അപലപിക്കുകയുണ്ടായി. പക്ഷെ അവരെല്ലാം തന്നെ യഥാര്‍ത്ഥ കുറ്റവാളികളെ കണ്ടില്ലെന്നു നടിക്കുകയും ന്യായീകരിക്കുകയുമാണു ചെയ്തത്. 32 കുട്ടികള്‍ക്കായി തയ്യാറാക്കിയ ചോദ്യപ്പേപ്പറിലെ സംഭാഷണ ശകലം പ്രവാചകനെ നിന്ദിക്കാന്‍ അധ്യാപകന്‍ കരുതിക്കൂട്ടി മെനഞ്ഞതാണെന്ന തെറ്റായ പ്രചരണം നടത്തി ഒരു വലിയ പ്രതിഷേധ സുനാമി സൃഷ്ടിച്ച് തെരുവില്‍ ആളെക്കൂട്ടി കൈ വെട്ടുമെന്ന് പരസ്യമായി പ്രഖ്യാപനം നടത്തിയ സമുദായ സംഘടനകളും മതനേതാക്കളുമല്ലേ ഇവിടെ കുറ്റവാളികള്‍? എന്തേ കാര്യം ബോധ്യപ്പെട്ടിട്ടും തങ്ങള്‍ക്കും തെറ്റുപറ്റിയെന്ന് ആരും പറയാതിരുന്നത്? ഇപ്പോഴും അധ്യാപകന്‍ കുറ്റവാളിയാണെന്നാവര്‍ത്തിക്കുക വഴി കൈ വെട്ട് ന്യായീകരിക്കപ്പെടുകയല്ലേ ചെയ്യുന്നത്? നിസ്സാരമായ ഒരു സംഭവം ഊതിപ്പെര്പ്പിച്ച് വര്‍ഗ്ഗീയ വിഷം പരത്തി കലാപത്തിനു കൊടി പാറിച്ച തൊടുപുഴയിലെ മതഭ്രാന്തിന്റെ കൂട്ടായ്മയില്‍ ലതീഫിന്റെ ആദര്‍ശപ്രസ്ഥാനമടക്കം പങ്കാളിയല്ലേ? ക്രിസ്ത്യന്‍ മതനേതൃത്വം ഇക്കാര്യത്തില്‍ കാണിച്ച പക്വതയും സമചിത്തതയും എന്തേ മുസ്ലിം സമൂഹം കാണിച്ചില്ല?
എല്ലാ മുസ്ലിംങ്ങള്‍ക്കും ഒരേ കുഴപ്പമാണു കാണുന്നതെങ്കില്‍ അതിന്റെ കാരണം അന്യേഷിക്കണ്ടേ? ആ കാരണമാണു ഞാന്‍ ഹദീസിലും താരീഖിലും ഖുര്‍ ആനിലും കണ്ടെത്തിയത് ! അസഹിഷ്ണുത ഇസ്ലാമിന്റെ മുഖ മുദ്രയാണ്. !! അക്രമം അതിന്റെ സ്വതസിദ്ധമായ രീതിയും !!

4. സ്വന്തമായി ഒന്നിനും മറുപടിപറയേണ്ടതില്ലാത്തതിനാല്‍ ആക്ഷേപങ്ങളും പരിഹാസവും മാത്രമായി അദ്ദേഹത്തിന് കഴിഞ്ഞുകൂടാനാകുന്നു.
----
ആക്ഷേപവും പരിഹാസവും അര്‍ഹിക്കുന്ന ഒന്നിനെ മാത്രമേ ഞാന്‍ വിമര്‍ശിക്കുന്നുള്ളു എന്നതാണു പ്രശ്നം. മതം ആക്ഷേപിക്കപ്പെട്ടുകൂടാ പരിഹസിക്കപ്പെട്ടുകൂടാ വിമര്‍ശിക്കപ്പെട്ടു കൂടാ എന്നതു നാം ഇവിടെ കൃത്രിമമായി സൃഷ്ടിച്ചെടുത്തിട്ടുള്ള ഒരു പൊതുബോധമാണ്. ആ പൊതു ബോധം പൊളിച്ചെഴുതപ്പെടേണ്ടതുണ്ട് എന്നതാണെന്റെ നിലപാട്. രാഷ്ട്രീയപ്പാര്‍ട്ടികള്‍ എതിര്‍ പാര്‍ട്ടികളുടെ ആശയങ്ങളെയും നിലപാടുകളെയും അതിന്റെ നേതാക്കളെയുമൊക്കെ എത്ര കഠിനമായ ഭാഷയിലാണിവിടെ ആക്ഷേപിക്കുകയും വിമര്‍ശിക്കുകയും ചെയ്യുന്നത്. ആക്ഷേപഹാസ്യം ഇല്ലെങ്കില്‍ പിന്നെ നമ്മുടെ കക്ഷി രാഷ്ട്രീയത്തിന്റെ ജീവന്‍ തന്നെ നഷ്ടപ്പെടില്ലേ? മാധ്യമങ്ങളില്‍ വരുന്ന ആക്ഷേപഹാസ്യങ്ങളിലെ മുഖ്യ കഥാപത്രങ്ങള്‍ നമ്മുടെ രാഷ്ട്രീയക്കാരല്ലേ? അപരന്റെ “രാഷ്ട്രീയവികാരം”വ്രണപ്പെടുന്നു എന്നാരും ചിന്തിക്കാറില്ലല്ലോ? ആദരണീയരായ രാഷ്ട്രനേതാക്കളെ വരെ കാര്‍ട്ടൂണുകളിലൂടെയും നാടകങ്ങളിലൂടെയുമൊക്കെ എത്രയെത്ര കളിയാക്കിയിട്ടുണ്ട് നമ്മള്‍ . രാജസന്നിധിയില്‍ തന്നെ പാര്‍ത്തുകൊണ്ട് രാജാവിനെ പരിഹസിച്ച കുഞ്ചന്റെ മലയാളമല്ലേ നമ്മുടെ മാതൃഭൂമി ? ഇവിടെ ആക്ഷേപ ഹാസ്യം ഒരു ക്രിമിനല്‍ കുറ്റമാണൊ? മതമാകുമ്പോള്‍ അങ്ങനെയൊന്നും പാടില്ല എന്നും മതത്തിന് എല്ലാവരുടെയും ആദരവു മാത്രം ലഭിക്കണമെന്നുമൊക്കെ ആരാ തീരുമാനിച്ചത്? വിരോധാഭാസങ്ങളും യുക്തിഹീനമായ കെട്ടുകഥകളും കൊണ്ട് നിറഞ്ഞ മതപുരാണങ്ങളെ യുക്തിചിന്തകര്‍ക്കു പരിഹസിക്കാതിരിക്കാന്‍ കഴിയുന്നതെങ്ങനെ? വിശ്വാസം വികാരമാണെന്ന കാഴ്ച്ചപ്പാടു വിശ്വാസികള്‍ ഉപേക്ഷിക്കുകയാണു വേണ്ടത്.

5. ഈ മതം അദ്ദേഹം പറയുന്നത് പോലെയാണ് എന്ന് വാദത്തിന് സമ്മതിച്ചുകൊടുക്കുക പകരം എന്താണെന്ന് ഒരിക്കലും അദ്ദേഹം പറയില്ല. മനുഷ്യന് അവന്റെ യുക്തിയും ബുദ്ധിയും ഉപയോഗിച്ചാല്‍ ധാര്‍മികയും മൂല്യവും കണ്ടെത്താം എന്ന് മാത്രമാണ് അദ്ദേഹത്തിന് ആകെ പറയാനുള്ളത്. പിന്നെ ആദരവ് കൊടുത്ത് ആദരവ് വാങ്ങണമെന്നും സ്‌നേഹം കൊടുത്ത് സ്‌നേഹം വാങ്ങണമെന്നും. (എന്നാല്‍ ഇത് രണ്ടും അദ്ദേഹം ഇത് വരെ ബ്ലോഗില്‍ പ്രയോഗിച്ച് കണ്ടിട്ടില്ല- നാട്ടുകാര്‍ക്കിടയിലും സുഹൃത്തുക്കള്‍ക്കിടയിലും പിടിച്ചുനില്‍ക്കാന്‍ അത് പ്രയോഗിക്കുന്നുണ്ടാവാം).
------
ഇതിനൊക്കെ മറുപടി പറഞ്ഞു കഴിഞ്ഞതാണ്. യുക്തിവാദം ഒരു പ്രവാചകനും കിതാബും നിയമസംഹിതയുമൊക്കെയുള്ള ഒരു വ്യവസ്ഥാപിത ആശയമാണെന്ന / അല്ലെങ്കില്‍ അങ്ങനെയാകണമെന്ന മുന്‍ വിധിയാണീ ആക്ഷേപത്തിനു കാരണം. യുക്തിവാദം ഒരു സമീപനരീതി മാത്രമാണ്. സ്വതന്ത്ര ചിന്തയിലൂടെ കാലാനുസൃതമായ സമീപനം എല്ലാ കാര്യത്തിലും സ്വീകരിക്കുകയാണു യുക്തിവാദത്തിന്റെ രീതി. അതു പ്രശ്നാധിഷ്ഠിതമായി മാത്രമേ ചര്‍ച്ച ചെയ്യാനാകൂ. അല്ലാതെ എല്ലാ പ്രശ്നങ്ങള്‍ക്കും റഡി മെയ്ഡായി ഒറ്റമൂലികള്‍ ഉണ്ടാക്കി വെക്കുന്ന മതത്തിന്റെ രീതിക്ക് ഇവിടെ പ്രസക്തിയില്ല. ഒരു യുക്തിവാദിക്ക് ഒരു മതസമൂഹത്തില്‍ തന്നെ നിലനിന്നുകൊണ്ട് എങ്ങനെ ആശ്യപ്രചാരണം നടത്താനാകും എന്നതിന്റെ ഒരു പ്രായോഗികപരീക്ഷണമാണെന്റെ ജീവിതം എന്നു ഞാന്‍ കരുതുന്നു. അതില്‍ ഏറെക്കുറെ വിജയിക്കാന്‍ കഴിഞ്ഞിട്ടുമുണ്ട്. എന്റെ നാട്ടുകാരനായ ലതീഫിന് “... നാട്ടുകാര്‍ക്കിടയിലും സുഹൃത്തുക്കള്‍ക്കിടയിലും പിടിച്ചുനില്‍ക്കാന്‍ അത് പ്രയോഗിക്കുന്നുണ്ടാവ...”മെന്നു പറയേണ്ടി വന്നത് ഒരു നല്ല സര്‍ട്ടിഫിക്കറ്റായി ഞാന്‍ സ്വീകരിക്കുന്നു. “പിടിച്ചു നില്‍ക്കാന്‍ ” ആവശ്യമായ സദാചാരവും മൂല്യങ്ങളുമൊക്കെത്തന്നെയാണു മനുഷ്യര്‍ക്കു വേണ്ടത്. അല്ലാതെ ഇല്ലാത്ത ദൈവങ്ങളെ പ്രീതിപ്പെടുത്താനുള്ള നിരര്‍ത്ഥകവ്യായാമങ്ങളല്ല. സാമൂഹികതയാണു സന്മാര്‍ഗചിന്തയുടെ അടിസ്ഥാനമെന്നു യുക്തിവാദി കരുതുന്നു.
ബ്ലോഗില്‍ പ്രയോഗിക്കുന്ന ഭാഷ ഒരു നിശ്ചിത നിലവാരമുള്ള വായനക്കാരെ ഉദ്ദേശിച്ചുള്ളതാണ്. ബ്ലോഗ് വായിക്കുന്നവര്‍ക്ക് വികാരം ഇളകുമെന്നു ഞാന്‍ കരുതുന്നില്ല. അത്തരം വികാരവ്രണമുള്ളവര്‍ക്ക് ഈ ബ്ലോഗില്‍ വന്നു വായിക്കേണ്ട കാര്യമില്ലല്ലോ? ഇവിടെ വിമര്‍ശനമാണെന്നും ആക്ഷേപവും പരിഹാസവുമൊക്കെ കാണുമെന്നും ഒരിക്കല്‍ വന്ന് എത്തി നോക്കുന്നവര്‍ക്കു തന്നെ മനസ്സിലാകും.. പിന്നീടത്തരക്കാര്‍ ഇവിടെ വരണമെന്നു നിര്‍ബ്ബന്ധമില്ലല്ലോ.

6. സംഭവങ്ങളെയും വസ്തുതകളെയും അല്‍പം വളച്ചൊടിച്ചാല്‍ ആക്ഷേപത്തിനുള്ള ഒരു വകയാകുമെങ്കില്‍ അതേ പ്രകാരം ചെയ്യും. അദ്ദേഹം ഉന്നയിച്ച് പ്രശ്‌നത്തിന് മറുപടി വരുന്നു എന്ന് കാണുമ്പോള്‍ മറ്റൊരു ആരോപണം ഉന്നയിക്കും.
----
സംഭവങ്ങളെയും വസ്തുതകളെയും 99% വും വളച്ചൊടിച്ചുകൊണ്ടാണു ഇന്നത്തെ മതവക്താക്കള്‍ മതങ്ങളെ വെള്ള പൂശുന്നത്. അത്തരം വെള്ള പൂശലുകളെ കാര്യകാരണ സഹിതം തുറന്നു കാണിക്കുന്നതിനെയാണ് ഈ ആരോപണം വഴി വ്യാജമാക്കാന്‍ ശ്രമിക്കുന്നത്. മറുപടി വരുന്നു എന്നു കാണുമ്പോള്‍ വേറെ ആരോപണം വരും എന്ന ആക്ഷേപം അവ്യക്തമാണ്. ഏത് ആരോപണത്തിനാണ് യുക്തിസഹമായ മറുപടി വന്നതെന്നു വ്യക്തമാക്കട്ടെ. അപ്പോള്‍ ബാക്കി പറയാം.

7. ആക്ഷേപാര്‍ഹമായി അദ്ദേഹം കാണുന്ന ഒരു വിഷയം മാത്രമെടുത്ത് ഒരിക്കലും സംവാദത്തിന് സന്നദ്ധമാകില്ല. ഒരു പോസ്റ്റില്‍ പരമാവധി വിഷയം എടുത്ത് ചേര്‍ക്കും. മുഖ്യമായി നല്‍കപ്പെട്ട വിഷയമുണ്ടെങ്കില്‍ എല്ലാ പോസ്റ്റിലും കമന്റിലും അദ്ദേഹം മുപ്പത് വര്‍ഷമായി ആരോപിച്ചുകൊണ്ടിരിക്കുന്ന മുഴുവന്‍ ആരോപണങ്ങളും കടന്ന് വരും.
-----
സമഗ്രവും സമ്പൂര്‍ണ്ണവും എന്ന വകാശപ്പെടുന്ന ഒരു സിദ്ധാന്തത്തെ കഷ്ണം മുറിച്ചു മാത്രമേ ചര്‍ച്ച ചെയ്യാവൂ എന്നു പറയുന്നത് വൈരുദ്ധ്യമല്ലേ? മറുപടിക്കാരുടെ സൌകര്യം മാനിച്ചു വിമര്‍ശകര്‍ വിഷയം തെരഞ്ഞെടുക്കണം എന്നു പറയുന്നതിനര്‍ത്ഥമില്ല. ഈ ആരോപണം യഥാര്‍ത്ഥത്തില്‍ മതക്കാര്‍ക്കാണു യോജിക്കുക. ഏതൊരു വിഷയം ചര്‍ച്ചയ്ക്കിട്ടാലും ആ വിഷയം പറയാതെ പല്ലിവാലുമായി വന്നു ശ്രദ്ധ തിരിക്കുക എന്നതാണിവരുടെ സ്ഥിരം പരിപാടി. ലതീഫിന്റെ ഈ കമന്റ് പോലും അതിനുദാഹരണമാണ്. ഇസ്ലാമിലെ യുദ്ധങ്ങളും അക്രമങ്ങളും ആധാരരേഖകള്‍ ഉദ്ധരിച്ചു ചര്‍ച്ച ചെയ്യാന്‍ തുടങ്ങിയപ്പോഴാണ് മുമ്പ് രംഗം വിട്ട ലതീഫ് ഈ “ജബ്ബാര്‍മാഷ്” ചര്‍ച്ചയുമായി വന്നത്.

ഇഷ്ടപ്പെട്ട വസ്ത്രം ധരിക്കാന്‍ പോലീസ് സംരക്ഷണം !

2010-09-04T10:41:00.002+05:30

കോഴിക്കോട്: കാസര്‍കോട് സ്വദേശി റയാന ഖാസിയുടെ അവകാശ സംരക്ഷണ പോരാട്ടത്തെ ജനാധിപത്യ വിശ്വാസികള്‍ പിന്തുണയ്ക്കണമെന്ന് സാംസ്‌കാരിക പ്രവര്‍ത്തകര്‍ ആവശ്യപ്പെട്ടു. ഇഷ്ടപ്പെട്ട വേഷം ധരിച്ചതിന് വധഭീഷണി നേരിട്ടതിനെത്തുടര്‍ന്ന് റയാനയ്ക്ക് ഹൈക്കോടതിയെ സമീപിക്കേണ്ടിവന്ന സാഹചര്യത്തിലാണിത്. കേരളംപോലുള്ള സംസ്ഥാനത്ത് എന്‍ജിനീയറിങ് ബിരുദധാരിയായ ഒരു പെണ്‍കുട്ടിക്ക് ഇഷ്ടവേഷം ധരിക്കാന്‍ പോലീസ് സംരക്ഷണം തേടേണ്ടിവരുന്നത് ഗൗരവമായി കാണണമെന്ന് എഴുത്തുകാരായ എന്‍.പി. ഹാഫിസ് മുഹമ്മദ്, സി.എസ്. ചന്ദ്രിക, ഖദീജാ മുംതാസ് എന്നിവര്‍ പത്രസമ്മേളനത്തില്‍ പറഞ്ഞു.

എയ്‌റോനോട്ടിക് എന്‍ജിനീയറിങ് പൂര്‍ത്തിയാക്കിയ 22-കാരിയായ റയാന പര്‍ദയും മഖനയും ധരിക്കാത്തതാണ് മതമൗലികവാദികളെ പ്രകോപിപ്പിച്ചത്. ആദ്യം എതിര്‍പ്പുകളും തുടര്‍ന്ന് വധഭീഷണിയുമുണ്ടായി. ഇതേത്തുടര്‍ന്നാണ് റയാന ഹൈക്കോടതിയെ സമീപിച്ചത്. കോടതിയുടെ നിര്‍ദേശപ്രകാരം പോലീസ് സംരക്ഷണം നല്കുന്നുണ്ട്. എന്നാല്‍, സര്‍ക്കാറോ സാംസ്‌കാരിക, പുരോഗമന, മനുഷ്യാവകാശ, സ്ത്രീവിമോചന സംഘടനകളോ ഈ പ്രശ്‌നത്തില്‍ ഫലപ്രദമായി ഇടപെട്ടിട്ടില്ലെന്ന് അവര്‍ പറഞ്ഞു. മുസ്‌ലിം സമുദായത്തിന്‍േറതുള്‍പ്പെടെ എല്ലാവരുടെയും പിന്തുണ ആവശ്യമാണ്.

മതവിശ്വാസം മനസ്സിലാണെന്നും അത് വസ്ത്രധാരണത്തില്‍ ആരെങ്കിലും അടിച്ചേല്പിക്കേണ്ടതല്ലെന്നും റയാന പറഞ്ഞു. താന്‍ തെറ്റൊന്നും ചെയ്തിട്ടില്ല. മതനിന്ദ നടത്തിയിട്ടുമില്ല. പരമ്പരാഗത ഖാസി കുടുംബമാണ് തന്‍േറത്. അവരും തങ്ങളുടെ പള്ളിക്കമ്മിറ്റിയും തന്നെ മനസ്സിലാക്കി കൂടെ നില്‍ക്കുന്നുണ്ട്. സംരക്ഷണം നല്കുന്ന പോലീസുകാരില്‍ ചിലര്‍പോലും വസ്ത്രധാരണത്തില്‍ അനുസരണ കാണിച്ചുകൂടേ എന്നാണ് ചോദിക്കുന്നത്. തെറ്റൊന്നും ചെയ്യാത്തതുകൊണ്ടുതന്നെ പോരാട്ടവുമായി മുന്നോട്ടുപോകുമെന്ന് റയാന പറഞ്ഞു. മകള്‍ക്ക് പൂര്‍ണ പിന്തുണ നല്കുമെന്ന് ഉമ്മ സുഹ്‌റ റഹ്മാനും പത്രസമ്മേളനത്തില്‍ പറഞ്ഞു.

പോലീസ് സംരക്ഷണം കോടതി രണ്ട് മാസത്തേക്ക് കൂടി നീട്ടിക്കൊടുത്തിട്ടുണ്ട്. എന്നാല്‍, റയാനയുടെ ജീവന്‍ ഭീഷണിയിലാണെന്ന ആശങ്കയിലാണ് ബന്ധുക്കളും സുഹൃത്തുക്കളും.
mathrubhumi- 4-9-2010

പഠനക്ലാസും അബ്ദുല്ലക്കുട്ടി അനുസ്മരണവും

2010-08-11T20:59:00.012+05:30

മരണാനന്തരം ശരീരവും അവയവങ്ങളും ദാനം ചെയ്യുമെന്ന് സമ്മതപത്രം നല്‍കിയവര്‍ കല്‍പ്പറ്റയില്‍ ഒത്തു ചേര്‍ന്നപ്പോള്‍ !

--------

“ഭൌതിക ശരീരവും വിശ്വാസങ്ങളും”

പഠനക്ലാസും
അബ്ദുല്ലക്കുട്ടി അനുസ്മരണവും

അവയവദാന സമ്മതപത്ര സമര്‍പ്പണവും

ആഗസ്റ്റ് 15
കല്‍പ്പറ്റ എന്‍ ജി ഒ യൂണിയന്‍ ഹാളില്‍
10 മണി മുതല്‍

സഹസ്രാബ്ദങ്ങള്‍ പിന്നിട്ട മനുഷ്യസംസ്കൃതിയുടെയും അധിനിവേശങ്ങളെ അതിജീവിച്ച ഗോത്രസംസ്കാരങ്ങളുടെയും ചരിത്രമുറങ്ങുന്ന വയനാട്ടില്‍ എണ്‍പതുകളുടെ തുടക്കം മുതല്‍ തന്നെ ശാസ്ത്രബോധവും യുക്തിചിന്തയും പ്രചരിപ്പിച്ച ജനകീയപ്രസ്ഥാനങ്ങളുടെ മുന്നിരയില്‍ ബത്തേരിപുത്തങ്കുന്ന് സ്വദേശിയായ അബ്ദുള്ളക്കുട്ടിയും ഉണ്ടായിരുന്നു.
നിശ്ചയദാര്‍ഢ്യവും, ആദര്‍ശധീരതയും, അര്‍പ്പണമനോഭാവവും കൊണ്ട് സ്വന്തം കര്‍മ്മമണ്ഡലത്തില്‍ ശ്രദ്ധേയനായ അദ്ദേഹം ഏറെക്കാലം കേരളയുക്തിവാദി സംഘത്തിന്റെ ജില്ലാ സെക്രട്ടറിയായിരുന്നു. മരണശേഷം കണ്ണുകള്‍ അന്ധര്‍ക്കും ശരീരം മെഡിക്കല്‍ വിദ്യാര്‍ത്ഥികള്‍ക്ക് പഠനത്തിനും സമര്‍പ്പിച്ച അബ്ദുള്ളക്കുട്ടിയെയും അദ്ദേഹത്തിന്റെ അന്ത്യാഭിലാഷം നിര്‍വിഘ്നം നിറവേറ്റിയ കുടുംബാംഗങ്ങളെയും സ്നേഹപൂര്‍വ്വം സ്മരിക്കുന്നു.
2010 ആഗസ്റ്റ് 15 ന് കല്‍‌പ്പറ്റ എന്‍.ജി.ഒ.യൂണിയന്‍ ഹാളില്‍ നടക്കുന്ന മരണാനന്തര നേത്ര-ശരീരദാന സമ്മതപത്ര സമര്‍പ്പണത്തിലൂടെ യുക്തിവാദി സംഘം പ്രവര്‍ത്തകര്‍ സി.കെ.അടയളപ്പെടുത്തിയ മാതൃകയില്‍ത്തന്നെ അദ്ദേഹത്തെ ആദരിക്കുകയും അനുസ്മരിക്കുകയുമാണ്.
മതേതര മാനവികമൂല്യങ്ങള്‍ ബലികഴിച്ചുകൊണ്ട് സങ്കുചിതവും പ്രാകൃതവും ഭരണഘടനാവിരുദ്ധവുമായ നീചകൃത്യങ്ങളിലൂടെ പോപ്പുലറാവാന്‍ ശ്രമിക്കുന്നവരും ഇടയലേഖനമിറക്കി പൌരന്റെ സ്വതന്ത്ര സമ്മതിദാനാവകാശത്തെ സ്വാധീനിക്കാന്‍ ശ്രമിക്കുന്നവരും ബാബറിമസ്ജിദ് തകര്‍ത്ത് ഭാരതത്തെ കലാപഭൂമിയാക്കി മധുരമുണ്ടവരും മനുഷ്യസമൂഹത്തിന്റെമുന്നോട്ടുള്ള പ്രയാണത്തെ തടയിടാന്‍ വിഫലശ്രമം നടത്തുകയാണ് . മതേതര ജനാധിപത്യം നേരിടുന്ന ഇത്തരം അരാഷ്ട്രീയ വെല്ലുവിളികള്‍ മറികടക്കുന്നതിന് മതാന്ധതയുടെ കൂരിരുളില്‍ നിന്നും മനുഷ്യസ്നേഹത്തിന്റേയും നന്മയുടേയും പുലരിയിലേക്ക് ശാസ്ത്രബോധവും യുക്തിചിന്തയുമായി നമുക്ക് യാത്രതുടരാം.
ശാസ്ത്രലേഖകനായ ജീവന്‍ ജോബ് തോമസിന്റെ ഭൌതിക ശരീരവും വിശ്വാസങ്ങളും എന്ന പഠനക്ലാസ്സോടെ ആരംഭിക്കുന്ന അനുസ്മരണപരിപാടിയില്‍ പരിയാരം മെഡിക്കല്‍ കോളേജ് പ്രിന്‍സിപ്പാള്‍ ഡോ.ബി.രാധാക്രിഷ്ണന്‍ സമ്മതപത്രം ഏറ്റുവാങ്ങുന്നു.
ഏവരുടെയും സാന്നിദ്ധ്യവും സഹകരണവും അഭ്യര്‍ത്ഥിക്കുന്നു.
സ്നേഹാദരങ്ങളോടെ,

എം.ദിവാകരൻ (പ്രസിഡന്റ്) ബഷീര്‍ ആന്ദ് ജോണ്‍ (സെക്രട്ടറി)
കേരളയുക്തിവാദി സംഘം, വയനാട് ജില്ലാകമ്മറ്റി.
_______________________________________________________________________________________
കാര്യപരിപാടി
15- 08-2010 ഞായര്‍
10 മണിക്ക് പഠനക്ലാസ് - ഭൌതിക ശരീരവും വിശ്വാസങ്ങളും
വിഷയാവതരണം : ജീവന്‍ ജോബ് തോമസ്
2 മണിക്ക് - സി.കെ.അബ്ദുള്ളക്കുട്ടി അനുസ്മരണവും സമ്മതപത്രം ഏറ്റുവാ‍ങ്ങലും
അദ്ധ്യക്ഷന്‍ - യു.കലാനാഥന്‍ (കെ.വൈ.എസ്. സംസ്ഥാന പ്രസിഡന്റ്)
സമ്മതപത്രം ഏറ്റുവാ‍ങ്ങൽ - ഡോ.ബി.രാധാക്രിഷ്ണന്‍ (പ്രിന്‍സിപ്പാള്‍, പരിയാരം മെഡിക്കല്‍ കോളേജ്)
അനുസ്മരണപ്രഭാഷണം - ഇ.എ.ജബ്ബാര്‍.

----------------------------------------------------------------------------------------

അവയവദാനം എന്ത്? എങ്ങനെ?

2010-08-07T18:00:00.005+05:30

അവയവദാനം
ബോധവല്‍കരണക്ലാസും
സമ്മതപത്ര സമര്‍പ്പണവും

8-8-2010, 2.30PM
സ്പോര്‍ട്സ് കൌണ്‍സില്‍ ഹാള്‍ , മാനാഞ്ചിറ , കോഴിക്കോട്

[സയന്‍സ് ട്രസ്റ്റ് - കോഴിക്കോട്]

സഹോദരന്‍ അയ്യപ്പന്റെ കവിത തിരുത്തിയതിനെപ്പറ്റി

2010-07-17T15:11:00.006+05:30

തിരുത്ത്‌ -ധാരണപ്പിശകോ രാഷ്ട്രീയ തന്ത്രമോ ?

[വൈരുദ്ധ്യാധിഷ്ഠിത ഭൌതികവാദം ശാസ്ത്രമല്ല !]

ഡോ. സി വിശ്വനാഥന്‍

"യുക്തിയേന്തി മനുഷ്യന്റെ
ബുദ്ധിശക്തി ഖനിച്ചതില്‍
ലഭിച്ചതല്ലാതില്ലൊന്നും
ലോകവിജ്ഞാന രാശിയില്‍."

സാമാന്യഭാഷാ പരിചയമുള്ള ആര്‍ക്കും ഈ വരികളുടെ അര്‍ഥം വ്യക്തമാണ്.
"മനുഷ്യന്റെ ബുദ്ധിശക്തി" എന്നത് ആദ്യ പാദത്തിലെ 'കര്‍ത്താവ്‌' ആണ്.
"ഖനിക്കുക" എന്നത് 'ക്രിയ' യും. സംശയാത്മാകള്‍ക്ക് വേണമെങ്കില്‍ വാക്കുകള്‍
മാത്രം മാറ്റി, ശ്ലോകത്തിന്റെ ഘടന അതേപടി നിലനിര്‍ത്തി ഒരു പാരഡി
എഴുതിനോക്കി, അര്‍ഥം ഇളക്കിവെച്ചുറപ്പിക്കുക'യുമാവാം :

"കൈക്കോട്ടേന്തി മനുഷ്യന്റെ
കയ്യ് മാന്തിയെടുത്തതില്‍
ലഭിച്ചതല്ലാതില്ലൊന്നും
ചേന വില്‍പ്പന ശാലയില്‍ "

ഇനി ആദ്യ ശ്ലോകത്തിന്റെ അര്‍ഥം പരിശോധിക്കാം.പൂര്‍വാചാര്യന്മാര്‍ക്കു
സിദ്ധിച്ച സനാതനമായ സത്യങ്ങള്‍ അല്ല മനുഷ്യ വിജ്ഞാനത്തിന്റെ കലവറ
എന്നതാണ് സഹോദരന്‍ അയ്യപ്പന്റെ ശ്ലോകത്തിന്റെ താല്പര്യം. മനുഷ്യന്റെ
ബുദ്ധിശക്തി, യുക്തിയെന്ന ആയുധമുപയോഗിച്ച്, പ്രകൃതിപ്രതിഭാസങ്ങളെ
'ഖനിച്ചതില്‍' നിന്നാണ് അവന്റെ/അവളുടെ അറിവ് വര്‍ധിച്ചത് എന്നാണ്
ഉദ്ദേശം. അതങ്ങനെയിരിക്കെ , "മേല്‍ക്കൊടുത്ത വരികളില്‍
സൂചിപ്പിക്കുന്നത് 'വിജ്ഞാന രാശി' യുടെ ഉറവിടം 'മനുഷ്യന്റെ ബുദ്ധിശക്തി'
യില്‍ നടക്കുന്ന യുക്തിപ്രയോഗമാണ് എന്നാണല്ലോ." എന്ന് ഒരാള്‍
പറഞ്ഞുവെന്നു കരുതുക. എങ്കില്‍, രണ്ടാമത്തെ ശ്ലോകത്തിന്റെ അര്‍ഥം
സൂചിപ്പിക്കുന്നത്, " ചേനകളുടെ ഉറവിടം 'മനുഷ്യന്റെ കയ്യില്‍' നടക്കുന്ന
കൈക്കോട്ടു പ്രയോഗമാണ് " എന്നായല്ലേ പറ്റൂ ! ബുദ്ധിമാനായ ഒരാളാണ്
ഇപ്രകാരം ശ്ലോകാര്‍ഥത്തെ വികൃതമായി ദുര്‍വ്യാഖ്യാനം ചെയ്യുന്നതെങ്കില്‍,
ഒന്നുകില്‍ അദ്ദേഹത്തിന് താല്‍ക്കാലികമായി ഒരു ധാരണപ്പിശക് സംഭവിച്ചു
വെന്നോ, അതല്ലെങ്കില്‍ മനപ്പൂര്‍വം കേള്‍വിക്കാരെ തെറ്റിധരിപ്പിച്ചു
എന്നോ കരുതാം.

അത്ഭുതപ്പെടരുത്, സഹോദരന്‍ അയ്യപ്പന്റെ മേല്‍ക്കൊടുത്ത വരികള്‍ക്ക്
അയുക്തികമായ ഈ വ്യാഖ്യാനം നല്‍കിയത്, ബഹുമാന്യനായ ഇ. എം. എസ്. ആണ്! (
'യുക്തിവാദികളും കമ്മുണിസ്റ്റുകാരും' എന്ന പുസ്തകം) ഒന്നുകൂടി
അദ്ദേഹത്തിന്റെ വാക്കുകള്‍ വായിക്കുക. ""മേല്‍ ക്കൊടുത്ത വരികളില്‍
സൂചിപ്പിക്കുന്നത് 'വിജ്ഞാന രാശി' യുടെ ഉറവിടം 'മനുഷ്യന്റെ ബുദ്ധിശക്തി'
യില്‍ നടക്കുന്ന യുക്തിപ്രയോഗമാണ് എന്നാണല്ലോ. ഇത് യഥാര്‍ത്ഥത്തില്‍ ആശയ
വാദത്തിന്റെ സമീപനമാണ്, ഭൌതിക വാദത്തിന്റെതല്ല." സംഗതി ശരിയാണ്.
"'വിജ്ഞാന രാശി' യുടെ ഉറവിടം 'മനുഷ്യന്റെ ബുദ്ധിശക്തി' യില്‍ നടക്കുന്ന
യുക്തിപ്രയോഗമാണ്" എന്ന് ആരെങ്കിലും വാദിച്ചാല്‍ അത് ആശയവാദം തന്നെയാണ്,
ഭൌതിക വാദം അല്ല. പക്ഷെ അയ്യപ്പനും കൂട്ടരും ഒരിക്കലും അങ്ങനെ
വാദിച്ചിട്ടില്ല. "നിരീക്ഷണവും അതിനെ അടിസ്ഥാനപ്പെടുത്തിയുള്ള
യുക്ത്യധിഷ്ടിതമായ ചിന്തനവും മാത്രമാണ് " വിജ്ഞാനത്തിനുള്ള ഉപാധി എന്നാണ്
അവര്‍ വാദിച്ചിട്ടുള്ളത്.

ഇ.എം.എസ് ഇവിടെ അവലംബിച്ചത്, 'straw man argument' എന്ന കുതര്‍ക്ക
രീതിയാണ്. എതിരാളിയുടെ വാദത്തെ തെറ്റായ രീതിയില്‍ അവതരിപ്പിച്ച ശേഷം , ആ
അവതാരത്തെ ആക്രമിച്ചു നിലം പരിശാക്കുക എന്നതാണ് ഈ രീതി. വൈക്കോല്‍ രൂപം
പൊളിഞ്ഞുവീഴുംപോള്‍ അനുയായികള്‍ക്ക് കൈയടിക്കുകയുമാവാം.
പക്ഷെ, നിഷ്പക്ഷരായ നിരീക്ഷകര്‍ക്ക്, പ്രതിവാദത്തിന്റെ അര്‍ത്ഥശൂന്യത
മനസ്സിലാക്കാന്‍ ബുദ്ധിമുട്ടൊന്നുമില്ല.

വിജ്ഞാനത്തിന്റെ ഉറവിടം, "'മനുഷ്യന്റെ ബുദ്ധിശക്തി' യില്‍ നടക്കുന്ന
യുക്തിപ്രയോഗമാണ്" എന്ന ദാര്‍ശനിക സമീപനം ലോകവ്യാപകവും അതിപുരാതനമാണ്.
മനനം ആയിരുന്നുവല്ലോ മുനിമാരുടെ ജ്ഞാന മാര്‍ഗം.പൂര്‍വസൂരികള്‍
കണ്ടെത്തിയിട്ടുള്ള, നിര്‍വിവാദമെന്നെണ്ണിപ്പോരുന്ന നിത്യസത്യങ്ങള്‍
('ബ്രഹ്മം മാത്രമാണ് സത്യം' അതല്ലെങ്കില്‍ " ഓരോ ഭൌതികപദാര്‍ഥത്തിലും
സാമൂഹ്യസ്ഥാപനത്തിലും ക്രിയാത്മകവും നിഷേധാത്മകവുമായ രണ്ടു
വിരുദ്ധശക്തികള്‍ പ്രവര്‍തിച്ചുകൊണ്ടിരിക്കുന്നു" ഇത്യാദി ) ആണ് ഇവരുടെ
'ചിന്താ പ്രക്രിയയുടെ' അടിസ്ഥാനം. ആദിശങ്കരന്റെ so called യുക്തിവാദവും
എംഗല്‍സിന്റെ വൈരുദ്ധ്യാത്മക ഭൌതികവാദവും അടിസ്ഥാനപരമായി ഒരേ തരം
ചിന്താപദ്ധതി കളാണ്. ഹിമാലയ സാനുക്കളില്‍, ജനനം/ മരണം ,വിധി/ പൌരുഷം ,
വ്യക്തി/ സമൂഹം, ഇത്യാദി വൈരുധ്യങ്ങളെ മനനം ചെയ്തു പോന്ന ആര്‍ഷ
ചിന്താപാരമ്പര്യ(1) ത്തിന്റെ ഇന്നത്തെ യഥാര്‍ത്ഥ അവകാശികള്‍, ഏതൊരു
അവസ്ഥയെക്കുറിച്ചും- അതൊരു സാമൂഹ്യാവസ്ഥയാകട്ടെ, ഭൌതിക പ്രതിഭാസമാകട്ടെ-
"ഇതിലെ മുഖ്യ വൈരുധ്യമെന്ത് " ? എന്ന ചോദ്യമുപയോഗിച്ച് പ്രശ്ന ചിന്ത
നടത്താന്‍ ശ്രമിക്കുന്ന വൈരുദ്ധ്യാത്മക ഭൌതിക വാദികളാണ് എന്ന്
തോന്നുന്നു.

ഇപ്പറഞ്ഞ മുനിമാര്‍ഗത്തില്‍ നിന്നുള്ള വ്യക്തമായ വഴി പിരിയലാണ് ജ്ഞാനോദയ
ത്തോടെ സംഭവിച്ചത്. 'നിര്‍വിവാദ'മായ ആദിധാരണകളുടെ (a priori beliefs)
അടിസ്ഥാനത്തിലുള്ള മനനം, നിര്‍ധാരണം ഇവയല്ല ജ്നാനതിനുള്ള മാര്‍ഗമെന്നു
ജ്ഞാനോദയ കാലത്തോടെ വെളിവായി. വാസ്തവത്തില്‍, കുറെ വിവരങ്ങളുടെ
വിസ്ഫോടനമല്ല ജ്ഞാനോദയത്തിന്റെ യഥാര്‍ത്ഥ സ്വരൂപം. മറിച്ചു,
ചിന്താരീതിയിലുള്ള ഈ വമ്പിച്ച മാറ്റമാണ്. പ്രകൃതി
പ്രതിഭാസങ്ങളെക്കുറിച്ചുള്ള ഏതൊരു അവകാശ വാദവും യഥാര്‍ത്ഥ നിരീക്ഷണങ്ങളെ
ആശ്രയിച്ചാവണമെന്നും, ആദിധാരണകളുടെ അടിസ്ഥാനത്തിലുള്ള ന്യായവാദങ്ങളുടെ
പൊയ്ക്കാലുകളിന്‍ മേലാവരുതെന്നും ഇക്കാലത്ത് സമ്മതമായിതീര്‍ന്നു.(2 )
ജ്ഞാനോദയ ബൌദ്ധിക പാരമ്പര്യത്തിന്റെ പതാകാവാഹകരാകയാലാണ് ,"യുക്തിവാദം
ഒരു മതമല്ല.അത് അനുഭവത്തെ അടിസ്ഥാനപ്പെടുത്തിയുള്ള അറിവ് മാത്രം
സ്വീകരിക്കുക എന്ന ഒരു മനോഭാവമാണ് " എന്നും,"യുക്തി അനുസരിച്ച് ശരിയെന്നു
കണ്ട് ഒരിക്കല്‍ പറയുന്നത് പിന്നെ പുതിയ അന്വേഷണങ്ങളുടെ ഫലമായി
തെറ്റെന്നു കണ്ടാല്‍ തെറ്റെന്നും മുന്‍പ് തെറ്റെന്നു കണ്ടത് അപ്രകാരം
പിന്നെ ശരിയെന്നു കണ്ടാല്‍ ശരിയെന്നും സമ്മതിക്കുവാന്‍ യുക്തിവാദിക്ക്
വിരോധമില്ല" എന്നുമൊക്കെ അയ്യപ്പനും കൂട്ടുകാരും
പറഞ്ഞത്‌.ജീവശാസ്ത്രത്തെക്കുറിച്ചുള്ള പരമ്പരാഗത "വൈരുദ്ധ്യാത്മക ഭൌതിക
വാദ" ധാരണകള്‍ വീസ്മാന്‍, മെന്‍ഡല്‍ , മോര്‍ഗന്‍ തുടങ്ങിയവരുടെ അന്വേഷണ
ഫലങ്ങളുടെ അടിസ്ഥാനത്തില്‍ തെറ്റാണെന്ന് തെളിഞ്ഞപ്പോള്‍, ഈ വക ആധുനിക
വിജ്ഞാനങ്ങളൊക്കെയും കപടമാണെന്ന് മുദ്രയടിച്ച് സിദ്ധാന്ത രക്ഷ
ചെയ്തവരാണ് ചില വൈ.ഭൌ ആചാര്യന്മാര്‍ എന്ന് കൂടി ഓര്‍ക്കുക!
ഉപസംഹാരം: അറിവിനെക്കുറിച്ചുള്ള കേവല വാദപരമായ നിലപാടല്ല, സഹോദരന്‍
അയ്യപ്പന്റെ വിഖ്യാതമായ ശ്ലോകം പ്രതിഫലിപ്പിക്കുന്നത്- മറിച്ച്‌,
ജ്ഞാനോദയ ബൌദ്ധിക പാരമ്പര്യത്തിന്റെ (ഇക്കാലത്തും പ്രസക്തമായ)
ജ്ഞാനമാര്‍ഗ സിദ്ധാന്തത്തെയാണ്. വൈരുദ്ധ്യാത്മക ഭൌതികവാദം ആധുനിക
വിജ്ഞാനമാണ്‌ എന്നത് കേവലം അടിസ്ഥാനരഹിതമായ ഒരുതെറ്റിദ്ധാരണ മാത്രമാണ്.
ജ്ഞാനോദയ പാരമ്പര്യത്തിന്റെ ചുവടു പിടിച്ചു, വൈരുദ്ധ്യാത്മക ഭൌതികവാദ
മെന്ന പ്രാക്തന ചിന്താരീതിയെ പിന്തള്ളി മുന്നോട്ടുപോവുകയാണ് കേരളത്തിലെ
ഭൌതികവാദി സമൂഹം ഇനിയെങ്കിലും ചെയ്യേണ്ടത്.

-----------------------------------------------------------------------
കുറിപ്പുകള്‍:

(1 )-"ഇതിങ്കലൊരു വാനപ്രസ്ഥനായ്, ജനി/മൃതി, വിധി/ പൌരുഷ, വ്യഷ്ടി/
സമഷ്ടി, ദ്വന്ദ്വങ്ങളെ നിതിധ്യാസം ചെയ്തു നിത്യ തൃപ്തനായ്‌, സര്‍വ
നിരപേക്ഷനായ് വാഴ്വതെന്‍ പ്രജ്ഞ തേടും ലക്‌ഷ്യം. ആയിരം തലമുറ
യായിട്ടെന്‍ പിതാമഹര്‍ താലോലിച്ചിരുന്നതീ യരുമക്കിനാവല്ലോ "-എന്‍. വി.
കൃഷ്ണവാര്യര്‍. "അവസാനത്തെ ആസ്പത്രി " എന്ന ഹിമാലയത്തെക്കുറിച്ചുള്ള
കവിത.

(2 )-"The purpose", wrote Diderot,the author of the encyclopedia, the
remarkable compendium of the European enlightenment, "is not only to
provide a certain body of knowledge but also to bring about a change
in the mode of thinking". This "change in the mode of thinking" lay
broadly in a change from contemplative , deductive reasoning from
intuitively grasped, god and tradition sanctioned a priori beliefs to
an insistence on deriving any claim regarding nature's order from the
data of experience alone.Knowledge was no longer to proceed from
concepts and axioms to phenomenon, but vice versa.At its core, the
Enlightenment was an attempt to popularize and institutionalize modest
procedural principles of knowledge that insisted on breaking apart
all existing claims of cause and effect derived from earlier
metaphysical systems and rationalist schemes and to test them against
observation and experiment..If there was a dogma of enlightenment, it
was that there were to be no dogmas, no a priori truths and no
privileged sources of affirmation.All dogmas could be queried by
private citizens, who have the right to come together in the public
sphere, as equals, to pursue truth through open critical debate."(
Meera Nanda- " Breaking the spell of Dharma")

കോടീശ്വരന്മാര്‍ സ്വത്തില്‍ പാതി ജീവകാരുണ്യ പ്രവര്‍ത്തനങ്ങള്‍ക്കായി നീക്കിവെക്കുന്നു.

2010-06-26T11:02:00.006+05:30

ന്യൂയോര്‍ക്ക്: അമേരിക്കയിലെ നാല്പത് കോടീശ്വരന്മാര്‍ സ്വത്തില്‍ പാതി ജീവകാരുണ്യ പ്രവര്‍ത്തനങ്ങള്‍ക്കായി നീക്കിവെക്കുന്നു.

ലോകത്തെ കോടീശ്വരന്മാരില്‍ രണ്ടാംസ്ഥാനക്കാരനായ ബില്‍ ഗേറ്റ്‌സും മൂന്നാംസ്ഥാനത്തുള്ള വാറന്‍ ബുഫെയുമാണ് ഈ പുത്തന്‍ പദ്ധതിക്ക് ചുക്കാന്‍ പിടിക്കുന്നത്. ഈ സംരംഭത്തില്‍ പങ്കാളികളാകുന്നവരുടെ പേരുവിവരം 'ദ ഗിവിങ് പ്ലെഡ്ജ്' എന്ന വെബ്‌സൈറ്റില്‍ പ്രസിദ്ധപ്പെടുത്തിയിട്ടുണ്ട്.

ന്യൂയോര്‍ക്ക് മേയര്‍ മൈക്കല്‍ ബ്ലൂംബെര്‍ഗ്, മൈക്രോസോഫ്റ്റിന്റെ സഹസ്ഥാപകന്‍ പോള്‍ അലെന്‍, ഒറാക്കിള്‍ സ്ഥാപകന്‍ ലാറി എലിസണ്‍, ഹോളിവുഡ് സംവിധായകന്‍ ജോര്‍ജ് ലൂക്കാസ്, ഹില്‍ട്ടന്‍ ഹോട്ടല്‍ സ്ഥാപകന്‍ കൊണ്‍റാഡ് ഹില്‍ട്ടന്റെ മകന്‍ ബാരന്‍ ഹില്‍ട്ടന്‍ തുടങ്ങിയവര്‍ ഈ സംരംഭത്തില്‍ പങ്കാളികളാണ്.

ഫോബ്‌സ് മാസിക ഈ വര്‍ഷം പുറത്തുവിട്ട കണക്കനുസരിച്ച് 5300 കോടി ഡോളറാണ് (2.4 ലക്ഷം കോടി രൂപ) ബില്‍ ഗേറ്റ്‌സിന്റെ സ്വത്ത്. ബുഫെയുടേതാകട്ടെ 4700 കോടി ഡോളറും (2.1 ലക്ഷം കോടി രൂപ). 1750 കോടി ഡോളറാണ് (80,000 കോടി രൂപ) ബ്ലൂംബെര്‍ഗിന്റെ സ്വത്ത്. ലോറന്‍സ് എലിസന്‍േറതാകട്ടെ 2800 കോടി ഡോളറും (1.2 ലക്ഷം കോടി രൂപ).
[മാതൃഭൂമി 6-8-2010]
------
ശുദ്ധ നിരീശ്വരവാദികളാണ് ബില്‍ഗേറ്റ്സ് ഉള്‍പ്പെടെ ഇതില്‍ പലരും !
മനുഷ്യനന്മയ്ക്ക് ദൈവവിശ്വാസം വേണ്ട എന്നു സാരം !!
പരലോകത്തെ പ്രതിഫലം മോഹിക്കാതെ തന്നെ മനുഷ്യന്‍ നന്മ ചെയ്യും .

സംവാദം

2010-04-30T07:49:00.004+05:30

റിങ് ടോണും ദൈവവും !

2010-03-30T19:57:00.002+05:30

ഈ ഫത് വ കണ്ടപ്പോള്‍ ഒരു പഴയ അനുഭവം ഓര്‍ത്തു. ഞാന്‍ വിദ്യാര്‍ത്ഥിയായിരുന്ന കാലത്താണ്. മഞ്ചേരിയില്‍ നിന്നും മലപ്പുറത്തേക്കു ബസ്സില്‍ യാത്ര ചെയ്യുകയായിരുന്നു. വഴിയില്‍ ഒരു അടഞ്ഞ ഗേയ്റ്റില്‍ വലിയ അക്ഷരത്തില്‍ എഴുതി വെച്ചിരിക്കുന്നു: NO GOD ; ബസ്സ് പെട്ടെന്നു കടന്നു പോയതുകൊണ്ട് ആ വീടേതാണെന്നൊന്നും ശ്രദ്ധിക്കാന്‍ കഴിഞ്ഞില്ല. ഞാന്‍ അല്‍ഭുതപ്പെട്ടു. മലപ്പുറത്ത് ഇത്രയും ധീരനായ ഒരു നിരീശ്വരവാദിയോ? അയാളെ ഒന്നു പരിചയപ്പെട്ടിട്ടു തന്നെ കാര്യം ! സ്വന്തം വീടിന്റെ ഗെയ്റ്റില്‍ ദൈവം ഇല്ല എന്നൊക്കെ എഴുതി വെക്കണമെങ്കില്‍ അയാള്‍ക്കു ചില്ലറ ധൈര്യമൊന്നും പോരാ !!
മടക്ക യാത്രയില്‍ ഞാന്‍ ബസ്സിന്റെ ആ സൈഡില്‍ തന്നെ ഇരുന്ന് ശ്രദ്ധിച്ചു. അപ്പോള്‍ കണ്ടത് ഇങ്ങനെയായിരുന്നു : EXCEPT ALLAH ! മലപ്പുറത്തേക്കു പോകുമ്പോള്‍ തുറന്നിട്ട പാതി ഗേയ്റ്റ് തിരികെ പോരുമ്പോള്‍ അടഞ്ഞും മറ്റേതു തുറന്നുമാണു കിടന്നിരുന്നത്. സൂക്ഷിച്ചു നോക്കിയപ്പോള്‍ അത് ഒരു പള്ളിയാണെന്നും മനസ്സിലായി.
ലാ ഇലാഹ ഇല്ലല്ലാഹു എന്ന് രണ്ടു ഗെയ്റ്റിലുമായി എഴുതിയതാണെന്ന് എനിക്കു മനസ്സിലായില്ല. പിന്നെയല്ലേ റിങ് ടോണാണ് അതു പകുതിക്കു മുറിഞ്ഞതാണ് സാരമില്ല എന്നൊക്കെ പാവം ദൈവത്തിനു മനസ്സിലാകുന്നത്! അത്രയ്ക്കു ബുദ്ധിയും വിവേകവുമൊക്കെ മൂപ്പര്‍ക്കുണ്ടോ????

മലപ്പുറത്ത് പഠനക്യാമ്പ് !

2010-03-14T20:26:00.007+05:30

“യുക്തിചിന്തയുടെ പുതു യുഗം “
ഇന്ന് [14-3-2010]മലപ്പുറത്ത് യുക്തിവാദിസംഘം വിദ്യാര്‍ഥികള്‍ക്കും യുവാക്കള്‍ക്കുമായി സംഘടിപ്പിച്ച പഠനക്യാമ്പില്‍ സി രവിചന്ദ്രന്‍ ക്ലാസ്സെടുക്കുന്നു.

ഡോ.പി ടി രാമചന്ദ്രന്‍ ക്ലാസെടുക്കുന്നു.
-----------

വിദ്യാര്‍ത്ഥികള്‍ക്കിടയില്‍ ശാസ്ത്രബോധവും സ്വതന്ത്രചിന്തയും പ്രചരിപ്പിക്കുക എന്ന ലക്ഷ്യം മുന്‍ നിര്‍ത്തി മലപ്പുറം ജില്ലയിലെ ക്യാമ്പസുകള്‍ കേന്ദ്രീകരിച്ച് ഒരു പുതിയ സാംസ്കാരികസംഘടനയ്ക്കു രൂപം നല്‍കിയിരിക്കുന്നു.

RAYS [Radical Association of Youth and Students]

RAYS ന്റെ ആദ്യ സംരംഭമായിരുന്നു മലപ്പുറത്തെ പഠനക്യാമ്പ്. 50 ലധികം കോളെജ് വിദ്യാര്‍ത്ഥി വിദ്യാര്‍ത്ഥിനികളും നൂറില്‍ പരം യുവാക്കളും ക്യാമ്പില്‍ പങ്കെടുത്തു. ക്ലാസ് ഒരു പുതിയ അനുഭവമായിരുന്നുവെന്ന് പങ്കാളികള്‍ വിലയിരുത്തി. ചിന്താര്‍ഹവും പഠനാര്‍ഹവുമായ ഒട്ടേറെ നവാനുഭവങ്ങള്‍ പഠിതാക്കള്‍ പങ്കു വെച്ചു.
തിരുവനന്തപുരം യൂണിവേഴ്സിറ്റി കോളേജിലെ ഇംഗ്ലീഷ് വിഭാഗം ലക്ചററും , ‘നാസ്തികനായ ദൈവം’ എന്ന പുസ്തകത്തിലൂടെ ഏറെ ശ്രദ്ധേയനുമായ സി രവിചന്ദ്രനാണു ക്ലാസ് നയിച്ചത്. റിച്ചാര്‍ഡ് ഡോകിന്‍സിന്റെ ചിന്തകളെ ആസ്പദമാക്കി ആധുനിക നാസ്തികവാദത്തിന്റെ വിവിധ വശങ്ങള്‍ അദ്ദേഹം അവതരിപ്പിച്ചു. കുട്ടികളുടെ സംശയങ്ങള്‍ക്കു മറുപടി നല്‍കി.
തുടര്‍ന്ന് കോഴിക്കോട് സര്‍വ്വകലാശാല ഗണിത ശാസ്ത്ര വിഭാഗം മേധാവിയും യുക്തിവാദിസംഘം മലപ്പുറം ജില്ലാ പ്രസിഡന്റുമായ ഡോ. രാമചന്ദ്രന്‍ “ഗണിതവും ജ്യോതിഷവും” എന്ന വിഷയത്തില്‍ ക്ലാസെടുത്തു. അശാസ്ത്രീയമായ കാല‍ഗണനയെ മതം താങ്ങി നിര്‍ത്തുന്നതിന്റെ ഉദാഹരണങ്ങള്‍ അദ്ദേഹം തുറന്നു കാണിച്ചു.

rationalist meet

2010-02-12T23:12:00.000+05:30

Karnataka Rationalist Association

The first state level rationalist meet will be held on the 14th of March 2010 primarily to strengthen the rationalist movement in the state, to incorporate scientific temper, to fight against superstitions, miracles and fundamentalism. Most importantly, we aim to encourage the youth to join the movement. We wish to have the support of people from all walks of life. No restrictions of delegation for attending the conference. But only two persons from each district are allowed to present a paper on the above subject.

Date : 14.03.2010
Time : 10.30 A.M to 5.30 P.M
Venue : Akhila Karnataka Makkala Koota,
Pampa mahakavi road,Fort, Chamarajpet,
Bangalore – 560018

(Near Kannada sahitya parishath and opp. to City institute club)

For further details/clarifications contact by
e-mail: babukadur44@gmail.com
phone : 9886679088 and
080-41476288

സയന്‍സ് ട്രസ്റ്റ് വാര്‍ഷികം

2010-01-11T18:29:00.007+05:30

ഡോ. പി എം ഭാര്‍ഗവ

ഡോ. വിജയം ഗോറ.

സി രവിചന്ദ്രന്‍.

ഡോ. കെ ആര്‍ വാസുദേവന്‍

അധ്യക്ഷന്‍

ഇരിങ്ങല്‍ കൃഷ്ണന്‍ മാസ്റ്റര്‍.

IHEU ഡരക്ടര്‍ ശ്രീ ബാബു ഗൊഗ്നൈനി ഒന്നാം ദിവസത്തെ സമ്മേളനം ഉദ്ഘാടനം ചെയ്യുന്നു. ഡോ. പി എം ഭാര്‍ഗവ, നരേന്ദ്രനായിക് , കലാനാഥന്‍ തുടങ്ങിയവര്‍ വേദിയില്‍.

ദിവ്യാല്‍ഭുത അനാവരണപരിപാടിയിലെ ഒരിനം..!

ഡോ. കെ പി അരവിന്ദന്‍ പരിണാമത്തെ കുറിച്ച് ക്ലാസെടുക്കുന്നു.

പ്രൊ. കെ പാപ്പുട്ടിയുടെ ജ്യോതിശാസ്ത്രം ക്ലാസ്

മറ്റൊരു ദിവ്യാല്‍ഭുതം..!

സംസ്ഥാന യുവജനോത്സവം ഘോഷയാത്രയില്‍ സയന്‍സ് ട്രസ്റ്റ് അവതരിപ്പിച്ച അല്‍ഭുതദൃശ്യം ! [ആണിക്കിടക്കയിലെ സുഖ ശയനം !!]

കിടക്കുന്നത് നാസര്‍ . കൂടെ : അര്‍ഷാദ്, ലാല്‍ പൂക്കോട്ടൂര്‍.

തൂക്കം : മറ്റൊരു ദൃശ്യം

നരേന്ദ്രനായിക്കിന്റെ അല്‍ഭുത അനാവരണം

science trust seminar.

2009-12-21T21:30:00.001+05:30

“സ്ത്രീകളും അന്ധവിശ്വാസങ്ങളും” ഒരു ചാനല്‍ ചര്‍ച്ച !

2009-11-24T21:57:00.001+05:30

ഏഷ്യാനെറ്റ് സംഘടിപ്പിച്ച ഒരു ചര്‍ച്ചയില്‍ “സ്ത്രീകളും അന്ധവിശ്വാസങ്ങളും” എന്ന വിഷയത്തെകുറിച്ചു പറഞ്ഞ ചില കാര്യങ്ങള്‍ അല്‍പ്പം വിശദീകരണത്തോടെ ഇവിടെ അവതരിപ്പിക്കാം

[പരിപാടിയുടെ ഒന്നാംഭാഗം അടുത്ത ഞായറാഴ്ച്ച (29-11-09) വൈകിട്ട് 6.30നും ചൊവ്വാഴ്ച്ച 5.30നും ന്യൂസ് ചാനലില്‍ കാണാം ]

അടി തൊട്ടു മുടി വരെയും അന്ധവിശ്വാസങ്ങളില്‍ ആണ്ടു കഴിയുന്ന ഒരു ജനതയാണു നമ്മുടേത്. സാധാരണക്കാര്‍ മാത്രമല്ല സമൂഹത്തിന്റെ ഉന്നതശ്രേണിയിലുള്ളവരും ഇവിടെ മൂഡവിശ്വാസങ്ങളുടെ ഊന്നുവടികളെ ആശ്രയിക്കുന്നു. നമ്മുടെ നാടു ഗുണം പിടിക്കാത്തതിന്റെ അടിസ്ഥാന കാരണവും വേറെ അന്യേഷിക്കേണ്ടതില്ല.

നിധി കിട്ടാന്‍ മന്ത്രവാദിയുടെ നിര്‍ദ്ദേശമനുസരിച്ച് അയല്പക്കത്തെ കുഞ്ഞിനെ കഴുത്തറുത്ത് കാളിക്കു ബലി നല്‍കിയ ഡോക്ടര്‍ ദമ്പതികളുടെ നാടാണിത്. 13 നംബര്‍ കോടതിമുറി വേണ്ടെന്നു തീരുമാനിക്കുന്ന ഹൈക്കോടതി ജഡ്ജിമാരും, റോക്കറ്റ് വിക്ഷേപിക്കും മുമ്പ് ഹോമവും പൂജയും നടത്തുന്ന ശാസ്ത്രജ്ഞന്മാരും, ശാസ്ത്രസ്ഥാപനത്തിന്റെ മേധാവിയായി സ്ഥാനക്കയറ്റം ലഭിച്ചയുടനെ ദൈവത്തിനു വാഴക്കുലയുമായി പോകുന്ന ശാസ്ത്രകാരനും, മകളുടെ കല്യാണത്തിനു ജാതകം നോക്കി ചൊവ്വാദോഷം കണ്ടു വ്യാകുലപ്പെടുന്ന ഫിസിക്സ് പ്രൊഫസറും, തെരഞ്ഞെടുപ്പില്‍ ശത്രു തോല്‍ക്കാന്‍ പൂ മൂടുന്ന കമ്യൂണസ്റ്റ് നേതാവും, പതിറ്റാണ്ടുകള്‍ക്കു മുമ്പു മരിച്ചു പോയ ഭാര്യയുമായി നിത്യവും “ചാറ്റ്” ചെയ്യുന്ന സുപ്രീം കോടതി ജഡ്ജിയായ ഇടതുപക്ഷബുദ്ധിജീവിയും, അസ്ഥിവൈകല്യം ധ്യാനകേന്ദ്രത്തിലെ കൂട്ടപ്രാര്‍ത്ഥന കൊണ്ടു സുഖപ്പെട്ടുവെന്ന് സാക്ഷ്യം പറയുന്ന അസ്ഥിരോഗവിദഗ്ധനായ ജില്ലാ മെഡിക്കല്‍ ഓഫീസറും, മുതുകില്‍നിന്നാണു ശുക്ലം വരുന്നതെന്നു സ്ഥാപിച്ച് കുര്‍ ആനിന്റെ ദൈവികത തെളിയിക്കാന്‍ പാടു പെടുന്ന അനാടമി വിദഗ്ധരുമൊക്കെ അരങ്ങു തകര്‍ക്കുന്ന ഒരു നാട്ടില്‍ പാവം സ്ത്രീകളെ മാത്രം അന്ധവിശ്വാസികളായി ചിത്രീകരിച്ചു ചര്‍ച്ച നടത്തുനതു തന്നെ നിരര്‍ത്ഥകമാണ്.

സ്ത്രീകള്‍ക്കു താരതമ്യേന അനുഭവങ്ങളും അറിവും യുക്തിചിന്ത വികസിക്കാനുള്ള മറ്റു സാഹചര്യങ്ങളും പുരുഷനെ അപേക്ഷിച്ചു കുറവായിരിക്കും . അതവരുടെ കുറ്റമല്ല. പുരുഷാധിപത്യ സമൂഹത്തില്‍ അതു സ്വാഭാവികമാണ്.
മറ്റൊരു ടി വി ചര്‍ച്ചയില്‍ സ്ത്രീയുടെ സ്വത്തവകാശത്തെ കുറിച്ചു പരാമര്‍ശിക്കവെ ഒരു മുസ്ലിം സ്ത്രീ പറഞ്ഞത് സ്ത്രീകളെ പുരുഷന്മാര്‍ സംരക്ഷിക്കുന്നതിനാല്‍ അവള്‍ക്കു സ്വത്തും മറ്റവകാശങ്ങളും ആവശ്യമില്ല എന്നായിരുന്നു. അടിമകളെ യജമാനന്മാര്‍ സംരക്ഷിക്കുന്നതിനാല്‍ അടിമയ്ക്കു പ്രത്യേകിച്ചൊരു അവകാശവും വേണ്ടതില്ല എന്ന് അടിമയെക്കൊണ്ടു തന്നെ പറയിപ്പിക്കാന്‍ ഉടമകള്‍ക്കു കഴിയുന്നു എന്നര്‍ത്ഥം. അതാണു വിശ്വാസത്തിന്റെ ഒരു ശക്തി. അതു മനുഷ്യന്റെ അടിസ്ഥാന ചിന്താശേഷിയെ പൂര്‍ണമായും മരവിപ്പിക്കുന്നതിന്റെ ദൃഷ്ടാന്തമാണിത്.

അനുഭവങ്ങളാണു തങ്ങളെ വിശ്വാസികളാക്കി നില നിര്‍ത്തുന്നത് എന്നും താന്‍ ദൈവത്തെ നേരില്‍ കണ്ടിട്ടുണ്ടെന്നുമൊക്കെ ചിലര്‍ ചര്‍ച്ചയില്‍ പറയുകയുണ്ടായി.

അന്ധവിശ്വാസികള്‍ തങ്ങളുടെ എല്ലാ അനുഭവങ്ങളെയും വിശ്വാസത്തിനു യോജിക്കും വിധം വ്യാഖ്യാനിച്ചൊപ്പിക്കുകയാണു ചെയ്യുന്നത്. വിശ്വാസത്തിനെതിരായുള്ള പ്രത്യക്ഷ അനുഭവങ്ങളെപ്പോലും അവര്‍ വ്യാഖ്യാനിച്ചു വിശ്വാസത്തിനനുകൂലമാക്കും. അനുകൂലമെന്നു വ്യാഖ്യാനിക്കാവുന്ന വല്ല അപൂര്‍വ്വാനുഭവവുമുണ്ടായാലാകട്ടെ ആയിരം മടങ്ങു പൊടിപ്പും തുങ്ങലും വെച്ചു പ്രചരിപ്പിക്കുകയും ചെയ്യും.
അന്ധവിശ്വാസങളുടെ അര്‍ത്ഥശൂന്യത വെളിവാക്കുന്ന എത്രയോ അനുഭവങ്ങള്‍ നമുക്കു മുമ്പിലുണ്ട്. ചില ഉദാഹരണങ്ങള്‍ ചൂണ്ടിക്കാണിക്കാം:

അഞ്ചര കൊല്ലം മുമ്പു നടന്ന പാര്‍ളമെന്റ് തെരഞ്ഞെടുപ്പിന്റെ വോട്ടെടുപ്പിനു തൊട്ടു മുമ്പ് കേരളത്തിലെ ഏറ്റവും പ്രമുഖരായ ഏതാനും ജ്യോത്സ്യന്മാര്‍ പത്രസമ്മേളനം വിളിച്ച് ഒരു പ്രവചനം നടത്തുകയുണ്ടായി. രാഷ്ട്രീയ നിരീക്ഷകരും മാധ്യമങ്ങളുമൊക്കെ പൊതുവെ ആ തെരഞ്ഞെടുപ്പില്‍ ബി ജെ പി മുന്നണി അധികാരത്തില്‍ വരും എന്നായിരുന്നു നിരീക്ഷിച്ചിരുന്നത്. ഈ സാഹചര്യത്തിലാണു ജ്യോത്സ്യരുടെ പ്രവചനവും. ബി ജെ പി അധികാരത്തില്‍ വരുമെന്നു മാത്രമല്ല സോണിയാ ഗാന്ധിക്കും കോണ്‍ഗ്രസ്സിനും “കാലക്കേടാ”ണെന്നും അവര്‍ പ്രഖ്യാപിച്ചു. കേരളത്തില്‍ യു ഡി എഫ് 12 സീറ്റില്‍ ജയിക്കും എന്നായിരുന്നു പ്രവചനം. സംഭവിച്ചതോ? ജ്യോത്സ്യന്മാരുടെ “കാലക്കേടാണു” വെളിപ്പെട്ടത്. 100 ശതമാനവും പൊളിഞ്ഞു പാളീസായ ഈ ജ്യോത്സ്യം പക്ഷെ ഒരു പോറലും ഏല്‍ക്കാതെ ഇന്നും നിലനില്‍ക്കുന്നു. കാരണം വിശ്വാസികള്‍ അതിനും എന്തെങ്കിലും ഞൊണ്ടി ന്യായം കണ്ടെത്തുകയേഉള്ളു.

പ്രമുഖനായ ഒരു ചാനല്‍ ജ്യോത്സ്യന്‍ തന്റെ മകളെ കാണാതായപ്പോള്‍ പോലീസിന്റെ സഹായം തേടിയതും നാം കണ്ടതാണ്. മറ്റാരെ കാണാതായാലും കവടി നിരത്തി കണ്ടെത്തിക്കൊടുക്കുന്ന ഈ ജ്യോത്സ്യപ്രമാണിക്കു തന്റെ സ്വന്തം മകളെ കണ്ടത്താന്‍ പോലീസ് വേണ്ടി വന്നതെന്തുകൊണ്ട് എന്നാരും ചോദിച്ചില്ല.
മലപ്പുറം ജില്ലയിലെ ഒരു പ്രധാന ആള്‍ദൈവം ഇതു പോലെ തന്റെ വീട്ടില്‍ നിന്നും റബ്ബറ് കളവു പോയപ്പോള്‍ പോലീസില്‍ പരാതി നല്‍കി. പോലീസ് അന്യേഷിച്ചു കള്ളനെ പിടിച്ചപ്പോള്‍ അത് ആള്‍ദൈവത്തിന്റെ വീട്ടിലെ ജോലിക്കാരന്‍ തന്നെയായിരുന്നു. സ്വന്തം വീട്ടിലെ പണിക്കാരന്‍ കളവു നടത്തിയിട്ടും അതു കണ്ടു പിടിക്കാനാവാത്ത ഈ ദൈവത്തിന്റെ സിദ്ധിയിലും ആര്‍ക്കും സംശയമുണ്ടായില്ല.

മലപ്പുറം ജില്ലയിലെ മറ്റൊരു അനുഗ്രഹീത തറവാടാണല്ലോ പാണക്കാട്ടെ തങ്ങള്‍വീട്. അവിടെയുള്ള തങ്ങന്മാരെല്ലാം അല്‍ഭുത സിദ്ധിയുള്ളവരാണ്. ഏതു മാറാരോഗവും നൂലും വെള്ളവും മന്ത്രിച്ച് മാറ്റിക്കൊടുക്കുന്ന ഈ തറവാടിലെ കാരണവര്‍ തങ്ങള്‍ക്കു രോഗം വന്നപ്പോള്‍ അദ്ദേഹം അമേരിക്കയിലേക്കു പറക്കുന്നതാണു നമ്മള്‍ കണ്ടത്. അവിടെ ലഭ്യമായ ഏറ്റവും ആധുനിക സങ്കേതങ്ങള്‍ ഉപയോഗപ്പെടുത്തി വൈദ്യ ശാസ്ത്രത്തിന്റെ സഹായത്തോടെ അദ്ദേഹം രോഗശാന്തി നേടി തിരിച്ചെത്തി. എന്തേ സ്വന്തം രോഗത്തിനു നൂലും മന്ത്രവും ഫലിക്കില്ലേ എന്നാരെങ്കിലും ചോദിച്ചോ?

ശബരിമല നട തുറന്നതേയുള്ളു. അയ്യപ്പഭക്തര്‍ അപകടത്തില്‍ പെട്ടു മരിച്ച വാര്‍ത്ത വന്നു തുടങ്ങി. ശരണം വിളിച്ചുകൊണ്ട് രക്ഷ തേടി തന്റെ സന്നിധാനത്തിലേക്കു പുറപ്പെടുന്ന ഭകതരെപ്പോലും ഈ ദൈവങ്ങള്‍ക്കൊന്നും രക്ഷിക്കാന്‍ കഴിയുന്നില്ല. മക്കയിലേക്കും വേളാങ്കണ്ണിയിലേക്കുമൊക്കെ പുറപ്പെടുന്ന ഭക്തര്‍ക്കും ഈ അനുഭവമുണ്ടാകുന്നു. അതിനും വിശ്വാസികള്‍ക്കു ന്യായീകരണങ്ങള്‍ പറയാനുണ്ട്. വ്രതശുദ്ധി പോരാത്തതുകൊണ്ടണെന്ന് പറയാം. പക്ഷെ അതാരെങ്കിലും പരീക്ഷിച്ചു നോക്കിയിട്ടുണ്ടോ? വ്രതശുദ്ധിയോടെ പോകുന്നവര്‍ക്കൊന്നും അപകടം സംഭവിക്കുന്നില്ലേ? ശുദ്ധിയില്ലാതെ പോകുന്നവര്‍ക്കൊക്കെ അപകടം സംഭവിക്കുന്നുണ്ടോ?

അന്ധവിശ്വാസികള്‍ തങ്ങളുടെ അനുഭവങ്ങളെ എങ്ങനെയാണു സാമാന്യവല്‍ക്കരിക്കുന്നതെന്നതിനു ചില ഉദാഹരണങ്ങള്‍ പറയാം.

കൂത്തുപറമ്പിലെ ഒരു സുഹൃത്ത് പറഞ്ഞ അനുഭവം നോക്കൂ: അദ്ദേഹത്തിന്റെ ചേടത്തിയമ്മ ഒരിക്കല്‍ ബസ്സപകടത്തില്‍ പെട്ടു കൈ ഒടിഞ്ഞു. അതു സുഖപ്പെട്ട് ഏതാനും മാസങ്ങള്‍ക്കുള്ളില്‍ വീണ്ടും ഓട്ടോറിക്ഷ മറിഞ്ഞു പരിക്കു പറ്റി. ആശുപത്രിയില്‍ നിന്നും വീട്ടില്‍ തിരിച്ചെത്തിയ ഉടനെ ആ സ്ത്രീ ചെയ്തത് അവരുടെ ഒരു സാരി യെടുത്ത് മണ്ണെണ്ണ ഒഴിച്ച് കത്തിക്കുകയായരുന്നു. കാരണം ഈ രണ്ട് അപകടവും നടക്കുമ്പോള്‍ അവര്‍ ആ സാരിയാണ് ഉടുത്തിരുന്നത്. അപകടകാരണം ആ സാരിയാണെന്നവര്‍ വിശ്വസിച്ചു . ! ആ അപകടങ്ങളില്‍ വേറെയും ചിലര്‍ക്കു പരിക്കു പറ്റിയിരുന്നു. ഈ സാരി കാരണം നിരപരാധികളായ മറ്റുള്ളവര്‍ക്കും പരിക്കു പറ്റി.! പാവം സാരി ! അതു വല്ലതും അറിഞ്ഞു കാണുമോ?

മറ്റൊരനുഭവം ഇങ്ങനെ: ഒരു അധ്യാപകന്‍ പുതിയ വീടു വെച്ചു. പാലുകാച്ചലിനു മുഹൂര്‍ത്തം നോക്കി. പെട്ടെന്നു നടത്തണമെന്നു ജ്യോത്സ്യന്‍ പറഞ്ഞതിനാല്‍ ഒരുക്കങ്ങള്‍ ധൃതി പിടിച്ചു നടത്തി . അതുമായി ബന്ധപ്പെട്ടുള്ള പരക്കം പാച്ചിലില്‍ അദ്ദേഹം സ്കൂട്ടറില്‍ നിന്നു വീണു കയ്യൊടിഞ്ഞു. ടെന്‍ഷനായിരുന്നു യഥാര്‍ത്ഥത്തില്‍ കാരണം. പക്ഷെ പാവം വീട് പ്രതിയായി. ആ വീട്ടില്‍ ഇനി താമസിക്കേണ്ട എന്നായിരുന്നു തീരുമാനം. !

എന്തെങ്കിലും അനിഷ്ട സംഭവം നടന്നാല്‍ ഉടനെ അന്ധവിശ്വാസി ചിന്തിക്കുക അന്നത്തെ കണി കണ്ടതാരെയായിരുന്നു ; അന്നു പൂജ തെറ്റിച്ചോ ; ശകുനം നോക്കിയതു പിഴച്ചോ എന്നൊക്കെയാവും. സംഭവത്തിന്റെ യഥാര്‍ത്ഥ കാരണം എന്തെന്നന്യേഷിച്ച് അതാവര്‍ത്തിക്കാതിരിക്കനാണു ശാസ്ത്രബോധമുള്ളവര്‍ ശ്രദ്ധിക്കുക. അവര്‍ക്കേ ജീവിതത്തില്‍ വിജയം വരിക്കാനാവൂ. അന്ധവിശ്വാസികള്‍ക്ക് ഒരിക്കലും മനസ്സമാധാനം ലഭിക്കുകയില്ല.

സംസ്ഥാന സമ്മേളനം പ്രോഗ്രാം:-

2009-11-17T18:36:00.001+05:30

ബി പ്രേമാനന്ദ് അനുസ്മരണം

2009-11-07T19:02:00.002+05:30

Dear Friends,

The Science Trust was formed three years back on the advice and wishes of the veteran rationalist Mr. B Premanand. It was he who proposed to us the name ‘Science’. Our main objective is to develop scientific temper, humanism, spirit of enquiry and reforms in the society.

As you might be aware, Mr. Premanand passed away on the 5th of October last and, as per his will, his body was donated to Coimbatore Medical College the next day. With his sad demise we lost a friend and adviser who helped us in promoting our objectives.

The Science Trust is organizing a two-day program in remembrance of its founder Mr. Premanand, which will be held on the 9th and 10Th of January 2010 at Calicut, his birth place. Eminent personalities like Dr. P.M. Bhargava , Mr. Babu Gogneni (IHEU), Dr. Vijayam of Atheist Centre, Dr. Narendra Nayak, Sri Kumaresan etc. etc. have agreed to attend the function.

As a means of paying tribute to Mr. Premanand’s commendable method of promoting scientific outlook it is also proposed to organize a ' WORKSHOP EXPOSING 100 MIRACLES ', which will be held on the 9th of January, from 3 pm to 9 pm, with the participation of his students from various parts of the world. Dr. Narendra Nayak has agreed to moderate this six-hour program. We cordially invite all the students of Premanand to participate in the function and make it a grand success. Also, we eagerly wish and request them to help us by passing on this massage to all their friends.

2009-10-14T17:42:00.000+05:30

കണ്ണും പരിണാമവും; രാജു വാടാനപ്പള്ളിയുടെ ലേഖനം

SEMINAR

2009-09-30T17:18:00.000+05:30

പൊട്ടിയൊലിക്കുന്ന മതവികാരവ്രണം !

2009-09-14T07:37:00.003+05:30

A wife was making a breakfast of fried eggs for her husband. Suddenly her husband burst into the kitchen.

"Careful .. CAREFUL! Put in some more butter! Oh my GOD! You're cooking too many at once. TOO MANY! Turn them! TURN THEM NOW! We need more butter. Oh my GOD! WHERE are we going to get MORE BUTTER? They're going to STICK! Careful ... CAREFUL! I said be CAREFUL! You NEVER listen to me when you're cooking!

Never! Turn them! Hurry up! Are you CRAZY? Have you LOST your mind? Don't forget to salt them. You know you always forget to salt them. Use the salt. USE THE SALT! THE SALT!"

The wife stared at him. "What in the world is wrong with you? You think I don't know how to fry a couple of eggs?"

The husband calmly replied, "I wanted to show you what it feels like when I'm driving."
***************

ഞാന്‍ എന്റെ വീടിനടുത്ത് ഒരു ടവ്വര്‍ ഉണ്ടാക്കി അതിനു മുകളില്‍ നാല് ഉച്ചഭാഷിണി ഘടിപ്പിച്ച് നിത്യവും രാത്രി 12 മണിക്ക് നീണ്ട “യുക്തിവാദ പ്രസംഗവും , മതവിരുദ്ധ പ്പാട്ടും ഉച്ചത്തില്‍ കൂകിവിളിക്കാന്‍ തീരുമാനിക്കുന്നു...! മാസത്തില്‍ ഒരു ദിവസം രാത്രി 12 മണിക്കൂര്‍ നീണ്ടു നില്‍ക്കുന്ന സ്വലാത്ത്...[അതിങ്ങനെ:- “അല്ലാഹു ഒരു ദൈവമേയല്ല. . മുഹമ്മദ് അയാളുടെ ദൂതനുമല്ല, ഇതൊക്കെ വെറും പൊട്ടവിശ്വാസങ്ങളാണേ....!”] പിന്നെ യുക്തിവാദികളുടെ വിശേഷദിവസങ്ങളിലൊക്കെ ഇങ്ങനെ പലതും ആ മൈക്കിലൂടെ വളരെ ഉച്ചത്തില്‍ വിളിച്ചു കൂവിക്കൊണ്ടേയിരിക്കും. എല്ലാ ദിവസവും 5 നേരം ഞാന്‍ എന്റെ മതവിരുദ്ധ ബാങ്കുവിളിയും നടത്തും. നാട്ടുകാരൊക്കെ ഒന്നറിയട്ടെ എന്റെ “മത”ത്തിന്റെ മഹിമ !!
ആരെങ്കിലും അതിനെ ചോദ്യം ചെയ്താല്‍ ഞാന്‍ പറയും . 50 കൊല്ലമായി ഞാന്‍ ഇപ്പറഞ്ഞതൊക്കെ മതക്കാരില്‍നിന്നും സഹിക്കുന്നു. ഇനി കുറച്ച് അവരും സഹിക്കട്ടെ...! അവര്‍ ഇതൊക്കെ നിര്‍ത്തുകയാണെങ്കില്‍ ഞാനും നിര്‍ത്താം...!!!

************
ഇത്രയും എഴുതാന്‍ കാരണം കെ പി സുകുമാരന്‍ സാറിന്റെ ബ്ലോഗില്‍ ഇപ്പോള്‍ നടക്കുന്ന ഒരു ചര്‍ച്ചയില്‍ നമ്മുടെ ശ്രീ ശ്രേയസ്സ് എന്ന ബ്ലോഗര്‍ എനിക്കെതിരെ ഉന്നയിച്ച ഒരു ആരോപണമാണ്. അദ്ദേഹം പറയുന്നു:

“ലക്ഷങ്ങളോ കോടികളോ വരുന്ന ഇസ്ലാംമതവിശ്വാസികള്‍ പുണ്യമെന്നു കരുതുന്ന ഖുര്‍ആന്‍ -നെ നികൃഷ്ടരൂപത്തില്‍ തെരഞ്ഞുപിടിച്ചു അധിക്ഷേപിക്കുമ്പോള്‍ (സംവാദം അല്ല, അധിക്ഷേപം തന്നെ) അവരുടെ ബഹുമാനത്തിന് ക്ഷതം സംഭവിക്കുന്നത് കാണുന്നില്ലേ?”
ഞാന്‍ എന്റെ മതവിമര്‍ശനങ്ങളില്‍ അല്‍പ്പം ആക്ഷേപഹാസ്യം കലര്‍ത്തുന്നു എന്നതു ശരി തന്നെ. പ്രതിപക്ഷ ബഹുമാനം വേണ്ടതുമാണ്. അതൊന്നും അറിയാത്തതുകൊണ്ടല്ല. മുകളിലെ ഇംഗ്ലീഷ് തമാശയിലെ ഭര്‍ത്താവിന്റെ യുക്തി തന്നെയാണിവിടെ പ്രയോഗിക്കുന്നത്. നമ്മുടെ ജനാധിപത്യ മതേതര നാട്ടിലെ സൃഷ്ടിക്കപ്പെട്ടിട്ടുള്ള ഒരു പൊതു ബോധമുണ്ട്. മതങ്ങളെ കുറിച്ചോ വിശ്വാസങ്ങളെ കുറിച്ചോ ആരും ഒന്നും എതിര്‍ത്തു പറയാന്‍ പാടില്ല; പറഞ്ഞാല്‍ തന്നെ അതു വിശ്വാസിക്കു മനോവിഷമം ഉണ്ടാക്കുന്ന രീതിയില്‍ ആവരുത് .ഇതാണി പൊതു ബോധം. [വിശ്വാസിക്കു മനോവിഷമം ഉണ്ടാക്കാതെ മതത്തെ വിമര്‍ശിക്കാന്‍ ആരെക്കൊണ്ടും കഴിയില്ല. എത്ര മൃദുഭാഷയിലായാലും വിശ്വാസം ശരിയല്ല എന്നു പറയുന്നത് വിശ്വാസിക്കു ഉള്‍‍ക്കൊള്ളാന്‍ കഴിയുമോ? ]

എന്നാല്‍ ഇപ്പറഞ്ഞതൊന്നും മതഭ്രാന്തന്മാര്‍ക്കു ബാധകവുമല്ല. അവര്‍ക്ക് അന്യരെ രാത്രി കിടന്നുറങ്ങാന്‍ പോലും അനുവദിക്കാതെ ശല്യം ചെയ്യാം. നിയമവും അവര്‍ക്കു ബാധകമല്ല. പ്രതിപക്ഷബഹുമാനം അവരുടെ അജണ്ടയിലേ വേണ്ടതില്ല. അന്യ മതക്കാരെയും മതരഹിതരേയുമൊക്കെ എന്തു പുലഭ്യവും വിളി‍ച്ചു പറയാം. പൊതു സ്ഥലങ്ങ്ങളില്‍ അര്‍ദ്ധരാത്രി മൈക്കു വെച്ച്.

അവരുടെ പത്രങ്ങളിലും പ്രസിദ്ധീകരണങ്ങളിലും അന്യരെ നിന്ദിക്കുന്ന തരത്തില്‍ എന്തും എഴുതി പ്പിടിപ്പിക്കാം. അതൊക്കെ മതസ്വാതന്ത്ര്യം. എതിര്‍ത്താരെങ്കിലും പറഞ്ഞാല്‍ മതനിന്ദ! മതവികാരം വ്രണം പോട്ടി ഒലിച്ച് നാറ്റമുണ്ടാക്കും. മതമില്ലാത്തവര്‍ക്കൊരു വികാരവുമില്ല. അവരൊക്കെ വെറും മരപ്പാവകള്‍ . ഇതാണു നിലപാട്. ഇക്കാര്യങ്ങളൊക്കെ വളരെ മൃദുവായ ഭാഷയില്‍., വിശ്വാസികള്‍ക്കു തീരെ വികാരം വരാത്ത രിതിയില്‍ അവരെ ഒന്നു പറഞ്ഞു കനസ്സിലാക്കാന്‍ ശ്രമിച്ചാലോ ... തെറിയും അധിക്ഷേപവും കയ്യേറ്റവും തട്ടിക്കൊണ്ടു പോക്കും കൊലയും...!

പിന്നെന്താ വഴി? അവര്‍ ചെയ്യുന്നതൊക്കെ അതേ നാണയത്തില്‍ തിരിച്ചു പ്രയോഗിച്ചാല്‍ തല്‍ക്കാലം കുറച്ചു വികാരം പൊട്ടലൊക്കെയുണ്ടാകുമെങ്കിലും കാര്യം കുറേശ്ശെ പിടി കിട്ടിത്തുടങ്ങും. !
*****
എന്റെ വീട്ടിനടുത്താണു സ്വലാത്ത്നഗര്‍ മാസത്തിലൊരിക്കല്‍ ആ ശല്യം കാരണം അടുത്തുള്ളവര്‍ക്കാര്‍ക്കും ഉറങ്ങാന്‍ കഴിയില്ല. റംസാന്‍ മാസമായാല്‍ എന്നും രാത്രി മതപ്രസംഗം. നിയമവിരുദ്ധമായി നടത്തുന്ന ഈ ശബ്ദമലിനീകരണത്തെ കുറിച്ചു പരാതി നല്‍കാന്‍ ആരും തയ്യാറാവില്ല. മതവികാരം ! പോലീസ് തടയില്ല. മതവികാരം.!! ഇനി നേരം പുലരാന്‍ നേരത്തൊന്നു കണ്ണു ചിമ്മിയാലോ? 5 മണിക്കു തുടങ്ങും വിഷ്ണുക്ഷേത്രത്തില്‍ നിന്നുള്ള പാട്ടിന്റെ അലര്‍ച്ച ! ഇത് ഒന്നോ രണ്ടോ ദിവസമല്ല , നിത്യവും സഹിച്ചേ പറ്റൂ. ...

കഴിഞ്ഞ 50 കൊല്ലമായി ഞാന്‍ ഇതൊക്കെ സഹിക്കുന്നു. എന്റെ “മതവിരുദ്ധവികാരം” ആരും പരിഗണിക്കുന്നില്ല. ഞാന്‍ എന്റെ ബ്ലോഗില്‍ എന്റെ മതത്തെ വിമര്‍ശിച്ചു ലേഖനമെഴുതുന്നത് ശ്രേയസ്സിനു പോലും സഹിക്കുന്നില്ലത്രേ.! അതില്‍ ആക്ഷേപവും അധിക്ഷേപവുമാണു പോല്‍ . ശരിയാണ്. അല്‍പ്പം ആക്ഷേപവും പരിഹാസവുമൊക്കെയുണ്ട്. കുഞ്ചന്‍ നംബ്യാര്‍ ജീവിച്ച മലയാളമല്ലേ? അതും ഭാഷക്കു മുതല്‍ക്കൂട്ടാവട്ടേ. പിന്നെ വിശ്വാസികളായ സുഹൃത്തുകളോട് ഒരു അപേക്ഷ. വികാരം പോട്ടി വ്രണം ഒലിക്കും എന്നു തോന്നുന്നവര്‍ക്ക് എന്റെ ബ്ലോഗിലെ പേജുകള്‍ ഓപന്‍ ചെയ്യാതിരിക്കാനും അതു വായിക്കാതിരിക്കാനും ഒരു തടസ്സവുമില്ലല്ലോ. അത്തരക്കാര്‍ അറിയാതെ ആ പേജില്‍ എത്തിപ്പെട്ടെങ്കില്‍ കാര്യം പിടി കിട്ടുന്നതോടെ അതു ക്ലോസ് ചെയ്ത് രാമനാമം ജപിക്കട്ടെ. അല്ലെങ്കില്‍ യാസീന്‍ ഓതട്ടെ. ഞാന്‍ നിര്‍ബ്ബന്ധിച്ച് ആരുടെയും വീട്ടിലേക്കു മൈക്കു വെച്ചു വിളിച്ചു കൂവുന്നില്ലല്ലോ. ജബ്ബാര്‍ മാഷിന്റെ ബ്ലോഗിനു രണ്ടു വയസ്സു കഴിഞ്ഞു. എല്ലാവര്‍ക്കുമറിയാം എന്റെ ശൈലി എന്താണെന്ന്. അതിഷ്ടപ്പെടുന്നവരും ഉണ്ട്. അവര്‍ക്കു വായിക്കാനാണു ഞാന്‍ എഴുതുന്നത്. അതിനുള്ള സ്വാതന്ത്ര്യം എനിക്കില്ലേ? വായിക്കുന്നവര്‍ക്കില്ലേ?

നമ്മുടെ നാട്ടില്‍ പൊതു സ്ഥലങ്ങളില്‍ രാഷ്ട്രീയക്കാരും മറ്റും മൈക്കുവെച്ച് അന്യ പാര്‍ട്ടിക്കാരെ, വ്യക്തിപരമായിപ്പോലും എന്തുമാത്രം അധിക്ഷേപിക്കുന്നു. പരിഹസിക്കുന്നു. മറ്റേ പാര്‍ട്ടിക്കാരനും പിറ്റേന്ന് അതേപോലെ മറുപടിയും കാച്ചുന്നു. പരസ്പരം ഇതൊക്കെ സഹിക്കാന്‍ നാം ശീലിച്ചില്ലേ? അതു പോലെ മതക്കാര്‍ക്കും കുറച്ചൊക്കെ സഹിച്ചാലെന്താ? മതക്കാരെ ഞങ്ങളൊക്കെ എത്രയാ സഹിക്കുന്നേ? തിരിച്ചും ഇതൊക്കെ ആകാം എന്നു മനസ്സിലാക്കിത്തരുക എന്ന ഒരു ഉദ്ദേശ്യം കൂടി എന്റെ കടുത്ത ഭാഷാപ്രയോഗങ്ങള്‍ക്കുണ്ടെന്നറിയിക്കട്ടെ.

എന്റെ ബ്ലോഗ് സഹിഷ്ണുതയോടെ വായിക്കുന്ന , പ്രതികരിക്കുന്ന ധാരാളം പേരുണ്ട്. വിശ്വാസികളുമുണ്ട്. അവര്‍ക്കു നന്ദി പറഞ്ഞു കൊണ്ട് ഈ “അധിക്ഷേപം” നിര്‍ത്തുന്നു.

ഇബ് ലീസിന്റെ നിയോഗം !

2009-08-21T15:37:00.001+05:30

ഇബ് ലീസിന്റെ നിയോഗം

وَلَقَدْ خَلَقْنَا ٱلإِنسَانَ مِن صَلْصَالٍ مِّنْ حَمَإٍ مَّسْنُونٍ
وَٱلْجَآنَّ خَلَقْنَاهُ مِن قَبْلُ مِن نَّارِ ٱلسَّمُومِ
وَإِذْ قَالَ رَبُّكَ لِلْمَلآئِكَةِ إِنِّي خَالِقٌ بَشَراً مِّن صَلْصَالٍ مِّنْ حَمَإٍ مَّسْنُونٍ
فَإِذَا سَوَّيْتُهُ وَنَفَخْتُ فِيهِ مِن رُّوحِي فَقَعُواْ لَهُ سَاجِدِينَ
فَسَجَدَ ٱلْمَلاۤئِكَةُ كُلُّهُمْ أَجْمَعُونَ
إِلاَّ إِبْلِيسَ أَبَىٰ أَن يَكُونَ مَعَ ٱلسَّاجِدِينَ
قَالَ يٰإِبْلِيسُ مَا لَكَ أَلاَّ تَكُونَ مَعَ ٱلسَّاجِدِينَ
قَالَ لَمْ أَكُن لأَسْجُدَ لِبَشَرٍ خَلَقْتَهُ مِن صَلْصَالٍ مِّنْ حَمَإٍ مَّسْنُونٍ
قَالَ فَٱخْرُجْ مِنْهَا فَإِنَّكَ رَجِيمٌ
وَإِنَّ عَلَيْكَ ٱللَّعْنَةَ إِلَىٰ يَوْمِ ٱلدِّينِ
قَالَ رَبِّ فَأَنظِرْنِي إِلَىٰ يَوْمِ يُبْعَثُونَ
قَالَ فَإِنَّكَ مِنَ ٱلْمُنظَرِينَ
إِلَىٰ يَوْمِ ٱلْوَقْتِ ٱلْمَعْلُومِ
قَالَ رَبِّ بِمَآ أَغْوَيْتَنِي لأُزَيِّنَنَّ لَهُمْ فِي ٱلأَرْضِ وَلأُغْوِيَنَّهُمْ أَجْمَعِينَ

കറുത്ത ചെളി പാകപ്പെടുത്തിയുണ്ടാക്കിയ ( മുട്ടിയാല്‍ ) മുഴക്കമുണ്ടാക്കുന്ന കളിമണ്‍ രൂപത്തില്‍ നിന്ന്‌ നാം മനുഷ്യനെ സൃഷ്ടിച്ചിരിക്കുന്നു.
അതിന്നു മുമ്പ്‌ ജിന്നിനെ അത്യുഷ്ണമുള്ള അഗ്നിജ്വാലയില്‍ നിന്നു നാം സൃഷ്ടിച്ചു.
നിന്‍റെ രക്ഷിതാവ്‌ മലക്കുകളോട്‌ ഇപ്രകാരം പറഞ്ഞ സന്ദര്‍ഭം ശ്രദ്ധേയമാകുന്നു: കറുത്ത ചെളി പാകപ്പെടുത്തിയുണ്ടാക്കിയ മുഴക്കമുണ്ടാക്കുന്ന കളിമണ്‍ രൂപത്തില്‍ നിന്ന്‌ ഞാന്‍ ഒരു മനുഷ്യനെ സൃഷ്ടിക്കാന്‍ പോകുകയാണ്‌.

അങ്ങനെ ഞാന്‍ അവനെ ശരിയായ രൂപത്തിലാക്കുകയും, എന്‍റെ ആത്മാവില്‍ നിന്ന്‌ അവനില്‍ ഞാന്‍ ഊതുകയും ചെയ്താല്‍, അപ്പോള്‍ അവന്ന്‌ പ്രണമിക്കുന്നവരായിക്കൊണ്ട്‌ നിങ്ങള്‍ വീഴുവിന്‍.
അപ്പോള്‍ മലക്കുകള്‍ എല്ലാവരും പ്രണമിച്ചു.
ഇബ്ലീസ്‌ ഒഴികെ. പ്രണമിക്കുന്നവരുടെ കൂട്ടത്തിലായിരിക്കാന്‍ അവന്‍ വിസമ്മതിച്ചു.
ല്ലാഹു പറഞ്ഞു: ഇബ്ലീസേ, പ്രണമിക്കുന്നവരുടെ കൂട്ടത്തില്‍ ചേരാതിരിക്കുവാന്‍ നിനക്കെന്താണ്‌ ന്യായം?
അവന്‍ പറഞ്ഞു : കറുത്ത ചെളി പാകപ്പെടുത്തിയുണ്ടാക്കിയ ( മുട്ടിയാല്‍ ) മുഴക്കമുണ്ടാക്കുന്ന കളിമണ്‍ രൂപത്തില്‍ നിന്ന്‌ നീ സൃഷ്ടിച്ച മനുഷ്യന്‌ ഞാന്‍ പ്രണമിക്കേണ്ടവനല്ല.
അവന്‍ പറഞ്ഞു: നീ ഇവിടെ നിന്ന്‌ പുറത്ത്‌ പോ. തീര്‍ച്ചയായും നീ ആട്ടിയകറ്റപ്പെട്ടവനാകുന്നു.
തീര്‍ച്ചയായും ന്യായവിധിയുടെ നാള്‍ വരെയും നിന്‍റെ മേല്‍ ശാപമുണ്ടായിരിക്കുന്നതാണ്‌.
അവന്‍ പറഞ്ഞു: എന്‍റെ രക്ഷിതാവേ, അവര്‍ ഉയിര്‍ത്തെഴുന്നേല്‍പിക്കപ്പെടുന്ന ദിവസം വരെ എനിക്ക്‌ നീ അവധി നീട്ടിത്തരേണമേ.
അല്ലാഹു പറഞ്ഞു: എന്നാല്‍ തീര്‍ച്ചയായും നീ അവധി നല്‍കപ്പെടുന്നവരുടെ കൂട്ടത്തില്‍ തന്നെയായിരിക്കും.
ആ നിശ്ചിത സന്ദര്‍ഭം വന്നെത്തുന്ന ദിവസം വരെ.
അവന്‍ പറഞ്ഞു: എന്‍റെ രക്ഷിതാവേ, നീ എന്നെ വഴികേടിലാക്കിയതിനാല്‍, ഭൂലോകത്ത്‌ അവര്‍ക്കു ഞാന്‍ ( ദുഷ്പ്രവൃത്തികള്‍ ) അലംകൃതമായി തോന്നിക്കുകയും, അവരെ മുഴുവന്‍ ഞാന്‍ വഴികേടിലാക്കുകയും ചെയ്യും; തീര്‍ച്ച. (15:26-39)

وَإِذْ قُلْنَا لِلْمَلاۤئِكَةِ ٱسْجُدُواْ لأَدَمَ فَسَجَدُوۤاْ إِلاَّ إِبْلِيسَ كَانَ مِنَ ٱلْجِنِّ فَفَسَقَ عَنْ أَمْرِ رَبِّهِ أَفَتَتَّخِذُونَهُ وَذُرِّيَّتَهُ أَوْلِيَآءَ مِن دُونِي وَهُمْ لَكُمْ عَدُوٌّ بِئْسَ لِلظَّالِمِينَ بَدَلاً
നാം മലക്കുകളോട്‌ നിങ്ങള്‍ ആദമിന്‌ പ്രണാമം ചെയ്യുക എന്ന്‌ പറഞ്ഞ സന്ദര്‍ഭം ( ശ്രദ്ധേയമത്രെ. ) അവര്‍ പ്രണാമം ചെയ്തു. ഇബ്ലീസ്‌ ഒഴികെ. അവന്‍ ജിന്നുകളില്‍ പെട്ടവനായിരുന്നു. അങ്ങനെ തന്‍റെ രക്ഷിതാവിന്‍റെ കല്‍പന അവന്‍ ധിക്കരിച്ചു. എന്നിരിക്കെ നിങ്ങള്‍ എന്നെ വിട്ട്‌ അവനെയും അവന്‍റെ സന്തതികളെയും രക്ഷാധികാരികളാക്കുകയാണോ? അവര്‍ നിങ്ങളുടെ ശത്രുക്കളത്രെ. അക്രമികള്‍ക്ക്‌ ( അല്ലാഹുവിന്‌ ) പകരം കിട്ടിയത്‌ വളരെ ചീത്ത തന്നെ. (18:50)

(And (remember) when We said unto the angels) who were on the earth: (Fall prostrate before Adam) a prostration of greeting, (and they fell prostrate, all save Iblis) their leader. (He was of the jinn) of the tribe of the jinn, (so he rebelled against his Lord's command) he disobeyed his Lord and refused to prostrate to Adam. (Will ye choose him) will you worship him (and his seed for your protecting friends) as lords (instead of Me) instead of Allah, (when they are an enemy unto you) whose enmity is quite manifest? (Calamitous is the exchange) in worship; it is also said that this means: evil is that which they exchanged: they exchanged the worship of Allah with the worship of Satan; and it is also said: they exchanged the protecting friendship of Allah with the protecting friendship of Satan (for evil-doers) for idolaters!

സ്രഷ്ടാവായ ഏകദൈവത്തെ മാത്രമേ വണങ്ങാവൂ എന്നതാണ് ഇസ്ലാമിലെ വിശ്വാസത്തിന്റെ കാതല്‍ . സൃഷ്ടികളെ വണ‍ങ്ങുന്നതാണു സൃഷ്ടികള്‍ക്കു ചെയ്യാവുന്ന ഏറ്റവും വലിയ തെറ്റ്. സൃഷ്ടിയെ വണങ്ങുന്നത് അല്ലാഹുവിനു പങ്കുകാരെ ചേര്‍ക്കല്‍ (ശിര്‍ക്)ആണ്. മറ്റേതു മഹാപാപവും അല്ലാഹു പൊറുക്കും. മാപ്പാക്കും . പക്ഷെ ശിര്‍ക്കു ചെയ്യുന്നവര്‍ ശാശ്വതമായി നരകത്തില്‍ കിടക്കേണ്ടി വരും.

ഇനി നമുക്ക് ഇബ്ലീസിന്റെ കഥയിലേക്കു കടക്കാം. അല്ലാഹു മണ്ണ് കൊണ്‍ട് ഒരു സൃഷ്ടി നടത്തിയ ശേഷം മറ്റൊരു സൃഷ്ടിയായ മലക്കുകളോട് പുതിയ സൃഷ്ടിക്കു മുമ്പില്‍ സുജൂദ് ചെയ്തു വണങ്ങാന്‍ കല്‍പ്പിച്ചു. ചിന്താശീലം ലവലേശമില്ലാത്ത മന്ദബുദ്ധികളായ മലക്കുകള്‍ ഒന്നും ആലോചികാതെ അങ്ങു സുജൂദ് ചെയ്തു. മലക്കുകളുടെ സ്പീഷീസില്‍ പെടാത്ത [ജിന്നു വര്‍ഗ്ഗത്തില്‍ പെട്ട] ഇബ്ലീസ് സ്വാഭാവികമായും തനിക്കു ബാധകമല്ലാത്ത ഈ കൂട്ടസുജൂദില്‍നിന്നും വിട്ടു നിന്നു. ഇവിടെ സ്വന്തം സൃഷ്ടികള്‍ ഏതു സ്പീഷീസില്‍ പെട്ടതാണെന്നു പോലും വേര്‍തിരിച്ചറിയാന്‍ കഴിവില്ലാത്ത അല്ലാഹു ജിന്നായ ഇബ്ലീസിനോട് വിശദീകരണം ചോദിച്ചു. അപ്പോഴാണ് തനിക്കും ഈപ്പറഞ്ഞ ശിര്‍ക്ക് ബാധകാമായിരുന്നു എന്നു ബുദ്ധിമാനായ ഇബ്ലീസ് മനസ്സിലാക്കിയത്. മൂപ്പര്‍ അല്ലാഹുവിനെ കൊച്ചാക്കണ്ട എന്നു കരുതി ഇങ്ങനെ മറുപടി നല്‍കി: കളിമണ്ണു കൊണ്ട് അങ്ങുണ്ടാക്കിയ ഒരു സൃഷ്ടിയായതുകൊണ്ട് [തൌഹീദിന്റെ സത്തയ്ക്കു നിരക്കാത്തതിനാല്‍ ] ഞാന്‍ വണങ്ങിയില്ല. ശിര്‍ക്കു ചെയ്യാന്‍ ഒരു സാഹചര്യത്തിലും താന്‍ തയ്യാറല്ല എന്ന ഇബ്ലീസിന്റെ ഉത്തരം അല്ലാഹുവിന് സ്വാഭാവികമായും തൃപ്തികരമാകുമെന്നും ഈ പരീക്ഷണത്തില്‍ താന്‍ വിജയിയാകുമെന്നു അദ്ദേഹം പ്രതീക്ഷിച്ചു കാണും. പക്ഷെ അല്ലാഹു ഇവിടെ തന്റെ സൃഷ്ടികളെ വീണ്‍ടും കണ്‍ഫ്യൂസ് ചെയ്യിക്കാന്‍ പരിപാടിയിട്ടുകൊണ്ട് മറ്റൊരു ക്രൂര നാടകത്തിനു കൂടി തുടക്കമിടുകയാണു ചെയ്തത്.
ഇതോടെ അല്ലാഹു തന്നോടു ചെയ്ത ഈ കൊടും ചതിക്കു പകരം വീട്ടുമെന്ന പ്രഖ്യാപനത്തോടെ [അല്ലാഹുവിന്റെ അനുവാദം വാങ്ങി] അതിയാന്‍ ഭൂമിയിലേക്കു പോന്നു. ശിര്‍ക്കും തൌഹീദും കൂട്ടിക്കലര്‍ത്തി മനുഷ്യരെ ആശയക്കുഴപ്പത്തിലാക്കുക എന്നതു തന്നെ തന്റെ പ്രധാന പ്രവര്‍ത്തന പദ്ധതിയായി ഇബ്ലീസ് സ്വീകരിച്ചു.

സാധാരണ മനുഷ്യരെ മാത്രമല്ല, പ്രവാചകന്മാരെ തന്നെ മൂപ്പര്‍ പിഴപ്പിക്കാന്‍ നോക്കി. മൂസയും ഈസയും സ്വയം ആ കെണിയില്‍ വീണില്ല. പക്ഷെ അന്ത്യപ്രവാചകനായ മുഹമ്മദ് കെണിയില്‍ പെട്ടു! മക്കയിലെ ശിര്‍ക്കും അല്ലാഹുവിന്റെ തൌഹീദും തമ്മില്‍ കൂട്ടിക്കുഴക്കുന്നതില്‍ ഇബ്ലീസ് 100% വിജയിച്ചു.

ആദ്യം ഖുര്‍ ആനില്‍ തന്നെ ഇബ്ലീസ് സ്വന്തം വാക്യങ്ങള്‍ തിരുകിക്കയറ്റി. ലാത്തമനാത്ത ക്കല്ലുകളെ അല്ലാഹുവിന്റെ അസിസ്റ്റന്റുകളായി പ്രഖ്യാപിക്കുന്ന ആയത്തിറക്കി. അതു കണ്ടു പിടിക്കപ്പെട്ടതിനാല്‍ പിന്നീട് ഒഴിവാക്കി. എന്നാല്‍ സഫാ മര്‍വ്വാ കുന്നുകളെ അല്ലാഹുവിന്റെ വിഗ്രഹങ്ങളാക്കിക്കൊണ്ടുള്ള ഇബ്ലീസിന്റെ ആയത്ത് മുഹമ്മദിനു തിരിച്ചറിയാന്‍ കഴിഞ്ഞില്ല. മാത്രമല്ല മക്കാ കീഴടക്കിയ വേളയില്‍ അവിടെയുണ്ടായിരുന്ന എല്ലാ ശിര്‍ക്കന്‍ ആചാരങ്ങളും ഇ‍സ്ലാമില്‍ ഉള്‍പ്പെടുത്തിക്കാന്‍ വേണ്ട തലയിണ മന്ത്രം ഇബ്ലീസ് മുഹമ്മദിന്റെ കാതില്‍ ഓതിക്കൊടുത്തു. ആ കറുത്ത കല്ലിന്മേല്‍ ചുംബിച്ചു കാണിക്കാനും അദ്ദേഹത്തെ ഇബ്ലീസ് പ്രേരിപ്പിച്ചു. ക അബ എന്ന അംബലത്തെയും അതിലെ കല്ലിനെയും എന്നെന്നേക്കുമായി ആരാധിക്കാന്‍ അങ്ങനെയാണു അന്ത്യപ്രവാചകന്റെ അനുയായികള്‍ നിര്‍ബ്ബന്ധിക്കപ്പെട്ടത്.

സ്വര്‍ഗ്ഗത്തില്‍ 70000 പേര്‍ പ്രവേശിക്കും എന്നാണു നബി പറഞ്ഞിട്ടുള്ളത്. 124000 പ്രവാചകന്മാര്‍ തന്നെയുണ്ട്. അവരിലും കുറേ പേര്‍ മുശ്രിക്കുകള്‍ ആയി എന്നുറപ്പല്ലേ? മുസ്ലിംങ്ങള്‍ ആരും സ്വര്‍ഗ്ഗത്തില്‍ എത്തില്ല എന്നും ഉറപ്പ് . കാരണം അവിടെ എന്നോ ഹൌസ്ഫുള്‍‍ ആയിക്കഴിഞ്ഞു.

കഅബാ സ്നാനവും ഇസ്ലാമിലെ കരിങ്കല്ലാരാധനയും

2009-08-17T22:56:00.006+05:30

കഅബാ സ്നാനവും ഇസ്ലാമിലെ കരിങ്കല്ലാരാധനയും !

കഅബ കഴുകല്‍ കേവലം ഒരു വൃത്തിയാക്കല്‍ മാത്രമാണെന്നും അതിനു വിഗ്രഹപരമായ പവിത്രതയൊന്നും ഇല്ലെന്നും സമര്‍ത്ഥിക്കാന്‍ ആധുനിക ഇസ്ലാം ബുദ്ധിജീവികള്‍ പാടു പെടുന്നതു കാണാം. നമ്മുടെ ഫൈസല്‍ കൊണ്ടോട്ടിയുടെ വിവാദ കമന്റും അത്തരത്തിലുള്ള ഒന്നായിരുന്നു. ഇസ്ലാമില്‍ വിഗ്രഹാരാധനയൊന്നും തന്നെയില്ല എന്നു വരുത്തിത്തീര്‍ക്കാന്‍ ശ്രമിക്കുന്നവര്‍ കണ്ണടച്ച് ഇരുട്ടുണ്ടാക്കുക മാത്രമാണ്. 10 വര്‍ഷങ്ങള്‍ക്കു മുമ്പ് ഇസ്ലാമിലെ വിഗ്രഹാരാധനയെകുറിച്ച് ഒരു പ്രഭാഷണത്തിനിടെ ഞാന്‍ നടത്തിയ പരാമര്‍ശങ്ങളോടു പ്രതികരിച്ചുകൊണ്ട് ‘പ്രബോധന’ ത്തിലെ ചോദ്യോത്തരക്കാരന്‍ നല്‍കിയ മറുപടിയുടെ പ്രസക്തഭാഗങ്ങളും അതിനു പിന്നീട് ഞാന്‍ നല്‍കിയ മറുവാദങ്ങളും ഇവിടെ സംക്ഷിപ്തമായി വിവരിക്കാം. [പ്രബോധനക്കാര്‍ പിന്നെ മിണ്ടിയിട്ടില്ല]

1999-നവ.28 ലെ പ്രബോധനത്തില്‍ വന്ന മുജീബിന്റെ മറുപടിയുടെ ചുരുക്കം:-
“ആരാധനയെന്നാല്‍ പരമമായ വന്ദനവും ആദരവും പൂജയും ചേര്‍ന്നതാണ്. വിഗ്രഹത്തെ ആരാധിക്കുന്നവര്‍ അവയ്ക്ക് ദിവ്യത്വവും പവിത്രതയും കല്‍പ്പിക്കുന്നവരാണ്. അതുകൊണ്ടാണു വിഗ്രഹങ്ങള്‍ മോഷണം പോയാല്‍ കലാപവും കൊലയുമൊക്കെ നടക്കുന്നത്. പകരം മറ്റൊന്നു പ്രതിഷ്ഠിച്ച് പ്രശ്നം പരിഹരിക്കാന്‍ പോലും ആരാധകര്‍ തയ്യാറല്ല. വിഗ്രഹപൂജകര്‍ വിഗ്രഹങ്ങളെ സ്നാനം ചെയ്യിക്കലും അവയ്ക്കു പൂമാല ചാര്‍ത്തലും അവയെ സാഘോഷം എഴുന്നള്ളിക്കലും സാധാരണമാണ്. ഇതിനു തുല്യമായ ഒരു ചടങ്ങും ഇസ്ലാമിലില്ല. ഹജറുല്‍ അസ്വദ് എന്ന ശില ഹജ്ജിന്റെ ഭാഗമായ പ്രദക്ഷിണവേളയില്‍ അഭിവാദ്യത്തിനുള്ള ചിഹ്ന്നം മാത്രമാണ്. കഅബക്കോ ഹജറുല്‍ അസ്വദിനോ എന്തെങ്കിലും പവിത്രതയോ ദിവ്യത്വമോ ഉള്ളതായി മുസ്ലിംങ്ങള്‍ വിശ്വസിക്കുന്നില്ല. ”

ഇതിനു ഞാന്‍ നല്‍കിയ മറുപടി:-

വിഗ്രഹാരാധനയുടെ ചളിക്കുണ്ടില്‍ നിന്നും ഇസ്ലാമിനെ മാത്രമായി കഴുകിയെടുക്കാനുള്ള ഒരു ദുര്‍ബ്ബലശ്രമം മാത്രമായേ ഈ ന്യായീകരണങ്ങളെ വിലയിരുത്താനാവൂ.

ആരാധന എന്നതിനു സാമാന്യമായി വിവക്ഷിക്കപ്പെടുന്ന അര്‍ത്ഥതലത്തില്‍ നിന്നും അടര്‍ത്തി മാറ്റി പുതിയ നിര്‍വ്വചനങ്ങള്‍ ചമയ്ക്കേണ്ടത് മുസ്ലിം ബുദ്ധിജീവികള്‍ക്കിന്നു ആവശ്യമായി വന്നിരിക്കുന്നു എന്നതാണു പ്രശ്നം. പരമമായ പൂജ, പരമമായ വന്ദനം എന്നൊക്കെ നിര്‍വ്വചിച്ചതുകൊണ്ടു മാത്രം ഇസ്ലാമിലെ ക്ഷേത്രപ്രദക്ഷിണവും ശിലാചുംബനവും ചെകുത്താനേറുമൊക്കെ വിഗ്രഹാരാധനയുടെ പട്ടികയില്‍നിന്നും ഒഴിവാക്കപ്പെടുമോ? ഈശ്വരനു പ്രതീകങ്ങളുണ്ടാക്കി അതിനു മുമ്പില്‍ വണങ്ങുകയും വലം വെക്കുകയും ബലിയര്‍പ്പിക്കുകയുമൊക്കെ ചെയ്യുന്ന പ്രാകൃത ആരാധനാ സമ്പ്രദായത്തിനാണു സാമാന്യമായ അര്‍ത്ഥത്തില്‍ വിഗ്രഹാരാധന എന്നു പറയുന്നത്. ബഹുദൈവാരാധനയെ നിരാകരിക്കുന്ന ഇസ്ലാം വിഗ്രഹാരാധനയില്‍നിന്നും പൂര്‍ണമായി മുക്തി നേടി എന്നു പറയാനാവില്ല.

അറേബ്യയില്‍ ബിംബാരാധനയുടെ പ്രധാന കേന്ദ്രമായിരുന്നു മക്ക. കഅബാ ക്ഷേത്രത്തില്‍ ആ പ്രദേശത്തറിയപ്പെട്ടിരുന്ന മിക്ക ഗോത്രദൈവങ്ങളുടെയും വിഗ്രഹങ്ങള്‍ പ്രതിഷ്ഠിച്ചിരുന്നു. ആണ്ടിലൊരിക്കല്‍ എല്ലാ സമീപ ഗോത്രക്കാരും തീര്‍ത്ഥാടകരായി മക്കയില്‍ വന്നെത്തുമായിരുന്നു. ഇത് ഗോത്രങ്ങളെ പരസ്പരം സഹകരിപ്പിക്കുന്നതിനും ഗോത്രാന്തരമായ ചില പെരുമാറ്റച്ചട്ടങ്ങള്‍ രൂപപ്പെടുന്നതിനും സഹായകമായി. മക്കയുടെ വാണിജ്യപരവും സാംസ്കാരികവുമായ ഔന്നത്യത്തിനും പുരോഗതിക്കും പ്രധാന നിമിത്തമായത് ഈ ഹജ്ജ് തീര്‍ത്ഥാടനം തന്നെയായിരുന്നു. ബഹുദെവാരാധനയെ മഹാപാപമായി വിശേഷിപ്പിച്ചുകൊണ്ട് രംഗത്തു വന്ന മുഹമ്മദ് മക്കാ നഗരം കീഴടക്കിയ സന്ദര്‍ഭത്തില്‍ ഈ ക്ഷേത്രത്തില്‍നിന്നും അല്ലാഹുവേതര ദൈവങ്ങളുടെ വിഗ്രഹങ്ങള്‍ നീക്കം ചെയ്യുകയും എല്ലാ പ്രതീകങ്ങളും അല്ലാഹുവിന്റേതു മാത്രമാക്കി പരിഷ്കരിക്കുകയുമാണു ചെയ്തത്.
മുഹമ്മദിന്റെ സ്വന്തം ഗോത്രമായ ഖുറൈശികളുടെ പ്രധാന ആരാധനാശിലയായിരുന്ന ഹജറുല്‍ അസ്വദ് [കറുത്ത കല്ല്] കഅബയില്‍നിന്നും എടുത്തു മാറ്റിയില്ല. ക അബാ‍ മണ്ഡപത്തിനുള്ളില്‍ ഒരു കിണറ്റില്‍ പ്രതിഷ്ഠിച്ചിരുന്ന പ്രധാന ദൈവമായിരുന്നു ഹുബല്‍ . നരബലി പോലുള്ള പ്രധാന ചടങ്ങുകള്‍ ഹുബലിനെ മുന്‍ നിര്‍ത്തിയാണു നടത്തിയിരുന്നത്. ഇതര ഗോത്രങ്ങളുടെ ദൈവങ്ങളായ ലാത്ത ,മനാത്ത ,ഉസ്സ തുടങ്ങിയവയെ പേരെടുത്തു വിമര്‍ശിച്ച ഖുര്‍ ആനില്‍ ഖുറൈശീ ദൈവമായ ഈ ഹുബലിനെക്കുറിച്ചും പരാമര്‍ശങ്ങളില്ല. കഅബയിലെ വിഗ്രഹങ്ങള്‍ എടുത്തു മാറ്റിയ കൂട്ടത്തില്‍ ഹുബല്‍ ഉള്‍‍പ്പെട്ടിരുന്നോ എന്നും ,ഇപ്പോള്‍ അതവിടെത്തന്നെയുണ്ടോ എന്നും വ്യക്തമല്ല.

ഹജറുല്‍ അസവദ് എന്ന പവിത്രശിലയെ കുറിച്ച് ഒട്ടേറെ അല്‍ഭുത കഥകളും ഐതിഹ്യങ്ങളും അറേബ്യയില്‍ പ്രചരിച്ചിരുന്നു. ദൈവം സ്വര്‍ഗ്ഗത്തില്‍ നിന്നും ഇറക്കിയതാണാ കല്ലെന്നും ആദ്യം അതു വെളുത്ത നിറമായിരുന്നു എന്നും പിന്നീട് ഭക്തജനങ്ങളുടെ ചുംബനത്തോടൊപ്പം അവരുടെ പാപങ്ങള്‍ ഏറ്റു വാങ്ങിയതിനാല്‍ ക്രമേണ ക്രമേണ കറുപ്പു നിറമായി എന്നും വിശ്വസിക്കപ്പെട്ടിരുന്നു. തിര്‍മിദി ഉദ്ധരിച്ച ഒരു ഹദീസ് കാണുക:-

Some Muslims also accept this hadith, from Tirmidhi, which asserts that at the Last Judgement (Qiyamah), the Black Stone will speak for those who kissed it:

It was narrated that Ibn ‘Abbas said: The Messenger of Allah said concerning the Stone: "By Allah, Allah will bring it forth on the Day of Resurrection, and it will have two eyes with which it will see and a tongue with which it will speak, and it will testify in favour of those who touched it in sincerity."[15]

പ്രബോധനക്കാര്‍ പറയും പോലെ ഇതു വെറും ഒരു അടയാളക്കല്ലു മാത്രമായിരുന്നില്ല എന്നതിനു ഇസ്ലാം ചരിത്രത്തില്‍ തന്നെ തെളിവുണ്ട്. ഒരിക്കല്‍ കഅബ പുതുക്കിപ്പണിതപ്പോള്‍ ഈ വിഗ്രഹം പ്രതിഷ്ഠിക്കുന്നതിനെ ചൊല്ലി നാലു കുടുംബങ്ങള്‍ തമ്മില്‍ തര്‍ക്കമുണ്ടായി എന്നും വഴക്കു മൂത്തു യുദ്ധത്തിന്റെ വക്കോളമെത്തിയ സന്ദര്‍ഭത്തില്‍ ചെറുപ്പക്കാരനായ മുഹമ്മദ് പ്രശ്നത്തിനു പരിഹാരമുണ്ടാക്കി എന്നും പറയുന്നു. നിലത്തു വിരിച്ച ഒരു തുണിയില്‍ വിഗ്രഹം വെച്ച് നാലു കുടുംബക്കാരും ഒപ്പം പിടിച്ചുകൊണ്ട് കല്ലിന്റെ പ്രതിഷ്ഠ നടത്താനായിരുന്നു നിര്‍ദ്ദേശം. ഇതു മുഹമ്മദിന്റെ യുക്തി വൈഭവത്തെ ഉയര്‍ത്തിക്കാണിക്കാനായി ചരിത്രകാരന്മാര്‍ ഉദ്ധരിച്ച സംഭവമാണ്. ഹജറുല്‍ അസ്വദ് വെറും ഒരു ‘സര്‍വ്വേരിക്കല്ല്’ മാത്രമായിരുന്നില്ല എന്നതിന് ഇതില്‍ പരം എന്തു തെളിവാണു വേണ്ടത്?

ശിലാചുംബനം പോലുള്ള ആചാരങ്ങളോട് നബിയുടെ വിശ്വസ്തരായിരുന്ന അനുചരന്മാര്‍ തന്നെ വിയോജിപ്പു പ്രകടിപ്പിച്ചിരുന്നു.
“നീ വെറും കല്ലു മാത്രമാണ്. നബി നിന്നെ ചുംബിക്കുന്നതു കണ്ടില്ലായിരുന്നുവെങ്കില്‍ ഞാന്‍ നിന്നെ തിരിഞ്ഞു നോക്കില്ലായിരുന്നു” എന്ന് ഉമര്‍ ഈ കല്ലിനോട് പരിഹാസരൂപത്തില്‍ പറഞ്ഞതായി ബുഖാരിയില്‍ ഹദീസുണ്ട്. സ്വന്തം അനുയായികള്‍ പോലും എതിര്‍ത്തിട്ടും മുഹമ്മദ് എന്തുകൊണ്ടാണ് മുശ് രിക്കുകളുടെ അനുഷ്ഠാനങ്ങള്‍ ഇസ്ലാമിലെ പ്രധാന അരാധനാരീതിയായി നിലനിര്‍ത്തിയത്? മുസ്ലിം ബുദ്ധിജീവികളെ ആശയക്കുഴപ്പത്തിലാക്കുന്ന ഒരു സമസ്യയാണിത്.
എന്നാല്‍ മുഹമ്മദിന്റെ വ്യക്തിത്വത്തിന്റെ സവിശേഷതകളെ യുക്തി പൂര്‍വ്വം വിശകലനം ചെയ്യുകയും ചരിത്രത്തിന്റെ വരികള്‍ക്കിടയിലൂടെ മുന്‍ വിധികളില്ലാതെ സഞ്ചരിക്കുകയും ചെയ്യുന്ന ഏതൊരാള്‍ക്കും ഈ ഇരട്ടത്താപ്പിന്റെ കാരണം കണ്ടെത്താന്‍ പ്രയാസമില്ല.

മുഹമ്മദിന്റെ ജന്മനഗരമായ മക്കയുടെ വാണിജ്യപരവും സാംസ്കാരികവുമായ പ്രാധാന്യവും നിലനില്‍പ്പും ഹജ്ജ് തീര്‍ത്ഥാടനവുമായി ബന്ധപ്പെട്ടതായിരുന്നുവല്ലോ. ഖുറൈശീ ഗോത്രത്തിന്റെ പ്രതാപവും പ്രശസ്തിയും കഅബ ക്ഷേത്രവുമായി അഭേദ്യമായി ബന്ധപ്പെട്ടു കിടന്നിരുന്നു. അറേബ്യയുടെ മുഴുവന്‍ തീര്‍ത്ഥാടന കേന്ദ്രമായ ഈ പുണ്യ നഗരത്തിന്റെ ആധിപത്യം മുഹമ്മദിന്റെ ഒരു ചിരകാല സ്വപ്നമായിരുന്നു. ആ സ്വപ്നം സാക്ഷാല്‍ക്കരിക്കുന്നതിന് അദ്ദേഹം കണ്ടെത്തിയ ഒരു മാര്‍ഗ്ഗം മാത്രായിരുന്നു പുതിയ മതത്തിന്റെ രൂപീകരണവും പ്രവാചകത്വവും മറ്റും.

മക്കാ നഗരം തനിക്കധീനപ്പെട്ടതോടെ ബിംബാരാധനയോടും മറ്റും മുഹമ്മദിനുണ്ടായിരുന്ന മനോഭാവത്തില്‍ പ്രകടമായ മാറ്റം ദൃശ്യമായി. കഅബാ ക്ഷേത്രവും അവിടെയുണ്ടായിരുന്ന തീര്‍ത്ഥാടനവും വിഗ്രഹപൂജയുമൊക്കെ എന്നെന്നേക്കുമായി അവസാനിപ്പിക്കാന്‍ മക്കാവിജയത്തോടെ അദ്ദേഹത്തിനു കഴിയുമായിരുന്നു. പക്ഷെ തന്ത്രശാലിയായ ആ ഭരണാധികാരി തന്റെ ജന്മദേശത്തിന്റെ സാംസ്കാരികത്തനിമയും സാമ്പത്തിക ഭദ്രതയും തകര്‍ക്കാന്‍ തയ്യാറായില്ല. മക്കയുടെ പ്രശസ്തിയും പ്രതാപവും തന്റെ സാമ്രാജ്യത്തോടൊപ്പം വളര്‍ന്നു പന്തലിക്കണം എന്നു മാത്രമേ അദ്ദേഹം ആഗ്രഹിച്ചുള്ളു. മാത്രമല്ല , കീഴടക്കപ്പെട്ട മക്കാ നിവാസികളെ മനപ്രയാസമില്ലാതെ കൂടെ നിര്‍ത്താന്‍ ഈ നടപടി ഉപകരിക്കുമെന്ന ദീര്‍ഘവീക്ഷണവും അദ്ദേഹത്തിനുണ്ടായിരുന്നു. മക്കക്കാര്‍ മാത്രം ആചരിച്ചു വന്ന സഫാ മര്‍വാ പ്രദക്ഷിണം മദീനക്കാരുടെ എതിര്‍പ്പിനെ അവഗണിച്ചുകൊണ്ട് ഹജ്ജില്‍ ഉള്‍പ്പെടുത്തിയതിന്റെ യുക്തിയും ഇതു തന്നെയായിരുന്നു.
മുശ്രിക്കുകളുടേതായ എല്ലാ അനുഷ്ഠാനങ്ങളും ഇസ്ലാമിന്റേതാക്കി പരിവര്‍ത്തനം ചെയ്യാന്‍ മുഹമ്മദിനെ പ്രേരിപ്പിച്ചത് അദ്ദേഹത്തിന്റെ ഉയര്‍ന്ന രാഷ്ട്ര തന്ത്രജ്ഞതയും കുശാഗ്ര ബുദ്ധിയുമല്ലാതെ മറ്റൊന്നുമല്ല!

തങ്ങളുടെ ക്ഷേത്രവും ദൈവങ്ങളും നശിപ്പിക്കപ്പെട്ടാല്‍ മക്കയുടെ വാണിജ്യപരവും സാംസ്കാരികവുമായ അസ്തിത്വം അപകടത്തിലാകുമെന്ന ആശങ്ക തന്നെയാണ് ഖുറൈശികളെ ഇസ്ലാമിന്റെ ആദ്യകാല പ്രബോധനവേളയില്‍ മുഹമ്മദില്‍ നിന്നും അകറ്റിയ പ്രധാന കാര്യം. ഇതു തന്നെയാണ് ഹജ്ജു തീര്‍ത്ഥാടനം ഇസ്ലാമിന്റെ പ്രധാന കര്‍മ്മങ്ങളിലൊന്നായി നിലനിര്‍ത്താന്‍ മുഹമ്മദിനെ പ്രേരിപ്പിച്ചതും. ഇവിടെ തൌഹീദും ശിര്‍ക്കും സമന്വയിപ്പിക്കുന്നതിനായി തന്ത്രപൂര്‍വ്വം ചില ന്യായങ്ങള്‍ അദ്ദേഹം കണ്ടെത്തി. അബ്രഹാമിന്റെ ഏകദൈവാരാധനയെ മക്കയിലെ വിഗ്രഹപൂജയുമായി കൂട്ടിയിണക്കാന്‍ മുഹമ്മദ് നെയ്തുണ്ടാക്കിയ കഥകള്‍ക്ക് ചരിത്രപരമായി മറ്റൊരു തെളിവും ഇല്ല.

കഅബക്കും ഹജറുല്‍ അസ് വദിനും യാതൊരു പവിത്രതയും കല്‍പ്പിക്കുന്നില്ല എന്ന ആധുനിക മുസ്ലിം ബുദ്ധിജീവികളുടെ വാദം നിലനില്‍ക്കുന്നതല്ല. നമസ്കാരത്തിനു കഅബയെ ലക്ഷ്യമാക്കുന്നത് ദിശാബോധം ലഭിക്കാന്‍ മാത്രമാണെന്ന വാദവും പ്രശ്നത്തെ ലഘൂകരിക്കാനുള്ള ഒരു പാഴ് ശ്രമം മാത്രമാണ്. ബ്രഹ്മാണ്ഢം മുഴുവന്‍ വ്യാപിച്ചു കിടക്കുന്ന ഒരു ഈശ്വര ചൈതന്യത്തിനു മനുഷ്യരുടെ ആത്മാവുമായി സംവദിക്കാന്‍ ഒരു കല്‍മണ്ഡപവും മൂലക്കല്ലും വേണ്ടതുണ്ടോ? ഖിബ്ല വെറും ദിശാബോധമുണ്ടാക്കാനുള്ളതാണെന്നു വാദത്തിനു സമ്മതിച്ചാല്‍ തന്നെ കൊടുങ്ങല്ലൂരും പളനിയിലുമൊക്കെ നടക്കുന്നതു പോലെയുള്ള ക്ഷേത്രപ്രദക്ഷിണം കഅബയ്ക്കു ചുറ്റും നടത്തുന്നതെന്തിന്? മലമൂത്ര വിസര്‍ജ്ജനവേളയില്‍ പോലും മുസ്ലിംങ്ങള്‍ ഈ പുണ്യ ഗേഹത്തിന്റെ പരിശുദ്ധി കാക്കാന്‍ ജാഗ്രത പാലിക്കുന്നതെന്തുകൊണ്ട്? ലോകമെമ്പാടുമുള്ള മുസ്ലിങ്ങള്‍ മക്കയില്‍ പോയി മൃഗബ്വലി നടത്തുന്നതും തലമുണ്ഢനം ചെയ്യുന്നതും കല്ലെടുത്തെറിയുന്നതുമൊക്കെ എന്തുദ്ദേശ്യത്തോടെയാണ്? ഇതൊന്നും ദൈവത്തെ പ്രീതിപ്പെടുത്താനുള്ള ആരാധനാകര്‍മ്മങ്ങള്‍ അല്ലേ? ഇതൊന്നും വിഗ്രഹാരാധനയല്ല എങ്കില്‍ പിന്നെ എന്താണു വിഗ്രഹാരാധന എന്നു വിശദീകരിക്കേണ്ടത് മുസ്ലിം ബു ജി കളുടെ കടമയാണ്.

ക്ഷേത്രങ്ങളില്‍ പോയി ആരാധന നടത്തുന്ന ഹിന്ദു വിശ്വാസികളാരും തങ്ങള്‍ ആരാധിക്കുന്നത് അവിടെ പ്രതിഷ്ഠിച്ചിട്ടുള്ള കല്ലിനെയോ ലോഹപ്രതിമയെയോ ആണെന്നു പറയാറില്ല. ആ ശില്പം എഴുന്നേറ്റുവന്ന് എന്തെങ്കിലും കൊടുക്കുമെന്നും അവരാരും കരുതുന്നില്ല. ഈശ്വരനുമായി സംവദിക്കാന്‍ -മനസ്സിന് ഏകാഗ്രത ലഭിക്കാന്‍ -ഒരു പ്രതീകത്തെ മുന്‍ നിര്‍ത്തുന്നു എന്നേ അവരും പറയുന്നുള്ളു. ഹിന്ദുവിന്റെ ശ്രീകോവിലും മുസ്ലിമിന്റെ ഖിബ് ലയും ആരാധനയുടെ കാര്യത്തില്‍ ഒരേ ധര്‍മ്മം തന്നെയാണു നിര്‍വ്വഹിക്കുന്നത് എന്നിരിക്കെ അതില്‍ ഒന്നു ശിര്‍ക്കും മറ്റേതു തൌഹീദും ആകുന്നതിന്റെ യുക്തിയൊന്നു വിശദീകരിക്കാമോ?
വിഗ്രഹം കളവു പോയാല്‍ കലാപമുണ്ടാകും എന്നാണു ഓ അബ്ദുറഹിമാന്‍ പറയുന്ന മറ്റൊരു ലക്ഷണം. കളവു പോകട്ടെ മുസ്ലിം വിഗ്രഹങ്ങള്‍ ഏതെങ്കിലും തരത്തില്‍ നിന്ദിക്കപ്പെട്ടാല്‍ പോലും കഥയെന്താകുമെന്നു നമുക്കൂഹിക്കാവുന്നതേയുള്ളു.
കഅബയിലെ കരിങ്കല്ല് ഒരിക്കല്‍ മനോരോഗിയായ ഒരാള്‍ കുത്തിപ്പൊട്ടിച്ചു വീട്ടില്‍ കൊണ്ടു പോയി. ആളൊഴിഞ്ഞ നേരം നോക്കിയായിരുന്നു വിഗ്രഹമോഷണം. വിവരം കാട്ടു തീ പോലെ പരന്നു. മോഷ്ടാവു പിടിക്കപ്പെട്ടു. വിചാരണ പോലും കൂടാതെ ആ മനുഷ്യന്റെ തല വെട്ടി. പൊട്ടിയ കല്ലിന്‍ കഷ്ണങ്ങള്‍ കൂട്ടി ഒട്ടിച്ച് തത്സ്ഥാനത്തു തന്നെ പ്രതിഷ്ഠിച്ചു. ഇതിന്റെ പേരില്‍ ഒരു കലാപത്തിനു തന്നെ കളമൊരുങ്ങിയതായും പറയപ്പെടുന്നു. പ്രബോധനം “ലക്ഷണം” പറഞ്ഞപോലെ പകരം മറ്റൊരു കല്ലു പ്രതിഷ്ഠിച്ച് പ്രശ്നം പരിഹരിക്കപ്പെടുകയുണ്ടായില്ല! അങ്ങിനെ ചെയ്യാന്‍ ആരാധകര്‍ തയ്യാറായിരുന്നെങ്കില്‍ മനോരോഗിയായ ഒരു നരപരാധി കൊല്ലപ്പെടുമായിരുന്നില്ലല്ലൊ.

വിഗ്രഹങ്ങളെ സ്നാനം ചെയ്യിക്കലും പൂമാല ചാര്‍ത്തലും സാഘോഷം എഴുന്നള്ളിച്ചു കൊണ്ടു നടക്കലുമൊക്കെയാണു പ്രബോധനം വിവരിക്കുന്ന മറ്റു ലക്ഷണങ്ങള്‍ . ഇതൊക്കെയാണു വിഗ്രഹാരാധനയുടെ ലക്ഷണങ്ങളെങ്കില്‍ കഅബയും ഒന്നാംതരം ലക്ഷണമൊത്ത പൂജാബിംബം തന്നെ! ആണ്ടു തോറും അതിനെ സംസം വെള്ളവും പനിനീരും കൊണ്ടു സ്നാനം ചെയ്യിക്കുന്നു. ഇതു നമ്മുടെ ഫൈസലും കൂട്ടരും പറയും പോലെ വെറും വാട്ടര്‍ സര്‍വ്വീസിങ് മാത്രമല്ല. ഒരു ചടങ്ങു തന്നെയാണ്. സൌദി രാജാക്കന്മാര്‍ നേരിട്ടു പങ്കെടുക്കുന്ന പ്രധാന മതചടങ്ങുകളില്‍ ഒന്നാണീ വിഗ്രഹസ്നാനം! ഇതോടൊപ്പം തന്നെ അതില്‍ തൂക്കിയിടുന്ന “ഖില്ല” യും മാറ്റി പ്രതിഷ്ഠിക്കുന്നു. പഴയ ഖില്ല കഷ്ണങ്ങളാക്കി ഭക്തജനങ്ങള്‍ക്കു വിതരണം ചെയ്യുകയും ആ തുണിക്കഷ്ണങ്ങള്‍ അത്യാദരപൂര്‍വ്വം വീടുകളില്‍ സൂക്ഷിക്കപ്പെടുകയും ചെയ്യുന്നു. നമ്മുടെ നാട്ടിലും അതിന്റെ കഷ്ണങ്ങള്‍ ഭക്തി പൂര്‍വ്വം സൂക്ഷിച്ചു വെക്കുന്നവരുണ്ട്. ആ തുണിക്കഷ്ണത്തിനു ദിവ്യത്വം ഉണ്ടെന്നു തന്നെയാണവര്‍ കരുതുന്നത്.

പുതുതായി അണിയിക്കാനുള്ള ഖില്ല ഓരോ കൊല്ലവും ഓരോ പ്രദേശത്തു നിന്നാണു കൊണ്ടു വരുന്നത്. സാഘോഷം എഴുന്നള്ളിക്കല്‍ വിഗ്രഹാരാധനയുടെ ലക്ഷണമാണെന്നാണല്ലോ ജമാ അത്തു നേതാവായ മുജീബ് പറയുന്നത്. അദ്ദേഹത്തിന്റെ മഹാനേതാവ് തന്നെ ഖില്ല എഴുന്നള്ളിച്ചതിന്റെ ദൃക്‌സാക്ഷിവിവരണം ഇതാ കാണുക:-

“ക അബാലയത്തെ അണിയിക്കാനുള്ള ഖില്ല പാകിസ്ഥാനില്‍നിന്നു നിര്‍മ്മിക്കാന്‍ സൌദി ഭരണകൂടം തീരുമാനിച്ചു. ഈ ഉത്തരവാദിത്തം മൌദൂദിയെ ഏല്‍പ്പിച്ചു. അയ്യൂബ്ഖാനായിരുന്നു അന്നത്തെ പാക് പ്രസിഡണ്ട്. തെരഞ്ഞെടുപ്പിന്റെ പ്രാരംഭപ്രവര്‍ത്തനങ്ങള്‍ അങ്ങിങ്ങായി ആരംഭിച്ചിരുന്നു. ജമാ അത്തെ ഇസ്ലാമിയുടെ പ്രചാരണത്തിനും തെരഞ്ഞെടുപ്പില്‍ കൂടുതല്‍ വോട്ടു പിടിക്കാനും ഖില്ലയെ നല്ലൊരു ആയുധമാക്കാമെന്നു മൌദൂദി ചിന്തിച്ചു. കഅബയുടെ ഖില്ല നിര്‍മ്മിക്കുന്ന കാര്യം മൌദൂദി പത്രങ്ങളിലൂടെ ജനങ്ങളെ അറിയിച്ചു. വന്‍പിച്ച ആഘോഷപരിപാടികളോടെ ഖില്ല നിര്‍മ്മാണം ആരംഭിച്ചു. നിര്‍മ്മാണം പൂര്‍ത്തിയാക്കിയ ശേഷം അതുമായി പ്രദര്‍ശനയാത്ര നടത്താന്‍ അദ്ദേഹം തീരുമാനിച്ചു. വാര്‍ത്താ മാധ്യമങ്ങളിലൂടെ പര്യടനപരിപാടി വിളംബരം ചെയ്തു. ലക്ഷക്കണക്കിനു രൂപ മുതല്‍ മുടക്കി സ്പെഷ്യല്‍ തീവണ്ടിയിലായിരുന്നു യാത്ര. പ്രദര്‍ശനയാത്രക്കു നേതൃത്വം നല്‍കി ഒരു വണ്ടിയില്‍ ജമാ അത്തെ ഇസ്ലാമി അമീര്‍ അബുല്‍ അ അലാ മൌദൂദിയും സഞ്ചരിച്ചു. ഈ പര്യടന യാത്രയെപ്പറ്റി ജമാ അത്തെ ഇസ്ലാമിയുടെ ഔദ്യോഗിക പത്രമായ ‘ഏഷ്യാ ലാഹോര്‍ ’ എഴുതുന്നു: “ഇപ്പോള്‍ പശ്ചിമ പകിസ്താനിലെ റെയില്‍വേ സ്റ്റേഷനുകളിലൂടെ രണ്ടു തീവണ്ടികള്‍ കഅബയുടെ ഖില്ല പ്രദര്‍ശനം നടത്തിക്കൊണ്ടിരിക്കുന്നു. ഒരു തീവണ്ടി ലാഹോറില്‍നിന്നും പെഷവാറിലേക്കു തിരിക്കുമ്പോള്‍ മറ്റൊരു തീവണ്ടി ഒകാട നഗരത്തിന്റെ ഭാഗത്തേക്കോടി ഖില്ലാ പ്രേമികളുടെ ദാഹം ശമിപ്പിച്ചുകൊണ്ടിരിക്കുന്നു. പൊതുജനങ്ങളുടെ സ്നേഹപ്രകടനത്തിന്റെയും അതിയായ താല്‍പ്പര്യത്തിന്റെയും അല്‍ഭുതദൃശ്യങ്ങള്‍ എല്ലാ സ്റ്റേഷനുകളിലും കാണാം. ഖില്ലയെ ഒരു നോക്കു കണ്ട് അനുഗ്രഹീതരാകാന്‍ വേണ്ടി എല്ലാ സ്റ്റേഷനുകളിലും ആബാല വൃദ്ധം ജനങ്ങള്‍ ആകാംക്ഷാപൂര്‍വ്വം കാത്തിരിക്കുകയാണ്.

സ്ത്രീകള്‍ ഖില്ലയുടെ മേല്‍ പുഷ്പാര്‍ച്ചന നടത്തുകയും പണം നിക്ഷേപിക്കുകയും ചെയ്യുന്നു. വലിയ ഉദ്യോഗസ്ഥരും പ്രമുഖ നേതാക്കളും കൈ കെട്ടി നിശ്ശബ്ദരായി നിന്ന് ഖില്ലയെ ആശീര്‍വദിക്കുന്നു. ഖില്ലയെ തൊടാനും ചുംബിക്കാനും അനുവദിക്കാത്തതിനാല്‍ ചില സ്ഥലങ്ങളില്‍ ആളുകള്‍ തീവണ്ടിയെ ചുംബിക്കുന്നു. ” (അണിയറയ്ക്കുള്ളിലെ ജമാ അത്തെ ഇസ്ലാമി. -അബ്ദുള്ള വേളം- ഇസ്ലാമിക് സാഹിത്യ അക്കാദമി, കോഴിക്കോട്. പേ. 38,39)

കഅബയുടെ മേല്‍ തൂക്കിയിടാനുള്ള ഒരു തുണിയുടെ സ്ഥിതി ഇതാണെങ്കില്‍ പിന്നെ ആ കല്ലിന്റെ കാര്യം പറയണോ?

ദൈവത്തിനു പ്രതീകങ്ങള്‍ ഉണ്ടാക്കി അതിനു ചുറ്റും അനുഷ്ഠാനങ്ങള്‍ ചെയ്യുന്നതിനാണു നാം പൊതുവെ വിഗ്രഹാരാധന എന്നു പറയുന്നത്. ഇസ്ലാമിലെ ദൈവത്തിനും പ്രതീകങ്ങളുണ്ടെന്നും അവയെ പ്രദക്ഷിണം ചെയ്യാമെന്നും ഖുര്‍ ആന്‍ തന്നെ പ്രസ്താവിക്കുന്നുണ്ട്:-

إِنَّ ٱلصَّفَا وَٱلْمَرْوَةَ مِن شَعَآئِرِ ٱللَّهِ فَمَنْ حَجَّ ٱلْبَيْتَ أَوِ ٱعْتَمَرَ فَلاَ جُنَاحَ عَلَيْهِ أَن يَطَّوَّفَ بِهِمَا وَمَن تَطَوَّعَ خَيْراً فَإِنَّ ٱللَّهَ شَاكِرٌ عَلِيمٌ

“നിശ്ചയം സഫായും മര്‍വായും അല്ലാഹുവിന്റെ പ്രതീകങ്ങള്‍ തന്നെ. അതിനാല്‍ അവയെ തവാഫ് ചെയ്യുന്നതില്‍ തെറ്റില്ല.”[2:158]

Truly Safā and Marwa, two mountains near Mecca, are among the waymarks (sha‘ā’ir, plural of sha‘īra) of God, the [ritual] ceremonies of His religion, so whoever makes the Pilgrimage to the House, or the Visitation, that is, whoever prepares to perform the Pilgrimage [hajj] or the Visitation [‘umra]: the original sense of both terms [hajja and i‘tamara] is ‘to aim for’ and ‘to visit’, respectively; he would not be at fault, [it would not be] a sin, if he circumambulates them (the original tā’ [of yatatawwafa, ‘circumambulate’] has been assimilated with the tā’), by pacing quickly (sa‘y) between them seven times: this was revealed when the Muslims were averse to this [circumambulation], because the pagan Arabs used to circumambulate them, and there was an idol atop each mountain which they used to stroke. It is reported from Ibn ‘Abbās that this pacing [between the two] is not obligatory, based on the fact that when no sin can be incurred, the context implies free choice. Al-Shāfi‘ī and others, however, considered it to be a pillar [of the Pilgrimage rituals]. The Prophet made clear its obligatory aspect when he said that, ‘God has prescribed for you the pacing [sa‘y]’, as reported by al-Bayhaqī and others; and he [the Prophet] also said, ‘Begin with what God has begun’, meaning, al-Safā, as reported by Muslim; and whoever volunteers (tatawwa‘a: a variant reading is yattawa‘, the ta’ here being assimilated) good, that is, any good deed such as circumambulation or other, that is not obligatory on him; God is Grateful, for such a deed and rewards that person for it, Knowing, it.[jalalain]

(Lo! (the mountains) As-Safa and Al-Marwah are among the indications of Allah...) [2:158]. Sa‘id ibn Muhammad ibn Ahmad al-Zahid informed us> Abu ‘Ali ibn Abi Bakr al-Faqih> ‘Abd Allah ibn Muhammad ibn ‘Abd al-‘Aziz> Mus‘ab ibn ‘Abd Allah al-Zubayri> Malik> Hisham> his father> ‘A’ishah who said: “This verse was revealed about the Helpers. They used to make a pilgrimage to Manat which was close to Qudayd. They also used to avoid going between al-Safa and al-Marwah. When Islam came, they asked Allah’s Messenger, Allah bless him and give him peace, about this, and Allah, exalted is He, revealed this verse”. This is narrated by Bukhari from ‘Abd Allah ibn Yusuf from Malik. Abu Bakr al-Tamimi informed us> Abu’l-Shaykh al-Hafiz [al-Asfahani]> Abu Yahya al-Razi> Sahl al-‘Askari> Yahya and ‘Abd al-Rahman> Hisham> his father> ‘A’ishah who said: “This verse was revealed about a group of people from the Helpers. Before Islam, they used to make pilgrimage to Manat and were forbidden from going between al-Safa and al-Marwah. When they went to pilgrimage with Allah’s Messenger, Allah bless him and give him peace, they mentioned this to him. And so Allah revealed this verse”. This is narrated by Muslim from the report of Abu Bakr> Ibn Abi Shaybah> Abu Usamah> Hisham> his father> ‘A’ishah. Said Anas ibn Malik: “We disliked going in between al-Safa and al-Marwah, because they were the shrines of Quraysh in the pre-Islamic period, and so we abandoned them in Islam. Then Allah revealed this verse”. Said ‘Umar ibn Hubshi: “I asked Ibn ‘Umar about this verse and he said: ‘Go to Ibn ‘Abbas and ask him’. The latter said: ‘There was on al-Safa an idol in the form of a man called Isaf, and on al-Marwah an idol in the form of a woman called Na’ilah. The people of the Book claimed that these two had committed adultery in the Ka’bah and as a punishment Allah turned them into two stones which were placed on al-Safa and al-Marwah so that people can take heed. But after a long time had passed, they were worshipped instead of Allah, exalted is He. Whenever the people of the pre-Islamic period went in between them, they stroked the two idols. When Islam came and the idols were destroyed, the Muslims disliked going between al-Safa and al-Marwah because of these two idols. [wahidi]

കെ വി മുഹമ്മദ് മുസ്ലിയാര്‍ നല്‍കുന്ന വിശദീകരണം കാണുക:

“ഇസ്ലാമിന്റെ ആരംഭകാലത്ത് മുശ്രിക്കുകള്‍ ആ രണ്ടു പര്‍വ്വതങ്ങളിലും ഓരോ വിഗ്രഹങ്ങള്‍ പ്രതിഷ്ഠിച്ച് അവയെ പ്രദക്ഷിണം ചെയ്യുകയും ആരാധിക്കുകയും ചെയ്തു വന്നിരുന്നു. എന്നാല്‍ ഇസ്ലാം വരികയും വിഗ്രഹങ്ങള്‍ നീക്കം ചെയ്യപ്പെടുകയും ചെയ്ത ശേഷവും ആ പര്‍വ്വതങ്ങളെ പ്രദക്ഷിണം ചെയ്യുവാന്‍ മുസ്ലിംങ്ങള്‍ക്കു വെറുപ്പു തോന്നി. കാരണം ബിംബങ്ങളോടും അവയോടു ബന്ധപ്പെട്ട പശ്ചാത്തലങ്ങളോടും ജനമനസ്സുകളില്‍ ഇസ്ലാമുണ്ടാക്കിയ പരിവര്‍ത്തനം അത്രമാത്രം ഉഗ്രവും അഗാധവുമായിരുന്നു. അക്കാരണത്താല്‍ സഫാമര്‍വയെ ഇനിയും പ്രദക്ഷിണം ചെയ്യുന്നതില്‍ തങ്ങള്‍ക്ക്ക്കുള്ള മനപ്രയാസം നബിയോടവര്‍ പറയുകയും ചെയ്തു. അപ്പോഴായിരുന്നു `അവ രണ്ടും അല്ലാഹുവിന്റെ അടയാളങ്ങളില്‍ പെട്ടതായിരിക്കയാല്‍ അവയെ ത്വവാഫ് ചെയ്യല്‍ കുറ്റമല്ല` എന്നു അല്ലാഹു ഉണര്‍ത്തിയത്.”

-------------------
ഇസ്ലാമില്‍ വിഗ്രഹാരാധനയുണ്ടെന്നു ഞാന്‍ പറഞ്ഞതിനു മറുപടിയായി വിഗ്രഹങ്ങളുടെ “ലക്ഷണങ്ങള്‍” വിശദീകരിച്ചുകൊണ്ട് മറുപടി എഴുതിയ പ്രബോധനം മുജീബ് ,എന്റെ ഈ മറുപടിയോട് കഴിഞ്ഞ 10 വര്‍ഷമായി, ഇതു വരെ പ്രതികരിച്ചു കണ്ടില്ല.
നമ്മുടെ ഫൈസല്‍ കൊണ്ടോട്ടിയെങ്കിലും തൃപ്തികരമായ ഒരു വിശദീകരണം നല്‍കുമെന്നു പ്രതീക്ഷികുന്നു!

അന്റാര്‍ടിക്കയിലെ നിസ്കാരം! ചന്ദ്രനിലെ നോമ്പ് !!

2009-08-08T22:45:00.001+05:30

[എന്റെ സുഹൃത്ത് ലത്തീഫ് ‘യുക്തിരേഖ’യിലേക്ക് അയച്ചു തന്ന കുറിപ്പ് അദ്ദേഹത്തിന്റെ അനുവാദത്തോടെ ഇവിടെ പോസ്റ്റ് ചെയ്യുന്നു.]

അന്റാര്‍ടിക്കയിലെ നിസ്കാരം!

ലതീഫ് കോവൂര്‍

ലോകാവസാനം വരേക്കുള്ള പ്രബോധനഗ്രന്ഥമോ ഖുര്‍ ആന്‍ ?

ആര്‍ട്ടിക്കിലോ അന്റാടിക്കിലോ താമസിച്ച് ഗവേഷണം നടത്തുന്ന ഒരു മുസ്ലിം ശാസ്തജ്ഞന്‍ ഇസ്ലാമിക കര്‍മ്മശാസ്ത്രപ്രകാരം 5 നേരം എങ്ങനെ നിസ്കരിക്കും? സൂര്യോദയസമയത്തുള്ള സുബഹ് നമസ്കാരവും അസ്തമയ നേരത്തെ മഗ്രിബ് നിസ്കാരവും മാത്രമേ അവിടെ സാധിക്കൂ. അതും 6 മാസത്തിലൊരിക്കല്‍ മാത്രം! സൂര്യന്‍ തലയ്ക്കു മീതെ വരില്ല എന്നതുകൊണ്ട് ളുഹര്‍ നിസ്കാരം സാധ്യമാകില്ല. സൂര്യന്‍ 6 മാസം ചക്രവാളത്തില്‍ വട്ടം കറങ്ങിയ ശേഷം അസ്തമിക്കുകയും പിന്നെ ആറുമാസം കഴിഞ്ഞു ചക്രവാളത്തില്‍ ഉദിക്കുകയുമാണവിടെ. അസ്തമയശേഷമുള്ള ഇഷാ നിസ്കാരവും ഒപ്പിക്കാമെന്നു വെച്ചാലും 3 നിസ്കാരത്തിനേ സ്കോപ്പുള്ളു. ദിവസം 5 നേരം നിസ്കരിക്കാത്തവനു നരകം ഉറപ്പായതിനാല്‍ അന്റാര്‍ട്ടിക്കയില്‍ താമസിക്കുന്നവര്‍ക്കു നരകം ഉറപ്പ്. ഇനി ഈ മൂന്നു നിസ്കാരം അവര്‍ അനുഷ്ടിച്ചാല്‍ തന്നെ അതിനെടുക്കുന്ന സമയം കൊണ്ട് [വെറും മൂന്നു നമസ്കാരത്തിനെടുക്കുന്ന സമയം കൊണ്ട്] ഭൂമിയിലെ മറ്റു മേഖലകളിലെ വിശ്വാസികള്‍ 910 നേരം നിസ്കരിച്ചിട്ടുണ്ടാകും.[ 6 മാസക്കാലം 5 നേരം വീതം]. അത്രയും പുണ്യം ഇവര്‍ക്കു നഷ്ടമാകും. എല്ലാ കാര്യവും വിശദീകരിക്കാന്‍ അവതരിപ്പിച്ച ഖുര്‍ ആനിലോ അതു വിവരിക്കാന്‍ വന്ന ഹദീസിലോ ഈ പ്രശ്നം പരാമര്‍ശിച്ചിട്ടില്ല. അല്ലാഹുവിനും നബിക്കും ഭൂമിയില്‍ ഇങ്ങനെയും ചില സ്ഥലങ്ങള്‍ ഉണ്ടെന്ന കാര്യവും അവിടെയും മനുഷ്യര്‍ ചെന്നു പാര്‍കാനിടയുണ്ടെന്ന കാര്യവും അറിയുമായിരുന്നില്ല. ഭാവിയില്‍ ഇവിടെയും മനുഷ്യര്‍ സ്ഥിരവാസത്തിനും സുഖവാസത്തിനും പോയിക്കൂടായ്കയില്ല. അവരൊക്കെ നരകത്തിലായതു തന്നെ!

24 മണിക്കൂറില്‍ 50 നിസ്കാരമാണ് അല്ലാഹു ആദ്യം നിശ്ചയിച്ചിരുന്നത്. ജനങ്ങളുടെ ബുദ്ധിമുട്ടറിയുന്ന നബി പിന്നെ അല്ലാഹുവിനെ ചെന്നു കണ്ട് കാര്യം പറഞ്ഞു ബോധ്യപ്പെടുത്തി വിലപേശി പ്പേശി യാണു 5 നിസ്കാരമെന്നുറപ്പിച്ചത്. തൊഴില്‍ സമയം 8 മണിക്കൂറാക്കാന്‍ തൊഴിലാളികള്‍ സമരം നടത്തിയ പോലെ. മനുഷ്യന്റെ ബുദ്ധിമുട്ട് അല്ലാഹുവിനു മനസ്സിലായത് നബി ചെന്നു പറഞ്ഞപ്പോള്‍ മാത്രമാണ്. അല്ലാഹുവിന്റെ കാരുണ്യം കൊണ്ടോ പാറാവുകാരന്‍ മലക്കിന്റെ കയ്യില്‍ തോക്കില്ലാത്തതു കൊണ്ടോ എന്നറിയില്ല അന്നു വില പേശാന്‍ ചെന്ന നേതാവ് വെടി കൊണ്ടു മരിച്ചില്ല.
ഏതായാലും 24 മണിക്കൂറിലെ നിസ്കാരം 5 നേരമാക്കാന്‍ തന്നെ ഇത്രയും ബുദ്ധിമുട്ടിയ സ്ഥിതിക്ക് 4368 മണിക്കൂറില്‍ [182ദിവസം] വെറും 3 നേരം നിസ്കരിക്കുന്നത് അല്ലാഹു എങ്ങനെ സഹിക്കും?
ഇനി നോമ്പിന്റെ കാര്യമെടുക്കാം. സൂര്യോദയത്തിനു മുമ്പ് അത്താഴം കഴിച്ച് നോമ്പെടുത്താല്‍ ആ നോമ്പു തുറക്കണമെങ്കില്‍ ഇവിടെ 6 മാസം കഴിയേണ്ടതുണ്ട്. കാരണം അസ്തമയവും അടുത്ത ഉദയവും തമ്മില്‍ 6 മാസത്തെ അകലമുണ്ട്. പുലര്‍ച്ചേ നോമ്പെടുത്താല്‍ തുറക്കാറാകുമ്പോഴേക്കും വിശ്വാസി ശഹീദായിക്കാണും. നോമ്പെടുത്ത് അവശനായാല്‍ സര്‍ക്കാര്‍ അറസ്റ്റു ചെയ്ത് ആശുപത്രിയിലാക്കി ഗ്ലൂക്കോസ് നല്‍കും. അതിനെതിരെ മത സംഘടനകള്‍ക്കു പ്രതികരിക്കാനും കഴിയില്ല. അങ്ങനെ പ്രതികരിച്ചാല്‍ ‘വിശ്വസികള്‍‘ മരിച്ചു വീഴും. പ്രതികരിച്ചില്ലെങ്കില്‍ ‘വിശ്വാസവും‘ മരിച്ചു വീഴും.

ചില മതപ്രചാരകര്‍ ആര്‍ടിക്കില്‍ നിന്നും അന്റാര്‍റ്റിക്കു വരെ ദേശാടനപ്പക്ഷികള്‍ വഴി തെറ്റാതെ പറക്കുന്നതൊക്കെ പറയുന്നതു കാണാം. അല്ലാഹുവിന്റെ അത്തരം ഖുദ്രത്തുകളെകുറിച്ചല്ല ഇവര്‍ വ്യാകുലപ്പെടേണ്ടത്. ഈ സ്ഥലങ്ങളില്‍ ,ഫര്‍ളാക്കപ്പെട്ട അനുഷ്ഠാനങ്ങള്‍ എങ്ങനെ നടത്തും എന്നാണിവര്‍ വിശദീകരിക്കേണ്ടത്. താന്‍ അവസാനത്തെ നബിയാണെന്നു മുഹമ്മദ് നബി അവകാശപ്പെട്ടതിനാല്‍ ഇങ്ങനെയുള്ള കാര്യങ്ങളില്‍ കാലോചിതമായ നിര്‍ദേശങ്ങള്‍ നല്‍കാന്‍ മറ്റൊരു പ്രവാചകനെ അവതരിപ്പിക്കാന്‍ പോലും പറ്റാത്ത സന്നിഗ്ധാവസ്ഥയിലാണു ഇന്ന് മതം. ഈ കുറവു നികത്താന്‍ ഏതായാലും ഇന്ന് പ്രവാചകന്മാരായി ചമയുന്ന ചിലര്‍ പണ്ഡിതന്മാരുടെ കൂട്ടത്തിലുണ്ട്. അവര്‍ ഖുര്‍ ആനിന്റെ ലിപി നിലനിര്‍ത്തുന്നുണ്ടെങ്കിലും അര്‍ഥം മാറ്റിയും പുതിയ നിഘണ്ടു നിര്‍മ്മിച്ചുമൊക്കെ പെടാപ്പാടു പെടുകയാണ്.

ചന്ദ്രനില്‍ ഇറങ്ങിയ മനുഷ്യര്‍ എങ്ങനെ നോമ്പും പെരുന്നാളും അനുഷ്ഠിക്കും?

അതി വിദൂരമല്ലാത്ത ഭാവിയില്‍ മനുഷ്യര്‍ ചന്ദ്രനിലും താമസം തുടങ്ങും. അവിടെ സുഖവാസകേന്ദ്രം പണി തുടങ്ങിക്കഴിഞ്ഞു ശാസ്ത്രലോകം. മുസ്ലിംങ്ങളും അവിടെ പോകാതിരിക്കില്ലല്ലോ?

നോമ്പും പെരുന്നാളും തുടങ്ങണമെങ്കില്‍ മാസപ്പിറവി കാണണം. പക്ഷെ ചന്ദ്രനിലെത്തിയ മനുഷ്യര്‍ എന്നും ചന്ദ്രനെ കണ്ടു കൊണ്ടിരിക്കുകയാണല്ലൊ. അപ്പോള്‍ അവര്‍ എന്തടിസ്ഥാനത്തിലാ നോമ്പു തുടങ്ങുക എന്നോ എപ്പഴാ പെരുന്നാളനുഷ്ഠിക്കുക എന്നോ ഖുര്‍ ആനില്‍ പറഞ്ഞിട്ടില്ല. പക്ഷേ ചന്ദ്രന്‍ രണ്ടായി പിളര്‍ന്നുവെന്നും അതു ഭൂമിയുടെ രണ്ടു ദിക്കിലായി വേറിട്ടു നിന്നുവെന്നും അതു നബിയും ഏതാനും അനുയായികളും കണ്ടു എന്നും അപ്പോഴേക്കും അല്ലാഹു അതു കൂട്ടിച്ചേര്‍ത്തു ശരിയാക്കി എന്നുമൊക്കെയുള്ള അല്‍ഭുത വൃത്താന്തങ്ങള്‍ ഖുര്‍ ആനിലൂടെ പ്രചരിപ്പിക്കുന്നുണ്ട്. അനാവശ്യവും അവിശ്വസനീയവുമായ ഇത്തരം കഥകള്‍ പ്രചരിപ്പിക്കുന്നതിനു പകരം നിര്‍ബ്ബന്ധമായ നോമ്പും നിസ്കാരവും നിര്‍വ്വഹിക്കാന്‍ പ്രപഞ്ചത്തിലെവിടെയായാലും മനുഷ്യര്‍ എന്തു ചെയ്യണം എന്നു വിവരിക്കുകയായിരുന്നില്ലേ വേണ്ടത്?

ചന്ദ്രന്‍ ഭൂമിയെപ്പോലെ കല്ലും മണ്ണും നിറഞ്ഞ ഒരു ഗോളമാണെന്നും ഭാവിയില്‍ മനുഷ്യര്‍ അവിടെ പോയി താമസിക്കുമെന്നും നബിക്കറിയില്ലായിരുന്നെങ്കിലും ‘അല്ലാഹു’ അതൊക്കെ അറിയേണ്ടതല്ലേ? പാതിയായി മുറിക്കാനും പിന്നെ കൂട്ടി ഒട്ടിക്കാനും പറ്റുന്ന പപ്പടം പോലുള്ള ഒരു വെളിച്ചം മാത്രമാണു ചന്ദ്രന്‍ എന്നാണു അക്കാലത്തെ ആളുകള്‍ മനസ്സിലാക്കിയിരുന്നത്.
ചന്ദ്രനു സ്വയം ഒരു തവണ കറങ്ങാന്‍ ഭൂമിയിലെ 29.53 ദിവസം വേണം. മറ്റൊരു വിധത്തില്‍ പറഞ്ഞാല്‍ അവിടത്തെ ഒരു പകല്‍ നമ്മുടെ 14.75 ദിവസം വരും. അവിടെ സൂര്യോദയത്തിനു മുമ്പ് അത്താഴം കഴിച്ചു നോമ്പു നോറ്റാല്‍ സൂര്യനസ്തമിക്കുമ്പോഴേക്കും വിശ്വാസി അവശനാകും ചിലപ്പോള്‍ കാറ്റു പോകാനും മതി!

ചന്ദ്രന്‍ ഓരോ നാള്‍ ചെല്ലും തോറും വലുതാവുകയും ചെറുതാവുകയും ചെയ്യുന്നതെന്തു കൊണ്ടാണെന്ന ചോദ്യത്തിനു “അതു നിങ്ങള്‍ക്കു നേരം കണക്കാക്കാനാണെന്ന്” മറുപടിയാണു ദൈവം പറഞ്ഞത്. ചന്ദ്രന്‍ ഭൂമിയെ ചുറ്റുമ്പോള്‍ സംഭവിക്കുന്ന സ്ഥാനമാറ്റം മൂലം അവിടെ സൂര്യപ്രകാശം തട്ടി പ്രതിഫലിക്കുന്ന ഭാഗം ഭൂമിയില്‍നിന്നും നമുക്ക് ദൃശ്യമാകുന്നതില്‍ വ്യതിയാനം വരുന്നതാണു വൃദ്ധിക്ഷയത്തിനു കാരണം എന്നു പറഞ്ഞു മനസ്സിലാക്കാന്‍ അല്ലാഹുവിനോ നബിക്കോ കഴിഞ്ഞില്ല. ചന്ദ്രന്‍ സ്വയം പ്രകാശിക്കുന്നില്ലെന്നും സൂര്യവെളിച്ചം അവിടെ തട്ടി പ്രതിഫലിക്കുകയാണെന്നും നബിയോ അല്ലാഹുവോ പറഞ്ഞിട്ടില്ല.
എന്നാല്‍ ഇന്നു ചിലര്‍ അങ്ങനെയൊക്കെ വ്യാഖ്യാനിച്ചു വിയര്‍ക്കുന്നതു കാണുന്നു! ഭൂമിയിലുള്ളവര്‍ക്കു തന്നെ നോമ്പും പെരുന്നാളും എങ്ങനെ എപ്പോള്‍ തുടങ്ങണമെന്ന കാര്യത്തില്‍ വ്യക്തതയില്ല. തൊട്ടടുത്തുള്ള രണ്ടു വീടുകളില്‍ പോലും ഒരിടത്തു നോമ്പും മറ്റേടത്തു പെരുന്നാളും അടുത്തടുത്ത പള്ളികളില്‍ ഇതിന്റെ പേര്‍ല്‍ അടിയും നടക്കുന്നു. ഇസ്ലാമിന്റേതല്ലാത്ത ഒരു കലണ്ടറിലും ഇങ്ങനെയുള്ള ആശയക്കുഴപ്പമില്ല. കേരളത്തില്‍ ശവ്വാല്‍ ഒന്നാകുമ്പോള്‍ ഡല്‍ഹിയില്‍ റമസാന്‍ മുപ്പതാകാറുണ്ട്. അല്ലാഹു ഖുര്‍ ആനിലൂടെ നിര്‍ദ്ദേശിച്ച കലണ്ടറില്‍ മാത്രമാണ് ഈ വക അബദ്ധങ്ങള്‍ ഉള്ളത്. ഇതു ചൂണ്ടിക്കാണിച്ചാല്‍ അതൊന്നും മതത്തിന്റെ കുഴപ്പമല്ല, ആളുകളുടെ കുഴപ്പമാണെന്നാണു പറയുക. നോമ്പും പെരുന്നാളും ആചരിക്കാന്‍ അല്ലാഹു ഉണ്ടാക്കിത്തന്ന കലണ്ടറല്ലേ ഈ കുഴപ്പങ്ങള്‍ക്കെല്ലാം കാരണം?
അറിവും യുക്തിയുമുള്ള ഒരു ദൈവം അല്ല ഇതൊന്നും ഉണ്ടാക്കി വെച്ചത് എന്നല്ലേ ഇതൊക്കെ തെളിയിക്കുന്നത്?

എനിക്കു മറുപടി പറയാന്‍ ആളുണ്ടായിരിക്കുന്നു!

2009-07-21T14:46:00.005+05:30

ഞാന്‍ ഇസ്ലാം മതത്തെയും വിശേഷിച്ച് കുര്‍ ആനിനെയും വിമര്‍ശിച്ചുകൊണ്ട് എഴുതാനും പറയാനും തുടങ്ങിയിട്ട് മൂന്നു പതിറ്റാണ്ടു പിന്നിട്ടു. ഇതു വരെ എന്റെ ഒരു ലേഖനത്തിനോ പുസ്തകത്തിനോ സമഗ്രമായി മറുപടി പറയാന്‍ ആരും മതരംഗത്തു നിന്നും മുന്നോട്ടു വന്നതായി അനുഭവമില്ല. അതില്‍ എനിക്കല്‍പ്പം നിരാശയും അതേ സമയം അല്‍പ്പം ആത്മവിശ്വാസവും തോന്നിയിരുന്നു. ഞാന്‍ പറയുന്ന കാര്യങ്ങളില്‍ കാര്യമായ തെറ്റുകള്‍ ഉണ്ടായിരുന്നെങ്കില്‍ അതു ചൂണ്ടിക്കാട്ടാനെങ്കിലും മറുപടി വരുമായിരുന്നു. എന്റെ വിമര്‍ശനങ്ങളെ പരമാവധി അവഗണിച്ച് ആളുകളുടെ ശ്രദ്ധയില്‍ വരാതെ നിലനിര്‍ത്തുക എന്ന തന്ത്രമായിരിക്കാം ഈ മൌനത്തിനു പ്രേരകമായ വസ്തുത എന്നു ഞാന്‍ മനസ്സിലാക്കുന്നു. ഏതായാലും ഇസ്ലാമിസ്റ്റുകളുടെ മൌനം ലംഘിച്ചുകൊണ്ട് ബൂലോഗത്തെങ്കിലും എനിക്കു മറുപടി പറയാന്‍ ആളുണ്ടായിരിക്കുന്നു എന്നത് ഏറെ സന്തോഷകരമാണ്. എന്റെ ബ്ലോഗില്‍ ഞാന്‍ ഉന്നയിക്കുന്ന മതവിമര്‍ശനങ്ങളോട് സമഗ്രമായിത്തന്നെ പ്രതികരിക്കാന്‍ മറ്റൊരു ‘യുക്തിവാദം’ ബ്ലോഗ് രംഗത്തു വന്നിരിക്കുന്നു.

ഞാന്‍ AK47തോക്കുപയോഗിച്ച് കൂട്ടവെടിയുതിര്‍ക്കുകയാണെന്നും അതിനാല്‍ മറുപടി പറയാന്‍ വളരെ പണിപ്പേടേണ്ടി വരുന്നു എന്നും ആമുഖമായി പറഞ്ഞുകൊണ്ടാണ് ശ്രീ കാട്ടിപ്പരുത്തി തന്റെ മറുപടിപ്പരംബര തുടങ്ങുന്നത്. മുസ്ലിം സംഘടനകള്‍ നടത്തി വരുന്ന സംവാദങ്ങളുടെയും നിച് ഒഫ് ട്രൂതു കാരുടെ മാസികയുടെയും പേരായ ‘സ്നേഹസംവാദം’ ഞാന്‍ ബ്ലോഗിന്റെ പേരാക്കിയതിലും ഖുര്‍ ആന്‍ എന്ന് മറ്റൊരു ബ്ലോഗിനു പേരു നല്‍കിയതിലുമുള്ള അമര്‍ഷമാണ് എന്റെ ബ്ലോഗുകളുടെ പേരില്‍ തന്നെ വ്യാജന്‍ നിര്‍മ്മിക്കാന്‍ ഇവരെ പ്രേരിപ്പിച്ചതെന്നും മനസ്സിലാക്കി ത്തരുന്നുണ്ട് കാട്ടിപ്പരുത്തി. [ആ അധ്യായം തല്‍ക്കാലം ക്ലോസ് ചെയ്യുന്നു. ]
കാട്ടിപ്പരുത്തിയുടെ പുതിയ സംരംഭത്തോട് ക്രിയാത്മകമായി പ്രതികരിക്കാന്‍ എനിക്കു സന്തോഷമേയുള്ളു. മറുവാദങ്ങള്‍ സജീവമാകുമ്പോള്‍ മാത്രമേ കൂടുതല്‍ പഠിക്കാനും പ്രതികരിക്കാനും പ്രചോദനം ലഭിക്കൂ. വായനക്കാര്‍ രണ്ടു വശവും പരിശോധിച്ച് സത്യം മനസ്സിലാക്കട്ടെ. എന്റെ വിമര്‍ശനങ്ങളില്‍ വസ്തുതാപരമായ തെറ്റുകള്‍ ഉണ്ടെങ്കില്‍ അതു തിരുത്താനും ഈ സമീപനം ഉപകരിക്കുമല്ലോ.

വിശ്വാസത്തിന്റെയും യുക്തിവാദത്തിന്റെയും സമീപനങ്ങള്‍ അടിസ്ഥാനപരമായിത്തന്നെ വ്യത്യസ്ഥമാണ്. ഒന്ന് ഒരു വിശ്വാസത്തെ ആത്യന്തിക സത്യമായി ഉറപ്പിച്ച ശേഷം അതിനനുസൃതമായി മറ്റെല്ലാറ്റിനെയും വ്യാഖ്യാനിക്കുന്ന രീതിയാണ്. മറ്റേതാകട്ടെ സ്വതന്ത്രമായി അന്യേഷിക്കുകയും ശരിയെന്നു ബോധ്യപ്പെടുകയും ചെയ്ത ശേഷം ഒരു സത്യത്തെ സത്യമായി അംഗീകരിക്കുന്ന സമീപനവുമാണ്.

“പ്രപഞ്ചഘടനയും സൃഷ്ടിയും” എന്ന എന്റെ പോസ്റ്റിനു മറുപടിയായി കാട്ടിപ്പരുത്തി എഴുതിയ കാര്യങ്ങളോടാണു ഞാന്‍ ഇവിടെ പ്രതികരിക്കുന്നത്. അദ്ദേഹത്തിന്റെ ലെഖന പരംബര അവസാനിക്കുന്ന മുറയ്ക്ക് അതിനോടുള്ള എന്റെ നിലപാടുകള്‍ വിശദീകരിക്കുന്നതാണ്.
ഇവിടെ ഒറ്റനോട്ടത്തില്‍ അദ്ദേഹത്തിന്റെ കുറിപ്പുകളില്‍ കണ്ട ചില പരാമര്‍ശങ്ങളോടുള്ള പ്രതികരണം ആദ്യം അവതരിപ്പിക്കുകയാണ്.

1.പ്രപഞ്ചം സൃഷ്ടിച്ച നാഥന്‍ പ്രപഞ്ചത്തെക്കുറിച്ച് പറയുമ്പോള്‍ അത് സത്യവിരുദ്ധമാവുക വയ്യ.

വിശ്വാസത്തിന്റെ അടിസ്ഥാന സമീപനം എന്നു ഞാന്‍ മുകളില്‍ പറഞ്ഞതിനുള്ള നല്ല ഉദാഹരണമാണീ വാചകം. പ്രപഞ്ചം സൃഷ്ടിച്ച നാഥന്‍ പറഞ്ഞതാണു ഖുര്‍ ആന്‍ എന്നു തീരുമാനിച്ചുറപ്പിച്ച ശേഷമാണു അതു വായിക്കുന്നതെങ്കില്‍ അതില്‍ “തെറ്റുകള്‍ ” ഒന്നും കാണാന്‍ കഴിയുകയില്ല. കണ്ടാല്‍ തന്നെ അതു തെറ്റല്ലാതാക്കാന്‍ എന്തെകിലുമൊരു മുട്ടു ന്യായം അന്യേഷിച്ചു കണ്ടെത്തും. എത്ര പണിപ്പെട്ടിട്ടാണെങ്കിലും. അതാണു വിശ്വാസത്തിന്റെ ഒരു യുക്തി! വിശ്വാസമാകുന്ന കുറ്റിയില്‍ ചിന്തയെ ചങ്ങലക്കിട്ടു കഴിഞ്ഞാല്‍ പിന്നെ ആ കുറ്റിക്കു ചുറ്റും കറങ്ങിക്കൊണ്ടു മാത്രം ഒരു ചെറിയ ലോകം അയാള്‍ സൃഷ്ടിക്കും. അതിനപ്പുറത്തേക്കു കടക്കാന്‍ പിന്നെ അയാള്‍ക്കു സാധ്യമാകില്ല. ഇവിടെ നമ്മുടെ സുഹൃത്തും അതു തന്നെയാണു ചെയ്യുന്നത്. ലോകമെമ്പാടുമുള്ള മുസ്ലിം ബുദ്ധിജീവികള്‍ അവരുടെ ഊര്‍ജ്ജം മുഴുവന്‍ ചെലവഴിക്കുന്നതും ഇക്കാര്യത്തിനാണ്. ഒരു യുക്തിവാദിക്ക് കുര്‍ ആന്‍ പോലുള്ള ഒരു കൃതിയെ യുക്തിപരമായി വിമര്‍ശിക്കാന്‍ ഒട്ടും പാടു പെടേണ്ടതില്ല. ഉള്ളത് ഉള്ളതുപോലെ പറഞ്ഞാല്‍ തന്നെ അതു ദൈവത്തിന്റെ വെളിപാടൊന്നുമല്ല എന്ന് നിഷ്പ്രയാസം സ്ഥാപിക്കാനാവും. എന്നാല്‍ കുര്‍ ആനിലെ ഭൂമിയെ ഉരുട്ടിയെടുക്കാന്‍ പോലും ഇവര്‍ക്ക് എത്രമാത്രം മെയ്യഭ്യാസം വെണ്ടി വരുന്നു എന്നു നാം കണ്ടതാണ്. യുക്തിവാദം ഒരു സമീപനമാണ്. അന്ധമായ ഒരു മുന്‍ വിധി രൂപീകരിച്ച ശേഷം അതിനനുയോജ്യമായ ‘യുക്തി’ മെനയുന്നതിനു പകരം സംശയദൃഷ്ടിയോടെ, ശരിയേത് തെറ്റേത് എന്ന് കണ്ടെത്താന്‍ ശ്രമിക്കുകയാണു ചെയ്യേണ്ടത്. കുര്‍ ആന്‍ പ്രപഞ്ച നാഥന്‍ അവതരിപ്പിച്ചതാണോ എന്നല്ലേ ആദ്യം അന്യേഷിക്കേണ്ടത്. അതു തീര്‍ച്ചയാക്കിയ ശേഷമല്ലേ അതിന്റെ പ്രമാണങ്ങള്‍ ജീവിതത്തില്‍ പകര്‍ത്തണോ വേണ്ടേ എന്നൊക്കെ ചിന്തിക്കേണ്ടത്. അതു ദൈവത്തിന്റെ വെളിപാടല്ലെങ്കില്‍ പിന്നെ എന്തിനു നാം അതിന്റെ വാലില്‍ കെട്ടി ജീവിതം ദുസ്സഹമാക്കണം? ഇതാണു സംവാദത്തിന്റെ അടിസ്ഥാന പ്രശ്നം.

2.എന്റെ പഴയ പോസ്റ്റില്‍ യുക്തിവാദികളുടെ ഒരു സ്ഥിരം പരിപാടിയെ കുറിച്ച് സൂചിപ്പിച്ചിരുന്നു. അതായത് ഉത്തരം പറയാനുള്ള ചോദ്യം സ്വയം നിര്‍മ്മിക്കുക, എന്നിട്ടാ ചോദ്യം മറ്റുള്ളവരുടെ മേല്‍ കെട്ടി വക്കുക. അല്ലെങ്കില്‍ അവരുടെ മേല്‍ ആരോപിക്കുക. എന്നിട്ടെല്ലാ ചോദ്യത്തിനും ഉത്തരം കണ്ടെത്തിയതാണെന്ന് ഭാവിക്കുക. ഈ പോസ്റ്റും ഒട്ടും വ്യത്യസ്തമല്ല.

ഈ പരിപാടി യുക്തിവാദികളല്ല ചെയ്തു വരുന്നത്. കുറേ കാലമായി കേരളത്തിലെ മുജാഹിദ് ജമാ അത്ത് ബുദ്ധിജീവികള്‍ പയറ്റി വരുന്ന ഒരു സൂത്രമാണിത്. വിമര്‍ശകര്‍ ഉന്നയിക്കുന്ന ഒരു ചോദ്യത്തിനും നേരെ ചൊവ്വേ മറുപടി പറയാതെ തങ്ങളുടെ പക്കല്‍ റേഡി മെയ്ഡായി കരുതി വെച്ചിട്ടുള്ള കുറെ “മറുപടി” കള്‍ക് വെണ്ടി സ്വയം ചോദ്യങ്ങള്‍ ഉണ്ടാക്കി അതു ചോദിക്കാന്‍ സ്വന്തകാരെ തന്നെ യുക്തിവാദി വേഷം കെട്ടിച്ച് കപട നാടകം കളിക്കുക എന്നത് ഇവരുടെ സ്ഥിരം കലാപരിപാടി തന്നെയാണ്. മായിന്‍ കുട്ടി മേത്തര്‍ എന്നൊരാളെ മുമ്പ് പെരിന്തല്‍മണ്ണയില്‍ യുക്തിവാദി നേതാവായി അവതരിപ്പിച്ച കാര്യം കുറേ പേര്‍ക്കെങ്കിലും ഓര്‍മ്മ കാണുമല്ലോ.

3.കേരളാ യുക്തിവാദ സംഘത്തിന്റെ മുന്‍ പ്രസിഡന്റും ഡോക്ടറുമായിരുന്ന നിലംബൂരിലെ ഡോക്ടര്‍ ഉസ്മാന്‍ സാഹിബ് പിന്നീട് മുസ്ലിമാവുകയുണ്ടായി.

ഇതാ, ഇതും അത്തരത്തിലുള്ള ഒരു നംബറാണ്. ഈ ഡോ. ഉസ്മാന്‍ യുക്തിവാദിസംഘത്തിന്റെ നേതാവായിരുന്നു എന്നാണിതുവരെ പ്രചരിപ്പിച്ചിരുന്നത്. ഇപ്പോള്‍ കാട്ടിപ്പരുത്തി അല്‍പ്പം കൂടി പരിഷ്കരിച്ച് സംസ്ഥാന പ്രസിഡണ്ടു തന്നെയാക്കിക്കളഞ്ഞു!
ഇങ്ങേര്‍ ഈ സംഘത്തിന്റെ ഒരു നാലണ മെംബര്‍ പോലും ആയിരുന്നിട്ടില്ല. കേരളത്തിലെ യുക്തിവാദി പ്രസ്ഥാനത്തിന്റെ ചരിത്രമൊക്കെ ലഭ്യമാണ്. ആര്‍ക്കും പരിശോധിക്കാം. അദ്ദേഹം നിലമ്പൂരിലെ ഒരു പുരോഗമന നാടക സംഘത്തിലുണ്ടായിരുന്നു. അതു യുക്തിവാദിസംഘവുമായി ബന്ധമുള്ളതല്ല. കമ്യൂണിസ്റ്റുകാരുടെ നാടകവേദിയായിരുന്നു.
മതവിശ്വാസത്തെ സംരക്ഷിക്കാന്‍ നബിയുടെ പേരില്‍ പോലും നട്ടാല്‍ മുളയ്ക്കാത്ത നുണ പറയാന്‍ മടിയില്ലാത്ത ജമാ അത്തു ബുദ്ധിയുടെ ഒരു മണം ഇവിടെയും !

4.ഖുര്‍‌ആനിലെ ഒരു കാര്യം വ്യഖ്യാനിക്കുമ്പോള്‍ മുസ്ലിങ്ങള്‍ മുഖവിലക്കെടുക്കുന്ന ഒരു സാമാന്യതത്വമുണ്ട്. ഖുര്‍‌ആനിനെ വ്യാഖ്യാനിക്കുമ്പോള്‍ ഏതെങ്കിലും ഭാഗം പ്രവാചകനിലൂടെ പഠിപ്പിക്കപ്പെട്ടതല്ലെങ്കില്‍ അംഗീകരിക്കേണ്ടതില്ല എന്നതാണ്. അതായത് ഒരാളുടെ വ്യാഖ്യാനത്തില്‍ അയാളുടെ മനപ്പൂര്‍വമല്ലാത്ത ഏതെങ്കിലുമൊരു ഭാഗം പ്രവാചകനിലൂടെ വന്നതല്ലാ എന്ന് വരികയും അത് സ്വീകാര്യമല്ലാതാവുകയുമാണെങ്കില്‍ ഒഴിവാക്കാവുന്നതാണ്. എന്നാല്‍ പ്രവാചകനിലൂടെ സ്ഥിരപ്പെട്ടതാകട്ടെ നമ്മുടെ യുക്തിക്കു നിരക്കുന്നതല്ല എന്ന കാരണത്താല്‍ ഒരു വിധത്തിലും ഒഴിവാക്കാന്‍ പാടില്ലാത്തതുമാണ്.

എങ്കില്‍ സൂര്യന്‍ സഞ്ചരിക്കുന്നുവെന്ന കുര്‍ ആന്‍ വാക്യത്തിനു നബി നല്‍കിയ വിശദീകരണം [ബുഖാരിയിലെ സഹീഹ്] എന്തേ തമസ്കരിച്ചു കളഞ്ഞത്? രാത്രി അര്‍ശിന്റെ കീഴിലുള്ള ഒരു താവളത്തില്‍ വിശ്രമിച്ച് രാവിലെ വീണ്ടും സഞ്ചാരം തുടങ്ങുന്ന സൂര്യന്റെ കാര്യം ഞാന്‍ സൂചിപ്പിച്ചിരുന്നുവല്ലോ.
ഇന്നു നിങ്ങള്‍ നടത്തുന്ന വ്യാഖ്യാനക്കസര്‍ത്തുകള്‍ക്കൊന്നും ഇപ്പറഞ്ഞതു ബാധകമല്ലാത്തതെന്തേ?

5.ജബ്ബാറിന്റെ പോസ്റ്റിലാകട്ടെ സന്ദര്‍ഭത്തില്‍ നിന്നും അടര്‍‌ത്തിയെടുത്ത് സന്ദേശത്തിന്റെ സ്വഭാവം തന്നെ മാറ്റുക എന്നതിലപ്പുറം മറ്റൊന്നുമല്ല.

ഇതും ഇക്കാലത്തു മതവക്താക്കള്‍ ചെയ്യുന്ന പണിയാണ്. നബി നല്‍കിയ വിശദീകരണങ്ങള്‍ ബോധപൂര്‍വ്വം മറച്ചു വെച്ച് പുതിയ വ്യാഖ്യാനങ്ങള്‍ മെനയുകയും ഖുര്‍ ആനില്‍ തന്നെ അതിനു വിരുദ്ധമായി കാണുന്ന കാര്യങ്ങളെ തമസ്കരിക്കുകയും ചെയ്യുക. സന്ദര്‍ഭത്തില്‍നിന്നടര്‍ത്തുക മാത്രമല്ല.; ഒരു വാക്യം തന്നെ മുറിച്ചു വികലമാക്കി തങ്ങളുടെ നുണവ്യാഖ്യാനത്തിനു പരുവപ്പെടുത്തുകയും ചെയ്യുന്നു.

6.ഖുര്‍‌ആനിലെ ഒരൊറ്റ സൂക്തം പോലും നമ്മുടെ യാഥാര്‍ത്ഥ്യങ്ങള്‍ക്കെതിരല്ല. ചിലപ്പോള്‍ നമ്മുടെ അറിവ് അവിടേക്കെത്തിയിട്ടുണ്ടാവില്ല എന്നു മാത്രം.

എങ്കില്‍ പിന്നെ ഭൂമി ഉരുണ്ടതാണെന്നു വ്യാഖ്യാനിക്കുന്നതെന്തിന്? അതു പരന്നതാണെന്ന അറിവിലേക്കു നമ്മള്‍ എത്തിയിട്ടില്ല എന്നു വിശ്വസിച്ചാല്‍ പോരെ? മുതുകില്‍ നിന്നാണു ബീജം വരുന്നതെന്നു പ്രപഞ്ചനാഥന്‍ പറഞ്ഞാല്‍ അതങ്ങു വിശ്വസിച്ചാല്‍ മതിയല്ലോ എന്തിനാ വൃഷണം മുതുകിലാണെന്നു വ്യാഖ്യാനിച്ചും [ഇപ്പോള്‍ മുതുക് എന്നാല്‍ ലിംഗം എന്നും വാരിയെല്ല് എന്നാല്‍ യോനി എന്നും നിഘണ്ടുവില്‍ അര്‍ത്ഥം എഴുതിയുണ്ടാക്കിയാണു ദൈവത്തെ രഷപ്പെടുത്താന്‍ നോക്കുന്നത്] അര്‍ത്ഥം മാറ്റിയുമൊക്കെ സര്‍ക്കസ്സു അളിക്കുന്നത്? അതു മുതുകില്‍നിന്നുതന്നെയാണു വരുന്നതെന്നും ചിലപ്പോള്‍ നമ്മുടെ അറിവ് അവിടേക്കെത്തിയിട്ടുണ്ടാവില്ല എന്നും പറഞ്ഞാല്‍ പോരെ?

7.ഭൂമിയെ മെത്ത വിരിപ്പ് എന്നല്ലാം പറയുന്നത് ശാസ്ത്രീയമായ കാര്യങ്ങളാണെന്ന്. ഹെന്റെ മാഷെ! കുട്ടികള്‍ക്ക് കവിത പഠിപ്പിക്കാനും പറ്റില്ലെ നിങ്ങളെ ? അതിലെ ഉപമാലങ്കാരമൊക്കെ ഇങ്ങനെ തന്നെ വിശദീകരിച്ച് കൊളമാക്കുമോ? അതോ ഖുര്‍‌ആന്‍ തൊടുമ്പോള്‍ മാത്രം വരുന്ന ചില പ്രത്യേക വൈചിത്ര്യ രോഗമാണോ ?

രാത്രിയും പകലും ചുറ്റിപ്പൊതിയുന്നു എന്ന് ഉപമാലങ്കാരം പറഞ്ഞേടത്തു വന്ന് ഭൂമിയെ ഉരുട്ടാന്‍ നോക്കിയതാരാ? അതിനു മറുവാദമായാണല്ലോ ഞാന്‍ രാവും പകലും കോര്‍ത്തു വലിക്കുന്നതും തിരിഞ്ഞു മറിയുന്നതും അടപ്പു മൂടുന്നതുമൊകെ ചൂണ്ടിക്കാണിച്ചത്. അപ്പൊള്‍ അലങ്കാരം നിങ്ങള്‍ക്കു “ശാസ്ത്ര”മാക്കാം. യുക്തിവാദികള്‍ അത് അലങ്കാരമായി ത്തന്നെ കാണണം ! അതെന്താ അങ്ങനെ?

8.ആകാശത്തെയും ഭൂമിയേയും മാറ്റി നിറുത്തുന്നത് നമുക്ക് കാണാന്‍ കഴിയാത്ത് ഗുരുത്വാകര്‍ഷണത്തിന്റെ ഫലമാണെന്നതില്‍ ആര്‍ക്കാണ് തര്‍ക്കം. തൂണുകളുടെ ധര്‍മമെന്താണ്. അതൊരു വസ്തുവിനെ താങ്ങിനിറുത്തണം, അതല്ലേ ഇവിറ്റെ ഉദ്ദേശമുള്ളൂ. ഇത്ര ചെറിയ ആരോപണങ്ങളുമായാണൊ വരുന്നത്.

ശരി ; അങ്ങനെയാണങ്കില്‍ നിങ്ങളുടെ അല്ലാഹു തന്നെ വെറും പുകയായി പ്പോകുമല്ലോ. അല്ലാഹു ആകാശത്തുനിന്നും മഴ ഇറക്കി എന്നു പറഞ്ഞാല്‍ എന്താണര്ത്ഥം? അല്ലാഹു ആകാശത്തിരുന്നു വെള്ളം കോരി ഭൂമിയിലേക്ക് ഒഴിച്ചു എന്നാണോ? അതോ സൂര്യ താപം കൊണ്ട് ഭൂമിയിലെ ജലം ഭാഷ്പമായി വായുവില്‍ കലര്‍ന്ന് അതു തണുത്ത് മഴയായി എന്നാണോ? രണ്ടാമതു പറഞ്ഞതാണെങ്കില്‍ അല്ലാഹു വെറും പ്രകൃതിപ്രതിഭാസം എന്നതിന്റെ അലങ്കാരപ്രയോഗമാകില്ലേ? കുര്‍ ആന്‍ അല്ലാഹു “ഇറക്കി” എന്നാല്‍ അല്ലാഹു [പ്രകൃതി] മനുഷ്യനു ബുദ്ധി നല്‍കി ആ ബുദ്ധിയുപയോഗിച്ച് അവന്‍ കുര്‍ ആന്‍ അടക്കമുള്ള തത്വചിന്തകള്‍ ആവിഷ്കരിച്ചു എന്നര്‍ത്ഥം കൊടുത്തു കൂടേ? അപ്പോള്‍ മുട്ടത്തുവര്‍ക്കിയുടെ നോവലും എന്റെ ഈ ബ്ലോഗുമൊക്കെ ദൈവം ഇറക്കിയതാകും. പിന്നെ നമ്മള്‍ തമ്മില്‍ തര്‍ക്കിക്കേണ്ടിയും വരില്ല.

ആകാശത്തിന്റെ തൂണ്‍ ഗുരുത്വാകര്‍ഷണവും ആകാശം അനന്തപ്രപഞ്ചവുമൊക്കെയായി വ്യാഖ്യാനിക്കാമെങ്കില്‍ ഈ പണി പല രീതിയിലും ആവാം എന്നു സൂചിപ്പിച്ചുവെന്നേയുള്ളു. അപ്പറഞ്ഞതിനൊക്കെ മുഹമ്മദ് നബിയും അദ്ദേഹത്തിന്റെ സമകാലികരും നല്‍കിയ വ്യാഖ്യാനവും വിശദീകരണവും അനുസരിച്ചാണു ഞാന്‍ വിമര്‍ശിക്കുന്നത്. അതല്ല നമുക്കിന്നു തോന്നുന്നപോലെയൊക്കെ ഈതിനു വ്യാഖ്യാനം നല്‍കാമെങ്കില്‍ ഖുര്‍ ആന്‍ കൊണ്ടു തന്നെ നിരീശ്വരവാദവും മെനയാന്‍ പ്രയാസമില്ല.

9.ഭൂമിയും ആകാശവും ഒന്നായിരുന്നത് ഒരു വസ്തുതയല്ലേ മാഷെ? ഇതെവിടെനിന്നും കട്ടെടുത്തെഴുതി എന്നത് ഒന്ന് വ്യക്തമാക്കാമോ? അക്കാലത്ത് ആരായിരുന്നു ഇങ്ങിനെയെല്ലാം വിശ്വസിച്ചിരുന്നു എന്നത് ഒന്ന് പറയാമോ?

ഗ്രീക് യവന പുരാണങ്ങളിലെ കഥകള്‍ മുഹമ്മദ് കേട്ടറിഞ്ഞിരുന്നു. അതാണിതിന്റെ അടിസ്ഥാനം. ആകാശവും ഭൂമിയും പരസ്പരം ഇണ ചേര്‍ന്നു കിടക്കുകയായിരുന്നു. പിന്നീട് ആകാശത്തിന്റെ ലിംഗം മുറിച്ചാണു വേര്‍പെടുത്തിയത്. ആ വേഴ്ച്ചയുടെ ഫലമായാണു ഭൂമിയില്‍ ജീവജാലങ്ങളും മറ്റും പിറവി കൊണ്ടത്. ഇതാണു പ്രചാരത്തിലിരുന്ന കഥ.

10.ജബ്ബാറിന്റെ പ്രധാന വിമര്‍‌ശനങ്ങളുടെ ചിത്രം മനസ്സിലായെന്നു കരുതുന്നു. ബ്ലോഗ് വായിക്കുന്നവരില്‍ ഭൂരിഭാഗവും ഖുര്‍‌ആനിനെ കുറിച്ച് അറിയാത്തവരായിരിക്കും. അവരോട് ഖുര്‍‌ആനില്‍ ഇങ്ങിനെ എന്നെല്ലാം തെറ്റിദ്ധരിപ്പിക്കാന്‍ അനുകൂലിക്കുന്നവര്‍‌ക്കും പ്രതികൂലിക്കുന്നവര്‍‌ക്കും എളുപ്പമാണ്.

ആ സാഹചര്യം മുതലെടുത്തുകൊണ്ടാണു നിങ്ങള്‍ കുറെ ഇസ്ലാമിസ്റ്റുകള്‍ കുര്‍ ആന്‍ ശാസ്ത്രമാണെന്നും ഇസ്ലാം സകല പ്രശ്നങ്ങള്‍ക്കും പരിഹാരമാണെന്നും ലോകത്താകെ ഇനി ഇസ്ലാമിനേ നിലനില്‍പ്പുള്ളു എന്നുമൊക്കെ പ്രചരിപ്പിക്കാന്‍ കച്ചകെട്ടിയിറങ്ങിയത്. അങ്ങനെ നിഷ്കളങ്കരായ മനുഷ്യരെ കെണിയില്‍ കുടുക്കാന്‍ -വഴിതെറ്റിക്കാന്‍- അനുവദിച്ചു കൂടാ എന്ന ചിന്തയാണ് എന്നെയും ഇതിനു പ്രേരിപ്പിക്കുന്നത്.
--------

കമലസുരയ്യയുടെ ഖബറടക്കം സംബന്ധിച്ച്

2009-06-28T12:39:00.001+05:30

മാധ്യമം പത്രത്തിലെ പ്രതികരണക്കോളത്തിലേക്കായി എഴുതിയ കുറിപ്പ്

കമലസുരയ്യയുടെ ഖബറടക്കം സംബന്ധിച്ച് ഇങ്ങനെയൊരു വിവാദം ‘മാധ്യമം’ ഏറ്റു പിടിച്ചു നടത്തുന്നതിന്റെ പൊരുൾ മനസ്സിലാകുന്നില്ല. യുക്തിവാദികളായ അബ്ദുൽ അലിയുടെയും ശ്രീനിയുടെയും അഭിപ്രായത്തിനു പിന്തുണ നല്കാനല്ല; ആ ഖബറടക്കച്ചടങ്ങുകൾ കണ്ടപ്പോൾ മനസ്സിൽ തോന്നിയ വികാരങ്ങളും ചിന്തകളും പങ്കുവെക്കാനാണ് ഈ കുറിപ്പ്. ആ സംഭവത്തെ മറ്റൊരു കോണിലൂടെയാണു ഞാൻ കാണുന്നത്.

ജയിൽ മോചിതനായ മ അദനിക്ക് കേരളത്തിന്റെ “മതേതര”ഭരണകൂടം നേരിട്ടേർപ്പെടുത്തിയ സ്വീകരണച്ചടങ്ങ്- ജീവിതത്തിൽ കാണേണ്ടി വന്ന ഏറ്റവും വലിയ അശ്ലീലക്കാഴ്ച്ച-കണ്ടു മരവിച്ചുപോയ എന്റെ മതേതരമനസ്സിന് അൽപ്പമെങ്കിലും കുളിരും ആർദ്രതയും പകർന്ന ഒരു കാഴ്ച്ചയായിരുന്നു ആ പള്ളിപ്പറമ്പിൽ നടന്ന മതേതരഖബറടക്കം! മുസ്ലിംങ്ങളും ഹിന്ദുക്കളും മതമില്ലാത്തവരും പുരുഷന്മാരോടൊപ്പം സ്ത്രീകളും എല്ലാം ചേർന്ന് ഒരു മുസ്ലിം സ്മശാനത്തിൽ ഇങ്ങനെയൊരു കാഴ്ച അത്യപൂർവ്വവും ഹൃദ്യവുമായിരുന്നു. മതം മാറിയ അമ്മയുടെ ഖബറിലേക്ക് മക്കളും പേരമക്കളുമായ പെൺകുട്ടികൾ മണ്ണു വാരിയിടുന്ന ഉപചാരം ഇതിനു മുമ്പ് കാണാൻ ഇടവന്നിട്ടില്ല. മതം തീർത്തുവെച്ച മതിലുകളും വേലികളും അപ്രസക്തമാകുന്ന ,ഇങ്ങനെയൊരു കാഴ്ച്ചക്ക് തീർച്ചയായും നമ്മുടെ ബഹു സംസ്കാരത്തിൽ പോസിറ്റീവായ ഫലങ്ങളുണ്ട് എന്നാണു ഞാൻ കരുതുന്നത്. പള്ളിപ്പറമ്പിലെ ഖബറടക്കച്ചടങ്ങിൽ പെണ്ണുങ്ങൾക്കും പങ്കെടുക്കാം എന്നു വരുന്നത് ലിംഗ നീതിയുടെ പുതിയ കാഴ്ചപ്പാടിനു വഴിവെച്ചേക്കാം.

ഇതോടൊപ്പം മുസ്ലിം സമൂഹത്തെ ചിന്താപരമായി -വികാരപരമായല്ല-പ്രകോപിപ്പിക്കണമെന്ന ഉദ്ദേശ്യത്തോടെ ചില കാര്യങ്ങൾ കൂടി സൂചിപ്പിക്കട്ടെ.

അന്ത്യനിമിഷത്തിൽ മക്കളോട് ഹരിനാമകീർത്തനം ചൊല്ലാനാവശ്യപ്പെട്ട ; പർദ്ദയ്ക്കുള്ളിൽ തന്റെ ഇഷ്ടദേവനായ കൃഷ്ണനെയും ഒളിപ്പിച്ചുവെച്ചുകൊണ്ട് ഇസ്ലാമിലേക്കു വന്ന ഈ എഴുത്തുകാരിയുടെ സ്ഥാനത്ത് ഒരു സാധാരണ ദരിദ്രകുടുംബത്തിലെ ദളിതനായിരുന്നു ദീൻ ആശ്ലേഷിച്ചു വന്നിരുന്നതെങ്കിൽ സമുദായം ഇങ്ങനെയൊക്കെ പെരുമാറുമായിരുന്നോ? അവരുടെ കൂടെപ്പിറപ്പുകളെയും ബന്ധുക്കളെയും പള്ളിപ്പറമ്പിൽ പ്രവേശിപ്പിക്കുമായിരുന്നോ? സ്ത്രീകൾ വന്നു ഖബറിൽ മണ്ണിടുമായിരുന്നോ? മൃതദേഹം പൊതു ദർശനത്തിനായി മുഖം തുറന്നു വെക്കുമായിരുന്നോ? ആരെങ്കിലും റീത്തുമായി വന്നാൽ അതു വെക്കാൻ അനുവദിക്കുമായിരുന്നോ?
എനിക്കീ ചടങ്ങ് കണ്ടപ്പോൾ ഏറ്റവും ആദരവു തോന്നിയത് കമലയുടെ രക്തബന്ധുക്കളോടാണ്. ഇവിടെ കമല സുരയ്യയായതിനു പകരം ഒരു സുരയ്യ കമലയായി അങ്ങോട്ടാണു മതപരിവർത്തനം നടത്തിയിരുന്നതെങ്കിൽ അവരുടെ ബന്ധുക്കളും സമുദായവും എങ്ങനെ പെരുമാറുമായിരുന്നു എന്ന ചോദ്യവും ഉയരേണ്ടതുണ്ട്.

ഹിന്ദു മതം, മതപരിത്യാഗം വധശിക്ഷയർഹിക്കുന്ന ക്രിമിനൽ കുറ്റമായി കാണുന്ന ഒരു മതമല്ലാതിരുന്നതുകൊണ്ടും മതം മാറുന്നവരുമായി രക്തബന്ധവും കുടുംബബന്ധവും സൌഹൃദബന്ധങ്ങളും ഉപേക്ഷിച്ച് അവരെ ഊരുവിലക്കി ഓടിച്ചു പിടിച്ചു കൊല്ലണമെന്ന ദൈവീകനിയമം ആ ദീനിന്റെ വേദപുസ്തകങ്ങളിൽ ഇല്ലാത്തതുകൊണ്ടും നാലപ്പാടുകുടുംബത്തിനോ കമലയെ സ്നേഹിച്ച പരശതം മലയാളികൾക്കോ കാര്യമായ് ഉപദ്രവമൊന്നുമൊല്ലാതെ ജീവിക്കാൻ സാധിച്ചു. താലിബാൻ മനോഭാവമുള്ള അൽപം ചിലരെങ്കിലും അവരെ ചെറിയ തോതിൽ ഉപദ്രവിച്ചിട്ടുണ്ടെന്ന കാര്യം വിസ്മരിക്കുന്നില്ല.

ഇ എ ജബ്ബാർ,
വൈസ്പ്രസിഡന്റ്, കേരള യുക്തിവാദിസംഘം.

ദത്തുപുത്രന്റെ ഭാര്യയെ വേള്‍ക്കാനും അല്ലാഹു കൂട്ടുനിന്നു!

2009-05-29T11:45:00.004+05:30

പുത്രവധുവിനെ പ്രണയിക്കാനും അല്ലാഹുവിന്റെ തുണ!

ഇസ്ലാമിന്റെയും പ്രവാചകന്റെയും ചരിത്രത്തിലെ ഏറ്റവുമധികം വിവാദങ്ങള്‍ക്കും വിമര്‍ശനശരങ്ങള്‍ക്കും വിധേയമായ ഒരു സംഭവമാണിവിടെ ഈ വെളിപാടുകളുടെ പശ്ചാത്തലം. ഒരു പൈങ്കിളിക്കഥപോലെ ചരിത്രകാരന്മാര്‍ കുറിച്ചിട്ടത്!

. وَإِذْ تَقُولُ لِلَّذِيۤ أَنعَمَ ٱللَّهُ عَلَيْهِ وَأَنْعَمْتَ عَلَيْهِ أَمْسِكْ عَلَيْكَ زَوْجَكَ وَٱتَّقِ ٱللَّهَ وَتُخْفِي فِي نَفْسِكَ مَا ٱللَّهُ مُبْدِيهِ وَتَخْشَى ٱلنَّاسَ وَٱللَّهُ أَحَقُّ أَن تَخْشَاهُ فَلَمَّا قَضَىٰ زَيْدٌ مِّنْهَا وَطَراً زَوَّجْنَاكَهَا لِكَيْ لاَ يَكُونَ عَلَى ٱلْمُؤْمِنِينَ حَرَجٌ فِيۤ أَزْوَاجِ أَدْعِيَآئِهِمْ إِذَا قَضَوْاْ مِنْهُنَّ وَطَراً وَكَانَ أَمْرُ ٱللَّهِ مَفْعُولاً
مَّا كَانَ عَلَى ٱلنَّبِيِّ مِنْ حَرَجٍ فِيمَا فَرَضَ ٱللَّهُ لَهُ سُنَّةَ ٱللَّهِ فِي ٱلَّذِينَ خَلَوْاْ مِن قَبْلُ وَكَانَ أَمْرُ ٱللَّهِ قَدَراً مَّقْدُوراً

നിന്‍റെ ഭാര്യയെ നീ നിന്‍റെ അടുത്ത്‌ തന്നെ നിര്‍ത്തിപ്പോരുകയും, അല്ലാഹുവെ നീ സൂക്ഷിക്കുകയും ചെയ്യുക എന്ന്‌, അല്ലാഹു അനുഗ്രഹം ചെയ്തുകൊടുത്തിട്ടുള്ളവനും നീ അനുഗ്രഹം ചെയ്തുകൊടുത്തിട്ടുള്ളവനുമായ ഒരാളോട്‌ നീ പറഞ്ഞിരുന്ന സന്ദര്‍ഭം ( ഓര്‍ക്കുക. ) അല്ലാഹു വെളിപ്പെടുത്താന്‍ പോകുന്ന ഒരു കാര്യം നിന്‍റെ മനസ്സില്‍ നീ മറച്ചു വെക്കുകയും ജനങ്ങളെ നീ പേടിക്കുകയും ചെയ്തിരുന്നു. എന്നാല്‍ നീ പേടിക്കുവാന്‍ ഏറ്റവും അര്‍ഹതയുള്ളവന്‍ അല്ലാഹുവാകുന്നു. അങ്ങനെ സൈദ്‌ അവളില്‍ നിന്ന്‌ ആവശ്യം നിറവേറ്റികഴിഞ്ഞപ്പോള്‍ അവളെ നാം നിനക്ക്‌ ഭാര്യയാക്കിത്തന്നു. തങ്ങളുടെ ദത്തുപുത്രന്‍മാര്‍ അവരുടെ ഭാര്യമാരില്‍ നിന്ന്‌ ആവശ്യം നിറവേറ്റിക്കഴിഞ്ഞിട്ട്‌ അവരെ വിവാഹം കഴിക്കുന്ന കാര്യത്തില്‍ സത്യവിശ്വാസികള്‍ക്ക്‌ യാതൊരു വിഷമവും ഉണ്ടാകാതിരിക്കാന്‍ വേണ്ടിയത്രെ അത്‌. അല്ലാഹുവിന്‍റെ കല്‍പന പ്രാവര്‍ത്തികമാക്കപ്പെടുന്നതാകുന്നു.

തനിക്ക്‌ അല്ലാഹു നിശ്ചയിച്ചു തന്ന കാര്യത്തില്‍ പ്രവാചകന്‌ യാതൊരു വിഷമവും തോന്നേണ്ടതില്ല. മുമ്പ്‌ കഴിഞ്ഞുപോയിട്ടുള്ളവരില്‍ അല്ലാഹു നടപ്പാക്കിയിരുന്ന നടപടിക്രമം തന്നെ. അല്ലാഹുവിന്‍റെ കല്‍പന ഖണ്ഡിതമായ ഒരു വിധിയാകുന്നു.
[33:37,38]

And when (idh is dependent because of [an implied preceding] udhkur, ‘mention [when]’) you said to him to whom God had shown favour, by [guiding him to] Islam, and to whom you [too] had shown favour: by manumitting him — this was Zayd b. Hāritha, who had been a prisoner of war before [the coming of] Islam (in the period of al-jāhiliyya). The Messenger of God (s) purchased him before his call to prophethood, and then manumitted him and adopted him as his son — ‘Retain your wife for yourself and fear God’, before divorcing her. But you had hidden in your heart what God was to disclose, [what] He was to manifest of your love for her and of [the fact] that should Zayd part with her you would marry her, and you feared people, would say, ‘He has married his son’s wife!’, though God is worthier that you should fear Him, in all things, so take her in marriage and do not be concerned with what people say. Zayd subsequently divorced her and her [obligatory] waiting period was completed. God, exalted be He, says: So when Zayd had fulfilled whatever need he had of her, We joined her in marriage to you — the Prophet consummated his marriage with her without [the customary] permission [from her legal guardian] and gratified the Muslims with [a feast of] bread and meat — so that there may not be any restriction for the believers in respect of the wives of their adopted sons, when the latter have fulfilled whatever wish they have of them. And God’s commandment, that which He has decreed, is bound to be realised. 33:37-jalalain-

There is no restriction for the Prophet in what God has ordained, [in what] He has made lawful, for him: [that is] God’s precedent (sunnata’Llāhi is in the accusative because the operator of the oblique has been removed [from the oblique construction ka-sunnati’Llāhi, ‘as is God’s precedent’) with those who passed away before, of prophets, which is that there is no restriction for them in this respect, a [special] dispensation for them regarding marriage — and God’s commandment, what He does, is inexorable destiny-33:38-

(And when thou saidst unto him on whom Allah hath conferred favour) through Islam, i.e. Zayd (and thou hast conferred favour) on him by emancipating him: (Keep thy wife to thyself) and do not divorce her, (and fear Allah) and fear Allah and do not let her go. (And thou didst hide in your mind) her love and the desire to marry her (that which Allah was to bring to light) in the Qur'an, (and thou didst fear mankind) and you feel ashamed of people because of this (whereas Allah had a better right that thou shouldst fear Him) whereas you should be ashamed of Allah. (So when Zayd had performed the necessary formality (of divorce) from her) when she has finished her waiting period after her divorce from Zayd, (We gave her unto thee in marriage, so that (henceforth)) after you (there may be no sin for believers about wives of their adopted sons, when the latter have performed the necessary formality (of release) from them) when they had finished their waiting period after they are divorced or after the death of their husband. (The commandment of Allah) marrying Zayd to Muhammad (pbuh) (must be fulfilled) must take place.-ibnu abbas-

(There is no reproach) there is no sin or offence (for the Prophet in that which Allah maketh his due) in the dispensation Allah makes for him, by making him marry. (That was Allah's way) thus was Allah's decree (with those who passed away of old) before Muhammad (pbuh); the reference here is to David and his marriage to the wife of Uriya; and it is also said that this refers to the marriage of Solomon with Balqis (and the commandment of Allah is certain destiny) the decree of Allah must necessarily take place.[ദാവൂദ് നബിയുടെ വിവാദക്കല്യാണവും സുലൈമാന്‍ നബിയുടെ പ്രേമക്കല്യാണവുമൊക്കെ പിന്നീട് വിവരിക്കാം. അതൊക്കെ ദൈവത്തിന്റെ വിധിയായിരുന്ന പോലെ ഈ കല്യാണവും ദൈവം തീരുമാനിച്ചതാണെന്ന്!]

സൈനബയുടെ വിധി!

ഇറാന്‍ കാരനായ അലി ദാസ്തി, തന്റെ ‘23 years; Study of prophetic career of Muhammad’ എന്ന വിവാദകൃതിയില്‍ ഈ സംഭവം വിവരിച്ചുകൊണ്ടെഴുതിയ ഏതാനും ഖണ്ഡികകള്‍ ഇവിടെ ഉദ്ധരിക്കുന്നു:-

“സെയ്ദ് ഒരു തടവുകാരനായ അടിമയായിരുന്നു. കദീജ അയാളെ വില കൊടുത്തു വാങ്ങി മുഹമ്മദിനു സമ്മാനിച്ചതായിരുന്നു. പ്രവാചകന്‍ അയാളെ മോചിപ്പിക്കുകയും അന്നത്തെ അറബി ആചാരപ്രകാരം തന്റെ ദത്തു പുത്രനാക്കുകയുമാണു ചെയ്തത്. അന്നത്തെ അറബികളുടെ ആചാരപ്രകാരം ദത്തു പുത്രനും സ്വന്തം പുത്രന്മാര്‍ക്കുള്ള എല്ലാ അവകാശങ്ങളുമുണ്ടായിരുന്നു. പിന്തുടര്‍ച്ചാവകാശം വിവാഹബന്ധങ്ങള്‍ക്കുള്ള നിരോധനം എല്ലാമുണ്ടായിരുന്നു. സൂറ 33ല്‍ സൂക്തങ്ങള്‍ 3, 4 അവതരിക്കുന്നതുവരെ മുസ്ലിംങ്ങള്‍ ഈ ആചാരം തുടര്‍ന്നു വന്നിരുന്നു. ഈ വിഷയത്തെ കുറിച്ച് അബ്ദുല്ലാഹിബ്നു ഉമര്‍ ഇങ്ങനെ പറഞ്ഞതായി നിവേദനം ചെയ്യപ്പെട്ടിട്ടുണ്ട്:-

“പ്രവാചകന്റെ വളരെ അടുത്തവരായ ഞങ്ങളോടു പോലും അദ്ദേഹം സെയ്ദിനെ പരാമര്‍ശിക്കുമ്പോള്‍ സെയ്ദുബ്നു മുഹമ്മദ് എന്നാണു പറഞ്ഞിരുന്നത്. അയാള്‍ പ്രവാചകന്റെ പുത്രന്‍ മാത്രമല്ല ഏറ്റവും ഭക്തനും ഒരു ഉറച്ച അനുയായിയുമായിരുന്നു.”

അബ്ദുല്‍ മുത്തലിബിന്റെ മകളായ ഉമൈമയുടെ മകളായിരുന്നു സൈനബ്. അപ്രകാരം അവള്‍ പ്രവാചകന്റെ പിതാവു വഴി അമ്മായിയുടെ മകളായിരുന്നു. പ്രവാചകന്‍ തന്നെയാണ് സൈനബിനെ സെയ്ദിനു വിവാഹം ചെയ്തു കൊടുക്കാന്‍ മുന്‍കൈ എടുത്തത്. ആദ്യം അവളും സഹോദരന്‍ അബ്ദുല്ലയും ഈ വിവാഹത്തിനു സമ്മതിക്കാന്‍ മടി കാണിച്ചു. സെയ്ദ് ഒരു സ്വതന്ത്രനാക്കപ്പെട്ട അടിമയാണ് എന്നതായിരുന്നു കാരണം. എന്നാല്‍ അവര്‍ക്കവരുടെ എതിര്‍പ്പ് പിന്‍ വലിക്കേണ്ടി വന്നു.

പ്രവാചകനു അവളോടുള്ള പ്രേമം അങ്കുരിച്ചത് പിന്നീടാണ്. അതിന്റെ സമയം, സാഹചര്യം എന്നിവ സംബന്ധിച്ചു വ്യത്യസ്തമായ റിപ്പോര്‍ട്ടുകളാണുള്ളത്. സൈനബിനോടുള്ള പ്രവാചകന്റെ സമീപനത്തില്‍ മാറ്റം കണ്ടു തുടങ്ങിയത് വിവാഹം കഴിച്ചു കൊടുത്തതിനു ശേഷമാണെന്നാണ് തഫ്സീര്‍ ജലാലയ്ന്‍ പറയുന്നത്. “കുറച്ചു കാലം കഴിഞ്ഞപ്പോള്‍ അദ്ദേഹത്തിന്റെ ദൃഷ്ടി അവളില്‍ പതിയുകയും ഹൃദയത്തില്‍ പ്രേമം മുള പൊട്ടുകയും ചെയ്തു.”
സമക്ശരിയും സൂറ 33:37 ലെ തന്റെ വ്യാഖ്യാനത്തില്‍ പറയുന്നത് സൈനബിന്റെ വിവാഹാനന്തരമാണ് അവളുടെ മേല്‍ പ്രവാചകന്റെ ദൃഷ്ടി പതിഞ്ഞത് എന്നു തന്നെയാണ്. സെയ്നബ് പ്രവാചകനെ വളരെയധികം സന്തോഷിപ്പിച്ചിരുന്നു. അതിനാല്‍ അദ്ദേഹത്തിന് ഇങ്ങനെ പറയാതിരിക്കാനായില്ല: “നമ്മുടെ മനസ്സിനെ ചഞ്ചലപ്പെടുത്തുന്ന ദൈവത്തിനു സ്തോത്രം”. പ്രവാചകന്‍ സെയ്നബിനെ പല പ്രാവശ്യം കണ്ടിട്ടുണ്ട്. അന്നൊന്നും അദ്ദേഹത്തിനവളോട് ഇത്ര ഇഷ്ടം തോന്നിയില്ല. അങ്ങനെയെങ്കില്‍ അദ്ദേഹം അവളോട് വിവാഹത്തിനാവശ്യപ്പെടുമായിരുന്നു. സൈനബ് അദ്ദേഹത്തിന്റെ വിസ്മയിപ്പിക്കുന്ന വാക്കുകള്‍ കേള്‍ക്കുകയും അതു സെയ്ദിനോടു പറയുകയും ചെയ്തു. സെയ്ദിനു പെട്ടെന്നു കാര്യം പിടി കിട്ടി. സെയ്നബിനെ ദൈവം പ്രവാചകന്റെ മനസ്സില്‍ കടത്തിവിട്ടിരിക്കുന്നു എന്നദ്ദേഹത്തിനു തോന്നി. അയാള്‍ ഉടന്‍ തന്നെ പ്രവാചകനെ സമീപിച്ച് താന്‍ സെയ്നബിനെ മൊഴി ചൊല്ലണമോ എന്നു ചോദിച്ചു. എന്തുണ്ടായി? നിനക്കു വല്ല സംശയവും തോന്നിയോ എന്നദ്ദേഹം ആരാഞ്ഞു. എനിക്കവളില്‍നിന്നും നല്ലതു മാത്രമേ ലഭിച്ചിട്ടുള്ളു. പക്ഷെ ഞാന്‍ ദുഖിതനാണ്. കാരണം അവള്‍ എന്നെക്കാള്‍ കുലീനയാണ്. അതുകൊണ്ടു തന്നെ അവള്‍ താങ്കള്‍ക്കു ചേരുന്നവളാണ്. അയാള്‍ പറഞ്ഞു നിര്‍ത്തി. ഇതിനു ശേഷമാണു സൂക്തം 37 ഇറങ്ങിയത്.

ഈ സൂക്തം വളരെ വ്യക്തമാണ്. അതിനാല്‍ കൂടുതല്‍ വിവരണത്തിന്റെ ആവശ്യമില്ല. പ്രവാചകനു സൈനബിനോടൊരു ഇഷ്ടം തോന്നി. ഇതറിഞ്ഞ സൈദ് മൊഴി ചൊല്ലാനുള്ള അനുവാദത്തിനായി അദ്ദേഹത്തെ സമീപിച്ചപ്പോള്‍ അങ്ങനെ ചെയ്യരുതെന്നും അവളെ ഉപേക്ഷിക്കരുതെന്നും ഉപദേശിച്ചു. അങ്ങനെ അയാളെ ഉപദേശിക്കുമ്പോഴും മനസ്സിലുണ്ടായിരുന്ന ആഗ്രഹം അദ്ദേഹം മറച്ചു വെച്ചു. അദ്ദേഹം മനസ്സിലുണ്ടായിരുന്ന ആഗ്രഹം മറച്ചു വെച്ചത് ജനം അദ്ദേഹത്തെ കുറ്റപ്പെടുത്തുമെന്നുള്ള ഭയം കൊണ്ടാണ്. എന്നാല്‍ പ്രവാചകന്‍ ദൈവത്തെ മാത്രമേ ഭയപ്പെടേണ്ടതുള്ളു . അദ്ദേഹത്തിന്റെ ഉപദേശത്തിനെതിരായി സെയ്ദ് തന്റെ മൊഴിചൊല്ലല്‍ പൂര്‍ത്തീകരിച്ചു. അങ്ങനെ അല്ലാഹു സൈനബിനെ പ്രവാചകനു വിവാഹം ചെയ്തു കൊടുത്തു. മുസ്ലിംങ്ങള്‍ ഇനിയൊരിക്കലും തങ്ങളുടെ ദത്തു പുത്രന്മാരുടെ ഭാര്യമാരെ വിവാഹം കഴിക്കുന്നതില്‍നിന്നും മാറി നില്‍ക്കേണ്ടതില്ല എന്ന് ഇതോടെ നിയമമാവുകയും ചെയ്തു. ദത്തു സമ്പ്രദായം അവസാനിച്ചു.! ദത്തു നിയമപരിധിയില്‍നിന്നും മുസ്ലിംങ്ങളെ മാറ്റി നിര്‍ത്തുന്നത് ഇന്നും ഈ കഥയുടെ അടിസ്ഥാനത്തിലാണ്. ....

കാംബ്രിജ് തഫ്സീര്‍ എഴുതിയ ഗ്രന്ഥകാരന്‍ പറയുന്നത് ഇങ്ങനെയാണ്. “ഒരു ദിവസം ദൈവദൂതന്‍ സെനബിന്റെ വസതിയില്‍ സൈദിനെ കാണാനായി ചെന്നു. അവള്‍ ഒരു പാത്രത്തില്‍ സുഗന്ധദ്രവ്യം പൊടിച്ചുകൊണ്ടിരിക്കുകയായിരുന്നു. അവളെ കണ്ടപ്പോള്‍ അദ്ദേഹത്തിനു വളരെ സന്തോഷം തോന്നി. മാത്രമല്ല അവള്‍ തന്റെ പത്നിയായിരുന്നെങ്കില്‍ എന്നദ്ദേഹം ആഗ്രഹിക്കുകയും ചെയ്തു. സെയ്നബ് അദ്ദേഹത്തെ കണ്ടപ്പോള്‍ അവളുടെ കരങ്ങള്‍ അദ്ദേഹത്തിന്റെ ചുമലില്‍ അര്‍പ്പിച്ചു. അപ്പോള്‍ പ്രവാചകന്‍ പറഞ്ഞു. “എന്തൊരു ചാരുത! എന്തൊരു സൌന്ദര്യം! അല്ലയോ സൈനബ് മനസ്സുകളെ ചഞ്ചലപ്പെടുത്തുന്ന അല്ലാഹുവിനു സ്തോത്രം.” ഇതു രണ്ടു തവണ ആവര്‍ത്തിച്ച് അദ്ദേഹം സ്ഥലം വിട്ടു. സൈദ് തിരിച്ചെത്തിയപ്പോള്‍ സംഭവിച്ചതെല്ലാം അവള്‍ അയാളോടു പറഞ്ഞു. “എന്നെ ഇനി നിങ്ങള്‍ക്കു കിട്ടില്ല. പോയി എന്നെ മൊഴി ചൊല്ലാനുള്ള അനുവാദം വാങ്ങി വരൂ” -അവള്‍ കൂട്ടിച്ചേര്‍ത്തു. നിന്നെ കാണാതെ എനിക്കു ജീവിക്കാനാവില്ലെന്നയാള്‍ പറഞ്ഞു. എന്നാല്‍ മൊഴി ചൊല്ലാനുള്ള തീരുമാനമടുത്തുകൊണ്ടയാള്‍ പ്രവാചകനെ സമീപിച്ചു. അപ്പോള്‍ സൈദിനോട് അദ്ദേഹം പറഞ്ഞു; “ദൈവം അവളെ എന്റെ ഭാര്യയായി നിശ്ചയിച്ചു കഴിഞ്ഞിരിക്കുന്നു. ഇതവളോടു പറയണം” സെയ്ദ് തിരിച്ചു ചെന്ന് വാതിലില്‍ മുട്ടി എന്നെ നിങ്ങള്‍ മൊഴി ചൊല്ലിക്കഴിഞ്ഞിരിക്കുന്നു. ഇനിയെന്തു വേണം എന്നവള്‍ ചോദിച്ചു. ഞാന്‍ ദൈവദൂതനില്‍ നിന്നും ഒരു സന്ദേശം കൊണ്ടു വന്നിട്ടുണ്ട് എന്നയാള്‍ പറഞ്ഞു. “എല്ലാ സ്തുതിയും ദൈവത്തിന്” എന്നവള്‍ പറഞ്ഞു. അവള്‍ വാതില്‍ തുറന്നു. അയാള്‍ അകത്തു കടന്നു. അപ്പോള്‍ അവള്‍ തേങ്ങിക്കരയുകയായിരുന്നു. സൈദ് പറഞ്ഞു: “ഇതു കണ്ണുനീരിനുള്ള സമയമല്ല, ദൈവം എന്നെക്കാള്‍ നല്ലൊരു ഭര്‍ത്താവിനെ നിനക്കു തന്നിരിക്കുന്നു. “ അവള്‍ പറഞ്ഞു “ നിങ്ങളൊരു പാവമാണ്. ആരാണു പുതിയ ഭര്‍ത്താവ്? “ അയാള്‍ പറഞ്ഞു “അതു ദൈവദൂതരാണ്” അവള്‍ ഇതു കേട്ടതും തല കുനിച്ചു പ്രാര്‍ത്ഥിച്ചു.
ഈ വിവരങ്ങളെ അനുകൂലിച്ചുകൊണ്ട് മറ്റൊരു റിപ്പോര്‍ട്ട് ഇങ്ങനെയാണ്: “സൈദ് പറഞ്ഞു ഞാന്‍ സൈനബിന്റെ വസതിയില്‍ ചെന്നപ്പോള്‍ അവള്‍ മാവു കുഴച്ചുകൊണ്ടിരിക്കുകയായിരുന്നു. പ്രവാചകന്‍ വിവാഹം കഴിക്കാന്‍ പോകുന്നു എന്നറിഞ്ഞതിനാല്‍ ഞാനവളുടെ മുഖത്തു നോക്കാന്‍ പോലും ധൈര്യപ്പെട്ടില്ല. ഞാന്‍ അവളുടെ മുഖത്തു നോക്കാതെത്തന്നെ പ്രവാചകന്‍ അവളെ വിവാഹം ചെയ്യാന്‍ പോകുന്നു എന്നറിയിച്ചു.”

തഫ്സീറുല്‍ ജലാലൈന്‍ പ്രകാരം പ്രവാചകന്‍ ദിനങ്ങള്‍ എണ്ണുകയായിരുന്നു. വിവാഹമോചനം കഴിഞ്ഞു കാത്തിരിക്കേണ്ട കാലം കഴിഞ്ഞ് ഉടന്‍ മറ്റു ചടങ്ങുകളൊന്നുമില്ലാതെ തന്നെ അദ്ദേഹം അവളുടെ ഗൃഹത്തിലെത്തുകയും ഒരാടിനെ അറുത്ത് റൊട്ടിയും മാംസവും എല്ലാവര്‍ക്കും വിതരണം ചെയ്യുകയും ചെയ്തു.
അന്നു രാത്രി ഇതിലും രസകരമായ വെളിപാടുകള്‍ ഇറങ്ങി. അക്കാര്യം തുടര്‍ന്നുള്ള സൂക്തങ്ങളില്‍ വരുന്നുണ്ട്! :)

അതായത്‌ അല്ലാഹുവിന്‍റെ സന്ദേശങ്ങള്‍ എത്തിച്ചുകൊടുക്കുകയും, അവനെ പേടിക്കുകയും അല്ലാഹുവല്ലാത്ത ഒരാളെയും പേടിക്കാതിരിക്കുകയും ചെയ്തിരുന്നവരുടെ കാര്യത്തിലുള്ള ( അല്ലാഹുവിന്‍റെ നടപടി. ) കണക്ക്‌ നോക്കുന്നവനായി അല്ലാഹു തന്നെ മതി.[33:39]

ദത്തുപുത്രനായ സെയ്ദിനെ മുഹമ്മദിന്റെ മകന്‍ സെയ്ദ് എന്നാണ്‍ ആളുകള്‍ വിളിച്ചിരുന്നത്. അയാളുടെ ഭാര്യയെ മുഹമ്മദ്‌ സ്വന്തമാക്കിയതോടെ പുത്രന്റെ ഭാര്യയെ കല്യാണം കഴിച്ചുവെന്ന പരിഹാസം സ്വന്തക്കാരില്‍നിന്നു വരെ ആരോപണം വന്നു. ഈ സാഹചര്യത്തിലാന് ആരെയും പേടിക്കണ്ട അല്ലാഹുവിനെ മാത്രം പേടിച്ചാല്‍ മതി എന്നൊക്കെ വെളിപാട്‌ വന്നത്.

തുടര്‍ന്ന്‍ സെയ്ദിന്റെ പിതാവ്‌ മുഹമ്മദല്ല എന്നാ പ്രഖ്യാപനവും വന്നു :-

മുഹമ്മദ്‌ നിങ്ങളുടെ പുരുഷന്‍മാരില്‍ ഒരാളുടെയും പിതാവായിട്ടില്ല. പക്ഷെ, അദ്ദേഹം അല്ലാഹുവിന്‍റെ ദൂതനും പ്രവാചകന്‍മാരില്‍ അവസാനത്തെ ആളുമാകുന്നു. അല്ലാഹു ഏത്‌ കാര്യത്തെപ്പറ്റിയും അറിവുള്ളവനാകുന്നു.[33:40]

സത്യവിശ്വാസികളേ, നിങ്ങള്‍ അല്ലാഹുവെ ധാരാളമായി അനുസ്മരിക്കുകയും,[33:41]

കാലത്തും വൈകുന്നേരവും അവനെ പ്രകീര്‍ത്തിക്കുകയും ചെയ്യുവിന്‍.[33:42]

അവന്‍ നിങ്ങളുടെ മേല്‍ കരുണ ചൊരിയുന്നവനാകുന്നു. അവന്‍റെ മലക്കുകളും ( കരുണ കാണിക്കുന്നു. ) അന്ധകാരങ്ങളില്‍ നിന്ന്‌ നിങ്ങളെ വെളിച്ചത്തിലേക്ക്‌ ആനയിക്കുന്നതിന്‌ വേണ്ടിയത്രെ അത്‌. അവന്‍ സത്യവിശ്വാസികളോട്‌ അത്യന്തം കരുണയുള്ളവനാകുന്നു.33:43]

അവര്‍ അവനെ കണ്ടുമുട്ടുന്ന ദിവസം അവര്‍ക്കുള്ള അഭിവാദ്യം സലാം ആയിരിക്കും.അവര്‍ക്കവന്‍ മാന്യമായ പ്രതിഫലം ഒരുക്കിവെച്ചിട്ടുണ്ട്‌.[33:44]

നബിയേ, തീര്‍ച്ചയായും നിന്നെ നാം ഒരു സാക്ഷിയും സന്തോഷവാര്‍ത്ത അറിയിക്കുന്നവനും, താക്കീതുകാരനും ആയിക്കൊണ്ട്‌ നിയോഗിച്ചിരിക്കുന്നു.[33:45]

അല്ലാഹുവിന്‍റെ ഉത്തരവനുസരിച്ച്‌ അവങ്കലേക്ക്‌ ക്ഷണിക്കുന്നവനും, പ്രകാശം നല്‍കുന്ന ഒരു വിളക്കും ആയിക്കൊണ്ട്‌.[33:46]

സത്യവിശ്വാസികള്‍ക്ക്‌ അല്ലാഹുവിങ്കല്‍ നിന്ന്‌ വലിയ ഔദാര്യം ലഭിക്കാനുണ്ട്‌ എന്ന്‌ നീ അവരെ സന്തോഷവാര്‍ത്ത അറിയിക്കുക.[33:47]

സത്യനിഷേധികളെയും കപടവിശ്വാസികളെയും നീ അനുസരിച്ചു പോകരുത്‌. അവരുടെ ദ്രോഹം നീ അവഗണിക്കുകയും, അല്ലാഹുവെ ഭരമേല്‍പിക്കുകയും ചെയ്യുക. കൈകാര്യകര്‍ത്താവായി അല്ലാഹു തന്നെ മതി.[33:48]

സ്ത്രീകളെ‍ കെട്ടിപ്പൊതിഞ്ഞ് വീട്ടില്‍ സൂക്ഷിക്കണം

2009-05-20T19:38:00.001+05:30

പ്രവാചക പത്നിമാരേ, നിങ്ങളില്‍ ആരെങ്കിലും വ്യക്തമായ നീചവൃത്തി ചെയ്യുന്ന പക്ഷം അവള്‍ക്ക്‌ ശിക്ഷ രണ്ടിരട്ടിയായി വര്‍ദ്ധിപ്പിക്കപ്പെടുന്നതാണ്‌. അത്‌ അല്ലാഹുവെ സംബന്ധിച്ചിടത്തോളം എളുപ്പമായിട്ടുള്ളതാകുന്നു. (33:30)
(O ye wives of the Prophet! Whosoever of you committeth manifest lewdness) plain adultery with witnesses to testify against you, (the punishment for her will be doubled) flogging and stoning, (and that) punishment (is easy for Allah.

നിങ്ങളില്‍ ആരെങ്കിലും അല്ലാഹുവോടും അവന്‍റെ ദൂതനോടും താഴ്മകാണിക്കുകയും സല്‍കര്‍മ്മം പ്രവര്‍ത്തിക്കുകയും ചെയ്യുന്ന പക്ഷം അവള്‍ക്ക്‌ അവളുടെ പ്രതിഫലം രണ്ടുമടങ്ങായി നാം നല്‍കുന്നതാണ്‌. അവള്‍ക്ക്‌ വേണ്ടി നാം മാന്യമായ ഉപജീവനം ഒരുക്കിവെക്കുകയും ചെയ്തിരിക്കുന്നു.(33:31)

പ്രവാചക പത്നിമാരേ, സ്ത്രീകളില്‍ മറ്റു ആരെപ്പോലെയുമല്ല നിങ്ങള്‍. നിങ്ങള്‍ ധര്‍മ്മനിഷ്ഠ പാലിക്കുന്നുവെങ്കില്‍ നിങ്ങള്‍ ( അന്യരോട്‌ ) അനുനയ സ്വരത്തില്‍ സംസാരിക്കരുത്‌. അപ്പോള്‍ ഹൃദയത്തില്‍ രോഗമുള്ളവന്‌ മോഹം തോന്നിയേക്കും. ന്യായമായ വാക്ക്‌ നിങ്ങള്‍ പറഞ്ഞു കൊള്ളുക.(33:32)

നിങ്ങള്‍ നിങ്ങളുടെ വീടുകളില്‍ അടങ്ങിക്കഴിയുകയും ചെയ്യുക. പഴയ അജ്ഞാനകാലത്തെ സൌന്ദര്യപ്രകടനം പോലുള്ള സൌന്ദര്യപ്രകടനം നിങ്ങള്‍ നടത്തരുത്‌. നിങ്ങള്‍ നമസ്കാരം മുറപോലെ നിര്‍വഹിക്കുകയും, സകാത്ത്‌ നല്‍കുകയും അല്ലാഹുവെയും അവന്‍റെ ദൂതനെയും അനുസരിക്കുകയും ചെയ്യുക. ( പ്രവാചകന്‍റെ ) വീട്ടുകാരേ! നിങ്ങളില്‍ നിന്ന്‌ മാലിന്യം നീക്കികളയുവാനും, നിങ്ങളെ ശരിയായി ശുദ്ധീകരിക്കുവാനും മാത്രമാണ്‌ അല്ലാഹു ഉദ്ദേശിക്കുന്നത്‌.(33:33)

നിങ്ങളുടെ വീടുകളില്‍ വെച്ച്‌ ഓതികേള്‍പിക്കപ്പെടുന്ന അല്ലാഹുവിന്‍റെ വചനങ്ങളും തത്വജ്ഞാനവും നിങ്ങള്‍ ഓര്‍മിക്കുകയും ചെയ്യുക. തീര്‍ച്ചയായും അല്ലാഹു നയജ്ഞനും സൂക്ഷ്മജ്ഞാനിയുമാകുന്നു.(33:34)

( അല്ലാഹുവിന്‌ ) കീഴ്പെടുന്നവരായ പുരുഷന്‍മാര്‍, സ്ത്രീകള്‍, വിശ്വാസികളായ പുരുഷന്‍മാര്‍, സ്ത്രീകള്‍, ഭക്തിയുള്ളവരായ പുരുഷന്‍മാര്‍, സ്ത്രീകള്‍, സത്യസന്ധരായ പുരുഷന്‍മാര്‍, സ്ത്രീകള്‍, ക്ഷമാശീലരായ പുരുഷന്‍മാര്‍, സ്ത്രീകള്‍ വിനീതരായ പുരുഷന്‍മാര്‍, സ്ത്രീകള്‍, ദാനം ചെയ്യുന്നവരായ പുരുഷന്‍മാര്‍, സ്ത്രീകള്‍, വ്രതമനുഷ്ഠിക്കുന്നവരായ പുരുഷന്‍മാര്‍, സ്ത്രീകള്‍, തങ്ങളുടെ ഗുഹ്യാവയവങ്ങള്‍ കാത്തുസൂക്ഷിക്കുന്നവരായ പുരുഷന്‍മാര്‍, സ്ത്രീകള്‍, ധാരാളമായി അല്ലാഹുവെ ഓര്‍മിക്കുന്നവരായ പുരുഷന്‍മാര്‍, സ്ത്രീകള്‍ - ഇവര്‍ക്ക്‌ തീര്‍ച്ചയായും അല്ലാഹു പാപമോചനവും മഹത്തായ പ്രതിഫലവും ഒരുക്കിവെച്ചിരിക്കുന്നു.
അല്ലാഹുവും അവന്‍റെ റസൂലും ഒരു കാര്യത്തില്‍ തീരുമാനമെടുത്ത്‌ കഴിഞ്ഞാല്‍ സത്യവിശ്വാസിയായ ഒരു പുരുഷന്നാകട്ടെ, സ്ത്രീക്കാകട്ടെ തങ്ങളുടെ കാര്യത്തെ സംബന്ധിച്ച്‌ സ്വതന്ത്രമായ അഭിപ്രായം ഉണ്ടായിരിക്കാവുന്നതല്ല. വല്ലവനും അല്ലാഹുവെയും അവന്‍റെ ദൂതനെയും ധിക്കരിക്കുന്ന പക്ഷം അവന്‍ വ്യക്തമായ നിലയില്‍ വഴിപിഴച്ചു പോയിരിക്കുന്നു. (33:35

ഡസന്‍ കണക്കിനു ഭാര്യമാരെ വെച്ചുകൊണ്ടിരുന്ന ഒരാള്‍ക്ക് തന്റെ ഭാര്യമാരുടെ പരിശുദ്ധിയെക്കുറിച്ചും സ്വഭാവദൂഷ്യത്തെക്കുറിച്ചുമൊക്കെ ആശങ്കയുണ്ടാവുക സ്വാഭാവികമാണ്. അവര്‍ മറ്റുള്ളവരുമായി കാണുന്നതും സംസാരിക്കുന്നതുമൊക്കെ അയാള്‍ക്കസഹ്യമായും തോന്നിയേക്കാം. ഇക്കാര്യത്തില്‍ അവരെ നിയന്ത്രിച്ചു നിര്‍ത്താന്‍ അയാള്‍ എല്ലാതന്ത്രങ്ങളും പയറ്റും. ഇവിടെ മുഹമ്മദ് ഇക്കാര്യത്തിലും തന്റെ പോക്കറ്റ് ദൈവമായ അല്ലാഹുവിനെത്തന്നെ സമര്‍ത്ഥമായി ഉപയോഗപ്പെടുത്തി. നബിയുടെ ഭാര്യമാരെ ഉദ്ദേശിച്ച് ഇറക്കിയ ഈ “വെളിപാടുകള്‍” മറ്റു സ്ത്രീകള്‍ക്കും ബാധകമാണെന്നാണു മുസ്ലിം പണ്ഡിതന്മാരുടെ പൊതു അഭിപ്രായം. ഈ കുര്‍ആന്‍ വാക്യങ്ങള്‍ വ്യാഖ്യാനിച്ചുകൊണ്ട് ചില ഹദീസുകള്‍ ഉദ്ധരിക്കുന്നുണ്ട് പണ്ഡിതര്‍.
1.നബി പറഞ്ഞു: “സ്ത്രീകള്‍ ഗോപ്യമാക്കി വെക്കപ്പെടേണ്ടവരാണ്. വീട്ടില്‍നിന്ന് അവര്‍ പുറത്തിറങ്ങിയാല്‍ പിശാച് അവളുടെ നേരെ കണ്ണു വെക്കും. അവള്‍ വീട്ടിനകത്തായിരിക്കുമ്പോഴാണ് റബ്ബിന്റെ കാരുണ്യവുമായി അവള്‍ ഏറ്റവും അടുത്തവളായിരിക്കുക.”
2.അനസ് പറയുന്നു: ഏതാനും സ്ത്രീകള്‍ നബിയുടെ അടുക്കല്‍ ചെന്നു പറഞ്ഞു. അല്ലാഹുവിന്റെ റസൂലേ എല്ലാ പുണ്യങ്ങളും അല്ലാഹുവിന്റെ മാര്‍ഗ്ഗത്തിലുള്ള പോരാട്ടവുമെല്ലാം പുരുഷന്മാര്‍ സ്വന്തമാക്കുന്നു. അത്തരം പ്രതിഫലം ലഭിക്കുന്ന ഒരു പ്രവൃത്തിയും ഞങ്ങള്‍ക്കില്ലല്ലോ. നബി പറഞ്ഞു: “നിങ്ങളില്‍ ഒരുവള്‍ വീട്ടില്‍ ഇരുന്നാല്‍ തന്നെ യോദ്ധാക്കളുടെ പ്രവൃത്തി ചെയ്തവളായല്ലോ.”
ഇതു ചൂണ്ടിക്കാട്ടിയാണു സ്ത്രീകള്‍ പള്ളിയില്‍ പോകേണ്ടതില്ലെന്നും അവര്‍ പുറത്തിറങ്ങരുതെന്നും മുസ്ലിം പണ്ഡിതര്‍ വാദിക്കുന്നത്. താലിബാന്‍ കാര്‍ സ്ത്രീകളെ വേട്ടയാടുന്നതിന്റെ ദീനീ പ്രസക്തിയും ഇതു തന്നെ.

ഭാര്യമാരെ ഭീഷണിപ്പെടുത്താനും അല്ലാഹു!

2009-04-27T21:11:00.000+05:30

നബിയേ, നിന്‍റെ ഭാര്യമാരോട്‌ നീ പറയുക: ഐഹികജീവിതവും അതിന്‍റെ അലങ്കാരവുമാണ്‌ നിങ്ങള്‍ ഉദ്ദേശിക്കുന്നതെങ്കില്‍ നിങ്ങള്‍ വരൂ! നിങ്ങള്‍ക്ക്‌ ഞാന്‍ ജീവിതവിഭവം നല്‍കുകയും, ഭംഗിയായ നിലയില്‍ ഞാന്‍ നിങ്ങളെ മോചിപ്പിച്ച്‌ അയച്ചുതരികയും ചെയ്യാം
അല്ലാഹുവെയും അവന്‍റെ ദൂതനെയും പരലോകഭവനത്തെയുമാണ്‌ നിങ്ങള്‍ ഉദ്ദേശിക്കുന്നതെങ്കില്‍ നിങ്ങളുടെ കൂട്ടത്തില്‍ സദ്‌വൃത്തകളായിട്ടുള്ളവര്‍ക്ക്‌ അല്ലാഹു മഹത്തായ പ്രതിഫലം ഒരുക്കിവെച്ചിട്ടുണ്ട്‌.[33:28,29]

“അഹ്സാബ് യുദ്ധത്തെ തുടര്‍ന്ന് ഖുറൈളയുടെയും നളീറിന്റെയും സ്വത്തുക്കള്‍ മുസ്ലിംങ്ങള്‍ക്ക് അധീനമായല്ലോ. ഇതു വഴി നബിതിരുമേനിക്കു കുറെ ധനം കൈവന്നിട്ടുണ്ടെന്നു മനസ്സിലാക്കിയ അവിടുത്തെ പത്നിമാര്‍ തിരുമേനിയുടെ അടുക്കല്‍ ചെന്ന് തങ്ങളുടെ ഇല്ലായ്മയും വല്ലായ്മയും പറയാന്‍ തുടങ്ങി. ഇതു തിരുമേനിയുടെ ഹൃദയത്തിനു വല്ലാത്ത വേദനയുണ്ടാക്കി. ഇതിനെ തുടര്‍ന്നാണു അല്ലാഹു ഇപ്രകാരം ഒരു ആയത്ത് അവതരിപ്പിച്ചത്......
ഒമ്പതു പേരാണ് ഈ സമയത്ത് നബിയുടെ പത്നിമാരായി ഉണ്ടായിരുന്നത്. ഖുറൈശീ ഗോത്രത്തില്പെട്ട ആയിശ, ഹഫ്സ, ഉമ്മുഹബീബ, സൌദ, ഉമ്മുസലമ എന്നിവരും സ അദ് വംശക്കാറ്റിയായ സൈനബ്, ഹിലാല്‍ ഗോത്രക്കാരിയായ മൈമൂന, നളീര്‍ വംശത്തില്പെട്ട സ്വഫിയ്യ, മുസ്ത്വലഖ് ഗോത്രക്കാരിയായ ജുവൈരിയ എന്നിവരുമായിരുന്നു അവര്‍. ...
മുസ്ലിം , അഹ്മദ് തുടങ്ങിയവര്‍ ജാബിര്‍ മുഖേന നിവേദനം ചെയ്തിട്ടുള്ള ഒരു ഹദീസിന്റെ സാരം ഇവിടെ സന്ദര്‍ഭോചിതമാകും . അദ്ദേഹം പറയുന്നു: “അബൂബക്കര്‍ നബിയുടെ വാതില്‍ക്കല്‍ വന്നു സമ്മതം ചോദിച്ചു. വാതില്‍ക്കല്‍ കുറെ ആളുകള്‍ കൂടിയിട്ടുണ്ടായിരുന്നു. സമ്മതം കിട്ടിയില്ല. പിന്നീട് ഉമറും വന്നു സമ്മതം തേടി. ആദ്യം സമ്മതം കിട്ടിയില്ല. കുറെ കഴിഞ്ഞ ശേഷം രണ്ടു പേര്‍ക്കും അകത്തു കടക്കാന്‍ സമ്മതം ലഭിച്ചു. തിരുമേനി മൌനമായി ഇരിക്കുകയായിരുന്നു. ഭാര്യമാര്‍ ചുറ്റും വന്നു കൂടിയിട്ടുണ്ട്. ഉമര്‍ പറഞ്ഞു. ‘ഞാന്‍ നബിയോടു സംസാരിക്കും . അദ്ദേഹം ചിരിച്ചേക്കാം! ’ അദ്ദേഹം നബിയോട് ‘അല്ലാഹുവിന്റെ റസൂലേ , സെയ്ദിന്റെ മകള്‍ (എന്റെ ഭാര്യ) അല്‍പ്പം മുമ്പ് എന്നോടു ചെലവിനു കൊടുക്കാനാവശ്യപ്പെട്ടു. അപ്പോള്‍ ഞാന്‍ അവളുടെ കഴുത്തിനിട്ടു കൊടുത്ത ഇടി അങ്ങു കണ്ടിരുന്നുവെങ്കില്‍!’ ഇതു കേട്ടപ്പോള്‍ തിരുമേനി അദ്ദേഹത്തിന്റെ അണപ്പല്ലു കാണുമാറു ചിരിച്ചുപോയി. ! തിരുമേനി തുടര്‍ന്നു പറഞ്ഞു. “ഇവരിതാ ചിലവിനുള്ള വക ചോദിച്ചുകൊണ്ട് എന്റെ ചുറ്റും വന്നു കൂടിയിരിക്കുന്നു. ” അപ്പോള്‍ അബൂബക്കര്‍ ആയിശയുടെയും ഉമര്‍ ഹഫ്സയുടെയും നേരെ തിരിഞ്ഞു. അവരെ അടിക്കുവാന്‍ ശ്രമിക്കുകയും അവരെ ആക്ഷേപിക്കുകയും ചെയ്തു. തിരുമേനി അവരെ തടഞ്ഞു. ഈ അവസ്രത്തില്‍ നബിയുടെ ഭാര്യമാര്‍ , തങ്ങള്‍ ഇനി മേല്‍ അങ്ങനെയൊന്നും ആവശ്യപ്പെടുകയില്ല എന്നു പറഞ്ഞു. പിന്നീട് ആയത്ത് അവതരിച്ചു. ...”

പ്രവാചകന്റെ ഭാര്യമാര്‍ ചെലവിനു ചോദിച്ചുകൊണ്ട് ‘സമരം’ നടത്തിയ കാര്യം വിശദീകരിക്കുക എന്നതല്ല ഇവിടെ ഉദ്ദേശിക്കുന്നത്. ഖുര്‍ ആനില്‍ ഓരോ വെളിപാടു വചനവും രൂപം കൊള്ളുന്നതെങ്ങനെയെന്നു സാമാന്യ ബുദ്ധിയുള്ള ഏവര്‍ക്കും മനസ്സിലാക്കാന്‍ ഈ ആയത്തുകളും അവയുടെ അവതരണ പശ്ചാതലവും ഉപകരിക്കും എന്നതിനാലാണിതൊക്കെ ഇവിടെ വിശദീകരിക്കാന്‍ മുതിരുന്നത്. പ്രപഞ്ചം ഉണ്ടാക്കും മുമ്പേ ഒരു ഫലകത്തില്‍ രേഖപ്പെടുത്തി വെച്ച ഒരു മഹാഗ്രന്ഥത്തിലെ വരികളാണു ഖുര്‍ ആനിലുള്ളതെന്ന അവകാശവാദവും ഈ സൂക്തങ്ങളും എത്രത്തോളം പൊരുത്തപ്പെടുന്നു എന്നു പരിശോധിക്കാന്‍ വിശ്വാസിവൃന്ദം തയ്യാറാകുമോ? ഒരു ഡസനോളം ഭാര്യമാരുണ്ടായിരുന്ന മുഹമ്മദിന് തന്റെ കൃത്യാന്തരബാഹുല്യത്തിനിടയ്ക്ക് ഈ ഭാര്യമാരുടെ ആവലാതികളും പായാരങ്ങളുമൊക്കെ വലിയ ശല്യമായി തോന്നുക സ്വാഭാവികമാണ്. അവരെ നിലയ്ക്കു നിര്‍ത്താന്‍ അദ്ദേഹത്തിനു ചില പൊടിക്കൈകള്‍ പ്രയോഗിക്കേണ്ടതായും വന്നിരിക്കാം. പക്ഷെ പ്രപഞ്ചസ്രഷ്ടാവായ ഒരു ദൈവത്തെ ഇങ്ങനെ ചെറുതാക്കേണ്ടിയിരുന്നോ? ദൂതന്റെ ഭാര്യമാരെ ‘മൊഴി ചൊല്ലിക്കല്‍’ ഭീഷണി മുഴക്കി വരുതിക്കു നിര്‍ത്തലാണോ പ്രപഞ്ച നിയന്താവായ സര്‍വ്വശക്തന്റെ ജോലി?

അല്ലാഹുവിന്റെ സഹായത്തോടെ ഒരു കൂട്ടക്കശാപ്പ്!

2009-04-03T12:36:00.000+05:30

വേദക്കാരില്‍ നിന്ന്‌ അവര്‍ക്ക്‌ പിന്തുണ നല്‍കിയവരെ അവരുടെ കോട്ടകളില്‍ നിന്ന്‌ അവന്‍ ഇറക്കിവിടുകയും അവരുടെ ഹൃദയങ്ങളില്‍ അവന്‍ ഭയം ഇട്ടുകൊടുക്കുകയും ചെയ്തു. അവരില്‍ ഒരു വിഭാഗത്തെ നിങ്ങളതാ കൊല്ലുന്നു. ഒരു വിഭാഗത്തെ നിങ്ങള്‍ തടവിലാക്കുകയും ചെയ്യുന്നു.[33-26]

അവരുടെ ഭൂമിയും വീടുകളും സ്വത്തുക്കളും നിങ്ങള്‍ ( മുമ്പ്‌ ) കാലെടുത്ത്‌ വെച്ചിട്ടില്ലാത്ത ഒരു ഭൂപ്രദേശവും നിങ്ങള്‍ക്കവന്‍ അവകാശപ്പെടുത്തി തരികയും ചെയ്തു. അല്ലാഹു എല്ലാ കാര്യത്തിനും കഴിവുള്ളവനാകുന്നു.[33-27]

ബനൂ ഖുറൈള എന്ന ജൂതഗോത്രത്തെ ഉന്മൂലനം ചെയ്യാനും അവരുടെ ഭൂമിയും സ്വത്തുക്കളും കൊള്ള ചെയ്യാനും അല്ലാഹു കൂട്ടു നിന്നതിനെ കുറിച്ചാണിവിടെ പരാമര്‍ശിക്കുന്നത്.
ഈ സംഭവം (മുഹമ്മദ് നബിയുടെ ജീവ ചരിത്രത്തിലെ ഏറ്റവും ഭീകരമായ ഒരു കൂട്ടക്കൊല) ഇസ്ലാമിന്റെ ചരിത്രകാരന്മാര്‍ വിവരിച്ചിട്ടുള്ളതില്‍നിന്നും അല്‍പ്പം ദീര്‍ഘമായി ഇവിടെ ഉദ്ധരിക്കാം:-

“ഹിജ്ര അഞ്ചാം വര്‍ഷം ഖന്തഖ് യുദ്ധം അവസാനിച്ച അന്നു തന്നെ, ബനൂ ഖുറൈള ക്കാരുടെ നേരെ തിരുമേനിയും സഹാബികളും യുദ്ധത്തിനു പുറപ്പെട്ടു. ഖന്തഖില്‍ നിന്നും വിരമിച്ച തിരുമേനി മദീനയില്‍ പ്രവേശിച്ചു ളുഹര്‍ നിസ്കരിച്ച ശേഷം ആയിശയുടെ വീട്ടില്‍ വെച്ചു തിരുമേനി കുളിച്ച് തലമുടി ചീകി. അപ്പോള്‍ ജിബ്രീല്‍ വന്നു നബിക്കു സലാം ചൊല്ലി. ജിബ് രീല്‍ തിരുമേനിയോട് ചോദിച്ചു.:-യാ റസൂലുള്ളാ, താങ്കള്‍ ആയുധം അഴിച്ചു വെച്ചോ?.`അഴിച്ചുവെച്ചു `എന്നു തിരുമേനി മറുപടി പറഞ്ഞപ്പോള്‍ ‘ഞാന്‍ അഴിച്ചു വെച്ചില്ല’ എന്നു ജിബ് രീല്‍ പ്രതിവചിച്ചു. ശത്രു സംഘങ്ങള്‍ സംഘടിച്ചു താങ്കളെ എതിര്‍ത്തതു മുതല്‍ മലക്കുകള്‍ ആയുധം വെച്ചിട്ടില്ല. അവരെ അന്യേഷിച്ച് ഇപ്പോള്‍ ഹമ്രാഉല്‍ അസദ് എന്ന സ്ഥലത്തോളം പോകാതെ ഞങ്ങള്‍ മടങ്ങിയതുമില്ല.’ എന്നാണു ജിബ് രീല്‍ തിരുമേനിയോട് പറഞ്ഞതെന്നും പറയപ്പെട്ടിട്ടുണ്ട്. ബനൂ ഖുറൈള ഗോത്രക്കാരുടെ നേരെ യുദ്ധത്തിനു പുറപ്പെടുവാന്‍ അല്ലാഹു താങ്കളോട് കല്‍പ്പിച്ചിരിക്കുന്നു എന്ന് ജിബ് രീല്‍ തിരുമേനിയെ അറിയിച്ചു. ‘ഞാന്‍ അങ്ങോട്ടാണു പോകുന്നത്. ഞാനും എന്റെ കൂടെയുള്ള മലക്കുകളും അവരുടെ കോട്ടയെ കിടിലം കൊള്ളിക്കും’ എന്നും ജിബ് രീല്‍ തുടര്‍ന്നു പറഞ്ഞു. ‘എന്റെ ജനങ്ങള്‍ ക്ഷീണിച്ചിരിക്കുന്നു.,അല്‍പ്പം സമയം അനുവദിക്കുക’ എന്നു തിരുമേനി പറഞ്ഞപ്പോള്‍ , ‘താങ്കള്‍ പുറപ്പെട്ടു കൊള്ളുക; സത്യമായും സഫാപര്‍വ്വതത്തിന്മേല്‍ മുട്ടയെറിഞ്ഞാലെന്നപോലെ അവരെ ഞാന്‍ തകര്‍ത്തു കളയും’ എന്നു ജിബ്രീല്‍ പ്രസ്താവിച്ചു. തന്നോടൊപ്പം മലക്കുകളുണ്ടെന്നു പറഞ്ഞുകൊണ്ടു ജിബ് രീല്‍ യാത്ര തിരിച്ചു. ജിബ് രീല്‍ കുതിരയെ ഓടിച്ചപ്പോള്‍ അന്‍സാറുകളുടെ വീടുകളുടെ ഭാഗത്തുനിന്ന് പൊടിപടലം പൊങ്ങുന്നതായി തിരുമേനി കാണുകയുണ്ടായി.

യുദ്ധത്തിനു പുറപ്പെടുവാനായി ജനങ്ങളോട് ആഹ്വാനം ചെയ്യാന്‍ തിരുമേനി ബിലാലിനോടു നിര്‍ദ്ദേശിച്ചു. സഹാബിമാര്‍ തിരുമേനിയുടെ സന്നിധിയില്‍ ഹാജറായി. അലിയുടെ നേതൃത്വത്തില്‍ ഒരു സംഘത്തെ മുന്നോടിയായി നിയോഗിച്ചു. തിരുമേനി ഉടനെ പടയങ്കി ധരിച്ചു; മുഖയങ്കിയിട്ടു പടത്തൊപ്പി ധരിച്ചു; ഖഡ്ഗം ധരിച്ചു; വില്ലണിഞ്ഞു; അമ്പു നിറച്ച ആവനാഴി തൃക്കയ്യിലെടുത്തു. ലുഹൈഫ എന്ന കുതിരപ്പുറത്തു കയറി ആയുധധാരികളായ 3000 സഹാബികളോടു കൂടി തിരുമേനി പുറപ്പെട്ടു. തിരുമേനിയുടെ മൂന്നു കുതിരകളടക്കം 36 കുതിരകളാണ് അവരോടൊപ്പമുണ്‍ടായിരുന്നത്. ആ സേന മുമ്പോട്ടു നീങ്ങിയപ്പോള്‍ അന്‍സാര്‍കളില്‍ ചിലര്‍ ആയുധമണിയുന്നതായി തിരുമേനി കണ്ടു. `കുറച്ചു മുന്‍പ് ഈ വഴി ആരെങ്കിലും പോകുന്നതു നിങ്ങള്‍ കണ്ടോ?`എന്നു തിരുമേനി അവരോട് അന്യേഷിച്ചു. ദഹിയത്തുല്‍ കല്‍ബീ അയാളുടെ വെള്ളക്കുതിരമേല്‍ കയറി ഇതിലേ പോകുന്നതു ഞങ്ങള്‍ കണ്ടു എന്ന് അവര്‍ പറഞ്ഞപ്പോള്‍ ‍, “അതു ജിബ് രീലാണ്; ഉടനെ പുറപ്പെട്ടു കൊള്ളുക ” എന്നു തിരുമേനി അവര്‍ക്കു നിര്‍ദ്ദേശം നല്‍കി.

അലിയുടെ നേതൃത്വത്തില്‍ പുറപ്പെട്ട മുന്നോടി സൈന്യം ബനൂഖുറൈളക്കാരുടെ കോട്ടക്കടുത്തെത്തി കോട്ടയുടെ അടിത്തറക്കടുത്തു കൊടി നാട്ടി. ആ സംഘത്തില്‍ അന്‍സാര്‍കളും മുഹാജിര്‍കളും ഉണ്ടായിരുന്നു. മുസ്ലിം സേനയെ കണ്ടപ്പോള്‍ യഹൂദികള്‍ കോട്ടയുടെ വാതില്‍ പൂട്ടി മാളികയില്‍ കയറിയിരുന്നുകൊണ്ട് തിരുമേനിയെക്കുറിച്ച് അസഭ്യങ്ങള്‍ പുലമ്പി. “ഞങ്ങള്‍ക്കും നിങ്ങള്‍ക്കും ഇടയില്‍ വാളുകള്‍ തീരുമാനമുണ്ടാക്കും” എന്നു മാത്രം പറഞ്ഞുകൊണ്ട് സഹാബികള്‍ അക്ഷോഭ്യരായി വര്‍ത്തിച്ചു. അപ്പോഴേക്കും തിരുമേനിയും സഹാബികളും അകലേനിന്നു വരുന്നതായി അവര്‍ കണ്ടു. പതാകയുടെ മേല്‍നോട്ടം ഖദാതതുല്‍ അന്‍സാരീയെ ഏല്‍പ്പിച്ചുകൊണ്ട് ,അലി തിരുമേനിയുടെ അടുക്കലേക്കോടി. `താങ്കള്‍ ആ നീചന്മാരുടെ അടുത്തേക്കു പോകണ്ട എന്നു അലി അഭ്യര്‍ത്ഥിച്ചു. `അവര്‍ എന്നെ പുലഭ്യം പറയുന്നതു നിങ്ങള്‍ കേട്ടിരിക്കും, ശരി,ഞാന്‍ അടുത്തെത്തിയാല്‍ അവര്‍ പറയില്ല.` എന്നു തിരുമേനി പ്രതിവചിച്ചു. തിരുമേനി ബനൂഖുറൈളക്കാരുടെ കോട്ടക്കടുത്തെത്തി. ‘ഹേ, കുരങ്ങിന്റെ വംശമേ! അല്ലാഹു നിങ്ങളെ അപമാനിച്ചില്ലേ?” എന്നു തിരുമേനി അവരോടു ചോദിച്ചു. `യാ അബുല്‍ ഖാസിം, താങ്കള്‍ അറിവില്ലാത്ത ആളല്ലല്ലോ`എന്നു അവര്‍ മറുപടി പറഞ്ഞു.

[തിരുമേനി ബനൂഖുറൈളക്കാരില്‍ പ്രമാണികളായ വ്യക്തികളുടെ പേരുകള്‍ വിളിച്ചുകൊണ്ട് ഇപ്രകാരം ചോദിച്ചു:-“കുരങ്ങിന്റെയും പന്നിയുടെയും വംശക്കാരേ, നിങ്ങള്‍ ‍ എന്നെ പുലഭ്യം പറഞ്ഞുവോ?, പിശാചിനെ ആരാധിക്കുന്നവരേ, നിങ്ങളെ അല്ലാഹു ശിക്ഷിച്ചില്ലേ?.” ‘ഞങ്ങള്‍ താങ്കളെ ദുഷിച്ചുകൊണ്ട് ഒന്നും പറഞ്ഞിട്ടില്ല.’ എന്ന് അവര്‍ ആണയിട്ടു. ഇതു കേട്ടപ്പോള്‍ ഉസൈദിബ് നു ഹളീര്‍ പറഞ്ഞു:-‘ അല്ലാഹുവിന്റെ ശത്രുക്കളേ, മടയില്‍ കുടുങ്ങിയ കൂരനെപ്പോലെ ,നിങ്ങള്‍ കോട്ടക്കകത്തു കിടന്നു ചത്തുകൊള്ളുക’ ഇതു കേട്ടപ്പോള്‍ അവര്‍ ഭയചകിതരായി മാറി. അവര്‍ പറഞ്ഞു:‘ യാ ഇബ്നു ഹളീര്‍, ഞങ്ങള്‍ നിങ്ങളുമായി ഉടമ്പടി ചെയ്തവരണല്ലോ’. ‘ഞങ്ങള്‍ക്കും നിങ്ങള്‍ക്കും ഇടയില്‍ യാതൊരു ഉടമ്പടിയുമില്ല’എന്ന് അദ്ദേഹം അതിനു മറുപടിയും നല്‍കി. ഈ സംഭവത്തെകുറിച്ച് ഇപ്രകാരവും പ്രസ്താവിക്കപ്പെട്ടിട്ടുണ്ട്.]

യഹൂദികളുടെ കോട്ടയെ 25 ദിവസം മുസ്ലിം സേന ഉപരോധിച്ചു. ആ ദിവസങ്ങളില്‍ സഹാബിമാരുടെ ഭക്ഷണം കാരക്കയായിരുന്നു. കോട്ടക്കകത്തു കെണിഞ്ഞ യഹൂദികള്‍ എല്ലാ നിലയിലും വിഷമിച്ചു. ഭയം അവരെ ഗ്രസിച്ചു. ബനൂഖുറൈളക്കാരുടെ നേതാക്കളില്‍ ഒരാളായിരുന്നു ക അബിബ്നു ഉസൈദ്. സംഭവം ഗൌരവമായ ആപത്തിലേക്കു നീങ്ങിത്തുടങ്ങിയപ്പോള്‍ , അയാള്‍ ആ യഹൂദികളോട് ഇപ്രകാരം പറഞ്ഞു:-“യഹൂദരെ, സംഭവം ഈ നിലയിലെത്തിക്കഴിഞ്ഞു. ഇതില്‍നിന്നു രക്ഷ നേടുവാന്‍ മൂന്നു മാര്‍ഗ്ഗങ്ങളാണു ഞാന്‍ കാണുന്നത്. ആ മാര്‍ഗ്ഗങ്ങള്‍ ഞാന്‍ പറയാം; അതില്‍ യുക്തമെന്നു തോന്നുന്ന ഒരു മാര്‍ഗ്ഗം നിങ്ങള്‍ക്കു സ്വീകരിക്കാം.

1. മുഹമ്മദിനെ നബിയായി അംഗീകരിക്കുകയും അദ്ദേഹത്തെ പിന്തുടരുകയും ചെയ്യുക .
ക അബിന്റെ ഈ അഭിപ്രായം അവര്‍ സ്വീകരിച്ചില്ല. തൌറാത്തല്ലാ‍ത്ത മറ്റൊരു മതം തങ്ങള്‍ക്കു സ്വീകാര്യമല്ല എന്നവര്‍ തീര്‍ത്തു പറഞ്ഞു. അപ്പോള്‍ അദ്ദേഹം രണ്ടാമത്തെ മാര്‍ഗ്ഗം അവതരിപ്പിച്ചു.

2. നമ്മുടെ സ്ത്രീകളെയും കുട്ടികളെയും നമ്മുടെ വാളുകള്‍ക്കു തന്നെ ഇരയാക്കാം. അതിനു ശേഷം മൂര്‍ച്ചയുള്ള വാളുകളുമായി അവരെ നേരിടാം. ആ യുദ്ധത്തില്‍ നാം നശിക്കുകയാണെങ്കില്‍ നശിക്കട്ടെ.
ഈ അഭിപ്രായവും അവര്‍ സ്വീകരിച്ചില്ല. നമുക്കു പ്രിയപ്പെട്ടവരെ കൊന്നിട്ടു പിന്നെ നാം എന്തിനു ജീവിക്കണം എന്നതായിരുന്നു അവരില്‍നിന്നുണ്ടായ പ്രതികരണം. ക അബ് മൂന്നാമത്തെ മാര്‍ഗ്ഗവും അവരുടെ മുന്നില്‍ വെച്ചു.

3. നാളെ ശനിയാഴ്ച്ചയണ്. ശനിയാഴ്ച്ച യുദ്ധത്തിനിറങ്ങുമെന്ന് അവര്‍ കരുതുകയില്ല. ആ അവസരം ഉപയോഗപ്പെടുത്തി പെട്ടെന്നു നമുക്കൊരു മിന്നലാക്രമണം നടത്താം. അങ്ങനെ ചെയ്താല്‍ അവരെ തുരത്താന്‍ കഴിഞ്ഞേക്കും.
ഈ അഭിപ്രായവും അവര്‍ സ്വീകരിച്ചില്ല. `ശനിയാഴ്ച്ച തെറ്റു ചെയ്തവര്‍ക്കുണ്ടായ അനുഭവങ്ങള്‍ കേട്ടറിഞ്ഞതു തന്നെ മതി. തങ്ങള്‍ അതിനു തയ്യാറല്ല.` എന്ന് അവര്‍ മറുപടി പറഞ്ഞു. ഈ സന്ദര്‍ഭത്തില്‍ അമ്രിബ്നു സ അദീ എന്ന യഹൂദി മറ്റൊരു അഭിപ്രായം അവരുടെ മുന്നില്‍ വെച്ചു. `അവര്‍ക്കു ജസ്യ എന്ന കപ്പം നല്‍കിക്കൊണ്ട് യഹൂദികളായിത്തന്നെ നമുക്കു ജീവിക്കാം. ` ഈ അഭിപ്രായം അവര്‍ സ്വീകരിക്കുമോ എന്ന് എനിക്കറിഞ്ഞുകൂടാ` എന്നദ്ദേഹം പറഞ്ഞപ്പോള്‍ `അവര്‍ക്കു കപ്പം കൊടുത്തു ജീവിക്കുന്നതിനെക്കാള്‍ നല്ലതു മരിക്കലാണെന്ന് അവര്‍ മറുപടി നല്‍കി.

ഉപരോധം കൊണ്ടു പൊറുതി മുട്ടിയ യഹൂദികള്‍ 25 ദിവസങ്ങള്‍ കഴിഞ്ഞപ്പോള്‍ നബ്ബാശിബ്നു ഖൈസീ എന്ന ആളെ ,മദ്ധ്യസ്ഥനെന്ന നിലയ്ക്കു , തിരുമേനിയുടെ അടുക്കലേക്കയച്ചു. ബനൂ നുളൈര്‍ ഗോത്രം ചെയ്ത പോലെ ,പടയങ്കികളും ആയുധങ്ങളും ഭവനങ്ങളും ഉപേക്ഷിച്ച്, ഓരോ വീട്ടുകാരും ഓരോ ഒട്ടകത്തിന്റെ പുറത്തു ചുമക്കാവുന്ന സാമാനങ്ങളെടുത്ത് നാടു വിട്ടു കൊള്ളാമെന്നും , അതിന്നു തങ്ങളെ അനുവദിക്കണമെന്നും നബ്ബാശ് തിരുമേനിയോടഭ്യര്‍ത്ഥിച്ചു. തിരുമേനി ആ അഭ്യര്‍ത്ഥന സ്വീകരിച്ചില്ല. സാമാനങ്ങളെല്ലാം ഉപേക്ഷിച്ച് വെറും കയ്യോടെ നാടു വിടുവാനെങ്കിലും അനുവദിക്കണമെന്ന് നബ്ബാശ് വീണ്ടും അപേക്ഷിച്ചു. അല്ലാഹുവിന്റെ റസൂലിന്റെ വിധിക്കു വഴങ്ങിക്കൊണ്ട് ഇറങ്ങുവാന്‍ ഇഷ്ടമുണ്ടെങ്കില്‍ മാത്രം കോട്ടയില്‍നിന്നു പുറത്തിറങ്ങിക്കൊള്ളുക എന്നു തിരുമേനി മറുപടി നല്‍കി. നബ്ബാശ് തിരിച്ചു പോയി.

യഹൂദികളുടെ ഭയം മൂര്‍ച്ഛിച്ചു. ജീവന്നു രക്ഷയില്ലെന്ന് അവര്‍ക്കു തോന്നിത്തുടങ്ങി. അപ്പോഴാണ് ഔസ് ഗോത്രക്കാരനായ രിഫാ അതുബ്നു മുന്ദിറുല്‍ അന്‍സാരി യെകുറിച്ച് അവര്‍ക്ക് ഓര്‍മ്മ വന്നത്. അദ്ദേഹം ബനൂ ഖുറൈളക്കാരുടെ സുഹൃത്തും ഇടപാടുകാരനുമായിരുന്നു. അദ്ദേഹത്തിനെ തങ്ങളുടെ അടുത്ത് അയക്കാന്‍ യഹൂദികള്‍ അപേക്ഷിച്ചു. ആ അഭ്യര്‍ത്ഥന അംഗീകരിച്ചുകൊണ്ട് തിരുമേനി അദ്ദേഹത്തെ കോട്ടക്കകത്തയച്ചു കൊടുത്തു. അദ്ദേഹം കോട്ടയ്ക്കകത്തെത്തിയപ്പോള്‍ ,സ്ത്രീകളും കുട്ടികളുമടക്കം യഹൂദികളാകമാനം കരഞ്ഞുകൊണ്ട് അദ്ദേഹത്തെ ചുറ്റിക്കൂടുകയും തങ്ങളെ രക്ഷിപ്പാന്‍ അഭ്യര്‍ത്ഥിക്കുകയും ചെയ്തു. ക അബിബ്നു അസദ് അദ്ദേഹത്തോട് ഇപ്രകാരം പറഞ്ഞു:- “ സ്നേഹിതാ! ഞങ്ങള്‍ കനത്ത അപകടത്തില്‍ പെട്ടിരിക്കുന്നു. ഞങ്ങള്‍ കണ്ണീരില്‍ കുതിര്‍ന്നു നശിച്ചു കൊണ്ടിരിക്കുന്നു. മുഹമ്മദ് ഞങ്ങളെ വിടുന്നില്ലല്ലോ. ഞങ്ങള്‍ ഈ നാടു വിട്ടു പോയിക്കൊള്ളാമെ‍ന്നും ,വെറുംകയ്യോടെ പോയിക്കൊള്ളാമെന്നും മുഹമ്മദിനെ അറിയിച്ചു. മുഹമ്മദ് അനുവദിച്ചില്ല. മുഹമ്മദിന്റെ ആജ്ഞയ്ക്കു വഴങ്ങി കോട്ടക്കു പുറത്തിറങ്ങാന്‍ ഞങ്ങള്‍ക്കു ധൈര്യം പോരാ. താങ്കളുടെ അഭിപ്രായമെന്താണ്? “ഇറങ്ങിക്കൊള്ളുക’ എന്ന് രിഫാ അത് അവരോട് പറഞ്ഞു. അതോടൊപ്പം ഇറങ്ങിയാല്‍ കൊന്നുകളയുമെന്ന് ആംഗ്യം കൊണ്ടു സൂചന നല്‍കുകയും ചെയ്തു. അബൂ ലുബാബത്ത് (റിഫാ അത്ത്) പറയുന്നു:-‘ആംഗ്യം കാണിച്ച കൈ താഴ്ത്തുന്നതിന്നു മുമ്പ് തന്നെ ഞാന്‍ ചെയ്തത് അപകടമാണെന്ന് എനിക്കു മനസ്സിലായി. അല്ലാഹുവോടും റസൂലിനോടും തെറ്റു ചെയ്തുപോയി എന്നു പറഞ്ഞു കണ്ണീരൊഴുക്കിക്കൊണ്ട് ഞാന്‍ കോട്ടയില്‍നിന്നും പുറത്തിറങ്ങി.’ അദ്ദേഹം തിരുമേനിയെ കാണാതെ നേരെ പള്ളിയിലേക്കാണു പോയത്. പള്ളിയിലുള്ള ഒരു തൂണില്‍ അയാള്‍ തന്റെ ശരീരത്തെ ചങ്ങല കൊണ്ടു സ്വയം കെട്ടിയിട്ടു. ഞാന്‍ മരിക്കുന്നതു വരെ ഭക്ഷണവും വെള്ളവും കഴിക്കുകയില്ലെന്നു ശപഥം ചെയ്തു. അങ്ങനെ ആറു ദിവസം കഴിഞ്ഞു. അതിനിടയ്ക്കു അദ്ദേഹത്തിന്റെ അപരാധത്തെ പരാമര്‍ശിച്ചുകൊണ്ട് ആയത്തിറങ്ങി. ദുഖ ഭാരത്താല്‍ പരിക്ഷീണിതനായി അയാള്‍ ബോധം കെട്ടു വീണു. ആ ഘട്ടത്തില്‍ അല്ലാഹു അദ്ദേഹത്തിനു പൊറുത്തു കൊടുത്ത വാര്‍ത്തയുമായി ആയത്തിറങ്ങുകയും ആ സന്തോഷവാര്‍ത്ത തിരുമേനി അദ്ദേഹത്തെ അറിയിക്കുകയും ചെയ്തു. തിരുമേനി തന്നെ അദ്ദേഹത്തെ അഴിച്ചു വിട്ടു. ഞാന്‍ ചെയ്തുപോയ കുറ്റം പൊറുക്കപ്പെടുന്ന പക്ഷം ഈ നടും എന്റെ സ്വത്തുക്കളും ഉപേക്ഷിക്കുമെന്ന് ഞാന്‍ കരുതിയിട്ടുണ്ടെന്നു അദ്ദേഹം തിരുമേനിയെ അറിയിച്ചപ്പോള്‍ ,നിങ്ങളുടെ സ്വത്തിന്റെ മൂന്നിലൊന്നു ദാനം ചെയ്താല്‍ മതിയാകുമെന്ന് തിരുമേനി അദ്ദേഹത്തെ ഉപദേശിച്ചു.

ഗത്യന്തരമില്ലെന്നു വന്നപ്പോള്‍ തിരുമേനിയുടെ വിധിക്കു വഴങ്ങിക്കൊണ്ട് ബനൂഖുറൈളക്കാര്‍ കോട്ട തുറന്നു പുറത്തിറങ്ങി. അവരുടെ എണ്ണം 750 ആയിരുന്നെന്നും 800 ആയിരുന്നെന്നും 900 ആയിരുന്നു എന്നും 1000 എന്നും പക്ഷാന്തരമുണ്ട്. അവരെല്ലാം തന്നെ ബന്ധനസ്ഥരാക്കപ്പെട്ടു. ഖൈനുഖാ അ ഗോത്രക്കാരുമായി സൌഹൃദക്കരാര്‍ ചെയ്തിരുന്ന ഖസ്രജ് ഗോത്രക്കാര്‍ അഭ്യര്‍ത്ഥിച്ചപ്പോള്‍ ,നാടു വിട്ടു പോയിക്കൊള്ളുവാന്‍ ഖൈനുഖാ അ ഗോത്രക്കാര്‍ക്കു താങ്കള്‍ അനുമതി നല്‍കിയ പോലെ ,ഞങ്ങളുമായി സൌഹൃദക്കരാര്‍ നടത്തീട്ടുള്ളവര്‍ക്കും നാടു വിട്ടു പോയിക്കൊള്ളുവാന്‍ താങ്കള്‍ അനുമതി നല്‍കേണമെന്ന് ഔസ് ഗോത്രക്കാര്‍ തിരുമേനിയോട് അഭ്യര്‍ത്ഥിച്ചു. തിരുമേനി ആ അഭ്യര്‍ത്ഥനയും അംഗീകരിച്ചില്ല. “ബനൂ ഖുറൈള ഗോത്രക്കാരുടെ കാര്യത്തില്‍ വിധി നല്‍കുവാന്‍ നിങ്ങളുടെ ഗോത്രക്കാരനായ ഒരാളെ നിയമിക്കുന്നതു നിങ്ങള്‍ക്കു സമ്മതമാണോ?” എന്നു തിരുമേനി ഔസ് ഗോത്രക്കാരോട് ചോദിച്ചു. അങ്ങിനെ ചെയ്യുന്നതു തങ്ങള്‍ക്കു സമ്മതമാണെന്ന് അവര്‍ സമ്മതിച്ചു. സ അദിബ്നു മുആദിനെ നബി തന്നെ അതിനായി തിരഞ്ഞെടുത്തു. സ അദ് ഒരു കുതിരപ്പുറത്ത് ആഗതനായപ്പോള്‍ തിരുമേനി അദ്ദേഹത്തെ ആദരിച്ചുകൊണ്ട് എല്ലാവരും എഴുന്നേറ്റു നില്‍ക്കാന്‍ നിര്‍ദ്ദേശിച്ചു. എല്ലാവരും എഴുന്നേറ്റു. ‘ബനൂഖുറൈളക്കാരുടെ കാര്യത്തില്‍ വിധി നല്‍കുവാന്‍ തിരുമേനി താങ്കളെ നിശ്ചയിച്ചിരിക്കുന്നു ’ എന്ന് സഹാബിമാര്‍ അദ്ദേഹത്തെ അറിയിച്ചു. വിധി നല്‍കുവാന്‍ തിരുമേനി അദ്ദേഹത്തോടാവശ്യപ്പെട്ടു. `വിധി നല്‍കുവാന്‍ അര്‍ഹത അല്ലാഹുവിനും റസൂലിനുമാണെന്ന് സ അദ് പറഞ്ഞപ്പോള്‍ , ‘ഇവരുടെ കാര്യത്തില്‍ താങ്കള്‍ വിധി നല്‍കേണമെന്നാണ് അല്ലാഹുവിന്റെ കല്‍പ്പന’ എന്ന് തിരുമേനി അദ്ദേഹത്തെ അറിയിച്ചു. അപ്പോള്‍ സഹാബിമാരെ അഭിമുഖീകരിച്ചുകൊണ്ട് സ അദ് ചോദിച്ചു:- അല്ലാഹുവിന്റെ കല്‍പ്പനയെ ആദരിച്ചുകൊണ്ട് ഞാന്‍ നിങ്ങളോട് ചോദിക്കുന്നു; ഞാന്‍ പറയുന്ന വിധി നിങ്ങള്‍ക്ക് സ്വീകാര്യമാണോ? അതെ എന്നു സഹാബിമാര്‍ പറഞ്ഞു. പിന്നീട് തിരുമേനി ഇരിക്കുന്ന ഭാഗത്തേക്കു തിരിഞ്ഞ് തിരുമേനിയെ വന്ദിച്ചു കൊണ്ട് തിരുമേനിയുടെ മുഖം നോക്കാതെ അദ്ദേഹം ചോദിച്ചു. ‘ ഇവരെ സംബന്ധിച്ചു ഞാന്‍ നല്‍കുന്ന വിധി ഈ ഭാഗത്ത് ഇരിക്കുന്നവര്‍ക്കും സ്വീകാര്യമാണോ? ‘അതെ’ എന്നു തിരുമേനി പ്രതിവചിച്ചു. അനന്തരം ബനൂഖുറൈളക്കാരെ അഭിമുഖീകരിച്ചുകൊണ്ട് അദ്ദേഹം ചോദിച്ചു:- ‘എന്റെ വിധി നിങ്ങള്‍ക്കും സ്വീകാര്യമാണോ?’ ‘അതെ’ എന്ന് അവരും സമ്മതിച്ചു. അതിനു ശേഷം സ അദ്ബ്നു മുആദ് ഇപ്രകാരം പറഞ്ഞു:- “ഇവരില്‍ പ്രായപൂര്‍ത്തിയായ എല്ലാവരെയും വധിക്കുക; സ്ത്രീകളെയും കുട്ടികളെയും യുദ്ധത്തടവുകാരാക്കി അടിമകളാക്കുക; ഇവരുടെ സ്വത്തുക്കള്‍ കണ്ടു കെട്ടുക. ഇവരുടെ വീടുകള്‍ മുഹാജിര്‍കളായ സഹാബിമാരുടെ വസതികളാക്കുക.” [മുഹാജിര്‍കളും ഞങ്ങളും സഹോദരങ്ങളാണല്ലോ, അവര്‍ക്കു നല്‍കുന്നതു ഞങ്ങള്‍ക്കും നല്‍കേണ്ടതല്ലേ? എന്നു അന്‍സാര്‍കളില്‍ ചിലര്‍ ചോദിച്ചപ്പോള്‍ , അവര്‍ നിങ്ങളെ ആശ്രയിക്കാതെ സ്വയം പര്യാപ്തരാകേണമെന്നാണു ഞാന്‍ ആഗ്രഹിക്കുന്നത് എന്നു സ അദ് മറുപടി പറഞ്ഞു.] അല്ലാഹുവിന്റെ വിധിതന്നെ താങ്കള്‍ വിധിച്ചതെന്നും, കഴിഞ്ഞ രാത്രി ഒരു മലക്ക് ഇതാണ് അല്ലാഹുവിന്റെ വിധിയെന്ന് എന്നെ അറിയിച്ചിട്ടുണ്ടെന്നും തിരുമേനി പറയുകയുണ്ടായി.

പിന്നീട് ബനൂഖുറൈളക്കാരുടെ കോട്ടക്കകത്തുള്ള ആയുധങ്ങളും സ്വത്തുക്കളും കണ്ടെടുപ്പാന്‍ തിരുമേനി കല്‍പ്പിച്ചു. 1500 വാളുകള്‍ , 300 പട്റയങ്കികള്‍ , 2000 ചവളങ്ങള്‍ , 500 പരിചകള്‍ , അനേകം വീട്ടു പാത്രങ്ങള്‍ , ധാരാളം മറ്റു സാധനങ്ങള്‍ , എന്നിവയും ,കുതിരകള്‍ , ഒട്ടകങ്ങള്‍ , ആടുമാടുകള്‍ എന്നിവയും പിടിച്ചെടുത്തു. ഈ വസ്തുക്കള്‍ക്കൊപ്പം യഹൂദികളുടെ ഈത്തപ്പനകളും പിടിച്ചെടുത്തു. ഈ സാധനങ്ങളെയും തടവുകാരെയും ആദ്യം അഞ്ച് ഓഹരികളാക്കി ഭാഗിച്ചു. അതില്‍ തിരുമേനിയുടെ ഹിതാനുസാരം വിനിയോഗിക്കാവുന്ന ഒരോഹരി മാറ്റി വെച്ചു, ശേഷിച്ച നാലോഹരി സഹാബിമാര്‍ക്കു പങ്കിട്ടു കൊടുത്തു. പ്രസ്തുത നാലോഹരി വീണ്ടും 3072 ഓഹരികളായി വിഭജിച്ചുകൊണ്ടാണു സഹാബികള്‍ക്കു വീതിച്ചു നല്‍കിയത്. മുസ്ലിം സേനയുടെ ആകെ എണ്ണം 3000 ആയിരുന്നു. അവരില്‍ 6പേര്‍ അശ്വഭടന്മാരായിരുന്നു. കാലാള്‍ സൈന്യത്തിലുള്ള ഒരു വ്യക്തിക്ക് ഒരോഹരിയും അശ്വഭടന്മാരില്‍ ഒരാള്‍ക്കു മൂന്നോഹരിയുമാണ് യുദ്ധമുതലുകളുടെ വിഹിതനിശ്ചയം.

അതിനു ശേഷം തിരുമേനി മദീനയിലേക്കു തിരിച്ചു. മദീനയുടെ ഹൃദയഭാഗത്ത് കുറേ കുഴികള്‍ കുഴിക്കുവാന്‍ തിരുമേനി കല്‍പ്പിച്ചു. ധാരാളം കുഴികള്‍ ഉണ്ടാക്കപ്പെട്ടു. കൊലശിക്ഷയ്ക്കു വിധിക്കപ്പെട്ടവരെ കൊന്നു കുഴിച്ചുമൂടാനണു ആ കുഴികല്‍ നിര്‍മ്മിക്കപ്പെട്ടത്. തടവുകാര്‍ ആ കുഴികളുടെ അടുത്തേക്കു ഹാജരാക്കപ്പെട്ടു. ഹുയയ്യിബ്നു ഹക്തബിനെ വധിപ്പാനായി ആ കുഴിക്കരികെ കൊണ്ടു വന്നപ്പോള്‍ , അയാളോടു തിരുമേനി ചോദിച്ചു.-‘ഹേ! അല്ലാഹുവിന്റെ ശത്രൂ, ഇപ്പോള്‍ അല്ലാഹു നിങ്ങളെ എനിക്കു വിധേയനാക്കി തന്നില്ലേ?’ ഹുയയ്യ് പറഞ്ഞു: പക്ഷെ ഇനിയും എന്നെ കുറ്റം പരയേണ്ടതില്ല, താങ്കളുടെ അല്ലാഹുവിന്റെ വിധി നടപ്പിലാക്കുന്നതില്‍ എനിക്കു വ്യസനമില്ല.’ വധശിക്ഷ നടപ്പാക്കുവാന്‍ അലി, സുബൈര്‍ എന്നിവര്‍ക്കു പുറമെ ഔസ് ഗോത്രക്കാരില്‍ ചിലരെയും ഏല്‍പ്പിച്ചു. വധശിക്ഷയുടെ കാര്യത്തില്‍ അവര്‍ക്ക് എതിര്‍പ്പില്ലെന്നു തെളിയിക്കാനായിരുന്നു അത്. കൊല്ലപ്പെടേണ്ടവര്‍ മുഴുവന്‍ സന്ധ്യയാകുമ്പോഴേക്കും കൊല്ലപ്പെട്ടു കഴിഞ്ഞു. കൊല്ലപ്പെട്ടവരുടെ എണ്ണം 600നും 700നും ഇടയ്ക്കായിരുന്നു. അവരുടെ ശവങ്ങള്‍ നിറഞ്ഞ കുഴികള്‍ മണ്ണിട്ടു മൂടി. ബയാന എന്ന ഒരു സ്ത്രീയും കൊല്ലപ്പെട്ടു. ഖല്ലാദുബ്നു സൈദിന്റെ ഘാതുകിയായിരുന്നു ആ സ്ത്രീ.

ആയിശ പറയുന്നു:- “ ഞാന്‍ എന്റെ വീട്ടില്‍ ഇരിക്കുകയായിരുന്നു. അല്ലാഹുവിന്റെ റസൂല്‍ ബനൂഖുറൈളക്കാരായ പുരുഷന്മാരെ തകര്‍ത്തു കഴിഞ്ഞിരിക്കുന്നു. അപ്പോള്‍ ആ ഗോത്രക്കാരിയായ ഒരു യുവതി എന്റെ വീട്ടില്‍ കയറിവന്നു. ഉല്ലാസപൂര്‍വ്വം ചിരിച്ചുകൊണ്ട് എന്നോടു സംസാരിച്ചു തുടങ്ങി. ആ സ്ത്രീയുടെ ചിരിയിലും സംസാരത്തിലും സന്തോഷം മുറ്റി നിന്നു. അപ്പോള്‍ പുറത്തു നിന്നു ബയാനാ ബയാനാ എന്നു വിളിക്കുന്നതു കേട്ടു. “എന്നെയാണു വിളിക്കുന്നത്, കൊല്ലാന്‍ വേണ്ടി” എന്നു പറഞ്ഞുകൊണ്ട് അവള്‍‍ പുറത്തേക്കു പോയി. അവള്‍ കൊല്ലപ്പെട്ടു. അടുത്ത നിമിഷത്തില്‍ തന്നെ കൊല്ലുമെന്നുറപ്പായിട്ടും അവള്‍‍ക്കു സന്തോഷത്തോടു കൂടി ചിരിക്കാനും സംസാരിക്കാനും കഴിഞ്ഞതില്‍ ഞാന്‍ അല്‍ഭുതപ്പെട്ടു.

ജാഹിലിയ്യാ കാലത്ത് ഔസ് ഖസ്രജ് ഗോത്രക്കാര്‍ തമ്മില്‍ നടന്ന ബു ആസ് യുദ്ധത്തില്‍ സാബിത്തിനെ കൊലയില്‍നിന്നും മോചിപ്പിച്ച ഒരു കിഴവന്‍ ബനൂഖുറൈളാ ഗോത്രക്കാരോടൊപ്പം ഉണ്ടായിരുന്നു. അയാളുടെ പേര്‍ സുബൈര്‍ എന്നായിരുന്നു. മുസ്ലിങ്ങളുടെ ഇടയില്‍ സാബിത്തിനെ കണ്ടപ്പോള്‍ അയാള്‍ സന്തോഷിച്ചു. ബുആസ് യുദ്ധത്തില്‍ സാബിത്തിന്റെ ജീവന്‍ രക്ഷിച്ച വസ്തുത അയാള്‍ ഓര്‍മ്മിപ്പിച്ചു. ആ ഉപകാരത്തിനു പ്രത്യുപകാരം ചെയ്യാനുള്ള അവസരം ഇതാണെന്നും അയാള്‍ പ്രസ്താവിച്ചു. സാബിത്ത് ഈ വിവരം തിരുമേനിയെ അറിയിച്ചപ്പോള്‍ , സുബൈറിനെ കൊലയില്‍നിന്നും ഒഴിവാക്കിയതായി തിരുമേനി പ്രഖ്യാപിച്ചു. സാബിത് പറയുന്നു:- ‘ഈ വിവരം ഞാന്‍ സുബൈറിനെ അറിയിച്ചപ്പോള്‍ ഭാര്യയെയും മക്കളെയും കൈവെടിഞ്ഞുകൊണ്ട് ഒരു കിഴവന്‍ ജീവിച്ചിരുന്നിട്ടു ഫലമുണ്ടോ?’ എന്നയാള്‍ ചോദിച്ചു. ഈ വിവരം ഞാന്‍ തിരുമേനിയെ അറിയിച്ചപ്പോള്‍ അയാളുടെ ഭാര്യയെയും മക്കളെയും സാബിത്തിന്റെ ഓഹരിയിലേക്കു വിട്ടു തന്നു എന്നു തിരുമേനി പറഞ്ഞു. അവരെ മോചിപ്പിച്ചു സുബൈറിനു നല്‍കാന്‍ ഞാന്‍ തീരുമാനിച്ചു. വിവരം ആയാളെ അറിയിച്ചപ്പോള്‍ , ഞങ്ങളുടെ വീട്ടുകാര്‍ ഹിജാസ്കാരാണ് . അവര്‍ ദരിദ്രരുമാണ്. മുതലില്ലാതെ ജീവിക്കുവാന്‍ കഴിയില്ലല്ലോ എന്നയാള്‍ പറഞ്ഞു. ഈ വിവരം തിരുമേനിയെ അറിയിച്ചപ്പോള്‍ , സുബൈറിന്റെ മുതലും എന്റെ ഓഹരിക്കു വിട്ടു തന്നു. അതും ഞാന്‍ സുബൈറിനു വിട്ടു കൊടുത്തു. അപ്പോള്‍ സുബൈര്‍ എന്നോടു ചോദിച്ചു.- ‘സാബിത്തേ ബനൂഖുറൈളക്കാരുടെ നേതാവായ ക അബ് എവിടെയുണ്ട്?’ അയാള്‍ കൊല്ലപ്പെട്ടുവെന്നു ഞാന്‍ പറഞ്ഞപ്പോള്‍ , നാട്ടുകാരുടെയും അല്ലാത്തവരുടെയും ആത്മസുഹൃത്തായ ഹുയയ്യ് എവിടെ? എന്നും അയാള്‍ ചോദിച്ചു. അയാളും കൊല്ലപ്പെട്ടു എന്നു ഞാന്‍ പറഞ്ഞപ്പോള്‍ ആലംബഹീനരുടെ സഹായിയും നേതാവുമായ അസ്സാല്‍ എവിടെ? എന്നു ചോദിച്ചു. അയാളും കൊല്ലപ്പെട്ടു എന്നു ഞാന്‍ പറഞ്ഞു. ‘ഞങ്ങളുടെ സഭാനാഥന്മാരും പ്രഭുക്കളുമായ അമ്രും ഫരീളത്തും എവിടെ? എന്നു വീണ്ടും അയാള്‍ ചോദിച്ചു. അവരെല്ലാം കൊല്ലപ്പെട്ടു എന്നറിയിച്ചപ്പോള്‍ അയാള്‍ പറഞ്ഞു:-“ അവരെല്ലാം കൊല്ലപ്പെട്ടെങ്കില്‍ , എന്നെയും അവരുടെ കൂടെ നിങ്ങള്‍ അയക്കണം. അതല്ലാത്ത മറ്റൊരു പ്രത്യുപകാരവും ഇനി നിങ്ങളില്‍നിന്നും എനീക്കാവശ്യമില്ല. ഒരു നിമിഷം പോലും കാത്തു നില്‍ക്കാതെ എന്നെയും കൊല്ലുക. എന്നു സുബൈര്‍ എന്നോടാവശ്യപട്ടു. ‘നിങ്ങളെ ഞാന്‍ കൊല്ലുകയില്ല എന്നു ഞാന്‍ പറഞ്ഞു. ആരു കൊന്നാലും തരക്കേടില്ല, എന്റെ സുഹൃത്തുക്കളെ കണ്ടെത്താതെ ഞാന്‍ ഇനി ഒരു നിമിഷം ഇഹലോകത്തു ജീവിച്ചിരിക്കില്ല എന്നു സുബൈര്‍ ശഠിച്ചു. “ സുഹൃത്തുക്കളെ കണ്ടെത്താതെ ജീവിച്ചിരിക്കില്ല ‘ എന്നയാള്‍ പറഞ്ഞതു കേട്ടപ്പോള്‍ “‍നരകത്തില്‍ നീ നിന്റെ സുഹൃത്തുക്കളെ കണ്ടുകൊള്ളും” എന്നു പറഞ്ഞുകൊണ്ട് അബൂബക്കര്‍ സുബൈറിനെ കൊന്നു. സുബൈറിന്റെ ഭാര്യയും മുതലുകളും സാബിത്തിന്റെ ഓഹരിയില്‍ത്തന്നെ എന്നു തിരുമേനി അരുളുകയും ചെയ്തു.”

ബനൂഖുറൈളാ ഗോത്രത്തിലെ തടവുകാരില്‍നിന്നും റൈഹാന എന്ന സ്ത്രീയെ മുഹമ്മദ് സ്വന്തമാക്കി! [അവലംബം- ഇബ്നു ഹിഷാം]

അവരുടെ ഹൃദയങ്ങളില്‍ ഭയം ഇട്ടു കൊണ്ട് ആ മനുഷ്യരെയൊന്നടങ്കം കൂട്ടക്കശാപ്പു ചെയ്യാന്‍ സഹായിച്ച അല്ലാഹുവിന് ആ പാവങ്ങളുടെ ഹൃദയങ്ങളില്‍ ഈമാന്‍ ഇട്ടുകൊടുത്തുകൊണ്ട് ഈ ക്രൂരത ഒഴിവാക്കാന്‍ തോന്നിയില്ല!!

സര്‍വ്വശക്തനായ അല്ലാഹു മഹാതന്ത്രജ്ഞന്‍ കൂടിയായിരുന്നുവല്ലോ!!!